星期日去旺角士德褔酒店食自助早午合併自助餐，因為十一點就有得食都幾好。
今次巳是第三次光顧，不過今次加價、餐廳的環境不算大但也舒適，檯就密。
食物方面：冷盤有：生蠔、青口、什錦壽司、火腿、煙鴨胸、日式冷麵、
熱食有：炸薯餅、炸三文魚、炒飯、炒麵、燒牛肉、芝士焗薯。
豬頸肉炒什菜、啤酒牛肉、多款中式點心、叉燒包、糯米雞。
甜品有：豆腐花、涼粉、蕃薯糖水、格仔餅、香蕉班戟、多款蛋糕、雪糕。
即煮有：煎蛋、煎鶉烈、自選生滾粥。
其他有：中湯、什菜湯、沙律。
食物味道： 燒牛肉過得去、青口有鮮味、炸薯餅。
其他食物味道都是一般，無什麼特別好味的菜式，熱食款式不多但補充很快，生蠔也不段補充。
當日全場九成滿，作為中西合碧的早午合併自助餐，要求不高者都算可以。

熱葷款式奇少，無味又淡，炒瓜炒肉片似醫院伙食餐單，若有得揀，送佢十個彈。

食到眼坦坦！誓死一定不會再復返！自問要求一向簡單，但此間的惡哽法叫人喊。

上述用辭稍見尖刻，衰在不信前人食評，試完後悔難翻！假期的興緻大減。

同區來說，不如去太子的「維景酒店」「雅敍閣餐廳」，價錢相約，人家各方面的質素高很多很多班！

今日去了食這裡的自助餐
因為以酒店的自助餐來說這裡實在是幾平
以下是我的少少分享

海鮮燒烤：
很惹味，有多春魚、蝦、青口、豬頸肉、金菇煙肉卷，我吃了很多的多春魚，因為燒得很脆很好吃

海鮮/刺身：
雖然生蠔不是太大隻，但勝在夠新鮮；刺生有三文魚、吞拿魚、八爪魚，我個人不喜歡吞拿魚，所以只吃了三文魚及八爪魚，都蠻好吃的，另外翡翠螺非常有咬口，但青口就不是太好吃

鹵水拼盤：
鴨腎非常好吃，牛展也不錯，另外好像有豬肚及蛋之類，其他忘記了

沙律吧：
有多款材料，是自助的形式，我選了車厘茄、粟米粒、珍珠筍、紅腰豆、白菌，配以沙律醬，很好吃呀

熱盤：
有辣辣雞扒、白酒花甲蜆、保雲蘇羊扒、蕃茄芝士魚柳、啤酒牛腩、沙拉骨、炒飯、薯仔等等，味道其實不錯，但款式太少，如果可以每次出不同食物就實在太好了

甜品：
有意大利芝士餅、非常滑的豆腐花、法式燉蛋、黑森林蛋糕、木糠布甸，連冷門的涼粉也有；不可不提梳乎厘，真是超絕好吃，但略甜；另外還有亞拉斯加焗雪山，大廚會即席燒的，內裡的是三色雲糕

這間餐廳每位客人送一份芝士海鮮焗扇貝
內裡好像有蝦肉、青口肉及扇貝肉
上面有一層厚厚的芝士
味道不錯

本來是去帝京食因無位, 路過先入這間.
首先本身環境一般, 食物完全唔掂選擇又少, 見到熱盤沒有一樣是我想吃的.
生菜發黃, 薑腊唔香, 扇貝冇乜味, 梳乎里好水.....
生蠔盤從未見過有生蠔, 要我們投訢後才慢慢refill,
好多食物refill速度慢得可怕,
從未試過食Buffet沒有飽肚我感覺.
如果要每位$180食這樣的Buffet, 我寧願加$100去其他酒店食好過.

p.s. 有位仕應叫我們俾意見改善質素, 希望佢好好改善一下.

之前去過呢間餐廳食過幾次，咁岩gathering又諗唔到去邊好所以就再去試下，見openrice有coupon所以拿拿臨印臨去用先！去到都未夠6:30pm所以周圍睇下有乜食，見到佢地張buffet table同之前我去既時侯setting唔同，而家可以放既野食更多，great！終於開始食啦，我首先食冷盤，食左sashimi、鮮蝦香芒杯、自選salad、煙魚批、蜜瓜火腿、鹵水拼盤、煙三文同鴨胸，仲有中華沙律、八爪魚同螺肉；之後食熱野，食左波菜海鮮千層麵、薯茸龍利柳、牛仔腸、釀茄子、茄汁牛利、芝士焗扇貝、蘿蔔牛腩；甜品就食左tiramisu、黑森林、木糠布甸、豆腐花、pancake、梳乎厘；佢地有個攤檔係有個chef即製燒烤，我食左多春魚、蝦、八爪魚，仲有即切羊脾，另外仲有即製香草茄汁青口煮花甲蜆，不過我無食；最後一提佢地每人會送個酥皮海鮮湯，雖則係送，不過唔媽夫架，湯好濃同酥皮好香好脆，正！

其實今次係我第二次去架la, 第一次去印象嘛嘛, 生蠔大隻但refill速度慢, d甜品又唔多wor..得個梳乎厘好食。今次見仲係咁平咪去多次囉, 點知原來多左幾多野bor, 又有火燄雪山,唔知乜野拉麵(有少少炸雞既),荷葉飯同冬瓜盅等等啦。

今次去到覺得個服務好左, 生蠔refill速度快左, 甜品多左個雪山同d中式糕點如桂花糕or馬豆糕。最值得推介既係魚柳卷同埋三文魚刺身!仲有呀!就係送個個焗大蝦,外脆內軟,有少少芒果汁,正爆!但係環境同之前一樣,迫左少少同埋冷氣唔夠(尤其係窗邊位)。

睇過openrice呢到d comment, 於是就同家人決定去試下呢間酒店既自助餐啦! 一睇八月份個主題係水果海鮮國際美食自助餐都覺得幾特別,於是打去問下咩黎既,原來係d熱盤以水果配製。咁岩又見到有coupon喎, download埋就去左食la!

六點半開始食, 我地即刻去拎生蠔,三文魚刺身呢d貴野啦....仲以為呢間野同其他地方一樣..refill唔快,但生蠔都refill幾快wo,但refill數量唔多lo!我見到大排檔好似有d野食wo…咩脆炸雞球拉麵超正…好有日本拉麵風格。仲有海鮮BBQ勁香,當然整番幾件啦..但可惜個粟米條冇牛油..唔係都幾好味既!燒羊脾唔知係我同家人唔like啦…見到入面仲係紅紅地既,係佢地既特色定真係未熟呢? 如果全熟就好了!!哈!!

熱盤方面,我最鐘意個魚柳卷..食到我唔停咁拎…個汁好特別,唔知點形容呢!仲有士多啤梨骨,士多啤梨就食過,士多啤梨骨就未啦。咁我試下啦,原來有d甜甜酸酸既感覺,食落有少少士多啤梨味, ok既!

到左七點半, 有個服務員同我地講會有火焰雪山…聽到我o哂嘴,咁既價錢都有呢d野既!到左八點十五分到, 有個大廚出黎倒火落個雪山…勁靚,之後就排隊拎啦…外層食落有少少酒味,入面就有層薄cake同三層雪糕! 我地食吓其他甜品la, 個cheese cake都OK既..但個黑森林一般。最好味就係梳乎厘同埋個法式燉蛋,入口鬆化!

OVERALL黎講..價錢$200有找,款式都勉勉強強夠ß可能地方細, 食物質素ok。但環境方面, 出入有d難, 枱同枱之間有d逼..同埋個冷氣唔夠lo。服務方面都幾好, 個個都有笑容。下次有機會都會再試既, 希望下次再有驚喜啦!!

好耐冇去過,見咁扺咪同兩個仔去囉! 環境一般食物種類也不算多,竟然有生蠔食,重上咗好多次,我都攞到幾隻食!不過d蠔就瘦咗d,咁平都ok喇!有燒牛肉,青口,熱盤8款,生滾粥,(無魚生)只有蛋壽司n冷麪,豆腐花幾好食,dessert 麻麻,生果得兩款西瓜n哈密瓜! 總括嚟講味道一般,服務好好,但係我細仔冇嘜嘢啱食!不過大熱天時入去hei 返兩粒鐘都好.

見到介紹午餐咁平, 今日一於試下:

燒牛肉: 唔係好腍.....麻麻哋
生蠔: 咁OK LA, 又出得幾密
煙三文魚: 見過一次....比啲人攞哂....之后冇出
甜品: 都幾好食....豆花

食物唔算好多款, 但係都OK LA, 80蚊一位, 會再去食...

見到酒店樓下有COUPON派, 攞左張, 發覺有額外5% DISCOUNT, 200蚊一個人唔駛, 又見到話有生蠔, 刺身食, 咪膽粗粗試下佢地個夜晚囉~ 點知又唔錯WOR

六點半開始食, 同朋友仔六點九去到, 都幾多人WOR. 一坐低, 專攻生蠔, 青口, 翡翠螺 同埋刺身, 又OK WOR, 當然, 唔係話最靚最靚LA, 但起碼新鮮, $200 蚊唔駛有咁既貨色, 都收貨LA~ 雖然每次出得10 幾隻, 但REFILL 得夠快.

跟住再食冷盤, 都OK, 有個沙律BAR, 不過D 料唔係話好名貴…有少少DISAPPOINTED…. 不過都有煙鴨胸補番數

食到咁上下, 再食下熱盤, 大概8 款到LA, 有牛腩, 有D炒飯, 相信都係用黎飽肚之用, 不過不失

跟住就試左果個即場海鮮燒烤, 食左燒蝦, 幾好味, 跟住試埋果個煙肉青口卷 同菠蘿串, 幾好食

食到一半, 餐廰送左個焗扇貝, 話係用荔枝白酒汁整, 扇貝幾新鮮, 不過又好似有咩白酒味WOR~ 算LA, 既然係送既, 當係人地既誠意

最後食埋佢地既甜品, 當然, 有芝士餅, 黑森林蛋糕, 都唔錯, 不過比起文華既CHEESE CAKE 仲有一段距離...不過咁既價錢, OK LA~ 仲有5,6 款既CAKE 仔, 賣相就幾精緻, 食落一般LA
最特別既係竟然有中式甜品好似桂花糕同豆腐花, 雖然唔係咩貴野, 但都幾有HEART, 唔會一味得西式甜品

順便一提, 餐廰有免費啤酒任飲, 不過係金威….如果係嘉士伯我會開心D~HAHA
其實仲有台式特飲..但我估呢D 都係留番俾D 細路吧~

總括黎講, 食物中上, 比上(YAMM 同 TODAI) 不足, 但一定比下有餘, 200 唔駛, 咁多野食, 抵~

至於服務, 見到都幾多TRAINEE, 都夠人手, 所以收碟夠快手, 同埋都OK 有笑容.

環境就爭D D 啦… 坐係坐得舒服, 但枱同枱之間都真係有少少逼, 隔離稍唯大聲D 講野都會聽到佢地講咩…希望下次黎唔會咁多人HEE, 咁成個環境就唔會咁嘈, 舒服好多~ 同埋無咩景...雖然係坐WINDOW位, 但都係得D 樓景... 比起GRAND HYATT 既 TIFFIN LOUNGE...就真係……. 不過, 我黎食野既..唔係睇景~ 算LA

睇到枱上既宣傳CARD, 見LUNCH 好似都幾抵, 都有生蠔同燒牛肉食..係無刺身, 但好似80 蚊唔駛....又好似係好抵WOR, 下次走上黎食個QUICK　LUNCH, 反正係旺角求其一間餐廰食飯價錢都咁上下LA~

今天我到了這裡食自助午餐, 食物不錯, 環境同服務都不俗

生蠔: 尚算新鮮, 但咯嫌出得比較慢同每次出的數目不算太多, 但同了待應講後, 佢地都即刻通知廚房, 跟住出生蠔的次數明顯多左

壽司: 只是普通貨色, 未能滿足我既需要, 希望佢地可以多加入一些款式, 例如: 蟹子壽司, 成本不高郤能使客人更開心同滿意

燒牛肉: 因為我唔食牛肉...但原來餐廰係會供應燒羊肉, 但只係出左一次, 個人認為餐廰應該一次出牛一次出羊, 皆因都有幾多人好似我咁唔食牛

冷盤: 有煙文魚食...但一出就係一個啊叔攞晒黎食, 得番D煙鴨胸..之後又唔係太REFILL…扣分!

熱盤: 不俗, 但無驚喜, 大路貨色

甜品: 味道都可以, 但嫌款式少了一些, 出黎出去都係果幾款. 而且見不到我最喜歡的TIRAMISU 有點美中不足 希望酒店可以係呢方面作出改善, 加入綿花糖也不錯~

飲品: 熱飲可以係出面自己整, 但天氣咁熱…想飲凍飲, 但細問下, 只包一杯凍飲….安排欠妥善

價錢: 80 蚊, 抵就抵既, 但始終將貨就價…不過都會有下次

呢間餐廰食過午餐, 今日黎試晚餐

冷盤:
食左幾隻生蠔同青口,但個人認為, 做得海鮮主題, 起碼都應該有蟹食,因為我對蟹情有獨終.

壽司:
壽司飯硬過頭, 同埋溫度有點兒太冷, 我估計應該放過落雪櫃保鮮

甜品:
味道可以接受, 但款式真係少左啲. 反而令我好有驚喜係果個阿拉斯加焗雪山, 出到去攞時, 真係會點火整著個蛋糕俾你睇, 視覺享受很好, 味道都ok. 希望下次黎可以有另外一樣特式甜品, 始終有驚喜會開心好多, 而且有soufflé, pancake 都不錯, 但同一問題, 配料款式唔夠. 但我唔明白點解本身有鮮果拼盤, 仲要放d 鮮果粒…有點兒那個…最後, 生果得三種, 無辦法滿足主攻甜品的我

野飲:
有啤酒任飲, 同埋所謂既台式特飲, 但得2 款…大路野如果汁都唔見有, 要改善.

環境:
呢方面真係要作出改善, 因為個串燒係即場整, 但由於抽風設備不足, 間餐廰充滿油煙味, 初頭因為肚餓, 所以聞落都幾香, 但食飽之後, 仲係聞到呢陣味, 反而會有少少想嘔的感覺, 希望酒店可以作出呢方面既改善, 起碼都開大少少個冷氣, 等空氣流通啲

用左coupon, 200蚊有找, 過得去

身為消費者我覺得吾好味係要講, 好味既就要開口讚
呢間德福閣比我既印象就係細得黎譜 , 冷氣吾夠 , 位與位之間迫之餘..仲要比人夾囉 , 唉...都算喇 , 第二D酒店BUFFET都無話一定SET死6點半就6點半先可以拎野食 , 但呢間真係好例外 , 真係等到佢6點半先叫人出去拎野食 , 由我坐個個位行20步..已經可以行完整個野食區, 剌身係切定再REFILL既 , 都OK既開頭 , 但多左人之後 , 就得返好少可以夾喇 , 熱盤我更加吾想講 , 唉..得個5-6樣 , LUNCH BUFFET都吾會得咁少野食掛 , 菜心 , 西蘭花炒菇 , 有咖喱 , 有炒飯 , 有咕嚕魚..印象好似得咁多 , 重出都係出返個D野 , 豬腳薑吾好食 , 生蠔好細隻 , 連甜品區更加吾想講 , 得個焦糖布丁OK , 但係好甜 , 仲話以生果做主題 , 得西瓜同哈蜜瓜咋喎 , 咁都得 , 係咪有D呃人呀 , 以$200咁既價錢 , 我覺得吾值囉 , 真係寧願食其他野好過食呢到

不過如果講服務 , 就可以接受既 , 如果怕熱既人真係吾好去 , 因為我同隔離枱都要一路食 一路撥風

今日同埋朋友仔出旺角食飯午餐, 之前見到openrice 有優惠卷, 自己突然想食自助餐, 但學生哥又無咩錢, 求其搵間平平地, 就搵左呢間. 本身今個月優惠, 有85 折,盛惠$83.6 但用埋張openrice 果張野, 額外多5 % discount, 最後連加一 $79.2~ 80蚊有找, 啱晒我呢啲貧苦學生.

早左10 分鐘上黎, 11 點10 到, 順利成為第一枱客, 跟住陸續有客黎到, 12 點侍應通知開始, 即刻衝左去攞生蠔....因為我對青口麻麻地, 唯有食多幾隻生蠔補番數. 又的而且幾新鮮. 可能今日客人唔多,細路又多, 所以buffet枱上d生蠔總唔會清晒, 算得上自助餐難得一見.

沙律:夾左d 生菜, 仲加左其他配料好似栗米, 青瓜, 最後加埋個千島汁同落埋芝士粉, 白芝麻, 咁整法又真係幾好食, 我總共食左兩次.
冷盤: 没有什麼睇頭, 食了幾塊煙三文魚同鴨胸就收手, 始終對冷盤興趣唔係太大.
壽司: 都係普通野, 蛋壽司之類, 問左侍應, 佢地話夜晚先有刺身, 有啲失望
熱盤: 又係普通野, 炒飯, 炒面, 菜, 炸野之類, 係咁易食左少少頂下肚就算
甜品: 有三個蛋糕同大概六款, 不過略嫌refill 得唔夠快, 餐廰見到多細絡, 應該知佢啲蛋糕清得會好快. 不過, 都有抵讚地方, 甜品味道不錯, 尤其果個蘋果酥, 雖然賣相一般但好有蘋果味, 唔係一味死甜. 同埋有一個甜品係用個glass杯裝住, 有條朱古力繞上黎, 算有創意. 其他甜品都係average.

一點過後, 有夾餅同班戟食, 夾餅就麻麻, 呢啲始終係街上野食, 酒店好難整得好食過佢地. 班戟反而有水準, 加上師傳都好熟手, 唔會爛,漏晒啲水果出黎. 師傅一路整, 朋友幫手'筆'雪糕, 跟住一齊番去撈埋黎食, 熱的班戟加上凍的雪糕, 好配合, 好味. 不過, 都係同一個問題, 太多細路, 又係要排隊.

環境: 唔係太喜歡佢地個電視播住有線新聞, 變左好似茶餐廰感覺, 個人認為播音樂會比較好, 始終係酒店餐廰
服務: 中上, 始終係酒店, 應有既水準. 都算attentive 同helpful (可能當日比較少人)
抵食: 幾抵食, 2 個人160蚊(連埋個幾tips) 有生蠔, 燒牛肉食, 算係咁, 一定會再黎.

原本係為左平先來食buffet，但原來都有幾多野食架bor

首先大人有啤酒任飲，小朋友就可以選擇飲台式飲品，有d五星級酒店食buffet任飲都要加$啦

另外有即燒既BBQ燒烤，例如雞翼、多春魚、蝦等等，真係燒得又香又脆

生蠔賣相都ok同幾大隻，又夠新鮮，青口、凍蝦同翡翠螺又好好味，d翡翠螺幾彈牙

刺身就有三文魚、八爪魚同吞拿魚，食落都ok既，不過如果有多d款會更好

甜品最正既就係即製梳乎里同pancake，豆腐花又夠滑，木糠布甸又夠地道，
另外仲有黑森林蛋糕，New York Cheese Cake，雪糕…全部都ok

熱盤就普通d啦，不過森巴醬焗青口同紅酒燴牛腩就好好味

我覺得今次絕對值回票價，因為用了coupon有八折所以非常抵食，有咁多野食下次一定會再去