機緣巧合同11個朋友黎到依間cafe, 感覺令人喜出望外

論環境, 間cafe屬於細個類, 坐滿都係30個左右, 所以唔算嘈
室內設計簡樸, 開放式廚房,方枱,沙發都無咩特別
如果坐窗口位可以睇到街景, 不過都睇唔多, 畀附近d大廈遮左

論食物, 款式種類唔算好多, 不過味道係我去過cafe之中最好~
我點了天使麪套餐, 包括前菜, 主菜同一杯$35飲品
前菜是黑醋胡蘿蔔絲鴨胸絲伴生菜, 除左鴨胸絲其他都無味, 整體一般
主菜我點了天使麪, 味道一流~ 不過我個碟唔知點解特別咸... 不過都係覺得好好食食曬
所有菜賣相都唔錯, size都唔算好細, 一般size
飲品我點了朱古力, 正常味, 都算好飲

論玩至係依間cafe的重點所在
除左uno, 疊疊樂依d common game之外
多種款式的board games, 相信好多連見都未見過
有興趣當然可以試多幾款, 人多人少都應該有game適合
試新game最麻煩係要學, 但間cafe有人教玩, 方便了許多

論服務, 教game個位先生十分欣勤
其他人無咩特別, 不過見人飲完要地方玩game都唔醒目收杯
星期6晚坐左3個幾鐘都無趕我地走, 就算有人book左都畀我地坐到人地黎為止, 算唔錯
不過個冷氣唔夠大, 少少焗, 特別係玩到興奮個時

平均$70落樓, 最平個餐$63.5連加一
如果喜歡board game 一定覺得物超所值

同男朋友行旺角食飯, 見到依間野個名幾特別, 同個招牌設計都ok, 所以就走上去食.

上到去覺得都幾有格調, 睇個menu d 價錢又唔太貴. d野食嚟到, 感覺上份量少咗dd, 不過都ok, 無論海鮮意粉. 芝士焗西蘭花, 味道都唔錯, 特別係雞翼, 可能因為我自己鍾意食雞翼啦 不過真係幾熱氣 甜品芝士蛋糕就差咗少少, 太甜, 而且叫咗杯latte竟然落唔夠奶!? 依d都有待改進, 不過整體上係ok, 可以接受. ^^

話說同朋友本身諗住去有 BLYTHE 主題既 CAFE 影下相, 交流下, 點知有間比人包左場, 有間因為冇咩人唔開, 咁就是旦去左一間, 而登打士街不嬲都出名多樓上CAFE, 咁係樓下有個少女派左張宣傳單張比我地, 咁就即本試一試, 去到坐低, 都算有幾好招呼, 咁見個餐牌上面註明剩飲只可坐2個小時, 叫套餐就可坐3個小時, 咁同朋友一人叫左一個 TEA SET, 坐低既時間係 4:30PM 左右, 因為上黎坐之前, 我地係樓下附近食左野, 我就問侍應我個SET 只上野飲, 至於雞亦遲D 先上, 而我朋友就叫左個三文魚沙律 TEA SET, 朋友話幾好食, 係OK 既....... 之後我地就開始拎我地既B 女出黎度身, 諗住做下衫仔, 傾下計, 之後有個朋友到達都有正價叫一杯野飲, 之後再有一個朋友6:40PM 左右再到達, 亦有叫正價飲品一杯, 大約7:00左右我地都差唔多想走先醒起個雞亦未叫, 即時同一個女侍應落ORDER, 當時個女仔都話OK~ 開放式廚房亦傳黎一把聲, 要等WOW, 隔左一陣有個"4眼作男性打扮既女仔"走黎問我係米叫雞亦, 如果係既要收原價, 我還以為佢誤解左, 點知佢話我過晒時間, 要我當正價咁比$ 先肯出比我, 仲好不屑話我地坐得耐, 話E 家係7:10PM, 我即時反應唔係話明叫SET 既係3小時咩, 4:30入坐, 5:30PM, 6:30PM, 7:30PM 先到3小時, 仲同我地強調隔離抬入坐早過我地但人地都有叫正價野, ( 但我地眼見人地後尾黎左一個人都係叫左杯野飲, 而之前3個人都係叫TEA SET ) 之後我同佢講現在未夠3小時, 而且當初叫野食時有講左比我知唔可以超過某個時間叫, 如果超過既話要比正價, 我覺得都OK~ 但當時係冇講過, 之後個"4眼男性打扮既女仔" 話叫左一個女侍應去每一張抬問有冇野要出, 但係我地4個人都冇聽過有人問過我地任何野~ 同提過我地出埋個TEA SET (雞亦) 佢堅持話有叫, 我都同佢講, 我唔係唔信你有冇叫, 而係如果係有叫既, 米叫番果個女仔黎同我地講LAW...... 唔通我地明知過左要比正價都唔叫咩, 我地係咁叫佢叫個女仔黎對質, 佢死都唔彩我地, 只係講2句, "過左時間出, 要比正價" 你要唔要............ 態度仲好差.........
其實如果佢有叫個女仔講比我地知再唔叫, 過左時間叫, 要比正價, 照常理邊個會唔即刻叫呀, 根本佢就理虧左, 死都唔答我地, 咁如果咁做生意法, 搵鬼黎咩, 老套D 講句都要啦 ~ 今時今日咁既服務態度~
但係有樣真心話, 有個男侍應服務態度好好, 好認真咁教客人玩每個GAME, 呢度係值得一讚, 只不過係比某一個人(可能係老闆啦), 態度咁差, 好似生意唔憂做咁, 影響左整間 CAFE 既形象姐~