在南記旁邊，有一間打手魚蛋，最近分了堂食部，叫泰靚，裝潢一般，廚房有兩位重量級媽媽坐陣，我想已經容納不到第三人了。

這家可選擇的只有寥寥幾款。有海南雞、黑水鵝、脆腩肉、豬頸肉、打手白魚蛋等，雙拼同價。配有泰式粉、河粉、米粉和米線。

第一次點了海南雞拼打手白魚蛋泰式粉。泰式粉就是金邊粉，沒有浸淋但有點結成一團，湯底有蘿白，煮得很入味，也下了很多牙菜，還送上豬紅呢。打手白魚蛋幾大粒，口感彈牙，也有魚味，不錯。海南雞的雞皮一般滑，雞肉肉質較鞋，海南雞雞油幾多，放湯就令湯底很油。

第二次點了脆腩肉拼黑水鵝。脆腩肉帶有鹹香，這種香味就如鹹魚，幾鹹也會覺得正。皮位真是脆口，只是放在湯，很快就會淋，建議一上碟先吃皮。黑水鴨就是鹵水鴨，比較港式的，其實這店又做得著實不差，當然鹵八鵝的好味一點。第二次又是吃泰粉，再沒有結成一團了。

第一次吃的本想給ok 了，見第二次算是不錯，笑臉就俾啦。

閏五月十七‧炎熱

以前的粥店，現在換上了泰式粉麵店，門前賣燒烤的，一旁還有包裝的酸辣鳳爪賣，看樣子幾正宗。天時暑熱，進來吃個冬蔭公湯河，讓酸辣的味道去提提胃口，正好。

這裡店子不大，只有十來個座位。看見牆上撼放不少泰式調味品，也知這裡照計差極有譜。主力供應粉麵及其他泰式小吃，餐牌很簡單的，只幾款選擇。就要了個脆腩肉併黑水鵝，要冬蔭公湯底及泰式河粉。

就在等河粉的同時，去了門口的串燒檔口，看看有什麼好吃的。這裡的串燒，也只是豬牛雞及雞翼等等，唯獨是有兩味幾特別的，就是燒腐皮及燒臘腸，也要了來試試。

河粉先來，說是冬蔭公湯底的話，就不太及格；燒脆腩皮很脆，鵝肉是正常的味道，而河粉可以淥得好一點。

串燒來到，燒腐皮很好吃，燒臘腸當然也不錯，令人一吃就想起喝啤酒。

飲品選了龍眼冰，夠冰又清甜，真的有不少龍眼在內的，是消暑佳品。

埋單51蚊，吃得飽飽。說是很好，說不上，但作為地道便宜的泰式河粉店，是可以的。

想看食物相片及足本食評，請參考以下網誌：

http://gourmetkc.blogspot.com/2009/09/blog-post_21.html

食厭了南記決定轉轉口味試這間泰式粉麵

這裡晚上門口會變為賣串燒, 不少途人幫襯. 之前都幫襯過, 幾好. 個汁好好味.

今晚食海南雞魚蛋河粉. 個河粉附送蘿蔔和豬紅. 唔錯, 幾好味. 雞不會煮得過熟, 保持到雞味. 魚蛋也彈牙. 龍眼水也好飲.

不過個人認為串燒"正"d

7/9/2009

今晚一人收工後, 都有點肚子餓, 都想了好久, 食粥?食車仔?食細蓉?都不是好想去食這些, 真是好想試下新食品!!因為我每晚等車都會必經摩理臣山道, 見到一間店舖都開著好光猛的燈火, 在黑暗的街道上特別顯見!也看見"手打魚蛋"的招牌, 真是手打魚蛋嗎?我真是不想再錯過時機, 滿足下自己的好奇心!!

我的宵夜今天就食手打魚蛋啦!!當我走近店外, 門口的店員正燒烤串燒, 看來都真是好野味, 有雞翅膀, 豬頸肉, 生腸, 司華力腸等等, 真是好香呀!!牆上都貼滿湯粉的菜單, 手打魚蛋的餐單, 開放式的水吧都放了不少寫上泰文的椰奶, 醬汁等..., 完來這間是食thai food!!(因為入來時不知店名), 每張枱都有紙仔給客人寫上所要的食品, 主要都是賣湯粉&串燒, 湯粉可以選擇兩款食物, 首要當然食手打魚蛋, 招牌菜woh!!, 之後再點多一款, "多墨墨魚丸"是什麼?白色or黑色?就決定order 它, 再order泰粉, 起初我都不知道什麼叫泰粉, 當我詢問店員時, 她們都好nice地回答我, 完來是金邊粉!!之後再order了一杯椰汁冰(另加$4)

當我正等待我的湯粉,我正留意店員的言語之間, 真是懂泰語, 真是泰國人, 我都好驚喜!!不知道這間店舖是泰國人開嗎?哈哈...我的好奇心又來了, 地方都不是好大, 大約都是7-8張枱, 可以看到開放式的kitchen, 之後的宵夜終於到了, 裡面有芽菜, 有豬紅, 有我order的手打白魚蛋&多墨墨魚丸, 一開始食的當然是手打白魚蛋, 當我咬的第一口, 哇哇!!真是好鬼彈牙, 我從未食過那麼彈牙爽口的白魚蛋, 好好食, 魚味濃, 不知道彈落地會再彈番上來嗎?我都是開玩笑,再食多墨墨魚丸,我心裡又哇一聲, 好好味, 墨魚味好濃, 都是好爽, 墨魚味好鮮味, 夾落那兩款丸都不會好硬, 真是要讚美它!!

之後有位店員好有笑容地問我好不好食!!我真是不禁向她say "so good!! " 我指出了唯一有點要改善的是個清湯底略帶鹹了少少, 她都好樂意接受了我的意見!!今天真是好滿足的一餐!!

當我離開店時, 都不少宵夜客都是外賣串燒, 剛我正食宵夜時, 坐我後面那4-5個客都是食串燒和飲椰青, 下次來我都要試下食串燒!!而且價錢都好resonable!!

依間泰麵都已經開咗一排
我都已經係第二次去幫襯
頭一次去係食串燒...啲嘢都算幾好味
最搞鬼係佢哋連乳豬都有得燒
做串燒做到咁...我諗佢哋都係香港首創
今次再去試吓佢哋主打嘅泰粉
啲泰式咸豬肉最值得推介
比啲湯浸過...食到最尾都依然係咁爽脆
仲有佢哋嘅冬陰公湯底好夠味
唔叫嘅話簡直係晒咗碗泰粉
食完之後飲返杯龍眼冰...真係正呀!!
有機會一定會再去試~

呢個鋪位前身好似係間車仔麵, 執咗笠後變咗呢間泰式粉麵
之前見同事食過, 好似幾好味咁, 今日終於嘗咗
泰式粉麵有10個餸揀, 單雙併同價, 咁梗係雙併試多樣啦
我要左脆腩肉 + 豬頸肉 + 泰粉 (我諗其實應該係我地叫o既金邊粉)
同事要咗海南雞 + 黑水鴨 + 河粉
脆腩肉就算浸咗湯都仲好脆, 不過略咸, 豬頸肉一般, 切得好薄, 個味冇咩特別
同事個海南雞ok, 幾滑, 不過個黑水鴨好多骨
碗粉幾好食, 有好多芽菜, 好爽
泰式粉麵$25, 可以加$4要埋特式飲品, 有龍眼冰, 椰汁冰同青檸冰

另外值得一提係, 呢度除咗泰式粉麵, 仲有好多串燒
唔同出面食開得豬牛雞, 呢度有串乳豬同燒肉, 幾特別, 不過要成$20串, 都幾貴
燒雞翼ok大隻, $12一隻
我見到有一對男女淨係食呢啲串燒都食咗三舊水, 睇到我O晒咀