上星期五.. 臨近食午飯的時間收到愛人電話

相約我去食飯.. 當然 得 ~ 得 ~ 啦

公司附近有座新建成既商廈 樓上有好多不同美食的餐廳

愛人揀左呢間意大利餐廳 La Cucina Italiana 環境唔錯 仲有兩層

我同愛人一致應同 食物水準非常好 服務亦不錯

佢果度d 蒜茸包係用生蒜加橄欖油同香草做 食落蒜香味好濃

個薄餅好薄又脆口 仲要推介佢個薄切牛肉沙律配薄餅~好特別

只係個甜品Tiramisu 就普通d 冇乜特別驚喜

總括黎講都唔錯 下次要試埋佢個意大利飯先得

原本目標是26樓的酒吧餐廳，但那位性格大廚有事不返工，令整間餐廳不能做生意，唯有另覓地點開餐。對21樓的意大利餐廳亦有點興趣，便落去試試。

餐廳有兩層，位於21及22樓，樓下的裝修充斥著意大利南部小鎮的風格，十分寧靜舒適，令人響往。沿樓梯走上一層樓，氣氛熱鬧得多。餐廳中間放置大梳化，前面更有仿制的火爐，環境相當Cozy，有意大利屋企既感覺。

環境殺晒，食物質素又如何呢? 翻閱餐牌，選好了意大利長通粉、意大利飯和烤豬扒。主菜前，先吃些小吃。餐前小食有兩款，其一是麵包籃，麵包軟熟卻不熱，配上的是牛油和自家制醬料。醬汁含橄欖油、生蒜及生洋蔥，少許辛辣的味道，好吃。

另一款是tomato & garlic bruschetta，麵包上加了蕃茄粒及香草，酸酸地，幾醒胃，是不錯的餐前小吃。

先來蕃茄意大利長通粉，味道帶點酸辣，長通粉不會過份稔身，頗彈牙的。材料有肉碎、香口的煙肉，還有松子，很豐富，感覺也地道。

煙三文魚意大利飯，看似很濕，賣相未算討好。然而，吃起來卻頗有驚喜，沒有太糊口的感覺，米飯亦具咬口，三文魚切粒，肉嫩而香，很有水準。最怕吃又濕又黏埋一舊的意大利飯，這裡的出品就完全沒有這問題。

烤豬扒，賣相有少許似牛扒，沒有放太多的調味料，簡單幾粒鹽和黑椒便可。外層烤得香口，肉嫩味濃，只嫌鹽稍稍放得太多，略咸了一點，但其實味道是很不錯的。伴碟有大量的沙律菜，鮮甜爽脆，也健康一點。

咸點大致滿意，又是甜品時間。我先選Panna Cotta，質感有些少似Crème Brulee，上面更有焦糖，但很滑，正合本人口胃；Tiramisu幾濕潤，亦重酒香，但層次感不太豐富。

最後還有profiteroles，是Puff配雲尼拿雪糕，上面淋上濃郁的朱古力漿，味道當然是對辦。之不過，Puff太韌，雪糕也不是上乘的貨色，尚有進步空間。

在一個滿分的環境下用膳，食物水準亦相當，埋單每人亦只是一百五十蚊左右，絕對是物超所值。

為了興祝我的生日, 我的同事們就很"隨意"的在QRE Plaza 揀了一間意大利餐廳 (因為他們覺得QRE Plaza總有一些正野)

來過這楝Plaza好幾次, 這裡的餐廳似乎都是佔兩層的, 這應該讓餐廰的負責人有更多的空間去設計和佈置

去到門口, 已經感覺到這裡的意大利風, 森林綠的窗子, 上層更有一個溫馨高雅的大廰, 放着幾張梳化, 單是環境已經令人樂而忘返~

肚子餓到在打鼓的我們, 叫了幾個Appetizer和Main course, 大家一起share~

首先來的是香草蕃茄面包, 這個是餐廳免費送的, 平時不太愛吃蕃茄, 但是配合着濃濃的香料味道, 真的連這個簡單的前菜也充滿著意大利風

繼而來了餐前包, 合着隨包附送的蒜頭汁吃, 真是令人胃口大開呢

接下來我們叫了一個前菜, 是一個併盤來的, 裡面甚麼都有點, 每一樣東西都不算太特別, 但味道都很意大利, 可能是因為充滿了橄欖油的味道吧~

當我們正在狼吞虎嚥同時, 主菜亦陸續上枱

我最喜愛的是Pizza, 看似普通的一個Pizza, 但餅底是脆薄的, 濃濃的芝士分不開, 上面有一些"烚蛋"切片, 最上層是Parma Ham; 天呀, 我最愛的Parma Ham , 真的分不開

而其他的都是意粉類和Risotto, 都做得不錯呢, 但Risotto 就稍為遜色, 飯煮得太軟身了

午飯放一小時, 但我卻好像飛了意大利一趟呢~

oct 28, 09,2人嚟lunch,因為無set lunch,叫咗 :

1) 番茄多士 (免費)
-已烘得脆脆,可惜不熱了

2) 麵包籃 (免費)
-配以新鮮刴出的蒜泥,混埋橄欖油,侍應很好的幫忙+入黑醋汁
-知道是生蒜,所以不敢多下,真的有股辛辣味攻來,但因有黑醋汁,所以夾以酸酸的味道中和1吓

3) 番茄海鮮沙律 (hk$68)
-本來叫咗白酒香蒜蜆肉,但後來話比我哋知未返到
-所以改叫咗呢個
-碟上的海鮮可以不值1提因為全部都不是新鮮貨
-沙律菜倒是正常合格
-最估唔到就喺竟然會配以中東pita bread,個餅烤得好薄,很有麵包香

4) prosciutto e funghi/ italian parma ham, mushroom - small (hk$85)
-mozarella cheese落得很重手,所以咬下之後,可以有拉絲效果
-茄醬相對地落得唔喺太多
-餅底烤得薄,但都好似喺用pita bread的關係,所以唔會脆身,除咗餅邊位之外
-舖面嘅火腿切得很薄,頗有鹹香,亦軟熟
-整體味道都唔錯,可以的

5) profiteroles (hk$38)
-每次從menu上見到,例必會叫
-呢個面勁淋上朱古力醬,想起朱古力甜魔食友1定會好鍾意啫
-不過最重要的puff質感就帶點"un"同小硬,所以唔多得
-中間夾有的雲呢嗱雪糕球就算稱職,雖不是很好的貨色,但起碼佢無失場
-最後我都有"畢"埋碟底的朱古力醬食

6) tiramisu (hk$35)
-杯上的版本,所以會是偏軟身d
-中間的蛋糕層夠濕,咖啡味也有,但就無嘜酒味的做法

* 多謝友人請食呢餐........highly appreciated

* 呢度嘅裝修比想像中有心思.............有假火爐,又闢出1個小客廳位,擺有sofa,地上還舖有modern馬賽克磚..........都見到有不少食客喺呢個位置影相呢~~~

星期六，賦閒於家，太座接madam來電，問有否興趣用膳在外。Madam咁有雅興，又冇理由拒絕之。思前想後，灣仔一帶既有不少食肆，在合和泊車更有優惠，於是隨即起程。

是晚嘅焦點係位於合和中心對面嘅QRE Plaza，原來整棟物業主力係飲食場所，一派中環蘭桂坊格局。Madam對意大利情有獨鍾(包括人和事)，便選了這間意大利餐廳。餐廳位於廿一樓及廿二樓，第一層主要係飲嘢，樓上係用膳區。餐廳佈置感覺舒適，中央有一個仿古火爐及沙發，也吸引唔少客人拍照留念。不過枱腳十分粗，頂腳，坐得唔係咁舒服。

餐前麵包有兩款，分別係tomato bruschetta及簡單嘅baguette配蒜蓉醬，都是不另收費的。前者麵包烘得鬆脆，加了蕃茄，一點橄欖油，帶點酸甜味，倒令人更開胃；後者雖然係plain baguette，也是烘得內裡鬆軟、外表香脆，在加點牛油，多了一分奶香，更好。

主菜係「標準」的一薄餅、一意粉及一意飯。薄餅是pizza alla napoletana ($84 small)，toppings有洋蔥、蘑菇、青椒及辣腸等。薄餅底，芝士是有多冇少的，比較接近意北做法。咬落則香脆有餘，唔夠鬆化，而且近中心的已變得太軟，吃起來不太方便；意粉是linguini pepperoncino ($85)，簡單嘅linguini配上紅椒乾，加一點蔥頭、蒜頭、荷蘭芹。意粉軟硬度是剛好的，味道亦不慍不火，既可飽肚，亦唔會給肚子帶來太大負擔；最後是risotto primavera ($95)，材料有紅蘿蔔、洋蔥、南瓜等蔬果泡製而成，risotto重點係要creamy，但此risotto顯得比較水汪汪，芝士香味亦唔明顯，比較失色。

還在用餐嘅時候，時間大約是未夠十點鐘，見部份服務員於空置嘅餐桌上執拾並抹乾餐具，位置是頗當眼的。也有一部分於另一張空置餐桌坐下談天，好像是等放工似的。雖然客人不多，但這不是應有嘅態度。太座與筆者都為之錯愕。

連飲品共銀三百二十蚊，平均每人一百零三蚊，兼且可享有共八個鐘嘅泊車優惠(令人驚訝)，此配搭是頗吸引駕車一族的。

三個女子的小嘗午餐, 基本上細食的人吃了免費包之後已經會飽了, 但我這個貪吃"小姐"又怎會錯過一個食野機會

在公司用了數分鐘時間看了openrice,大概知道此美食之行的菜單是甚麼

兩個main course加一個dessert.
海鮮什燴意粉--
這是一個不錯的意粉,sauce香濃及海鮮很多(當然是新鮮的),清了碟!

parma ham pizza--
pizza是剛新鮮熱辣上桌, 唯一美中不足的是parma ham太salty及uneven distribute在pizza上. 而且用餐刀也分不開.....令食家頗為狼狽!

全日最抱期待的小甜品tiramisu--
小小的杯內有著一件甜品, 工作的忙碌已經忙卻了!
但.......最失望的也是這一道菜~
因為rum酒味不突出!失去了tiramisu的精粹!
它比街外的tiramisu滑,但味道卻沒有很突出的感覺.

用了個多小時吃的一頓飯, tiramisu是早早已經落單的.但waitress居在我們用完了main course而忘記落單!!我也差點為了這件tiramisu而冇左份工...
不值的一餐

星期日下午係灣仔想食個late lunch, 所以就到此意大利餐廳試下. 一入到餐廳就覺得裝修得好靚, 餐枱, 餐椅, 地磚, 牆身以至女廁都一絲不拘, 由於已經2:00 多, 只有2枱食客, 感覺很靈靜舒服

到食物方面, 先來個餐前小食, 由於未去之前看過食評及本人不喜歡蒜的關係, 我係無食到的....但我的朋友食完后, 個口真係有陣陣的大蒜味飄過來

到main course, 叫了個雜菜藩茄意大利粉, 個意大利粉好 al dente, 但個source 太咸 and 太多芝士味, 遮了藩茄的味

另一個係seafood resottoo (唔識串), 又係同一個問題, 太咸同汁太多, 海鮮味被遮了.

最后叫了兩個dessert and regular coffee, 個甜品一般, coffee偏濃及苦, 不太合我.

過開灣仔, 去到合和對面的QRE 的La Cucina Italiana試下,21/F係飲酒地方, 22/F則係用膳地方, 記得係網上睇過過話呢間餐廳係澳門都有一間, 宜家開到過來香港, 同侍應傾開, 原來大廚同大部份侍應都係菲律賓人, 而La Cucina Italiana 就係解意大利廚房, 等d食客有去到意大利人的屋企的家庭菜感覺

可能已經過左午飯時間, 餐廳已經無咩人, 差不多包場, 環境一般, 但有好多裝飾品同窗檯種左香草, 大部份都係四方檯, 餐牌菜式雖然有意大利, 中, 英文, 但點菜卻要用英文!

首先上左餐廳送的免費小食, 有一籃幾片法包, 配蒜蓉香草醬, 蒜頭係生的, 都幾辣, 蒜頭愛好者必好此道, 不過食完口氣一定會好勁啦!! 另外又有法包放左蕃茄, 香草醬, 橄欖油, 黑醋, 食落去酸味味都幾開胃, 幾清新

我地點左一個細size的四季薄餅($89), 薄餅係偏薄的, 熱辣辣但又唔係好脆, 材料豐富, 有mozzarella芝士, parma ham, 蘑菇, 鳀魚, 水瓜榴, 吞拿魚, 洋蔥, 葡式肉腸, 橄欖, 蕃茄醬, 味道複雜, 可能每樣材料唔多, 未能試出真味 , 只係食到芝士味不濃, 鳀魚幾咸, 唔通真係受澳門店影響, 竟然有葡式肉腸, 而唔係意大利腸??

另點了Fazzoletto特式芝士菠菜餡角配肉醬 ($89), 其實呢個整法好似意式雲吞, 不過我覺得佢應該主要係下左蛋去做個餡角皮, 所以食落去有蛋香, 卻沒有了意式雲吞有麵粉的飽滯感, 餡角內有適量的芝士菠菜蓉, 剛剛好, 唔會太膩, 配上大量平時用來整肉醬意粉的蕃茄肉醬食, 都算幾好味的一道菜, 不過稍嫌肉醬太多, 用來食多碟意粉都得

最後來的係carbonara ($88), 嘩!!一睇個賣相都知唔得啦, 通常d餐廳犯的錯係個雞蛋白汁太稀, 但呢度的竟唔係, 雖然意粉煮得al dente, 但煙肉炸到燶晒, 個雞蛋白汁煮到d蛋熟晒, d蛋煮到一舊舊咁, 擺明係煮到過左火啦, 估唔到意大利廚房整呢個菜都失手

仲叫左杯凍latte($28), 凍的鮮奶咖啡無咩特別, 咖啡味偏苦澀, 插上意大利國旗的攪攪棒真係hard sell佢間"意大利廚房"

食品同菲藉侍應服務水平有好有壞, 睇來要係灣仔區殺出血並不容易, 比我選擇我會行多兩步去日月星街食飯

又到我的週末勁食日。今次目標是灣仔QRE的La Cucina Italiana。出發前已經上 Openrice做了 research，一個喊面都冇，呢間應該唔錯吧？餐廳的總店在澳門，香港是她的第一間分店，開得分店，水準應該有返咁上下啦～

外藉侍應問明是 drinks or food 就帶路去上層 。週末的下午，我們是唯一一檯客人。還沒點菜侍應就送上免費餐前小吃及麵包籃，很有誠意。

蕃茄洋蔥粒脆法包：有驚喜，沒想過麵包籃外還會奉上其他免費的小食。這個加上蕃茄洋蔥粒 topping 的脆法包很清新很好吃。
麵包籃：只有簡單的法包。法包不香脆也不鬆軟。沒相干，因為重點是奉上的生蒜瓣醬啦～這個生蒜醬幾特別，嚐了一口，味道不錯，但食完肯定勁大口氣，要放棄了！又不想塗牛油，幸好每檯也有調味料供應，就來個我最喜歡的傳統橄欖油配意大利黑醋吧。另外，這個生蒜醬的威力真的很勵害，我只淺嚐了一口，但到晚上還是成口蒜味！

一邊吃著餐前小食一邊點選主菜。點菜後要耐心等候，立刻令人聯想到一定是即點即制啦！

Napolitan style pizza ($84/small)：有mozzarella cheese，蘑菇，青椒，洋蔥跟辣肉腸。最初在意大利，pizza 是窮人的食物，所以不會像美式薄餅般放大堆頭餡料。這裏的 pizza 用薄薄的 flatbread 配上蕃茄醬和大量的芝士，餡料不多但很新鮮，也還算正宗。吃第一片時批底很脆，但不知是不是太多芝士的關係，很快就變腍了。Pizza 上的菇看上去好像縮哂水乾哂咁，但食落又ok。
Spaghetti Carbonara ($88)：餐牌上寫的是Spaghetti alla Carbonara (Spaghetti with Egg, Pancetta and Cream)，樣子看上去還算正常，但一夾起就看到了－炒！蛋！！！原來 Spaghetti Carbonara 的意思是炒蛋意粉？正宗的是不是這樣啊？我從來吃的 Spaghetti Carbonara 都是蛋黃醬已經跟醬汁融為一體呀！味道還可以接受，但樣子實在太驚嚇，害我一想起這是煙肉炒蛋意粉就不想吃了。
Tiramisu ($35)：不管怎樣，最後當然要點 Tiramimi 最愛的 Tiramisu 啦！最喜歡不是糕狀的 Tiramisu ，立即為餐廳挽回不少分數。Mascarpone 佔的比例比 lady finger biscuits 的多，質感比較水，但口感極佳，跟我第一次吃的 Tiramisu 是一模一樣的，立刻加了很多感情分！

因為餐廳全是外藉侍應 (是菲藉嗎？)，而且沒有別的客人，像是包場一樣，可以暢所欲言，又任影唔嬲，不怕會騷擾到別人，玩得很開心，過了很愉快的週末。看到對面原來的滿記甜品跟 Suzuki Cafe 都關門大吉了，是即將開幕 King Parrot's Group 旗下的 The Yuu 日本餐廳在裝修中，很期待又將有新餐廳呀！

是晚聚舊。
餐前附送小吃配小塊法包的不知名filling，其貌不揚卻海鮮鮮味突出，微辣，令人胃口大開。
主菜的白酒蜆肉扁意粉最為吸引，辣得來是非常的惹味。
磨菰芝士薄餅則是正宗意大利薄餅的薄和口感。
頭盤是雜菜，健康有餘味道不足。
Tiramisu不是不好，但咖啡味失蹤，個人而言酒味薄弱，口感似creamy的cheesecake，吃完不滿足。

服務越夜越低效率。訂檯落order都要轉明珠台。
環境一流，夠privacy夠空間，氣氛較適合多人聚會或傾公事。

6-9-2009

朋友介紹呢間意大利餐廳食物好環境又好, 呢日 lunch 帶了我嚟試試.

麵包 #1 係 tomato & garlic bruschetta, 麵包幾脆, 蕃茄好酸好開胃, 幾好的開始.

麵包 #2 係 in a basket 的 plain baguette, 塊塊脆口得 crunch crunch crunch, 塗點已 soften 的牛油, 再落點味道極濃烈又辛辣的 mashed 生蒜, 好食.

Piatto Antipasti (small $75): 5 色 antipasti 係配薄餅 (好似係 pizza 嗰隻餅底, 軟熟質地有點似 naan bread, 唔知乜嚟?) 凍食的, 全都浸喺大量 olive oil 內, 見到都有 d 驚 只食了 seafood, asparagus 及 mushrooms, 及中間少少 cube 狀醃肉, 食完亦只記得十分油膩; olives 及 bell peppers 就慘遭放棄了.

主菜 #1 Spaghetti alla Vongole ($90): pasta 煮得 al dente, garlic 係 mashed 生蒜, 辛辣刺激; 細細隻 clams 有好多隻, 鮮甜度 ok, 食落唔韌, 都幾好食. 雖然油咗 d, 但比起尋晚 Munch 嗰碟, 呢個好食好多, 值得試試.

主菜 #2 Costelletta de Agnello ($118): menu 上寫 "lamb cutlet", 以為係「寶雲酥」做法, 點知嚟了一盤 5 件 "KFC" 樣的「吉列」lamb rack , 面頭唧了點不知名醬汁 (唔係 mustard 來的). 炸得脆口無油, 肉唔韌, 不過無乜肉汁又無乜羊味, 個人而言唔太喜歡. On the side 的雜菜就係「烚」完淋上 olive oil, 可以不試.

甜品 #1 Chocolate mousse ($35): 朱古力味幾濃, 甜度剛好, 帶點酒味; 質地就似 chocolate truffle 多過 mousse, 密度極高 (留意圖 6!!) 極黏喉, 好食但實在好 heavy @_@"

甜品 #2 Panna cotta caramelia ($35): 不論質地及味道都十足 creme brulee (面頭亦真係有層燒過的薄薄焦糖), 不過就更幼滑, 好好食! 平日食慣質地似 pudding 的(日式)奶凍, 呢度的完全唔同, 不過我更喜歡後者, 值得試試.

食物好, 環境亦好, 俾人去了意大利當地 d「屋企」的感覺; service 亦好, 老闆 (?) 好友善!

慢慢食慢慢嘆, 連加一每人約 $195, 夜晚嚟感覺會無咁貴 , 值得試試.

下次嚟一定會試試佢的咖啡!

Honey做到好夜，突然叫陪食飯，即刻仆出去，但都要佢等左15分鐘，等到呆哂，心痛死，雖然Honey話附近求其食，梗係唔得喇，D女人口話是但，如果真係求其去食魚蛋粉，就一定會出事。即刻拖佢去QRE Plaza，好彩平時有做功課，係Openrice已經check過呢間意大利餐廳唔錯，就同Honey試下。
1.前菜：蕃茄沙律多士，都好好食，印象分大加。
2.意大利Panini:芝士加火腿：貪佢夠快，本來已經有餐飽，再加呢個頂一頂肚先，熱辣辣，又香又好味。跟埋黑醋沙律，又香又新鮮，好食過美式個D沙律好多。
3.磨菇鮮蝦意大利粉：哇！正到呢....好食到連個碟都吞埋，個sauce好好味，唔識形容，一定要試下。
4.米蘭羊扒：即係吉烈羊架，睇個樣冇咩好感，深棕色一D都唔吸引，但食落又香又脆又嫩滑。
5.Tenderloin Steak medium rare 嫩牛肉好似毛巾咁嫩滑，食唔慣會覺得好難吃，但同個sauce一齊吃簡直是天衣無縫，好完美。
6.裝修：好靚好舒服，同女朋友黎一定ok
7.服務：雖然全部菲藉，但個個都好有禮貌，服務非常好喎。
總括來說，收費合理，味道ok，裝修一流，服務有禮，值得一去再去。

未開之前，一直就期待著返工的日子可以在LUNCH的時間裡食到意大利食物~~~
(除樓下那間之外的啦~)
當開了之後，就和2位同事去試新店食物~~~

一去到，已經給我一個好印象了~~
環境舒適，內裡的裝設有一種歐洲的風味~
木製的椅桌上，餐具整潔的擺放著，
加上較為寧靜究，真的感到在這裡用餐會是一個不錯的體驗。

我們3個女生，點了2個菜已經夠了~
點了一個大Size的Four Seasons Pizza和一個白酒蜆肉意大利粉。

Four Seasons Pizza：
賣相都幾好，但不知道為什麼……
今次的pizza不夠熱……沒有了應有的鬆脫餅底。
雖然這樣，味道真的很好~~~
同事說pizza好鹹……我卻沒有感到這樣……
可能是我沒吃到最鹹的部分？？XDDD

白酒蜆肉意大利粉︰
雖然份量比較少，但味道真的好棒！！.
意粉煙韌度剛好，蜆肉又多~
香草、蜆肉和白酒煮成的醬汁都吸在在意粉之中，完成不感到這意粉太過濕，
好吃得3個都在讚好吃~~~

在意猶未盡之下，點了甜品來試~
本來想點蘋果批，可是沒有了……那就改為另一樣……
(已不記得名字……只記得是泡芙中有雪糕……)
不過甜品令人失望……泡芙不鬆化，反之是外硬內腍……失望……
(完全的把分數拉下了……)

食物方面有進步的空間，希望下次再來的時候，可以讓我有個"笑臉"吧~~~

今天到訪灣仔QRE PLAZA...因知道重建...開了很多食市...於是就和老公一同去過圈, 依舊我都是喜歡隨心隨身的去試菜..我們望著一排食市名稱燈箱....就任意選擇一間食吧..一看發現用意大利文改名的餐廳...就一試吧

去到都是12:15P.M. 剛開門不久...人客不多....我們被帶上22樓層...裝修很華麗, ORDER 要全英語對答...感覺真的像去到意大利午膳, 一種柔和輕鬆感覺~

我們ORDER 了三樣食物, 一客是斑馬火腿哈密瓜..好美味, 2.)選了一個沙拉米腸PIZZA....餅底..比較軟身...相信是要迎合香港人口味...味道很好..3.)SEAFOOD RISSTO....一個字"正"
個汁做得很....用了鮮鮑魚仔夾龍蝦汁一起煮...好野味...只可惜飯次咬感太淋了....因正中意大利飯應是外軟內有少許硬....相信都是為了迎合本地人口味...所以味道正中....只欠了原材料之咬感

TOTAL:$300

同友人慶生，挑了義大利菜。
這裡環境很好，很relax，用餐要上二樓。中間有一大sofa。
要了mushroom soup，folded pizza，同potato ball。
Mushroom soup 很滑，不太咸，mushroom 分量也挺多。
Folded Pizza 很有心思，連邊的也吃到cheese~~~
Potato ball 好漏，醬是cheese，厚厚的，兩人跟本吃不完~