40
15
8
電話號碼
26281117
開飯介紹
臨海的意大利菜餐廳，酒館風格的裝潢，營造輕鬆的用餐氣氛。菜式種類繁多，價錢親民，分量十足，是放鬆身心的好地方。
繼續閱讀
營業時間
今日營業
11:00 - 23:00
星期一至四
11:00 - 23:00
星期五
11:00 - 00:00
星期六
09:00 - 00:00
星期日
09:00 - 23:00
公眾假期
09:00 - 23:00
以上資料只供參考, 請與餐廳確認詳情
有關獎賞計劃
招牌菜
食評 (76)
夜媽媽嚟到黃金海岸 9點幾已經好多餐廳閂咗淨係見依間仲開 無選擇下就食咗Fried Wing Stick $145估唔到成餐最好食係依樣成兜都係新鮮炸起 熱辣辣香噴噴炸雞鎚啖啖肉又juicy 加埋黑松露沙律Perfect池不過$145得5隻雞鎚 用一堆薯條鋪底 就有啲貴Beef Lasagna $158肉醬 + 芝士 仲要啱啱焗起 味道係唔會輸嘅但係肉醬比麵更加多😂感覺似淨係食緊肉醬咁😂如果比多一塊麵 應該會開心啲Dinner Set $219Soup + Main + Dessert + Drink-Soup: 龍蝦湯🦞有啲驚喜嘅 竟然跟餐有龍蝦湯味道中規中矩啦 餐湯嚟講都算係咁-Main: Australia Ribeye 茶餐廳質素咁 又乾又柴 有少少失望-Dessert: Cheesecake 除開差唔多$300一個人 質素跟唔上價錢
繼續閱讀
黃金海岸每到假日都有好多人, 今次就啱時間可以平日過黎😍搵返間西餐廳輕輕鬆鬆食餐飯先!!炸魚薯條🍟英式炸魚薯條係國民美食, 大大件魚柳用啤酒醬裹起, 炸到金黃色仍然保持有肉汁, 配埋香脆炸薯條更滋味, 絕對係炸物控必點嘅美食...呢度嘅魚肉厚實唔鬆散, 薄薄外皮包住炸魚, 唔會油淋淋, 唔覺有腥味👍🏻Dinosaur RibBBQ燒豬肋骨配薯條, 大大份, 賣相超級吸引, 薯條份量好多🤩鍾意薯條嘅朋友們一定要試下呀🧡豬肋骨好厚肉, 好多肉汁🍽️
繼續閱讀
「意有所極，夢亦同趣」意指心裡有所想的夢裡也有相同的境地 呢間「意」式餐廳就無所極 首先係餐廳外觀來講內裡空間十分闊落 出面就有意大利小酒館feel 仲有好大嘅吧台可以邊睇波邊飲酒 同朋友係度聚會真係唔錯！再講menu多選擇到 無論你想食墨西哥菜定意大利pizza呢度都應有盡有！🌮烤牛肉薄餅捲💰165fajitas係墨西哥菜式 上來會見到有個鐵板 鐵板上面有切成一條條嘅肉眼牛扒 仲未煎到熟曬 入面肉色仲係粉嫩嘅充滿飽滿嘅肉汁！用洋蔥同甜椒炒完之後係鐵板繼續轟出牛肉嘅香氣😋仲有一碟上面有4塊墨西哥捲餅 隔離有3種醬 分別係牛油果泥 酸忌廉同番茄莎莎醬 食嗰陣攤開餅皮擺D肉同埋甜椒洋蔥入去 再搽D醬汁之後包成一個捲嘅樣一啖咬落去 充滿著BBQ肉同埋香料嘅味道 好滿足😍🍤海鮮大會💰148呢度嘅海鮮大會一開始我仲以為係就咁煮出來 原來係炸物雜燴（海鮮版）配有半個檸檬可以擠D汁清香D 仲有千島醬同茄汁可以點 分別係魚柳 魷魚圈 蝦同埋薯條 不過海鮮入面冇乜味 但係薯條就好正！薯條係幼身 但係超脆同埋鹹味好突出好正！彎曲嘅外表配上外面嘅炸粉有小小辣令人停唔到手🤣🍝烤牛肉千層闊面💰145鍾意千層麵嘅一定會試勻曬全部餐廳嘅lasagna😭呢度同pici嘅比較似 都係用一個大碟裝著焗盤入面嘅千層麵 份量都幾大 表面已經焗得焦左 有D黑色嘅點點 畢開最上層嘅芝士下面就即刻溢出流動性強嘅白醬 白醬下面就係肉香味濃嘅肉醬🔥不過上面嘅芝士皮其實比較薄 好容易被下面嘅白醬蓋過左其他味 千層麵嘅存在感都唔算特別高🍕錦繡大會薄餅💰165呢度pizza可以嗌薄底（脆）或者厚底 我地不嬲都鍾意厚身+芝士 以為成品都係薄薄地 但係原來咬落非常有麵包嘅原本香味！上面料都好多 雞肉 火腿 salami應有盡有 加埋識拉絲嘅芝士味道一流！
繼續閱讀
印象中幾年前來，同一個位置都係意大利餐廳，但係細好多同埋裝修比較簡約，現在餐廳大咗好多，環境又靚咗，感覺上高級咗好多。今日係平日，五點幾來到，外面有幾台外國人飲嘢，室內只有我哋。餐廳已經用QR code落單，版面都好清楚易用，食物選擇好多，什麼類型都有。有set dinner但係揀唔啱所以散叫。蟹肉扁意粉，我覺得好好食，味道調校得好好，又有啲辣，蟹肉都唔少，我諗我下次會再叫。Fish N’ Chips - menu 有講係啤酒炸漿，炸皮唔厚，魚仲算滑，幾好。Pepperoni pizza, 有厚同薄揀，揀咗薄餅底，但係有D硬又唔夠薄，真係似塊餅，整個表面都鋪滿芝士和辣肉腸，一般般最滿意呢度食嘢有泊車優惠，星期五每小時$30，消費$150送1小時$300送兩小時，星期一至四只需$100有1小時送。基本上食餐飯已經有兩小時免費泊車，大大增加左嚟呢度嘅興趣
繼續閱讀
今日黎到好靚嘅黃金海岸海邊附近餐廳食我最愛食既意大利麵店resto estaurants我哋最鍾意食嘅意大利粉👍除咗意大利粉佢都會有pizza同唔同嘅小食心，包括炸物，仲有墨西烤肉，仲有甜品！今次叫咗個蟹肉炒扁意大利，蟹肉份量唔會少！醬汁唔會令到我有油膩感；蟹肉好鮮甜！扁意大利粉質感唔會過硬，質感好creamy！之後再叫咗個卡邦尼意大利粉，芝士層次好分明，芝士唔會好咸，配上洋蔥更加突出香味，最後再叫咗個小食，炸薯圈，飲品叫咗小甜嘅凍檸檬水！健康同清新！重點係呢度風景好靚放假一定要放鬆一下！
繼續閱讀