短短7天的北京歷史學習之旅, 吃過多餐〝八餸一湯白飯任裝〞的大前提下,回港的今天,晚餐是轉口味的時候了!

酥炸軟殼蟹~~蟹不如以前的大隻,幸好入口香脆,炸漿薄身沒有吃粉的感覺
一口薯波~~醮上沙律醬,整粒送到口內,咬破脆的面層後便一口薯泥蓉,很過癮
鍋燒~~麵身軟度恰到好處,賣相吸引,湯頭散發濃郁的醬油香
可樂餅~~沒可樂味的蟹肉可樂餅,蟹肉不像蟹肉,怪怪的很難吃,跟舊址的很大分別,是否轉了師傅?

由上一次食評之後, 間中都有幫襯, 但冇乜特別, 所以冇再寫, 但今次唔寫安樂...............

平時都係星期六兩點左右去食, 但自從搬左新舖之後, 由唔駛等位變左要等幾張, 都唔緊要, 都係10分鐘內的事, 最重要係食物質素差左好多..............

烏冬 -> 之前係非常彈牙, 今次係林哂, 唔知係煮得耐左定係煮好冇人拎出黎, 搞到d烏冬比d湯浸到林咗??? 我仲以為轉左唔係用稻亭烏冬tim~~
配料 -> 由最初有棵菜, 有片日本魚蛋, 到早排冇咗菜同魚蛋, 變成竹筍, 竹筍數量日漸變少, 而往日的半生熟雞蛋, 變成十成熟蛋...........
跟餐壽司 -> 原本好新鮮, 但今次的立魚非常唔新鮮, 顏色有少少變, 好似放左好耐, 剛好經過做壽司的地方, 見d師傅將d魚生放哂响枱面, 應該用先拎出黎嘛, 咁樣好易食痾人架!!!
飲品 -> 平時杯特飲入面有啫喱, 但今次冇咗..........

今次等碗烏冬等到頸都長, 第一碗成8-10分鐘先黎, 黎到都唔係熱辣辣, 第二碗等到15-20分鐘都唔見, 禁鐘叫待應黎, 隔左2-3分鐘先有個女待應行埋黎, 行到埋黎唔係問我地有乜需要, 而係禁停個鐘, 然後想轉身走, 咁我地話仲欠1碗烏冬, 佢竟然反問我係咪未到, 我心諗, 梗係未到啦!! 唔通新order咩?! 我見佢禁下自己部機, 跟住行左去.............隔左5分鐘左右, 有個應該高級少少的男待應問我地有冇欠野食未黎, 跟住佢即刻走入廚房, 拎碗烏冬出黎, 咁好明顯係d人唔知去左邊度忙, 有餸都唔出!!!

服務又差咗, 食物質素又差咗, 都唔明點解仲咁多人幫襯, 而且我聽到好多都係第一次幫襯, 可能呢間野見到人多咗, 所以做差咗!! 我諗我有排都唔會去幫襯住..............

琴日同左d同事去左呢間店試,以前舊店
o既水準都算可以,而且價錢唔貴,有時都
會去食下,但前日食左個魚生飯定食次後,
個觀念要改啦,d魚生飯一d都唔新觧,而且
份量唔多,而且要$51一個,論質素,論價錢,
論環境,冇一方面可以law,仲可以起價起到
咁,真係貴wo!!

早前幾年前已開始幫襯舊店, 尚算ok,
上月去----張chair硬到爆燈,坐左大半個鐘個pat pat 超痛!激死人!不但D野細碟左,個話超人氣--蘋果餅D餡又"林"又難食, 個"雞粥"傑過細路仔食D糊仔,,都唔知佢地D水準係咪甘差,其他野也是一般!!

上星期日再俾多次機會佢,樓下 個"芝"客服務超差, 三位飛比左二人台`的飛,留左一輪D人上曬去,都未到你,奇怪走去睇吓,條友仔才發現,張你再排係三/四台尾,嘩.....出年都未到>>!同佢講佢又話知,同佢理論左一輪,才放台, 還講比早我地優先左!!!~ 不用佢比早~`
根本係佢搞錯一肚火

D食物又不 C進取,個餃子超油,三文魚唔多生鮮.! 至愛的冷面"水汪汪",佢想惦???還有D食具有積"~都唔再去!

今日終於見到張梳化有 "墊肉" 喇~~ 不過張 "肉" 好厚, 坐咗上去之後好高, 所以食野有d辛苦, 要 "烏" 低身, 特別係一d高人就更辛苦, 但起碼唔會坐到pat pat痛.............不過, 背脊都係冇 "墊肉", 真係唔知點解?? 茶記都有啦!!! 點解呢度冇呢??

碗烏冬越來越少配料, 之前講過唔見咗棵菜同日本魚旦, 用筍居代, 今次仍然係唔見, 連之前果d筍都唔見埋, 而家只剩餘半只蛋、海帶、蔥花同粟米..............

真係好唔明白,
明明沙嗲王同江戶前係同1個公司,
點解可以差咁遠

個日同1班fd去tw江戶前食lunch,
見佢新開就去try下,
我同我個fd之前都已經唔係好中2呢間家啦,
不過見佢搬左就try下啦....

點知,
我同我fd2個去到間野,
我地7個人,
佢話我地唔過半數唔入得,
咁我地都明白,
就問佢可唔可以係上面等,
佢又唔出聲wor,
咁我地就去左隔離間萬0去行行,
唔想咁hot,
之後個個人同我地講話我地快d人齊就可以上去,
好似唔想我地走咁,
咁我地都話我地去萬0 1陣返黎,
佢驚死我地走咁,
但又唔比我地係d有冷氣既地方等,
咁即係咁-3-

之後我地人齊,
上到去又未裝修好,
感覺上好似好多麈咁,
好似成班裝修佬食飯
咁佢地帶位,
明明我地7個人,
佢又比6個位我地,
咁我地就要求要多個位啦,
個黑3女人經理開頭唔理我地,
仲叫我地4個人坐sofa,
真係唔明點解可以咁,
d service可以咁差
之後我地3番4次要求佢先用d好唔耐煩既語氣同我地講,
咁今日星期日多客,所地你地咁坐啦...
當我地係咩?
人地係客,我地7個唔係?
咁你不如比1個位我地輪住食啦=3=

咁我地點野食,
佢地見到個mon show左都唔黎,
要我地好似係茶餐廳叫佢先黎,
我地仲要等左成半個鐘以上先有野食
明明諗住13:15開始食,
13:45可以去補習,
點知到13:45仲未有野食,
禁極個制都無人黎,
個黑3經理先最救命,
我地叫佢佢又唔應,
仲要係我地面前中聲呼喝員工,
呢下先o左,
有咩可能係d客人面前大聲話d員工,
成間野即刻cheap晒
仲要收人地加1 服務,
完全無服務可言!!

以後我寧願行遠d去沙嗲王食算...

又黎食lunch, 見到d位依然同上次一樣, 仲未整好?? 仲係雞皮紙包住................

照舊2個烏冬set+2碟刺身.............

烏冬d配菜平時有粟米、日本魚旦、海帶/昆布(總之係綠色物體)、小棠菜、蔥花.............今次竟然冇左小棠菜同日本魚旦, 變左做筍呀!!!!!!! 至憎食筍, 所以未食之前已經夾開掉哂.............d粟米唔知點解次好硬, 好多楂.............

下次都係隔多1-2個月先再去食, 我唔想坐pat pat痛..........

佢係力生果陣都間中去下lunch, 未搬果陣話7月尾搬去而家新舖, 但8月頭都仲係裝修緊, 所以直至9月頭先去幫襯, 但原來仲未搞掂............

又係星期六下午2點左右去食lunch, 未行到去已經見好多人等緊枱, 之前係從來都未試過, 可能而家 新舖就腳d, 好多人又以為係新開的日本餐廳, 所以多咗人食, 不過我最終都係等咗夠10分鐘, 其實我覺得係佢執唔切枱, 因為我都唔係好見有人走, 如果冇人走又點會有位我地坐呢?? 好明顯係有一批客人走咗, 但執唔切枱, 咁就搞到下面好多人等, 造成有好多人食的假象................

上到去一坐低就出事喇~~ 我坐的係卡位, 但竟然連坐墊及背墊都未整好, 坐果度仲係用皮紙包住, 背脊仲係個架, 有冇搞錯!!! 非常之失望, 我短短坐咗半粒鐘, 已經坐到pat pat痛, 唔知係係咪唔想d人坐咁耐.............

講番食物, lunch set依然係果d, 價錢不變, 我地照舊叫2個烏冬set, 再加2碟刺身, 但刺身個menu改咗, 我地食開果d刺身加咗$1, 不過因為想食, 冇計, 都照叫...............

飲品唔夠五分鐘已經到, 烏冬都係遲多少少, 味道都保持水準, 都係咁好食, 可能都係同一班廚師, 不過刺身師傅就唔係好得, d刺身片竟然lai刀, 而今次跟set的壽司又加料, d蝦有蝦屎係面..............

見新開,試下,失望而回！！！
首先來的是炒雜菜,嘩,黑黑的炒雜菜.立刻打晒折扣.
究竟用什麼油來炒的。

跟住是特大三文魚及大子,說真的,只可叫比一般的長,不能稱大,味夠鮮,惜唔夠凍


蟹肉可樂餅
重點的可樂味並不明顥,蟹肉味也是

青螺肉可以但個酒煮湯底唔得

總括來說,若想吃似樣一點的日本野,就別揀這間吧

江戶前以前係力生廣場時，本人都曾經光顧過幾次，但總括既印象都係麻麻，唔太特出既好食，不過不失。但估唔到搬到大河道之後，一反小妹之前既印象。

今日14:00左右出到荃灣，未食ＬＵＮＣＨ，見到呢間新既江戶前，打算食住黎醫肚先。點左個炸豬扒蛋飯，兩件三文魚壽司，跟餐飲荔枝綠茶。

炸豬扒蛋飯：水準同以前相比的話，確實係有進步。熱辣辣的上黎，豬扒面頭上既蛋，我一篤落去，仲有流黃。加埋洋蔥同少少既冬菇，好食啊。
三文魚壽司：應該係新店開張既關係，做緊特價，＄５兩件。味道不過不失啦，以咁價錢，要求都無太多。
荔枝綠茶：或者江戶前唔太著重餐飯吧，這正是其一弱點。飯品底下既JELLY吸唔到上黎，成杯野都淡淡既，無乜味。反而個餐湯（麵鼓湯）比以前好飲左，令小妹驚奇。

最後，講講環境同STAFF。明顯地，呢間江戶前裝修仲未完成，用餐果陣仲見到有師傅量緊野。員工既服務態度比較以前為好，會問人要唔要加水，更加既友善。總括而言，價錢合理，又唔收加一，不失為一個開飯既選擇。新店新開始，如果能改善飯品質素的話，一定有下次。

8月20日（星期四）晚，是晚女友因為工作關係，需要到荃灣走一趟，大約六時左右，我便去接女友收工，然後一起坐地鐵到荃灣。行過千色店，女友覺得有點肚餓便買了三個大判燒來醫肚先。當女友處理於公務後已接近八時，最初打算等到九點吃特價火鍋，於是我們便四處逛逛，行到大河道，見到這間日本料理餐廳。其實女友是晚想吃日本菜，在OR搜尋過也找不到心水餐廳，亦曾看過荃灣有間新開的日本料理，但沒想過在意想不到下的情況找到這裡，既然如此，就試試罷！其實這間餐廳是和沙爹王集團聯營的，所以menu紙和食物選擇都很像沙爹王。店內地方頗大，相信應該可以容納接近約百人，而且有部份地方還未裝修好的；座位全部都是卡位，但坐下時請小心，因為不是梳化和沒有坐墊的。這裡食物的選擇雖然多，但大部份都是迎合港人口味，所以我們祇點了石燒蒜片牛柳粒、八瓜魚粒沙律卷、特長三文魚壽司、特長鰻魚壽司、吞拿魚腩卷和一壺熱清酒。

點完菜不夠五分鐘，最先來的竟然是石燒蒜片牛柳粒。石頭鍋內約有十粒牛柳粒，而且有不少的蒜片、冬菇粒和蔬菜，還有黑椒汁。石頭鍋很熱，當我們把材料攪勻時，不斷地有“吱吱”聲和冒出白煙，有點像吃鐵板餐；牛柳粒是經過化學品處理，肉味當然欠奉，但尚算不韌，而且配以黑椒汁幾惹味！之後各款壽司陸續來到，但賣相絕不美觀，當然也不會期望是手握或正宗的壽司！八瓜魚粒沙律卷的沙律醬很多，但八瓜魚粒卻細粒到幾乎找不到；特長三文魚壽司和特長鰻魚壽司都祇是刺身比平常吃的長些，前者沒甚麼鮮味可言，後者更是瘦的可憐；吞拿魚腩卷則是很一般，沒有特別。當然我對那壺熱清酒更沒有期望，幸好也夠熱。

服務方面很勤快，定時有人添茶，埋單時我按了一次“埋單”制，不消十秒就有職員前來確認。價錢方面是頗便宜，但食物質素很一般，若要求不高的話，這裡應該是個不錯的選擇！