星期六下午,無咩好做,女朋友提議去全港唯一一間既懷舊星巴克睇下。大約六點鐘去到,懷舊星巴克已經俾一眾龍友攻陷左,無論卡座定方台都座無虛席,得返孤寂既摺櫈無人坐,哈哈。去到就覺得好肚餓,先買野食,見到呢到獨有既懷舊三寶,所以就試一試。另外點多一杯榛子鮮奶咖啡。呢間星巴克既員工都好好服務,問佢地拎杯水送藥,都無問題,另外野飲野食係送去你枱面,唔洗企係CASHIER等,仲會將野食翻熱俾你食,VERY NICE。

懷舊三寶($34)

咖啡蛋撻,餅皮係咖啡味,所以啡色,食落同普通蛋撻差唔多。

菠蘿油,翻熱了,牛油融了麵包軟,這樣的菠蘿油唔好食就有鬼,不過仍然無咖啡味。

咖啡雞尾包,形狀同見慣既唔一樣,原來內有乾坤,麵包夾住係咖啡既椰絲,略為甜左D,不過整個麵包都OK。

榛子鮮奶咖啡($34),有榛子香味,鮮奶既滑,咖啡味比較淡,一杯平和既咖啡,岩曬剛好病完的女朋友。

食完東西,在店內拍拍照留念,店中的佈置模仿舊式冰室,而且隨便拍攝,可以慢慢欣賞,懷舊一番。G.O.D X Starbucks

老實講, 佢呢個主題真係好成功咁吸引到我同我朋友去試 .. 不過間野又唔近mtr .. 我同朋友都係要問左人先知間野係邊 .. 間野既設計真係幾令! 不過d 食物味道就不太特別了 ..

我地去到就試左「冰室三寶」 .. 包括一個咖啡蛋tart, 咖啡雞尾包 同埋普通菠羅油" 另外仲叫左當日既特別推介飲品 - hazelnut coffee 同 mint mocha~

個咖啡tart 得d 蛋好味 .. 個皮因為落左咖啡味而變得怪怪的 ..
至於咖啡雞尾包就好少少 .. 椰絲味同咖啡味都好重 .. 雖然甜但食完會好滯 ..
菠羅油算係三寶之中最正常既一個 .. 我幾鍾意佢係用麥包整 .. 同平時果d 菠羅包好唔同 .. 中間舊牛油好厚 .. 我同朋友share 黎食都覺得好飽 .. /_\"
至於果兩杯野飲 .. 如果你唔叫佢少冰既話 .. 佢可以成杯都係冰咁樣比你飲咖!!

我地去食果日都見到有唔少人拎住相機周圍影 .. 而店內亦有標示寫住「請亂拍照」 .. 相當攪鬼" 如果想影下香港既特色野 .. 可以一去 .. 但如果想食冰室三寶就唔係太建議了"

想黎d間好耐,今日中於黎左lu
但吾熟中環,所以刀搵左好耐=_=
入到去己經見到1個2個刀系到影相,因d度既擺設刀真系幾特別(連d餐牌刀系)!!
完全系1間懷舊冰室咁!!

有個staff推介左個冰室三寶,再叫多杯凍忌廉朱古力
個冰室三寶原來系熱食既!入面有::::::::
菠蘿油應該系用麥包黎弄的,有厚厚既牛油夾在中間!!賣相似足哂茶餐廳個隻
咖啡tart好特別!第1次食咖啡味既tart!!極濃既咖啡味!!岩哂我
咖啡雞尾包椰絲味重過咖啡味!中間夾住咖啡忌廉咁既野!!甜而不漏,好好味
同傳統既雞尾包刀好大分別!!

d間crossover既懷舊冰室吸引左好多攝影友黎影相,喜歡去starbuck既人1定要黎影下相
而且佢既冰室三寶只系((((本店限定))))
仲有d staff真系好nice!!

這間主題店,想來許久喇,今晚買東西回家吃。沒想像中多人,反而店員好似好悶,聊我談了幾句。地方設計很有feel,響咁既「佈景」中飲咖啡都幾得意。
回家將「三寶」弄熱。
咖啡蛋撻,只得撻皮有咖啡味,而那咖啡味很不討好,齋啡粉,帶唔出咖啡香。
咖啡菠蘿包,睇食評講,無咖啡味。我証實左係無囉!佢連無麥成份既假麥包味都無,我已經叫店員唔要牛油,咁仲唔試到真味!?包質又唔新鮮,賣$10,哼!
咖啡雞尾包,椰絲多得攝晒牙縫啦!餡又係蛋撻的齋啡粉味,加甜味。如果佢要做雞尾包,請佢參照吓傳統既雞尾包,麵包o個part點做啦!配個無味道既「飛機包」,很不倫不類。

Finally popped round to this Starbucks inmitating Old hong kong, one side of the cafe is modern, and the other side is like the old style cafe.

The food and coffees are the same as any starbucks, would be good if they had a starbucks version of old hong kong food, so it would be an attraction to go there and eat it, or use some sort of old cafe style cups.

Refreshed ourselves with iced mocha and old fashioned lemonade.

The lemonade was fizzy and tasted quite natural unlike the seven-up types,
and the iced mocha tasted good as usual.

下午茶時間,選擇了我喜歡去的Starbucks,不過今次去的是中環的一間.
其實中環有幾間Starbucks,不過因為家人未來過,所以就帶佢地來懷舊一下,
因為這兒有好特別的佈置,好多舊香港同舊式茶餐廳的物件,
今次選擇了凍忌廉朱古力同埋凍鮮奶咖啡,兩款比較,前者較好飲,仲有好多好多的cream!
而後者鮮奶味不夠.
由於有信用咭優惠,所以買一杯加$1就多一杯,好抵!
不過都係嗰句,環境比飲品好!!

已知冰室crossover星巴克這個idea 出來的效果麻麻，還是貪得意來吃一個light dinner。

三個人叫了一個trio set:
咖啡蛋撻: 撻皮咖啡味道極濃。除此之外，這個撻可說是無乜好講。
波蘿油：傳聞中的經典茶餐廳波蘿油有幾好？不得而知，本人連波蘿包也沒有吃許多年，入口幾近無香無味僅有牛油的滑，徒浪費quota。
雞尾包：根本就不是內有甜椰椰椰絲的雞尾包，包餡是巧克力忌廉，比嘉頓忌廉賓heavy，如此而已。

叫了一個杏仁荳奶，這個就是最令人滿意的item。
還有一個strawberry lamington，但吃過印象全無

服務員很可親亦很主動。環境嘛，冰室那邊人走不停燈閃不停（周五晚上八至九倒是靜下來一陣子），還是在另一邊才能relax嘆咖啡。

時光隧道般的starbucks cafe，帶你進入香港60年代的時光隧道，G.O.D設計的它是流行與懷舊的衝擊，懷舊還是懷舊，用心與刻意不在重要。重要的是一顆保育歷史記憶的熱心。鳳梨油、蛋撻、吊扇、老邁的照片、菜單、當鋪招牌、飛行棋、雀籠、黑白廣告又如何不讓你好奇知道其中的故事呢，你也要來感受一番，心動一番吧！

一直好想嚟呢間充滿着懷舊feel嘅升爸黑, 今日响附近見完客, 又到三點三, 醒起呢度, 一於嚟見識吓! 從都爹利街煤氣燈步下樓梯, 門口細小, 從門口到柜枱, 與一般starbucks無異, 懷舊區在店內深處. 我先行買杯Iced Mocha 同件 朱古力蛋糕, 再往內裏看個究竟. 內裏完全像走進時光隧道一樣, 回到幾＋年前的冰室, 細小的地階磚, 鋪了玻璃的枱面, 長板卡座... 不幸的是這些"道具"太新淨了, 如殘舊一些相信會仲有feel!
坐下嘆我的iced mocha, 感覺良好, 朱古力蛋糕味好濃, 絕不遜於有名餅店嘅出品! 眼見店內附近的顧客都忙着拍照, 呢度影吓, 嗰度影吓... 而外邊坐了不少洋人, 返而他們對這種懷舊feel不感興趣!

星期日忙裡偷閒黎到中環(都幾難搵)既starbucks~聽講呢到好特別所以黎見識一下
以冰室+懷舊為主吸引左不少顧客~食物同咖啡方面基本上同出面starbucks差唔多~
不過重點係個環境~四周都係攝影朋友~如果時間許可平日黎會更好(因為少人d可影更多相^^)
不妨黎見識一下

這食評，其實是在開業初期吃的，現在熱潮過後才打，的確來得有點遲。

在安蘭街，本來很想血拼，最後還是一件都看不上眼，兩手空空的過來這間crossover的starbucks，抖一抖再拼過。

這間starbucks，最大gimmick不過是coffee tart，菠蘿油，其他根本就跟其他分店無異。

要一件coffee egg tart，一杯raspberry frapp，就此。

tart的pastry不夠酥脆，牛油味亦不重，但咖啡的味道就很搶，即是說我完全吃不到蛋味；那杯冰，一如以往的水準，不寫也罷。

你問我，值得專程來一試嗎? to be frank n honest，quite doubtful. It really much depends on your own interest. 若然不是路經此地，我可不會身水身汗走過來這兒專程吃一件全不impressive的tart。

***ok面，主比那件只是ok的tart。

朋友提議去這間 G.O.D. x STARBUCKS 的 STARBUCKS 吃一點東西，一入店真的覺得很特別，很多人也為次而來拍照。完全不知STARBUCKS會CROSS OVER G.O.D.!

吃了『冰室三寶』
1) 菠蘿油: 三個包之中最好吃，包是咖啡味，皮微脆
2) COFFEE TART：COFFEE味好重，吃不出蛋味
3) COFFEE COCKTAIL BUN：COFFEE味比COFFEE TART更重，還有不太喜愛椰絲

另外要了個黑加倫子沙冰，味道普通啦，夠解渴，不過與『冰室三寶』不太MATCH!

其實我不太好COFFEE的東西，這次純粹『試吓』，下次來的話也會選擇一般STARBUCKS也會有的CAKE/SANDWICH

去過好多間Starbucks , 知道呢間係有[冰室], SO黎呢到影下相

咖啡蛋撻(6/10分): 咖啡味既皮, 唔太濃亦唔算脆,但勝在有特色, 亦係呢間先有得試,
10蚊一個,平定貴見人見智, 不過如果唔想食波羅油咁HEAVY,TRY THIS!

新出既LEMON PASSION TEA : 一飲, 好薄荷味,好爽,佐未算解渴

其實冇啦啦黎呢間Starbucks,我諗都係為左影相,
完全唔會驚俾人趕走,但如果想淨淨傾下計/睇下書就唔好黎呢間啦
因為真係好多人走黎走去影相的 =)

第一次係Openrice寫食評，希望會有更多次


今日係專登去呢間懷舊theme既星巴克
個位置都幾偏，上過網搵定路先去


兩個人叫左
Iced grande moccha
iced grande caramel macchiato
朱古力蛋糕
雞肉軟包
咖啡蛋撻
食得好飽喇已經


平時去親星巴克都只係去買coffe take away或者同d fd坐低自己傾下計
今次去到，覺得d waiter/waitress好好人
全部都好nice、好有笑容
有一個waiter仲專登埋黎問我試唔試下coffee tasting
wine tasting聽得多，coffee都有架原來
好得意咁，我去星巴克咁多次都未試過/未見過有d咁既野
佢好有心機咁沖左Kenya隻咖啡豆俾我地
跟住仲慢慢介紹飲咖啡4 steps
佢同我地介紹左差唔多半個鐘
了解左星巴克既咖啡多左
而且佢真係好nice~



傾完計之後
我地就係冰室個邊影相
個懷舊theme好得
佈置好靚好懷舊
個manager仲話可以包場一班人開party
價錢又唔貴，下次約夠人都想試下



後尾買左個starbucks tumbler
以後拎住佢買coffee有$3優惠
又環保又可以save錢
so cool!!!

去到比我想像中細
因為個間starbucks有special food係得個度先有
菠蘿油同雞尾包都係好普通
我覺得個蛋撻係普通到唔普通.
有點覺得呢間野真係sell gimmick.冇其他
平日去starbucks d service都叫ok.
不過我去搵野坐個陣d人走左既野冇人收
一行入去地下個垃圾筒爆到d tissue周地都係....
而且收銀員態度不太好之餘.感覺佢好似同空氣講野咁
我買野飲野食佢冇望過我一眼.
總之我呢次既experience麻麻.
不過我好多朋友去左個度影下相食下野都冇遇到我呢d事.
係我黑仔唔好彩定咩?
不過如果你係for黎影相呢個係一個唔錯既選擇!
希望你地唔會遇到呢d情況啦.