十勝烤豬扒飯套餐（火地獄辣汁）$38 ~ 呢個價 $ 好抵食，前菜係麻醬豆腐，蜆肉味噌汁內裡約有 4 粒鮮味蜆肉，因為驚厚燒豬扒會韌，睇食評話無肉汁，所以 order 薄燒 ... 果然真係幾美味，配埋呢個少許辣辣地嘅地獄汁 1 齊燒，夾住 D 蔥黎吃認真惹味 ... where li 骨

朱古力芝士咖喱吉列豬扒飯 $58 ~ 先講 curry 先 ... 其實唔知朱古力係邊樹??? 可能係形容 D curry 似朱古力色啩!!! 芝士就係各位見到果幾粒黃色方形物體，而豬扒厚就真係無乜肉汁，反而吉列外層同豬扒無分離，亦算鬆軟，簡單地叫咖喱吉列豬扒咪 ok 囉，唔駛搞到個名咁長吖，反而會令人更 + 開心，因為食到美味嘅野嘛 ... 家下就爭左少少咁 ... 無朱力味 ... 貨不對板囉 ...

煎餃子 $25 ~ 差未輪到佢，屬中等級，皮雖薄但內裡就真係肉汁欠奉，咬開後皮同餡無解體，但最美味搞屎依然係 Doraya，論價 $ 當然係呢度，亦食得過

芝士烤薯角 $25 ~ 1 片車打芝士 + 煙肉碎用火鎗炙溶 ... 好吸引，要食得快，唔係就好快凍，芝士硬左就唔好食，just so so la，都係現成野，無乜難度

十一月七號星期六，去完貓地攤hea，晚餐就決定嚟呢間試吓，因為之前見d食評都話呢度唔錯

一入到嚟，個環境裝修都幾企理乾淨…嘢食方面就叫咗一碗薄豬扒定食同一碗豬肩。
前菜冇乜特別，唔講。飯方面，先講薄豬，無論質感同味道都過得去，雖然有點“鞋口”，d飯幾好味。至於豬肩就正好多，勁爽！d燒汁好香好好味。
再配兩杯餐飲-薑蜜同紅棗蜜（現成產品溝水，不用多提）。

埋單一舊水有找，都幾化算，可以再試

一行3人去十勝食午餐，好耐之前食過旺角店的厚豚肉感覺麻麻，但今次

友人所叫的薄豚肉又有不同食法。


薄燒豚肉配網燒醬汁+轉餐送飲及小食 x2

薄燒原來是比厚燒會腍滑一點配上網燒醬汁的惹味醬汁好好送飯，好食

小食是凍炸豆腐都OK


豬軟骨定食(午餐)

豬軟骨好腍同入味，醬汁味道咸中帶少許甜，醬汁放在日本飯上撈飯都好好食

同樣有飲品及小食


Summary:之前食過感覺不太好，但今次食完後有點改觀，會有下次

It surprise us that our kids picked 豚丼 instead of genki sushi bar.

Both of my sons chosen 豚丼 set - pork shoulder and thiny sliced prok. My elder son said taht the grilled pork shoulder taste greasy because it was realtively fatty. While my younger son complainted that the texture of thiny sliced pork - too raw. I can tell that they regret not choosing the sushi bar.

My husband's seafood noodle taste better than its appearance. There was a deep fried scallop, fish fillet, and ???. My grilled pork with "7-favor-powder" taste so-so.

It is absolutely a family restarant for us. With good budget control (about HK$150 for 4 people), my sons were well-feeded. It may be good for adult but may not for children.

下午茶時間去吃, $28 免加一, 有個飯有凍飲, 我們要了兩個餐:

薄燒豚肉飯: 下午茶來說都大腕架, 仲有三slices豚肉, 飯係備長炭白飯, 好似唔錯, 可是問題出現了:
1/ 由於白飯好多, 區區三slices薄肉, 汁又好少,咁係送唔晒飯的, 好浪費呀d飯
2/ 一入口豚肉係好吃的, 但第二個條脷立即傳訊俾我既訊息係: 乸既!!!! 經驗話我知呢種乸係味精呀! 好少可唔洗等食完後口渴, 立即知有幾重手

辣肉咖哩飯: 唔係好辣, 不過都係有d辣, 所以我冇吃到

飲品: 凍朱古力, ok, 好大杯吓, 不過真係冇menu 相中的cream , 有埋就太好啦設

希望越大失望越大, 好地點好環境好價錢好服務, 好重味精, 大家會再去嗎?

尋晚同朋友去咗一間好似新開嘅日本嘢食晚飯, 入到去打開餐牌先發現真係好"豬", 九成都係豬.
點咗Signature嘅吉烈豬扒冷麵, 海鹽白風燒豬肩飯定食同薄燒豬扒(辣味), 好驚喜, 因為以一個大眾化價錢食到一個OK質素嘅吉烈豬扒, 冷麵麵質同個醬又真係唔錯喎. 跟住個海鹽白風燒豬肩飯定食, 好好味, 厚薄啱啱好.個麵豉湯唔似出面好多日式餐廳咁求其, 可能加咗硯所以我覺得幾好. 不過呢, 個辣味薄燒豬扒我就唔係太喜歡, 係因為我唔好呢種辣, 鍾意食地獄拉麵嘅人就應該一試. 下次要試最common嘅汁燒.

去完polyU info day
行行下就去左個頭.. 呢間野位置都唔算好起眼, 不過真係好好食
附近都係車仔麵同茶餐廳
價錢係呢區黎講都算平啦, 日本餐廳嘛!

食左$33 有 凍朱古力 + 薄燒豬扒飯
( 配原味網燒汁好好味, 有朋友叫左辣汁唔好食, 仲有隻鹽燒, 冇人嗌, 應該唔錯)
切得好薄, 有兩層, 燒得好香.. 有少少似乳豬味
不過拌碗個堆生洋蔥絲就唔係個個人都會一齊食


朱古力係menu上面明明有cream.. 但係實物係好普通既凍朱而已


朋友食豬肩個款.. 都一樣好味

員工好有禮貌, 好有笑容

最搞笑係我地大約一點幾去到食, 間店無咩人
食食下發現外面係大排長龍.. 原來咁受歡迎既

啤梨早前預訂的日本雜誌剛到港，要到尖沙咀取書，於是便找找有甚麼食肆可以一試，最後在東南亞與日本之間取捨，結果選了後者，但嚐過後才發現後者同是來自東南亞，實在令人哭笑不得。

中午十二時來到「北海道十勝豚丼」，於十二時才開始營業的店內已坐了四五檯客人，看來此店的人氣實在不少。當坐下來不久，亦陸陸續續有客人進來，生意十分不錯，估計質素會有點保證吧。

基本上已預定要點甚麼，但循例也看一下餐牌，原來除了飯類外，還有日式湯麵供應，看來又是一間為迎合港人口味的偽日本食店。但只要一看價錢的話，便不用介意此店是否偽日本食店。

點了兩客套餐，分別是十勝烤薄豚肉飯($38.00)及十勝烤薄豚肉飯(大盛)($45.00)，兩款同是配上原味網燒汁，套餐內已包括豆腐沙律及蜆仔麵豉湯。

約等了五分鐘左右，兩份套餐一同端上來，薄烤豚肉佈滿整個飯面，另外伴著份量頗多已刨絲的大蔥。先試豆腐沙律，用麻醬伴著豆腐來吃，可以用來彌補豆味不足的缺憾，味道上算是不過不失。再來便是蜆仔麵豉湯，麵豉湯味道不算濃，但已乎合基本要求，湯內有兩顆小蜆，蜆肉鮮甜，令人喜出望外。

嚐過兩款整體合格的前菜，便到主菜烤薄豚肉飯，原味網燒汁已塗在每片豚肉上，先夾起一片，果然是薄薄的，放入口中，確實是帶點燒烤的味道，不過肉質太乾，亦十分鞋口。心有不甘，馬上再選另一片帶有一點肥肉的，雖然好一點，但肉質仍然過於乾，感覺像是在嚼新加坡美珍香的豬肉乾，十分東南亞感覺。

白飯不會期望是用日本珍珠米，以數十元的價值，口感上已可接受。原味網燒汁份量頗多，用來伴整碗白飯也卓卓有餘。燒汁的味道偏淡，與顏色有點不符，同時沒有主題，用來伴飯其實不太合適。另一個大問題是，燒汁的味精實在太重，吃至中段已感到滿口不自然，自己不算太抗拒食肆加入味精，但多至此程的實在令人有點怕怕。

店舖及職員也要求做到和風十足，但這樣的包裝只能蒙騙人於一時，我會寧願行遠一些，鑽進一些位置不太方便的商業大廈，在其樓上的正宗日式小店，再多花數十元，吃一頓令人感覺身心也飛往日本的午餐，也不願將價就貨地吃一餐不倫不類的「星港日基因改造餐」。

天氣酷熱既關係, 真係熱C...要出外面玩影相一定會中暑, 所以尋日下晏轉戰於室內之博物館影相也(有冷氣既關係唷~ )

哈~ 有借口要求相公出尖咀食晏啦, 本想去試芝士撈麵..但由於我地要去歷史博物館+科學館...一來一回...都溶C...所以當經過十勝.. 叮...不如入去食...唔水行咁遠~~

本魚要了＋勝厚燒豬扒飯餐配網燒汁 - 新鮮剛出黎時, 豬扒肉汁濃厚+ 美味...但豬扒放耐少少..可能冷氣既關係, 凍了就鞋口少少...而飯呢...我覺得唔夠汁去撈飯...所以食起上黎..太乾...如果比返D汁撈飯..就會好好多....沙律平平無其, 反而麵豉湯有驚喜, 湯除了基本既海帶, 還有2隻蜆唷~~

而相公要了吉列豬扒配湯拉麵 - 吉列豬扒香脆, 就算放耐了, 凍咗, 都仲脆口, 另外店舖提供即磨芝麻, 個容器好得意, 拉麵呢, 相反普通, 我同相公講, 無得同八八八拉麵比唷~

唔, 總括可以一試架~!

今日又同墨丸米試新野,事源講到上星期五去咗間烏冬專門店試食,味道都不錯! 見到隔離店又係同一集團,但係食豚肉的,所以一於又去試試

餐牌食物款式不算太多, 以豚肉為主! 我們點了:
薄燒豚肉飯配燒汁, 飯很特別地用上備長碳來煮, 所以飯很軟很香, 再加上甜甜的燒汁, 令到飯更加好食, 至於主角豚肉味道很香,肉質沒有"鞋"的感覺!

朱古力咖哩芝士免治豚肉飯, 名字很吸引, 所以想試, 味道方面, 咖哩很香, 可是沒有朱古力的味道, 這算是有點失望, 至於芝士免治豚肉方面, 芝士味不足, 免治豚肉比較乾身欠缺肉汁, 不過有咬口, 同厚身,所以整體來說算是合格!

日本料理來說這間餐廳算是抵食, 而且感覺都不差, 所以下次再試下厚燒豚肉飯!

八月十二日﹙水﹚

約了一個認識多年的朋友吃個便飯，朋友想吃點日食，是我的強項，意見當然多多。既恆量價錢又想好吃，本想走到八八八吃拉麵，怎料下午看新聞才知遇著一氧化碳事件，有緣無份只好轉移地方。想吃「万豚屋」又怕等得太久，結果想起這兒開了新分店，在旺角吃過一次印象不差，就到來這裏。

下班來到已經七時左右，剛好還有一兩張空桌，真是幸運。內在格局與旺角總店相比起來沒甚麼大分別，也是充滿溫暖氣息的棕色格局，坐下來蠻舒適的。看過餐牌後，每人點了一個飯及兩個小吃，份量已多得放不下了。

友人的「豚ロースカツ丼﹙滑蛋吉豬飯﹚」先到，滑蛋做得蠻出色對版，吉列豬扒是厚切的，切起來也有五六件，份量十足。在吉列豬扒的面上加上蛋汁，能減卻吉列內藏著的熱氣，始終是女孩們相當受歡迎的組合。不過朋友指雖然蛋汁做得出色，豬扒的炸粉亦不太厚，但內裏炸得甚老火，未算十分滿意。和朋友說起吉列豬扒來，又想起尖沙咀的吉列專門店，提起了吉列的食欲，說好了下次的飯局就到那兒去吃過更好的吉列吧。

自己的「厚焼豚ロース丼﹙厚燒豬扒飯﹚」也隨即送到，之前兩次也是吃「豚かたロース﹙豬肩飯﹚」，今次試試新口味，來個厚切的。樣子還是一般，單看豬扒已覺是相當的「鞋」，試吃一件果然如此，幸好肉質較腍，未致於最討厭的又鞋又硬乾哽般的難受。厚切比薄切更難控制燒的時間和火喉，結果這是失敗了的。但配上的海鹽白汁伴起燒得香口的豬扒和飯來還不錯，比起之前吃的原味更有風味。下次要試還是乖乖試吃店長推介的薄切算了，可能會較好。

相當掛念之前吃過的「かたロース(豬肩)」，加上又想吃點菜疏沙律等，朋友提議多點兩款小吃，便單點一個燒豬肩(辣汁)及南瓜蓉沙律。南瓜沙律先到，南瓜蓉堆成一座山的形狀，份量多得嚇人。香甜的南瓜磨成蓉後甜味發揮更好，掛在口中遲遲不散，相當滋味。由於是甜而且南瓜吃多了很膩，最後以兩人的力量也難以完成。

還有的燒豬肩外層燒得剛好來得香口，內裏是爽口的肉質，還是這個比豬扒好吃多倍以上。配上醒胃的辣汁，把本身被甜膩南瓜打敗了的我們重新治好過來。吃過多次也沒失望過的豬肩肉，價錢不貴，三十多元的貨色，但是誠意推介。

吃完發覺時間原來尚早，和朋友談起天來，坐著坐著，八時多店內人客已開始減少，我們也結帳離開，四處逛逛好了。兩人才二百元有找，當然不算甚麼很高檔貨色的店鋪，但最重要還是和朋友相聚的時刻過得開心，吃甚麼好一點差一點已是其次。

讀幼稚園及小學時，如得到老師嘉許，就會在手冊或功課上蓋上一隻小白兔，相反做了一些不得她們歡心之事，就會蓋上一隻豬仔。

豬，彷彿是一件不光彩的事物，放諸現實，豬隻反而是一種智慧高和喜愛清潔的動物，而其鮮嫩的肉質，一向是南方人的主食肉類，起碼，我不是回教徒。

另外，相對來說，黑毛豬的肉質，也比白豬來得珍貴，相信除了品種優劣之外，有些還以野生放牧飼養作賣點；上週五在尖東看戲，看見一間有人排隊的小店，發覺是一間日式定食的專門店，還標榜以日本北海道的黑豚肉作主要食材。

原本想點炸豬扒，但店方以燒豚肉作為它們的招牌菜，那就點了一個厚燒黑豚肉的定食，事前還懷著一點期望，不過味道倒比想像中遜色，說是厚燒，也只是半寸不夠，表層還算香口，可惜脂肪不夠之下，其肉質實也有點乾，用的是珍珠米，其網燒甜汁，也屬開胃之味道，不過配菜之蔥段，事後令我的口氣，暴增兩倍之‌多。

總算試過，這五十五元的一個定食，如揀了一件有質素的豬排肉，不止家母，甚至我，也有信心可以弄出一件更像樣的豬排。或者，如果我選的是薄燒的話，火侯控制得宜下，其味道可能更耐吃一點也說不定。

下午茶時間,來試試這間主打日本豚肉的新店,地點在噴水池去科學館的大橫行,地方清潔,三四十個座位吧!!西斜關係,超光猛,但冷氣夠,這段時間客人不多,連我只有３個!

點了主打的”＋勝厚燒豬扒飯餐”,$38蚊包一杯飲品,有三種汁供選擇;
原味綱燒汁;
火地狱辣汁;
海鹽白風燒;
我選了綱燒,等了30分鐘,無花無假,其餘2位客人一定更耐,大家都有向侍應詢問還要等多久,每次的答覆都是很快,侍應的數目出奇的多,7個,都是在夢中工作似的提不起勁,也沒有幫我們叫厨房收點,是不收加一的問题嗎？最後3碗齊出,我等的時間最短,希望是個別事件吧!!!

厚燒豬扒賣相可以,燒汁頗香且甜不太杰;豚肉全是廋肉,一塊切成條狀增加咬口,有點乾身和鞋,也有點豬味但不肥美,無回韻味可言;飯是日本真珠米,煙煙韌韌,黏口有米香!!

整体無什特別和驚喜,一試無彷!!

星期日打算去科學館，原本都同夫人煩緊係尖東有咩好食~突然之間係我地面前出現左一間想試好耐位於旺角既十勝豚肉，竟然係我地面前出現即時二話不說就入左去!!

相信星期日既關係係尖東唔多人，成間舖都係得幾檯客。我地決定左叫吉列豬扒冷麵，夫人就叫左一份薄燒豬扒配原味燒汁~

靜侯數分鐘，放係面前既好香炭燒味既豬扒飯。燒汁既味道配合得十分討好~唔會好似坊間有d舖...個汁甜死人，最重要既就係 a la carte 只係$30蚊~!!!

而我既吉列豬扒冷麵就反而麻麻地，件豬扒雖然係鬆脆不過唔係好夠肉味...

下次有機會會去試埋朱古力咖哩飯~

早兩個星期行過,見尖東開咗兩間新店, 日日都排哂隊. 今天有些時間, 就早一點去排位, 看看係唔係咁好食.
12:45來到, 35'C的高溫, 加上猛烈的陽光, 無得拿"飛仔", 一律排隊. 真係好多人, 排了20分鐘先有位. 期間2人枱,好快就有得入, 4人枱和6人枱等得最耐. 這點我覺得不太好. 入座的安排有改善的空間.

三人,各點了十勝厚燒豬扒飯套餐,十勝烤薄豬扒飯套餐, 十勝厚燒豬扒飯+ 凍飲.
十勝烤薄豬扒飯套餐先來, 薄D所以快點熟吧. 套餐包沙拉及麵豉湯. 同事分了一片給我試. 切得薄薄的豚肉, 質地算OK唔會韌鞋, 原味網燒汁, 就係燒汁味囉, 味道有點像食日式烤肉. 40大元的出品算唔錯. 當然不能與黑豚, 赤豚比較.
到我的十勝烤薄豬扒飯套餐, 麵豉湯入面有兩隻蜆. 味道幾好. 豆腐沙拉, 蔬菜出水, 令到芝麻醬的味道淡了, 唔得. 到主角,厚燒豬扒, 又唔算好厚, 約1cm. 肉質和薄切一樣, 肉味都ok, 但口感較充實. 各有各好. 食肉獸應該叫厚切會好D. 白米飯係日本米, 口感唔錯, 但無咩飯味.
同事細食D, 要凍飲,唔要SET, 要了凍0T, 佢話茶底係開粉. 味道普通, 但勝在大杯. 下次等我都叫凍飲先對水吧評分.

我好自然和伊呂波比較, 因為薄切豚肉SET,其實好似, 只是後者係自己燒. 兩者比較伊呂波勝一籌, 伊呂波的白米飯, 好食到我會refill, 但價錢貴一倍.
以40-50元的價錢來計,都係OK好食的豚肉丼, 雖然唔知點樣北海道.