已經留意左好耐有台灣夜市必食ITEM登錄香港
不過始終未有機會試.....
今日終於一嘗心願............成功啦~
試左LEE間都有唔少分店O既阿升麵線

麵線, MUST試item, 味道唔錯, 有d同台灣阿宗麵線相似!!! 不過內裡o既用料就當然有差別..............但可以解決miss 台灣o既苦況~~~

鹽酥雞~~~ 有不同辣度選擇.....我個人覺得ok, 因為夠香口有調味已經可以滿足我, 不過男友話同台灣o既仲差好遠, 其實都同意o既.....不過新鮮熱辣都加左唔少分

珍珠奶茶.........$6咁大杯really好抵, 而且味道幾好, 係甜左少少, 不過接受到

下次要試埋鹽酥菇~~~ 正~~~ yummy!!!!

點解最終我只係俾OK???
因為食物除左味道之外
仲要有其他野配合:
進食環境、衛生、服務....

進食環境: 差, 又迫又要企.....不如唔安排食客堂食啦~
衛生: 簡直恐怖.............店員只係敷衍咁執左枱面前食客留低O既殘渣...........完全冇意識要抹枱.............真係不堪不目~~~完全冇衛生意識
服務:還可以, 不過可以做得更好.......因為佢地冇用心去聆聽顧客需要......做到有D趕客!!!

試左台灣花枝..好似第1次食..
原來係墨魚丸..只係表面有層口感唔同 脆d既皮姐..沈左d類似胡椒既粉落去..麻麻地..10$黎講太貴..
人夠多..亦夠闊..但見有d游手好閒

經過見到亞升. e,幾好wor.
有埋位俾人企係入面係!
唔係係街出面又阻住其實人.

因為口痕痕.係面又太飽.
就決定食-香酥蚵仔(細)

原來仲有得choose大中小辣.
要左中辣!

食落d蚵仔好juicy.哈哈.唔會話太油,都可接受.
但中辣都唔辣-3-
下次會再食其他野! 呢個可以1試!

今日行行下旺角有d肚餓, 就入左去試下,
叫左大腸面線食,(staff 話果到得大腸面線食, 冇其他味揀)
唉.成個面都冇香味, 最重要係, d 配菜辣到跟本食唔落去
唔落又冇味, 落又辣到食唔到

我去完台灣返黎冇奈, 食左好多次阿宗面線因為太好多味,
我都知唔可以同台灣既比,
但呢間真係.....如果有去過台灣食過阿宗既人我都唔建議佢去呢到
因為真係唔掂擋....
佢一碗$14, 咁我不如去茶記食碗粉仲好

見到家樂對面開左好多小食店同飲品店，

見到呢間阿升麵線感覺幾乾淨諗住試下．

叫左台式花枝丸，１０蚊４粒

一擺入口，鹹到飛起，吐番出黎，

再換過４粒比我，都仲係鹹．

再咬多２咬，全部都係粉，一ｄ花枝粒都冇．

頂．真係食唔落掉左，咁就徙左我１０蚊＝．＝

相比蚵仔煎,我喜歡呢個香酥蚵仔

相比上星期阿土,我喜歡呢個阿升

顅名思義,上星期吃了軟綿綿杰達達的蚵仔煎,已同各位食家分享左小妹感受,

委實不是我杯"蠔"(原諒小妹以同是台式面線 上星期食的阿土比較)

今日去旺角預備試呢間,不是十分多人,排左十分鐘隊,柯打左

(小)大腸麵線$14----原來好辣下,男友試了2淡已收工,我則吃得津津有味,

尤愛辣荀絲,混入面線一同吃,好有口感

花枝丸$10(4粒)-----都幾香口,亦夠熱,但十元只有4粒,唔叫抵食

香酥蚵仔$15-----將D蚵仔酥炸,一粒粒卜卜脆,食到外脆內軟,呀!!

掙係呢味已在我心目中完完全全打低阿土了

鹽酥雞(小)15----粒粒雞肉炸得剛剛好,不老不鞋,和香酥蚵不同制法..食得過

金桔檸檬(餐價)$6---又大杯又有冰,味道比阿土更像樣,

珍珠奶荼(餐價)$6----還會問你要普通珍珠定bb珍珠,又大杯,飲落亦滑,亦有荼香,

bb珍珠冇味(係味正常D珍珠無架??有時係第D地方又食到D珍珠有少少甜味架喎!!)

今次總數$66元,雖然企住熱住食,但比慣性星期日我去酒樓飲下午荼更多份滿足感

總括:阿升岩我食,下次我會再食鹽酥雞、香酥蚵仔、試埋香酥菇先..

阿升麵線加入左雪花冰...WOO~

所以決定去試試味道如何,結果就~

完全不像雪花冰的味道,,好像用(芒果味)果汁開水,

食左一啖就放棄左,

不過D麵線,就唔錯

但係]味精就多左D羅~

今日行街見到"阿升麵線"有綿綿冰賣,

我見到唔係好貴,所以我就買了一杯芒果味試下啦,

不過味就好像差D羅, 好像"7-11'" D思樂冰~

款式仲係得個4款..~唉!

我諗我都唔會再幫襯。

現在旺角開了越來越多的台式麵線店，在一天內，在同一個地方旺角，也可吃到不同種類的台食，吃過了西門町麵食後，走過這店，雖然也都很飽了，但最後也決定吃點試試吧！

既然也蠻飽了，所以點了碗細的來試，雖然大碗相對地是便宜的，但之前已經吃了兩餐，所以只有乖乖的吃碗細，然後再加一客花枝丸吧。

店員首先以一個很大的匙羹舀了在一個類似量杯的器皿，然後再倒到食客的塑膠碗內，而這碗麵線基本的已有大腸的了，另外也有任加的調味如蒜汁、黑醋及芫茜，也有辣配料如辣榨菜、辣菜脯及辣荀絲，辣配料由一級的辣度至五級，辣荀絲是一級辣，而辣榨菜及辣菜脯也是超級大辣的，坦白說，一個不太吃辣的人，我幾敢肯定也是吃不下辣荀絲的了，所以奉勸各位不要以為免費好爽就起勢咁落，因辣榨菜及辣菜脯真的是超級辣，辣過去吃麻辣火鍋，我自問也挺能吃辣的，也真的覺得辣。另外也當然叫店員下多點芫茜及蒜泥，很香的。

吃下去湯也是挺濃的，湯也是蠻黏稠的，但好像還溫度不夠高，個人來說是喜歡湯底是熱一點的，而麵條幼幼的又軟腍，但是不知為何也是挺長身的，記得在台灣阿宗吃，是沒有那麼長的，而大腸也是下得比較寒酸，切得很碎的加起來可能只有平時在潮州店子的一塊而已，但沒有異味也算是不錯的。

花枝丸十元四粒，一看起來沒甚特別，但一咬下去，就知道是花了一點功夫的，此丸雖然肉質有點梅，不夠彈牙，但肯定的是，店家不是只用水灼過加調味了事，而是很明顯的有燒過的口感，外面的皮有點燒過的脆口，撒上了一點點鹽酥雞扒用的淮鹽及調味，也是交足功課的了。

吃過後的感覺是不太爽，也還是覺得阿宗好一點，始終有點有形無神的感覺，但真的是很想吃的話，也着實是不錯的選擇。

經過見到有綿綿冰食，個價錢仲好抵添，一定要試下啦。


朱古力味綿綿冰 $19

個冰本身已經包咗配料（香蕉、綿花糖、椰果），配料係唔可以揀Set好晒。

冰面會有朱古力醬同朱古力碎。

我覺得朱古力最穩陣，但個冰底睇落都覺得唔太夠味，比較淺色一定唔可以同糖百府相

比。

好彩佢放咗D朱古力醬同粉起上面，如果唔係…，可能D冰係外來，不是自家製，

所以質素會差D，而且佢重點係麵線，重咁平，係咪唔可以對佢有要求呢

至於份量當然唔會多啦

環境，係冇得坐，要企住食

款式仲係得4個

但係可以望住佢做，感覺上好似會乾淨D（個人認為啫）

配料都OK，只係唔可以自已揀啫。

Summary:其實企住食我冇所謂，重要係個味道，如果佢個冰底做好D，我諗我會時時

幫襯。

大腸麵線好味又夠食,
d鹽酥雞,花枝丸同埋鹽酥菇都炸得好脆
飲品又大大杯,夏天岩晒呀
而家買任何食品加$6有杯珍珠奶茶or金桔呀
真係好抵食呀
聽講13號會出雪花冰呀'''好似幾好味呀
遲d去開旺角一定要試下個雪花冰
下次都會再同朋友去食

八月十日 (星期一)

放工,和老公出旺角...看看5D是否真的全線斷貨
一問之下,原來已經out of stock一個月了
要訂貨...希望去旅行之前可以有貨罷

經過登打士街,不得不吃點小食
今天選了阿升麵線

選了細豬腸麵線,細鹽酥雞粒和茘枝玉露

麵線不錯,略嫌豬腸少了點,醬汁攪得不錯
鹽酥雞值得一試,是製成粒狀的,雞肉新鮮,而且炸得剛好,不太油膩
茘枝玉露清甜,大大杯的...

食物質素應該給好的...但老闆娘對員工的態度令人咋舌
只見她呼呼喝喝,又不幫手,只懂罵,員工做得開心嗎,可以有改善嗎?

劣評是給妳的!老闆娘!最需要檢討的...是妳!

要在阿升麵線和阿土麵線之前取括, 我認為阿土麵線較為美味。

雖然阿升的價錢較便宜, 但用料方面(尤其是配料)不及阿土的好。

例如豬腸, 阿昇的很硬身, 而且較深色, 亦沒有豬腸獨有的香氣。

蠔仔雖然大粒, 但內裡乾身而且鞋口, ,即使再好的烹調技術也不能改變。

蟹肉碎都食得出是冷藏貨, 不單乾身, 也沒有蟹肉的鮮味, 確實有點失色。

我相信下次必定會選擇阿土了。