是日, 是兩個人的生日前夕, 齋妹常說不知如何是好, 兩個對佢非常重要既人竟然是同一天生日(我同佢表妹阿班).....亦證明佢同天蠍座的人有緣.

不過, 是日dinner, 最主角當然是阿班, 因為我倆仲有一餐要食. 地點就由阿班選擇. 經由佛堂的姐姐介紹, 來到這間印度素食店. Khana Khazana, 去年地鐵club 成日可以print出discount voucher, 所以才知曉灣仔有家環境不錯的印度素食店. 現在尖沙咀開了分店, 唔駛過海, 更加方便.

我們七點鍾上到來, 星期四的店子, 要等到9點才有其他客人上來. 好難得, 7點半至9點基本上是由我們一檯6人包場. 裝修好西式, 大LCD電視不停播著那些由一個男或女開始唱歌跳舞, 之後一對男女跳舞, 再而成街人陪佢地一齊跳舞既Bollywood猛片.....不過沒有開聲音....聽唔到佢唱乜, 又冇聲....感覺好怪.

來正式的印度飯店, 一定先來一個Poppadom, 香辣脆餅, 再加上汁來食, spicy開胃.

前菜我們點了, 炸芝士薯槳, 同素菜咖喱角. 再叫一個雜錦燒烤, 印度香草球乳酪, 濃汁芝士咖喱同菠菜粟米綠豆香濃辣咖喱. 是日大家不吃飯, 點下一個千層煎餅同傳統的Naan Bread.

食咖喱素菜, 最有口感既, 當然是芝士類同豆類菜式. 炸芝士薯槳, 是厚厚的炸薯餅. 用的應該是水牛芝士. 絲連感覺就當然細少少. 不過夾了著槳, 而且亦炸到非常香口. 香口的前菜自然人人喜歡.

之後是Samosa, 素菜咖喱角. 起初有怕辣的朋友好驚印度咖喱角會比較Spicy, 不過呢度既咖喱角不辣之餘. 而且個皮非常之酥化. 看落有點硬但因為個皮夠酥, 一咬即開, 裡面既豆蓉加上其他香料調味. 在口中散發到咖喱的芳香.

主菜, 先由一個雜錦燒烤開始, Tandorri, 是印巴式的燒烤法, 這個雜錦, 有菠菜卷, 素雜菜卷, 燒半奶芝士, 同燒西蘭花. 基本上所有燒烤類既素食有齊. 不過菠菜卷同雜菜卷比預期的差, 除乾了點之外, 那雜菜卷還帶少少苦味. 成個鐵版, 要說最好的, 必定是烤芝士了. 咬落去, 吱吱聲這樣的口感, 非常特別. 不過大家都覺得夠食, 若是要添食的話, 離不開這個烤芝士.

有汁的, 濃汁芝士咖喱同菠菜粟米綠豆香濃辣咖喱, 而, 印度香草球乳酪, 竟然同主菜咖喱一起上. 乳酪用來點Naan Bread 同 那個千層煎餅, 食落感覺到唔錯. 味道酸酸地, 好開胃. 乳酪的香草球, 一粒粒硬硬的, 真的好似食緊某外國牌子的乳酪. 只不過是酸味比較重.

濃汁芝士咖喱, 一點也不辣的, 不過像一個忌廉湯多過一份Curry, 食落非常creamy, 芝士是水牛芝士, 淋淋的, 入口比較粉口, 個汁用來撈薄餅食, 都唔錯. 最重要係唔辣, 啱果兩個唔辣得既人.

菠菜粟米綠豆香濃辣咖喱, 名符其實, 非常之香濃. 說正確一點, 這是Masala咖喱, 香料落得多, 自然味道香. 不過, 食下食下, 原來有洋蔥, 大家只有"liu"坎洋蔥....之後她們主攻芝士咖喱, 而這個就由我食哂佢.

兩種薄餅都好香. 大家吃得飽飽, 再來個cake, 交換禮物. 差在沒叫他們唱首印度版既Happy Birthday.