食完晚飯，睇完鴨鴨，下一步做D乜？
當然係品嚐尖沙咀既甜品啦！
一行三人睇完鴨鴨都身水身汗，已經無乜心機做research睇下邊間甜品鋪正，
所以走去左厚福街，大把選擇。

見呢間「 糖仁街」唔洗等位，加上天氣關係，
「入去啦，唔怕既！」大家咁就入左去。

基於同行兩個身體不適，不宜share雪花冰，
最後點左以下甜品：
１。西瓜涼粉加椰汁　＄３１由於唔是我吃，所以我轉述佢地既評語：
「椰汁既甜味cover晒無味既西瓜以及涼粉；無味西瓜並不清爽；涼粉似冇落魚膠粉既啫喱，而且冇甘草味。
賣相十分平凡，性價比亦非常低！」

２。雜錦湯圓　＄２５我曾經同過所有人講：「一間甜品店點伏都好，湯圓都好難伏得去邊。」
經過今次既經歷，我收番以上既說話。

呢間鋪既雜錦湯圓，雜錦只有芝麻花生（好似係），叫鴛鴦就差唔多。
湯圓厚皮，食完超級痴牙；芝麻是苦的；但薑汁可入口。

環境方面，擠迫，嘈吵（是客人的問題）。
服務質素方面，可能得２個樓面２個係廚，人手不足，但算手腳快。

後語：其實尖沙咀區大把甜品鋪替代，呢間食過一次就算！

同朋食完一餐超趕既火鍋之後,意猶未盡,於是再搵第二個地方坐底繼續談心~
心目中已經鎖緊目標打算食D乜野,所以可以好’目標為本’咁搵糖水店.
喺呢條街見到几間唔同既甜品店,我個人黎講真係唔中意排隊等食,
而且糠水一般大同小異,所以咁啱見呢間好似唔洗等位,就入左去~

睇睇餐牌,價錢的確係比一般既甜品貴,芝麻糊要二十几蚊~
朋友就要食熱野,所以點左芝麻糊,我就決定左食個咖啡雪花冰

芝麻糊黑色一碗,上枱仲係熱熱的~朋友覺得好高興
不過食落覺得一D芝麻味都冇,連DD 芝麻香味都嗅唔到~…話好似食緊粟粉糊咁… V_V
正正真係食之無味棄之可惜...

咖啡雪花冰 – 應該絕對係冇難度之作~ 一定唔會差得去邊~!!
上枱雖然係份量細少左D, 不過感覺足夠就好了~
材料配搭係自己去揀~有珍珠粒粒同埋朱古力糖粒粒. 佢地都擺得唔錯~!!唔會好似堆埋一堆咁上枱
但係好快就開始融雪…都唔洗10分鐘就已經變左水一樣~
拿拿林咁食完,服務員已經好快黎清枱,搞到我地想吹水耐D都唔得~ 唯有徹退

總括: 太急趕~一D都享受唔到飯後甜品的感覺~~!

椰王燉蛋白 $46個人覺得超好味, 蛋白好滑好香, 而且有點咸咸, 是椰子水的味道!!
整個甜品不會太甜, 就是因為有椰子呀
此外, 椰肉也可吃, 不過不太夠林
但我也非常喜歡這個甜品!!

這裡的服務也不錯,
因為朋友叫了棉棉冰但不覺有榛子醬就問問店員,
於是店員說是透明(奇怪, 透明), 如果不夠可以加多點給她。

同朋友飯後找甜品吃(其實純係想再吹水) 在這條街上有 3間糖水店, 本人最憎排隊要等
第一時間是去了甜 XX的. 可惜人多得要命. 所以立轉了另一間糖水店. 到了這間店不用排太久的隊. 坐下來自己點了個海底耶紫米露加豆腐花朋友點了雜果豆腐花+合桃露 +芝麻糊我吃了這個甜品. 乜甜品連甜味都無架? 我無叫小甜 wow . 紫米露沒有紫米味道.
這個我不能接受的. 甜品沒甜味有靈魂嗎?
我自己認為在這街上開些店. 仲有多達不到食客要求. 都不會關門大吉的
因為大家都是想找個地方同朋友落腳吹水. 要關的原因是業主加租吧

是夜和妹妹一起, 跟友人吃過晚飯後大夥兒又提議去吃個甜品. 其中一位朋友大聲表態說厚福街那邊有好吃的甜品, 興致勃勃的走在前面帶隊前往. 眾人見他樂此不疲的樣子, 大都沒有異議就跟著他一直走了.
晚上的厚福街仍是人山人海, 這裡有2家甜品店, 友人推薦的其中一家甜蜜蜜門口巳擠得水洩不通, 我們也沒時間慢慢等, 只好來到了另一家不用等位的糖仁街試試.店子不大, 但座位都幾多, 所以大家都坐得十分迫夾, 不算舒服. 裝潢亦比較簡單沒什麼裝飾.
餐牌更是手寫的, 好有街坊小店的味道.

眼看甜品款式都幾多, 西式,中式, 新穎自創的都不缺. 棉花冰更是有十多款口味, 甚至有紙可以讓你自己剔上要什麼配料, 自創出最合個人口味的棉花冰.

我的榴槤癮發作, 所以要了個果王之王''馬拉榴槤''雪花冰 (HKD$53)以棉花冰來說要過五十大元的真的有點貴. 不過上桌份量都幾多, 其實2個人吃也足夠. 嚐一口, 榴槤味確是幾香但感覺不夠濃, 反而奶味幾重幾CREAMY. 而且溶得幾快. 自問在別家地方都有吃過榴槤雪花冰, 這家味道都OK, 但賣價確實貴了一點.

妹妹要了另一款比較特別的 - 原個椰王燉蛋白 (HKD$46)這款甜品在香港雖有幾家甜品店在做但仍是不多, 不是隨街都可以吃到. 這裡的有凍有熱, 妹妹皮膚問題不能吃太凍的, 所以要了個熱的. 小小的一個椰子內裝滿了燉蛋白. 打開蓋仍是熱騰騰的.蛋白份量都幾多, 入口幼滑奶味適中, 的確幾香, 但略嫌甜了一點. 因點這款甜品理應是希望吃下去有種清清地不太滯膩的感覺吧, 但吃完這個喉嚨好甜... 而椰子好瘦, 好難刮出椰肉來.

吃完感覺甜品質素OK但未至於水準十分高到可以標到如此高的價格.
另外店員比較少, 落單或有要求時都比較難招到人來.
如果以這個價格在尖沙咀想吃甜品, 其實還有很多選擇的.

一行五人食完飯, 諗住再搵地方hea 下傾下計

去到厚福街, 間間糖水鋪都咁多人

等左10分鐘左右, 終於有位.

入到去, 真係好迫.... 但都冇辦法~

食得自然唔舒服~ 又嘈又熱又迫. 其實可以的話, 又唔駛枱與枱之間真係少少空位都冇囉~

講番野食, 其實都好多唔同選擇~不過自己又想食傳統糖水, 所以只係叫左個紫糯米~加左椰汁後, 整碗紫糯米好香~ 入面又有d 椰果, 煙煙un un~ 唔錯~

紫糯米都好香~

糖水係ok~ 只係環境差左d~ 如果少d 人同冇咁迫就好喇~

在下一家人在一遊日本料理用膳完畢，便到鄰近的厚福街食甜品，在下還以為到一間有個「甜」字的甜品店，但是卻沒有後來說糖仁街有位，於是在這裡吃甜品啦。在下第一次在這甜品店吃糖水，不知道它的產品如何，今天有機會一於要嚐試一下吧！

上次在葵芳吃糖水，實在是在下失敗之作，今天還望可以吃到出色的甜品，不要令在下失望。可是現實中往往都會令人有意想不到的事情，也許是真的會很幸運地食到很好的產品，但有時卻偏偏失望而回。

今次到糖仁街，對比上次是好了很多，鮮果椰汁西米露裡面有木瓜，西瓜，士多啤梨，火龍果及蜜瓜，再加上椰汁和圓大的西米賣相也不差的，不過在下的卻有點落差，原因就是用的椰汁不夠香，也沒有棷子味道，要到最後才食到椰汁的味道，呀！不知道是否因為在下吃了士多啤梨在先，才感受不到椰汁呢？這個都有可能性，因為士多啤梨的味道很甜很酸，以至在下有機會吃不出來，不過在差不多吃完，還可以吃到椰汁的味呢！而姊夫吃的是芒果淡奶涼粉，在下沒有問姊夫味道如何，只是各自各吃了自己的甜品。整體而言，甜品的味道尚可是不差，不過在下相信要嚴格控制甜品的味道，在甜的地方要甜，要酸的地方要酸，甜品也要做有味道的層次，這才是成功的產品。

環境方面，地方就不太大，而且枱也多，坐起來有點壓迫感，更何況今天是星期六，人特別多，所以大家要遷就一下。另一方面，服務生的服務不差，見咱們有十個人，問便主動問是否落齊單？咱們答落齊了，服務都唔錯。

小弟平時只係做 cd rom，但係哩間野真係差到要我開個 a/c 俾劣評﹗

個晚我同朋友去到厚福街，眼見想食o既鋪頭都排晒長龍，所以最後去到哩間 "糖仁街"，但係我地一行人都等左成15分鐘先有位，坐低之後朋友叫左朱古力綿綿冰，心太軟，而我叫左豆腐花拼紫米露

食物賣相：我碗豆腐花拼紫米露，賣相同一搬出面食o既都差不多，而落 order 後一陣就到，而個晚賣相 ok 的只有朱古力綿綿冰，心太軟個樣可以參考其他 ching d 相

食物味道：首先我試左我自己o既豆腐花拼紫米露，冇豆味之餘，試埋個紫米露就真係想換，點解個紫米露可以稀到成碗水咁，食左一半已經放棄﹗ 試埋朋友o既朱古力綿綿冰，ok 好味，但心太軟就極度唔掂，賣相差已經唔多講，個心太軟可以係唔甜 (好似冇落糖o既感覺)，外皮硬而唔軟﹗.

一碗咁o既o野就收左我$30，心太軟就$49，咁o既價錢俾 d 咁o既質素俾客，我可以講唔值得。開得做糖水鋪，連最基本o既糖水都做唔好，好難去期望其他貴價糖水會做得好﹗

一家人食完韓式燒肉, 當然去食糖水降下溫, 於是去厚福街睇下有咩糖水鋪!!!

見到有間糖水鋪超多人,我地8大1細應該幾難等,咪揀旁邊一間糖水鋪 !!等一等都15分鐘, 嘩入面超細!! 我地9人坐兩張細木枱...但我屋企人身形超大份, 坐得好辛苦!!以上所有糖水都唔錯, 賣相吸引,但價錢好貴!!!!!佢推介的心太軟, 一放低超失望.....咩來的..沒有任何裝飾, 少少朱古力醬圍邊都好啦,但無..一隻大碟裝住兩舊野!!賣$49
亦唔算特別!!

大家食完亦無comments, 因為只是普通的甜品糖水, 食完不能回味!!

埋單亦要等!!

一行四人入去坐低左 因時候尚早未夠9點仲有好多位 我地有2個大肚婆行動不方便但係老闆娘係都要我地轉枱 好唔friendly! 算
一睇menu甜品唔吸引 最後叫左熔岩心太軟配雪糕 $49 嚟到個雪糕得半球 心太軟又細 朱古力又唔係特別香 唔值$49囉
唔O咀係叫服務員俾杯水 佢竟然話冇 得支裝水即係要俾錢開 你估你呢度係高級酒店咩 水都唔俾人 唔會再光顧