春園街的確可以滿足各食客的需求，要吃什麼有什麼，還要各自各精彩。今次談到新景園，當然是他們的咖哩豬扒飯。

到這店有一個特點，就是外賣平堂食貴，兩者價位竟然可以相差一倍，完全打破了外賣加盒錢的定律。但是外賣要等很久，精明的食客當然會打電話落order，連時間也慳了。

由咖哩的顏色來看，是屬於溫文派，是加了椰汁吧，但是吃下去，又會感覺到陣陣的香辣味慢慢在喉嚨裡滲出來，而咖哩上的薯仔是未炸過的，數量很少，配合咖哩當然無問題。豬扒肯定是主角，豬扒炸過而炸粉很薄，面層的確是香而不膩，油份不多加上咬下去肉質鬆軟，全塊最好吃是有骨的位置，因為較香口，也帶點肥位。不過如果要好吃的話，炸豬扒浸汁太久而變淋就沒有那麼好吃了，所以買完就要快快回公司開餐。(下次問問外賣可否分開咖哩和豬扒飯上。)

精明的我，又用平價來換大滿足。

十月三十日(星期五)

是日專情過來吃咖哩!都算山長水遠呢!由中環搭叮叮到灣仔吃咖哩!
之前看過食評,原來都比較貴,成$50一個咖哩飯!
在儲錢的情況下,老公仔說點都要試一次吧!

幸好很快有位!看到menu食加水都要$2!!!!!!!!
忍辣,唔叫飲品!
我點了個咖哩石班飯:咖哩汁好濃,好惹味,比較辣,所以吃不到辣的朋友最好要叫飲品!
石班新鮮,是炸過的!飯也好
老公點了個咖哩牛腩飯,反而牛腩就比較硬,相比下,叫石班會好吃
還見到有外國人前來幫襯呢

下次要叫咖哩豬扒,因為見到大部份人都是叫豬扒的呢!很大塊

平時食lunch 行過, 外面勁多人等位, 今日落雨, 冇人等, 所以要試一試
一坐低二話不說就同同事 order 一人一個咖喱豬扒飯
環顧四周, 絕大部分人都係食咖喱豬扒飯, 只有一個食咖喱石班飯, 一個食咖喱雞飯
等左大約十分鐘, 終於都有得食喇
第一樣梗係試下塊豬扒啦
新鮮熱辣唔洗講, 一望埋佢, 吉列外層緊貼豬肉, 肉質鮮嫩有光澤, 脂肪分佈均勻, 咬落去外脆內軟, 軟到唔洗用刀切都可以將豬扒分開, 但又不失咬口, 肉汁慢慢滲出黎, 但係唔覺油膩, 仔細dap 真D, 肉汁係甜o既, 係豬扒本身o既甜味
塊豬扒都幾大, 所以食到最後兩啖都會覺得有D膩
不過我想彈下個咖喱, 又唔香, 得個辣, 又唔係辛辣, 冇層次, 唔知想點, 所以我都冇用D汁黎撈飯或者淋上塊豬扒上面, 費時破壞左件事
不過$50.............好似貴左D 喎

星期六晚去演藝睇"聖荷西謀殺案",要早一點食晚飯,但偏偏好遲先出門口,響灣仔地鐵附近,行行下見到新景園,同行者話聽人講咖哩好出名,咖哩豬扒好好味, 一於入去試試

咖哩豬扒飯餐($60)-咖哩豬扒配1碟飯, 油菜,例湯/汽水,豬扒份量都幾大件, 唔好睇少碗咖哩汁好似好稀,重只得1件薯仔,其實其咖哩味好香,而且椰汁味亦唔濃,(我好怕南洋式的咖哩,太多椰汁了), 配上好鬆化的豬扒, 好正!

味菜牛肉飯餐($45,有例湯)-我好喜歡食酸酸的味菜,但這裡的好咸,而牛肉都唔算落左好多梳打粉,有些地方的牛肉真係可以發到味如嚼臘,可惜哩度d味菜超咸,食味大打折扣

笑臉是給那鬆化的豬扒,我覺得豬扒才是主角!因為唔點咖哩都好好味!
服務:地方好細,上菜好快

是日工作閒閒的, 又係時候去遠D食飯. 灣仔的春園街, 出名的食肆不少. 而今次就選擇了這裡馳名的咖喱茶餐廳. 我只知咖喱好, 完全是為咖喱而來.

又是所謂的人龍傳說, 點都要係門口等下, 等..幸好大部份是外賣客, 堂食客就只是等3個..., 對比過外賣價錢同堂食價錢. 原來外賣差不多平一半, 難怪門口滿是外賣客.

地方好細, 好生意的他們又要Maximise capacity, 所以, 位子有點迫夾. 卡位還算好的, 若是中間圓檯的話, 就真的非常辛苦.

我本想叫一個咖喱蝦球飯, 好心的落單姐姐說, 蝦球要68元...那就改要一個豬扒, 而同事就咖喱牛腩飯.

這裡的咖喱, 是一般的港式咖喱, 但味道比較濃郁, 而且辣味沒有搶走應有的咖喱香. 先試咖喱牛腩. 牛腩炆得非常淋, 用此等級既咖喱, 配牛腩是絕對一泡的.

坐底才看得到, 除了咖喱, 豬扒, 也是這裡的名物. 沾了粉再煎的扒, 幸好感覺不油. 不加咖喱汁也非常之有味. 而且份量, 真的非常之巨型, 若是一日一正餐的話, 就應該會剛剛好.

離開回公司時, 同事笑說, 本來是為了食咖喱而來, 食完, 發覺, 豬扒才是這裡的主角.

是日同事想食咖哩,
上openrice度睇下有咩心水咖哩店,
原來近在春園街,
所以決定去試一次

睇左個menu之後,
發現原來堂食係一件好貴既事
既然而家節省緊金錢,
最後.......買外賣!!

我同同事一齊叫個咖哩豬扒,
賣相真係麻麻,
d汁個樣都好怪,
原來內有玄機!!!
d咖哩汁原來好香,
仲有一陣淡淡的椰汁味!!

豬扒仲係脆口,
有好多汁,
睇得出係好新鮮~~~~~~~~~
好食!!!!

非常熱既一日, 冇咩胃口, 同事推介之下, 去左食幾多好評既咖哩豬扒飯。

lunch時間好多人, 所以買左番公司食, 打開飯盒個豬扒飯賣相冇咩特別, 但就好香
豬扒好鬆好脆口, 好多肉汁, 但咬落唔會話一口都係油, (呢下值得加分), 咖喱汁幾香(係港式果隻咖哩, o岩我口味), 但相比起個豬扒就唔係太突出。

又叫阿爸加餸，今次買新景園嘅淨咖哩豬扒，盛惠$50。

咖哩汁分開裝，唔會浸到豬扒都淋晒。
咖哩汁份量好多，一家三口用黎撈飯都足夠。
咖哩汁內還有兩舊大薯仔，已炆得好淋好入味。
咖哩汁味濃好香辣！

豬扒保持一貫水準。
有兩塊豬扒，份量適中。
豬扒炸得非常香脆，外脆內軟。
豬扒肥瘦均勻，最愛近骨位置！
肉質鬆軟，好好味！
脆口豬扒配香辣咖哩，配合得完美無比！

由於在灣仔區工作既關係, 每天都在此區搵食, 有咩新食肆都試暈, 而新景園呢間咁出名又老治號既舖頭, 一個月都會幫襯兩, 三次。

其最出名當然是咖哩豬扒及干牛河, 咖哩豬扒($38) – 有兩大塊豬扒, 好鬆, 完全唔似用鬆肉粉及拍過, 肥瘦適中, 而咖哩就普普通通啦!

至於干牛河, 本人就覺得唔係話特別出色, 又唔係真係話好小, 好少油, 適中啦, 不過不失咁啦!

但就其價錢而言,就較貴, 三十幾蚊一個飯另加杯飲品十零蚊, 加埋成五十幾蚊, 而且地方細, 坐得唔舒服, 一食完就要走人, 以咁既價錢可以去食個扒餐。所以我多數都係買外賣$26

Dined in before, so this time tried their take-outs.

In general, it is half the price, and the choices are either curry, tomato, or sweetcorn, with pork cutlet, fried chicken, or fried fish fillet.
Basically the chicken, pork, fish fillets are crunchy, so it will go well with any of the options.
The only item that is not available for take out is the fried noodles with beef.

The service is apalling for takeout, if you pre-order on the phone, they force you to collect at a specific time, to benefit themselves, so there is a collection batch at certain times.

Secondly dont expect any good phone manners, as soon as your order is through, they end the call imediately, so there is no chance of requesting a collection time to suit you or any additional extra requests that you may want.

Thirdly, on collection, you should becareful how much change they give you, for some bizaare reason, they were adamant, they gave me more change, in which I had to give it back, so I will not be back for a while.

睇開飯啦咁耐...今次係第一次寫食評咋~

事原上星期五, 決定下午請假行書展...因為放工入書展, 一定迫迫迫...所以早D入去了...

好多時搭小巴經過見到呢間舖有好多人係門口排隊,+ 我平時睇開飯啦有介紹, 咁啱我+相公都未食午飯關係, 我就決定同相公食試呢間了...好彩一入去有位啫~

我食了咖哩豬扒飯- $50, 要了半碟白飯, 豬扒很鬆化, 咖哩汁另上, 很香, 帶點辣, 很好.

相公要了咖哩牛腩飯$50, 一樣要半碟白飯, 有4-5舊牛跟, 4舊牛腩, 相公話D牛腩有1-2舊炆太耐了..比較難咬.

總括味道不錯, 但用食午飯價錢相比較貴, 呢個價錢係唔包野飲啊~

今天原本諗往番綽老伯, 點知正午已經滿座, 老細就話嚟新景園. 都好, 反正我也想試試! 我們四個人, 老細話呢度碟頭份量不少, 叫三碟足夠四人分享, 於是叫咗:
咖哩豬扒飯 $50 - 咖哩用細湯碗另上, 碗內只有舊半薯仔, 豬扒跟白飯送上, 好大塊! 我想一個大男人也未必食得哂成碟飯! 豬扒入口熱辣辣, 好腍, 好味! 咖哩好香, 味濃, 吞咗仲有咖哩味留在口內, 足料又惹味! 薯仔火喉煮得啱啱好, 唔軟唔硬!
豉油汁豬扒飯 $50 - 少咗碗咖哩汁, 豬扒和飯的份量一樣, 咁就有d唔抵!
乾炒牛河 $45 - 牛肉好嫩, 入味! 河粉色澤和味道均渾, 比一般茶餐廳好食好多! 河粉乾身, 無也油, 是意料之外咁好食!
以上價錢全是例牌, 無餐嘅, 凍飲每杯$15大元, 灣仔區這價錢算幾貴! 四杯凍飲就已六十蚊了. 最駭人就係送來時發覺凍飲杯勁細, 我估得8安士! size勁細重要收$15蚊咁貴! 的確有d那過.
雖說豬扒和咖哩都好味, 但$50一碟亦都唔平! 反而乾牛河價錢就頗合理!

要在春園街數人龍食店, 除了金鳳和鹵八外, 就要到"新景園"了. 每日午市的時候如常. 來的都是為了兩款撚手佳品 -- 干炒牛河及咖哩豬扒飯. 是日有幸在一點鐘前殺到灣仔, 來到的時候朋友剛剛有位. 是擠了點, 但打算吃完就走, 前後也不過廿分鐘. 忍著吧.

先上的干炒牛河. 每一條粗幼適中的河粉都沾上了豉油. 牛肉很嫩, 亦夠入味的. 洋蔥切成小瓣拌在其中. 有一點點的辛辣和清甜夾雜在內. 好在豉油色濃但味是調得好, 夠鑊氣炒出來的干牛河才有這裡的好. 加上碟底沒有一層油積聚著. 說是招牌菜的確沒錯.

咖哩和豬扒是分開上的. 先來的咖哩汁用碗裝著. 裡面的塊薯仔炆得極腍. 咖哩汁椰香撲鼻. 香甜的椰汁混在香料中煮成濃香的汁. 自然後豬扒桌了.一塊比手掌還大的炸豬扒已經切開成條, 連骨上. 旁邊的白飯堆成了小山狀. 先咬一口豬扒, 肉汁在每一口的香脆和軟熟之中爆發. 配合咖哩汁和飯又是令一種風味. 飯的份量算多的, 可嘗試落單時要求多要咖哩汁來拌飯. 通常是沒有問題的.

新景園的咖哩的確不錯. 但座位少令等候時候較長. 很多時候等30分鐘也未必有位. 要人齊入座. 晚上好像是有小菜的, 有時間的找個晚上來試試.

o係呢度食過幾次...覺得好食o既並唔係佢o既咖哩...而係豬扒...
次次都係為豬扒而去...因為真係好好食,,,
今日亦都唔例外...行去途中仲要超大雨...

點知...今天的豬扒失準了....
唔脆 + "un"...

而且...
咖哩沒有咖哩味...
只有辣....

咖哩豬扒飯 + 可樂 = $60

第一次黎呢間野都食
男朋友一坐低就叫左乾炒牛河
之後我就叫左個咖啡豬扒飯 跟餐(包野飲同菜)

個豬扒真係幾好味
因為同d咖哩分開上 所以d豬扒冇咁易"淋"
而豬扒本身也炸脆了少少 咬落都幾有口感0既

而咖哩普普通通 冇咩特別 但係都幾辣!

至於乾炒牛河男朋友說普普通通冇乜特別
大碟就大碟 但都好多油~~都要45蚊~
冇野飲的~

總括豬扒係好味的!!haha