一行五人到這裏吃下午自助餐，因匯豐咭有７５折優惠。基本上，食物唔錯。成日間唔中都會來幫襯。

每台有兩個牌，拿去柯打和牛，他們會拿去我們的枱。
冷盤：生蠔、凍蝦、螺、凍火腿、壽司、沙律（算不錯，下午自助餐有生蠔，算係咁）
魚生：三文魚、鯛魚、池魚（不要期望太高）
熱盤：魚柳、海鮮意粉、蟹肉焗薯、雞扒（ＯＫ）
湯：節瓜排骨湯、意大利什菜湯（ＯＫ）
粥檔：自選材料，有蠔、豬皮、魷魚、素翅等（不要選蠔，加在粥裏有怪味）
泰國菜檔：有冬陰公湯、燒雞翼、燒魚頭、串燒、炒河粉等，青咖哩魚好味（ＯＫ）
印度菜檔：咖哩雞、咖哩豬（ＯＫ）
飲品：咖啡、檸茶自取
生果：菠蘿、西瓜、提子等
甜品：芒果布甸、朱古力布甸、幾款蛋糕、荳腐花、面包布甸、自製waffle等（不錯）
雪糕：Haagen Dazs，８種味道。（驚喜）

服務員有禮，收碟也快。四大一老人家，埋單＄６８０。算幾抵！

幾＋年的無見的舊同學聚會, 提議到馬可波羅香港酒店食暴飛, 穩陣起見, 當然係上開飯check吓先, 見佢食評認真麻麻, 反而這間香味屋的食評倒不錯! 橫掂兩間都係未試過, 咁就揀間口碑好D架啦! 於是我就即管提議試呢間, 點知就衰咗! 在此我向當晚的舊同學們陪個不是!
當晚各人都準時到達, 我們被安排坐一張十二人的長枱, 在席上各人吹虛了一會後, 便分別出去暴飛枱'揾食'. 場內地方不是很大, 可分為冷盆區, 熱葷區及甜品區, 而每區只得十數款食物, 比預計少很多, 而比起花月庭真有天淵之別! 我們枱上共放了三個一人爐, 傍邊有一碟海鮮, 有龍蝦, 大蟹鉗, 青口之類, 不太吸引!
首輪主攻生蠔及刺身, 同學們即向我反映d生蠔唔掂! 入口就散, 唔新鮮! 情況的確如事, 但亦非隻隻有問題, 要小心揀d白淨嘅就比較新鮮d! 但咁樣當然不可接受啦! 至於片皮鴨, 幾多人排隊, 雖然員工以很努力去serve, 但依然好慢! 另一位師傅則專心在片皮, 而我見他在片肉多過片皮, 每件片出來的均是像中式燒味般, 肉多皮少! 而包鴨的薄餅皮仲唔掂! 黃咁咁像pancake皮一樣! My godness! 這是什麽片皮鴨? 至於味道方面, pancake薄餅皮太厚, 鴨皮少, 無鴨味! 極差!
攞刺身的經歷也不是味兒, 行到刺身柜前, 想主攻三文魚刺身, 同師傳order半碟三文魚刺身(碟的size是一般長方形的刺身碟), 但他竟然問我係幾多人食? 豈有此理! 這裏不是吃暴飛的嗎? 若我一人就不能吃半碟的嗎? 但我仍然平靜地回答他: '我想我無須要回答你個這問題吧!' 然後他又自言自語地說:'半碟可以放很多或很少, 究竟你幾多人食?' 這是什麽態度? 我也懶得理他, 攞了碟刺身便回位!
打正旗號賣和牛自助餐, 但成晚我只吃了兩粒所謂和牛! 炒和牛粒不是自助任攞的, 先要將枱號牌交給侍應, 等半小時後才由侍應分發每位兩粒! 真陰公! 未見過咁孤寒的自助餐! 大約食到八点九, 侍應斷斷續續多次咁到來問火煱爐食完未? 給予我有趕客的感覺, 原來這裏還有另一場宵夜, 所有客人要响九点九離場! 真係好離譜!
如果唔係最初要食生蠔, 我就一早會向同學推介去旺角花月庭食啦! 我真係呢十幾年都冇食過咁差嘅自助餐了! 所以在此奉勸各位食家切勿上當, 不要再貼錢買難受了!

委少去試宵夜BUFFET, 今日BF想去試, 結果無令我地失望。
宵夜BUFFET有生蠔、三文魚剌身、凍蝦, 先168, 實在扯食

凍盤：生蠔（到食飽依然供應, 難得)、三文魚剌身(但經常畀人拿晒)、凍蝦(、XX魚生(似劍魚)、凍火腿肉, 各式壽司(係無吞拿魚)
熱盤:和牛, 拿桌上牌仔去拿, 之後有職員拿返來你位, 省時省力! 海觧粥(自選材料, 有翅架, 可過好似係素翅)、冬陰公湯、車仔面, 仲布印度花粉飯都幾新奇、咖哩籬、牛都唔錯, 墨西哥薄餅較油, 當然少不得荷葉飯同炒麵, 雞翼, 黑椒牛柳, 春卷等。
生果蔬菜：有原隻APPLE, 柑, 堤子等, 選擇相對較少，沙律醬最後階段無晒，有Ｄ可惜。
飲品：有熱飲任添，如果加２６，可有支裝可樂／雪碧／鮮橙汁任飲。
甜品：自己不太好甜品，甜品選擇也不多，椰汁糕、芝麻糕、芒果燸米、紅莓MOSE酸到我變臉，另有南瓜ＣＡＫＥ，因配合萬聖節啦～雪糕係重點，可以自己灑配料，有綠茶味，但不太好食。
服務：工作人員勤快，多笑容，好好！即使我坐１Ａ，最遠食物，最近門口，但添水／收碟都有人理，酒店式服務。但下次訂位要講聲近食物會好Ｄ，我周六十二點打去訂位，都有位訂，當晚都坐滿人，生意幾好呀～
優惠，除左ＯＰＥＮＲＩＣＥ　ＣＯＵＰＯＮ，ＨＳＢＣ都有75折，ＡＥ８折，中銀恆生好似９折，唔會早催埋單，都幾細心呀。 原價178加一, 我地用左AE卡, 埋單160, 自己覺得抵。

上星期五到香味屋食DINNER BUFFET, 以前試過一次LUNCH BUFFET, 今次諗住有COUPON就黎呢度試吓.

食物方面, 款式不算太多:
冷盤有蠔, 長腳蟹腳, 凍蝦, 青口等海鮮, OK新鮮, 但長腳蟹冇味囉! 另外, 煙三文魚同火腿, 味道都唔錯! 沙律試O左少少, 冇特別.

刺身試O左三文魚同八爪魚, 質素麻麻, 尤其三文魚好失望! 還有大約五六款壽司, 食O左一件三文魚壽司, 好食過刺身囉.

熱食方面款式比較少, 但有驚喜, 這裡的片皮鴨好正! 皮脆肉嫩, 我老公對鴨脾讚不絕口, 我地食左幾隻! 我另外食左件燒雞, 都係好滑有雞味, 似乎呢度既燒味幾有水準! 另外試O左海鮮炒意粉, 炒時菜, 蒸魚, 燒排骨, 印度薄餅等.....質素普通啦!

至於聲稱是主打的和牛, 如之前的食評所講是要將檯號牌交給廚師, 廚師每隔一段時間(好像是儲夠檯號牌)先大鑊炒, 跟住每檯派兩小粒, 我地成晚只係食左兩次, 味道都幾好, 但駛唔駛配給咁少呢?! 這裡的另一特色是每檯包一個小火鍋, 連每人一份海鮮, 有龍蝦, 蝦, 青口同魷魚圈, 每樣一件, 當晚有冬蔭公同麵豉湯底, 因為我地唔食辣, 所以選麵豉湯, 但個湯其實同清湯冇乜分別! 至於隻龍蝦肉質幾彈牙, 不過又係冇乜味! 金菇, 菜同丸類等就任食既.

甜品方面, 款色算多, 泰式西式中式都有. 泰式由於賣相好麻麻, 所以唔敢試! 本人試了藍莓cheese cake, tiramisu同黑森林, 味道唔錯. 還試了芒果慕思CAKE(但其實唔似, 可能個牌錯左?)總之就唔好食啦! 仲有芒果布丁, 差! 好似開粉做既! 香蕉蛋糕, 乾晒既! 其餘既O者哩同桂花杞子凍就唔錯。最可取是雪糕, 係haagen dazs, 有8隻味, YUMMY!

總括黎講, 而家係主打和牛海鮮, 但和牛供應真係少得可憐! 海鮮比較多, 但質素又唔太出色! 其他食物既種類又唔算多, 用左COUPON每人$304呢個價錢只係OK囉, 應該冇下次!

琴日同媽媽慶祝生日....就揀左尖沙咀太子酒店....今次主題係和牛海鮮美食....心諗一定有好多新鮮既魚蝦蟹....有蜆之類....點知....只有基本既海鮮....無乜特別出色....凍盤和熟食種類好少....肉又只有豬軟骨....片皮鴨....令人失望...

凍盤 : 只有基本既蟹....蝦和生蠔....其他就沒有了....味道一般...

魚生 : 只有三文魚...八爪魚....劍魚....池魚....只有4款太少了....

肉類 :就更加少....肉類幾乎無乜....只有片皮鴨....豬軟骨

蔬菜 : 只有南瓜汁焗時蔬和炒介蘭....前者一般....只有介蘭好食....

粉麵飯 : 完全見唔到有炒粉麵飯....全個場只有一盤長通粉...

小食 : 只有印度咖哩角....味道一般....千祈唔好點汁食

沙津 : 蘋果沙津...泰式豬頸肉沙津....青瓜沙津...鮮果沙津...中華少津...螺肉....只有蘋果沙津... 青瓜沙津...中華沙津和螺肉好味...其他唔得....

壽司 : 只有三文魚...甜蝦...玉子和魷魚....太卷....只得5款....仲要唔好食...飯太硬

甜品 : 只有6-7款....藍莓芝士蛋糕....芒果慕思蛋糕...粟米糕...泰式糯米磁...椰汁黑糯米...栗子蛋糕....蘋果批...只有芝士蛋糕好味...其他唔得

生果 : 只有哈蜜瓜...西瓜...菠蘿...蘋果....蜜梨....蘋果仲要完整一個...無切既...

總括黎講....食物種類太少....味道可以接受....侍應換碟快....可一試無妨....但絕對無第2次!

昨天上開飯喇，看過食評，眼見這是一間不錯的選擇，於是便膽粗粗試了這間。不過真的不會再去。
餐廳的食物有的只出了一次，如蒸魚及芥蘭等，其他的食物也不太新鮮，尤其是魚生及壽司；熟蝦極不新鮮，"甩頭甩髻"；熱葷也不吸引，樣樣都只是普通的食物，毫無驚喜。
那裏的生蠔真的不錯，很新鮮，而且很大隻，refill得很快；不過翡翠螺就"潺潺地"，不好吃。
甜品方面，雖有很多花款，但大多重覆，如兩款忌廉，一個較濃味，一個較淡味，這便出了兩款甜品。但用自助夾餅機整格仔餅，則有創意，故較多人排隊。
總括而言，這樣的價錢，其實與"紅煙xx 餐廳"差不多，但"紅煙xx 餐廳"則美味得多，食物也新鮮得多，所以我不會再去這間，因為真的物非所值。

看到近來之食評, 又咁啱張信用卡有優惠, 就同壽星公一家大細去試吓個自助晚餐啦,
4個成人+2個小童+2位長者, 埋單HK$1900有找, 兼送一枝紅酒, OK啦.
小童及長者真係唔係食咁多, 成人就食來食去都係兩個男人, 但其實我想講吓食物既質素多D

魚生.....4款.......質素係酒店水準以下
咖喱......真的不錯, 特別係羊肉
和牛......招牌貨......客人唔多時真係整得好好........但人數一多.......水準即時下降
炒野檔.........XO蘿蔔糕?唔想試直頭
蒸魚........係鱸魚, 我老婆咬一啖即刻吐出來, 我叫做好D吞咗
打邊爐.........非常一般......送一碟海鮮亦一般.........中蝦是霉的
片皮鴨........做得幾好.......但人數一多.......水準及份量即時下降
湯及麵包........還可以
沙律及凍肉.........無特別
生蠔及海鮮.........水準以下......生蠔得個大字...D凍蝦都係霉既
壽司.........無特別........但我太太話D壽司飯煮得幾好
熱盤3個..........一般得很
生果..........不錯
自助朱古力泉及夾餅機.........我無試, 不過2位小孩就係咁食
雪糕.........不錯.......不過人一多就有排等
蛋糕及甜點..............酒店水準以下...........這點很失望

總結: 非想像中咁好, 有折扣可以一試, 但係無特別既理由食第二次,
但員工服務態度很好很主動, 值得一讚

媽媽生日，姐姐請食buffet，很少一家大細去食buffet，很特別！
食物款式不算少，而且有中、泰、日、意等美食，很多選擇。
對日式及泰式情有獨鍾，所以點了刺身，很新鮮，不錯！
每檯奉送小火鍋，有龍蝦、青口、魷魚作火鍋配料，對海鮮敏感的我興趣不大，只好益晒爸爸了！
每個buffet都是特別留意甜品類，有得自製窩夫，很好味，亦好玩，配上了HD雪糕，一絕！
價錢方面，有用OR優惠卷，五人都只是約1300，很划算！

生蠔 : 源源不絕供應, 但唔夠鮮甜, 以這個價錢尚算可以.
刺身 : 5款刺身, 三文魚, 魷魚, 吞拿魚......
印度 : 有多款咖喱, 即制薄餅好好味, 亦有多款泰式食物.
中式 : 有即切片皮鴨, 好受歡迎好多人攞, 不過唔洗爭會不斷供應, 仲可以攞鴨肶.
和牛 : 和牛不斷供應, 每張枱都有枱號牌仔, 只需將牌仔放到和牛枱面, 之後就有人攞過嚟.
: 每枱都有火鍋湯底送, 有冬陰公, 麵豉湯底, 清湯底.... 除咗可以出去攞各款打鍋料恰外, 仲有海鮮盤送.
: 甜品 : 有多款cake, 藍莓芝士蛋糕, 黑森林蛋糕, 綠茶蛋糕, 各款甜品杯, 無限量H記雪糕, 食多幾杯已回味.

生日正日,唔知點解男友記得我曾經話過想o黎試,所以佢提早幾日去book,我o地book o左宵夜buffet,諗住試o下~

個宵夜10點開始,好似10:15有電話o黎問我o地到唔到,之後去到已經見到好多人,可能禮拜六啦,成個場都full晒.

一坐底就去拎o野食,不過d刺身冇晒,生蠔個位都好多人,拎o左生蠔就番去,由於我o地坐個位近拎刺身o既地方,見到有人o係度等,刺身一出就已經比人"搶"晒!

講番味道先

生蠔--唔錯,由於而家好多自助餐都冇生蠔食,所以呢個價錢食到生蠔值得加分

刺身--款色少,好似得兩款定三款,而且淡而無味

熱盤--款色ok,可惜冇專人切o既扒(可能宵夜o既關係啦)

生滾粥--可以自己揀料,但係感覺煲完都係冇材料o既鮮味(定係佢d料其實係冇味?!)粥底都係冇乜味

湯+包--中西式都有,中式係雞腳湯,西式係青豆忌廉,冇乜興趣試,不過d包幾可愛,細細個,好得意,仲用爐熱住,雖然冇試但覺得幾特別

冬陰功--我覺得幾ok

主打o既和牛--無限任食,但係每次都係得兩粒仔,味道ok,但唔夠稔,炒得有d過o左火

甜品--

cake--唔太得,除o左個cheese cake真的很cheese外

古古力噴泉--冇去試,因為覺得冇乜特別

生果--好似都係西瓜,密瓜o個d,好似仲有柑,我見d人一個個咁拎番埋位...平時我食自助餐通常係咁食西瓜,但係今次冇得食,因為可能差唔多夠鐘,冇再refill

雪糕--Haggen Dazs任食(乜Haggen Dazs真係咁平咩,咁多自助餐都係Haggen Dazs o既?)

總括o黎講,呢個價錢食到呢d o野我覺得已經好抵,而且宵夜都唔食得太多,refill都算快,尤其生蠔,真係不停refill,下次有機會可能會去試o下個dinner!

生蠔 – OK, 新鮮. 不過好快沒 (refill not quick enough)
刺身 – OK, 新鮮. (選擇唔多)
無限次添食

生滾粥 - 普通... (比較淡)
還有好多不同熱食

甜品
haagen dazs 雪糕 - Nice (但抺茶味 - no good)
Cake - 普通

Overall, good – based on the price.

由於之前花月庭的慘痛教訓，今次都不敢抱有太大期望~
但是太子酒店的香味屋，竟出乎意料的好！

剛進門就看見蜿蜒的food table長不見尾，人不算很多，座位相對寬敞~
Waiters都非常積極有禮，加水、收盤都很及時~當然，最重要的還是食物了！

冷盤：生蠔等海鮮refill速度極快，有始有終！生蠔size不小，蝦超級鮮甜！
設有刺身現點現切！品種算多，也很新鮮~
Salad、生果都很fresh! GREAT!

熱食：咖喱超級讚！種類好多！還有印度薄餅和米餅！讚讚讚！
現場即制BBQ~chicken wings好好味！師傅還會提醒我們加上醬汁會更好吃~
意粉超級愛！
中西兩式的蒸魚等都very delicious!
試過的熱菜其實都好好味！而且全部有設有保溫爐！

Dessert: 甜點超多選擇，black chocolate mouse GREAT!!!
blueberry cheesecake 好味！
HD雪糕有8種flavor！
還有自製waffle等等，都好讚！

午餐就已經是其他酒店的晚餐規格！絕對物超所值！ 下次一定會再光顧！

今次有張LUNCH 免費卷, 所以就同朋友去食個LUNCH。本來$168+10%一位, 依家有半價, 位位都係$85, 好鬼平。

食物REFILL 得好快, 而且一直都無話缺貨, 連生蠔都不停推出O黎, 抵食。

只係主打「和牛」就唔多見影, 要攞牌仔去換, 先得O個2小件。味道還可。

佢O既冬陰公湯好好味~~

H記雪糕任食, 抵番哂。

服務良好, 態度亦GOOD!


食完個LUNCH 開心哂~~~!

同事們減肥過後又想增返磅，所以搵自助餐食－－要求多多，要有生蠔、燒牛肉粒（係唔係和牛倒是其次，最緊要係「粒」狀）、要有一定水準的甜品、價錢又不能太貴、又要方便泊車。最終都係揀左香味屋。

入到去，環境係嘈左d。6點半開始，我地放工趕過去都成7點，已經爆多人。大家搵左位就即刻周圍夾野食。

生蠔－－
不太愛吃蠔的我也吃了兩隻，味道不錯，如此的價錢可以吃到新鮮只是略瘦的生蠔，我覺得係OK的。
芝士燒小龍蝦－－
剛燒出來即刻食會好好多，不過，始終都係略嫌乾左少少。如果芝士個Sauce 可以做多d 層次會好d。
刺身－－
有師傅切新鮮的刺身，都算厚，一次都起碼有4-5塊（我只拿了兩款）。三文魚不過不失，不過，那天的劍魚的確是頗新鮮的唔，忍唔住食多左2塊。
和牛－－
其實又不是想像中咁差……不過一次一碟得兩三小粒就真係「粒粒皆辛苦」，如果佢維持到呢個質數的話，都可以接受。
熱食overall－－
其實如果熱食來說這家的菜式亦不算差：有印度的咖哩+薄餅 / 烤羊架有驚喜，出乎意料之外的好吃/ 日式炸天婦羅 / 生滾粥 / 豪華版車仔麵 / 當然不少得一列炒粉麵焗海鮮之類的。湯有兩款。
冷盤－－
壽司選擇不多，沙律有點驚喜的是有泰式和越式的沙律。Salad Bar 有多達七八款醬。
甜品－－
Haagen-Dazs雪糕，合乎大眾化的合味都有，有不少Toppings 可以選擇，不錯。
自製窩夫，水準亦中上。不過要等。
朱古力噴泉，一般普通無特別。
一系列的cake，tirimisu 尚可，其他都係一般。
炸雪糕，我個人覺得好好吃－－雖然冇乜技巧可言。
龍蝦梳乎厘，即點即整，龍蝦只是點綴，梳乎厘做到好輕。

如此的價錢，我覺得係值回票價。（無理由比300蚊要食到500蚊的水準吧？)

服務，碟子收d 唔收d（可能睇唔到？因為現場都幾暗）
不過，態度係OK 的。

琴晚同d三五知己即興想食自助餐 , 見到有coupon平平地就試吓依間"香味屋" , 是關我地一行8人都係第一次食 , 無期望所以無失望!

芝士焗龍蝦 : ok, 長叫長有 , 唔洗好似todai咁排差死 , 俾個牌佢有專人送上
生蠔 & 翡翠螺 : ok , 生蠔唔算瘦 , d螺朋友話有羔 , 但我唔識分 , 不過幾好味
刺身&壽司 : 刺身有5款俾您揀 , d壽司好似有6款 , 不過奇怪在刺身同壽司"您我相隔多麼遠" , 一頭一尾走黎走去麻煩左少少
碳燒和牛 : 好un , no good
咖哩 x 薄餅 : ok ( d薄餅係有個師傅即場製造 , 所以夠fresh ! )
粉麵檔 & 粥檔 : 少野揀 , 叫左個泥鯭粥係無味既
冷盤 : 沙律少野揀 , 凍蝦 , 青口都新鮮既
熱食 : 即燒的羊架 , 雞翼 , 魷魚等都ok , 但個d一盤盤放响度個樣又唔係咁靚仔既野就無試 , no comment~
甜品 : 有部機俾您即場自家製巴夫 , 幾得意 , 但除左Haagen-Dazs雪糕係必食同好食外 , 其他甜品就.........差到無朋友

整體黎講一般啦 , 我自己嫌無咩蔬菜食 , 唔係咁啱我! 不過二百零蚊有生蠔又有龍蝦都算ok架喇