其實時時都會去板長開餐，時關女朋友好鬼仲意果度D長腳蟹壽司，次次食完都露出個如沐春風既表情
我比較仲意食果度既三文魚腩壽司同埋呢個鰻魚卷（外面用白芝麻包住相當香口），另外值得推薦的仲有呢個南瓜天婦羅同埋八爪魚須壽司，好鬼平，但都幾惹味架。

去過觀塘果間板長兩次，每一次去完之後，心情一次比一次差，試過系觀塘果間食既三魚完全仲FEEL有雪既，長腳蟹D肉又散，都吾知系吾系同一個老細架。。。。。
德福果間真系吾錯，雖然地方小小，成日要等位，不過D野食真系好食好多。。如果你住系觀塘不如使多3.6，食間好D，對得住你個胃先啦。。

板前板長既分店越黎越大.. 在淘大不遠處既德福商場又開多間新既分店。去開九龍灣，打波前就入左去食返個晚餐。

三文魚壽司: 自從佢既三文魚壽司變左做 $3 一件後，入親去食都叫盡 Quota ~ 唔知係咪多人叫，貨去得快既關係，佢既三文魚又真係幾新鮮... 只不過比以前細件左。
兒童餐: 其實佢既兒童餐都幾抵下，壽司水準同平時散叫既差唔多，唔會將貨就價。而且佢有埋烏冬... 雖然佢既烏冬水準一般，唔彈牙，但都夠飽肚
火 '卓' 三文魚腩壽司: 有入口即溶既感覺，同埋夠肥美，好新鮮。
火 '卓' 鰻魚: 呢個同一般鰻魚壽司分別不大，可能係因為鰻魚本身都係熟。
火 '卓' 帆立貝: 佢面頭塗了一點蒜蓉醬，突出了帆立貝本身的鮮味，下次食會再叫。

食到好飽，叫埋野飲.. 平均每人 $80 左右。夜晚食壽司黎講，算係唔錯。

昨晚(7/30)同友人一同去試吓呢間新開的板長...

約晚上九點到，等左差不多一個鐘(不出奇的事)，終於有位！

點左好多嘢，三文魚壽司、帆立貝壽司、牛油果蟹肉沙律、鵝肝壽司、蒸蛋、板長蝦、等等...等等，太多忘記了

跟住再加單要個三文魚醬油漬壽司！(係加單)

點知等左4個字，什麼都無到！而隔離枱剛坐底唔夠5分鐘就有嘢食！
咁即刻叫人黎問啦！
見個待應睇完電腦，找經理，個經理又去睇電腦，己經心知不妙！一定無落單！

結果個經理走黎問我地叫左乜？！

我同友人即火！
叫左好多嘢，忘記！因為太餓的關係！唯有繼續坐低！
經理即時為我地落單即做！
但係最想食的海膽…無貨！

咁即刻有嘢食啦！ 但係比起平時去的板長，跟本唔入流！
好似元綠的貨色！超失望！
三文魚飯細唔緊要，連魚都又薄又細，真係一分錢一分貨！
唔止三文魚，其他都係咁！
只係個三文魚醬油漬壽司有點驚喜，舊魚除醬油味，無其他味，但係口感好得意，好似有舊軟骨在皮下面咁，爽爽地幾過引！

再加多個魚肝唔知咩的壽司，係有粒帶子上面有魚肝果個！
叫兩個，黎一個，落單都落一個！
超級離譜！完全食唔到鮮味，只係食到一些黏黏地的嘢，因為有魚肝！

最後再叫南瓜雪糕，待應話呢間舖未有呢樣貨！咁在餐牌上就好注明啦！

落錯單的情況，一餐飯三次，仲要分別三個唔同的待應做！

到埋單！經理都唔識做！無嘢送不特止！仲無discount！
就連普通茶餐廳都會送嘢或打個9折啦！
呢間竟然係.........板長.........

我同友人決定唔會再去呢間！

離譜的.......Ricky San,,,if再開分店，貨色同人的質數都係咁，會拖低哂所以餐廳的形象！
請注意！

昨晚同友人一同去試吓呢間新開的板長...

約晚上九點到，等左差不多一個鐘(不出奇的事)，終於有位！

點左好多嘢，三文魚壽司、帆立貝壽司、牛油果蟹肉沙律、鵝肝壽司、蒸蛋、板長蝦、等等...等等，太多忘記了

跟住再加單要個三文魚醬油漬壽司！(係加單)

點知等左4個字，什麼都無到！而隔離枱剛坐底唔夠5分鐘就有嘢食！
咁即刻叫人黎問啦！
見個待應睇完電腦，找經理，個經理又去睇電腦，己經心知不妙！一定無落單！

結果個經理走黎問我地叫左乜？！

我同友人即火！
叫左好多嘢，忘記！因為太餓的關係！唯有繼續坐低！
經理即時為我地落單即做！

咁即刻有嘢食啦！ 但係比起平時去的板長，跟本唔入流！
好似元綠的貨色！超失望！

再加多個魚肝唔知咩的壽司，係有粒帶子上面有魚肝果個！
叫兩個，黎一個，落單都落一個！
超級離譜！

落錯單的情況，一餐飯三次，仲要分別三個唔同的待應做！

到埋單！經理都唔識做！無嘢送不特止！仲無discount！
就連普通茶餐廳都會送嘢或打個9折啦！
呢間竟然係.........板長.........

我同友人決定唔會再去呢間！

離譜的.......Ricky San,,,if再開分店，貨色同人的質數都係咁，會拖低哂所以餐廳的

早幾日同朋友係附近打完波..之後入左德福板長食嘢..

三文魚壽司 & 吞拿魚壽司都keep住好好食
由於打完波超肚餓叫好多廚房野食...
燒牛利 - 夠入味好好食 !!
燒牛肋骨 - 好好味又肉 !!
汁煮章紅魚頭 - 又大又多肉..正呀!!
鵝肝炒飯 - 鵝肝夠香炒飯又正 (必食推介!!)

早前經過九龍灣德福見到有間板前壽司新開分店，即刻同家人試試。
今次點左厨師推介的食物及壽司等.....天婦羅好好味，脆卜卜，炸得剛剛好。
仲有個炭燒油柑魚頭，外脆內滑，雖然要燒30分鐘，但本人覺得等下也值得。
加上壽司又新鮮，所以今次吃得好開心
總括黎講，下次會再同家人去吃過。哈哈

今日夜晚睇戲,所以諗住一早去呢間新開既板長大食一餐
覺得上次係青衣食板前都唔錯好咪,呢間板長唔係應該好d咩
有d野真係無唔應該

差唔多五點入到去,
叫左(件計)
三文魚x14,睇下張相,真係麻麻咁麻麻,諗住三蚊件真係唔好講咁多野,但係就算三文魚點唔靚切得幾樣衰都好,個蕭飯真係唔講笑,暖都唔緊要,係爛飯!!!飯都煮得唔好,點叫人食呀

墨魚x2,男友食個無墨魚"黏黏"地既感覺,咩花都無"界",男友話好似食緊舊膠咁


風腿,豚燒x壽司 各x1,都係麻麻,豬肉燒到好乾

軟殼蟹手卷 x2,呢樣野應該係最好,,但衰收尾,個尾好淋,因為濕左

之後本來叫個炸蠔,之後就有問題啦
我地之後叫多round燒蟃魚壽司 x2,男友順便追佢個炸蠔
之後個waitress同我地講話「我地今日無炸蠔呀,所以無幫你地落單」
個時男友已經唔多好面口「無唔緊要,同我地講聲嘛,之前落單就覆我地叫左炸蠔,之後無炸蠔無而無落單我地又唔知,你又唔同我地講我地點知知呢」
仲諗係食三文魚醬油演壽司都係無


已經唔想再叫,因為咩都無又麻麻,黎左個燒蟃魚壽司
個蟃魚半冷半暖,特色啦當佢,點知食落"索索"聲............其實我好confusing舊野係咪熟定點,我又唔知蟃魚係唔係要全熟先食得

食完都唔滿足都唔想再叫,因為佢d飯真係好爛下,d魚生真係好麻麻
食左半個鐘就走人

明星效應真係咁好,定係集團效應好d?
下次我都係食板前,板長令我好失望

是日同男朋友去左MEGA BOX睇戲~ 出返德福就去左板長食飯~ 都幾多人...拎飛果時叫到12X, 手頭張飛係170...行下又等下, 一個鐘左右終於到我地啦~ (中間好多人走左唔等) 今日太肚餓, 叫得比平時多~

三文魚壽司-OK LA...$3 係冇正價咁好嫁啦...不過睇落好薄 (我不食魚的)
北寄貝壽司-好味~!! 唔淋身, 又夠大頂~!! 食左2蕭
芥辣八爪魚軍艦-最差今次...一D都唔攻鼻...失敗~!! 好彩紫菜係脆~
鱆紅魚壽司-男朋友話OK, 唔太差~
軟殼蟹卷-好味~!! 軟殼蟹不是淋的~!! 但係好細舊...
加洲卷-差~!!! D料雪到凍冰冰...食入口可以有凍氣噴出黎
墨魚壽司-失望~!! 一D都唔漿口...
珍寶帶子壽司-同平時一樣咁大舊~ 維持水準~!
龍蝦仔沙律軍艦-第一次試, 麻麻地...唔會再叫~
飛魚子軍艦-佢比多左我地, 因為平時會叫, 所以唔為意食左先知冇叫到...味道OK~
蟹柳沙律-幾大兜~ 唔錯~!!

整體比其他分店差...服務一般~ 衛生真係...D師父仔唔帶口罩又係咁講野...而家非常時期, 係咪好應該帶返果睪呢~?!

題外話:有個黑衫侍應問師父仔某枱有冇出過乜乜壽司, 師父仔好肯定有, 之後女侍應話客人果FD食左唔出聲以為冇黎到, D師父仔就開始講果客人啦~ 我地正正坐在師父仔前面...咁樣講果客係咪唔係咁好呢??