很久之前曾在這裡晚餐是不錯的..
但今次在這裡下午茶的感覺便大不如前..
這裡的環境沒有新開的分店闊(落).. 感覺有些(擠)迫..
服務員更像似遊魂.. 看到你在叫他時.. 他也看當作看不到似的!

可能環境氣氛的影響下.. 食物好像是麻麻.. 一般得很..
各種壽司也可以.. 算是新鮮..
只有蟹膏弄得不是太好.. 水份太多了.. 口感變得差一點..
玉子沒有蛋的味道及乾身.. 珍寶帆立貝像是細少了一點!

整體來說.. 真的差了

好耐冇食壽司，今日同男朋友特登來金水食六折下午茶，
上次同媽媽食過，麻麻地,,

今次叫左三文魚壽司、希靈魚壽司各2客
玉子、魷魚鬚、甜蝦、蟹子、三文魚子、帆立貝、蟹棒、火炙鰻魚壽司各一客,,,
仲有兩客軟殼蟹手卷

來左蟹膏壽司，感到奇怪，因為冇叫,,
侍應拎返我tick 張單來俾我睇，
係我tick 錯，佢話點左冇得取消，
雖然態度不錯，但係感覺小家，
兩樣壽司價錢一樣，我地又冇食過,,,
不過唔緊要，第一次食蟹膏壽司,,
感覺唔腥，有d 意外，幾好

之後來左一盤壽司，
帆立貝同希靈魚令我大感失望，
又腥又苦，非常唔新鮮
可幸o既係三文魚都幾新鮮

軟殼蟹手卷一般,,,唔熱,,,
不過上面有d 青瓜絲同蟹子，相比其他乜都冇，
比較大方,,,,

特別一提係d 壽司飯應該係整定，
完全唔軟唔濕，乾到....
一夾起舊壽司，明顯d料就咁放上去，
食o既時候料同飯分離，
不過舊飯幾細，食多幾件壽司都唔會飽

服務唔錯,,,斟茶、收碟都幾快

不過覺得壽司質素比外帶爭鮮還要差,,,
屯門、元朗金水分店真係比呢間好好多，
一次就夠應該唔會再來,,,

之前LUNCH TIME去左金水,
本來都覺得比較平凡,但係無諗過居然會差到咁
我同個FD都係叫左個刺身飯, 就算係一分錢一分貨都太過份
我唔知係邊到出問題,但係聞落去係酸"縮"既....
OK,加左醬油芥辣,遮咁D味,但係D刺身腥到令我反胃
會唔會係放得太奈呢????

總之,我唔會再去呢間野到食野,可幸既,係員工既服務態度都唔錯

放工後約了弟弟出旺角，Lunch time 又要搵野食!剛好經過以前的大久保，
這個大久保相信令不少人留下深刻的印象 以前還以前，現在是金水壽司，第一次來食!
店內環境不錯，不僅是新的嗎....去的時候人不多~只有幾檯...
我們2人點了二個LUNCH SET，分別是:
三文魚親子飯
個中華沙律做得不錯，湯就太味精!超咸~
三文魚飯賣相單薄，食起來覺得三文魚不太新鮮，味道有點怪!

金水便當
刺身: 三文魚、吞拿魚及北寄貝x2
壽司: 三文魚、帆立貝及蟹棒各一，蟹子沙律及蔥吞拿魚腩飯
好像是很豐富似的，不過不太岩的胃口
要批評的是蔥吞拿魚腩飯的吞拿魚腩還有點碎冰~其他都只是一般!

最後想提一提，就是我都有同感覺得這裡的服務很有問題!
埋單埋左成15分鐘都未得....d待應仲係度有講有笑咩事....

食物質素:平心而論，尚算不過不失

(如果唔計較壽司飯鬆散易碎、紫菜易淋、部分刺身唔夠鮮，上碟馬虎)


價錢:原價與峰壽司相約，部分更比峰貴。

坦白講，如果佢ge食物質素同服務質素"接近"峰，我覺得開價再高都可以接受，可惜相距甚遠。
六折後價錢合理，再大食，食埋海膽牡丹蝦特大凡立貝一個人都係$200左右。


服務:絕無服務可言。強烈建議全程盡全力ignore員工ge一切說話行為並保持心情開朗，否則正常人八成會燥。


特別注意一reception姨姨。

pandora深刻記得某個夜晚與友人見金水冇人等
(當時9:2x，reception旁有一大牌展示9:30開始六折特價時段)
pandora友善地禮貌地保持微笑問:「唔好意思呀，我想問宜家可唔可以拎特價時段ge飛咖？」
reception姨姨額向天\擰o左下頭一隻字都冇講(當時並冇其他客人)

友人EQ高，話食正價都冇所謂。pandora唔服，再一次上前友善地禮貌地保持微笑問：「唔好意思呀，我想問係咪開始o左先拎得飛？」

誰知reception姨姨繼續額向天，唔知眼望邊咁講o左句：「今日九點九先會有飛派，十點先有得入」

多謝你終於肯理下我呀姨姨，下次我會認真檢討下自己，唔會再咁懒因為唔想等而去搵氣受。

一月三號 (星期日) 下晝一點, 兩個人去左呢度食, 響地下reception 報上人數, recept 姐姐叫我地等一等, 跟住佢用對講機同樓上講, 點知聽到佢不斷話: "兩位, 兩位....聽唔聽到........我聽唔到...." 狀似同上面d人溝通唔到咁, 擾攘一番後佢索性叫我地上去.........

一上到去, 見環境都唔錯, 不過幾個企響入口度既侍應見到我地上黎都好似當我地透明咁, 咁我地話"兩個", 佢地繼續企響樹無反應, 其中一個就響喉嚨發音話"果邊", (對腳依然好似生左根種左響地板), 咁我地唯有自己行入去搵位

當時都唔係太多人, 未夠一半滿座, 侍應都有好幾個, 不過全個過程都係: 不論落order, 追單,埋單...所有野起碼要叫佢地三次先至會應你,頭兩次都扮睇唔見聽唔到,或者應左就走左去, 無事發生一樣

我地叫左兩個定食, 佢地夠膽死定食既 湯,主菜同,飯係分開上, 真係前所未見, 攪笑到我果個刺身同麵豉湯都黎左, 硬係唔俾個飯我, 等左五六分鍾, 足足要催佢地三次先捨得拎碗飯俾我,唉,無言

其實呢度環境同食物都不俗,不過d服務真係不敢恭維, 呢個唔係個別員工既問題, 係全部侍應都集體企響度發白日夢而唔招呼d客

一定無下次, (直情有衝動想投訴呢間野)

13/10/2009 Tuesday


同友人去完迪迪尼黎金水食晚飯
一行3人被安排到一個幾滿意嘅座位
服務效率一般，要吹先會做野


天婦羅鳥冬
賣相同味道都唔錯
比起上次個拉麵,呢個真係好食好多


sushi
一般新鮮,不過不失


手卷
個炸蝦手卷好味!


串燒
帶子串有2粒,味道唔錯



依家係晚上9半後六折,已經冇左半價優惠,感覺冇咁抵食!
不過依然會同朋友再黎 =)

宵夜沒有半價了, 今日突然改左六折.....
唔好以為加得少少,
其實升幅有 16.7 %

而且d 野細件左,
d 水準比之前也差了: d 飯好易散, d剌身也只是一般水準,
而且選擇少左: 特價無左炸物, 同d特色野食! 仲有其他....

唯一好的, 就是效率快左少少....

行經旺角, 人多車多, 求期搵間野食, 就選擇咗呢間, 見個menu好似好多野食, 價錢雖然唔算平, 平過又未至於太貴, 咁就上去試一試啦~~ 當樓下位姐姐call上去話有2位上緊黎, 但當我地上到去時, 竟然係冇人招呼, 我地走去問收銀係咪兩邊都坐得, 跟住先招呼我地入去坐..........

當待應哥哥比完茶我地, 而我地好專心選完食物之後, 一望.............竟然唔見哂d待應, 遠處見到一個, 但又背住我地, 等咗成分幾分鐘先有人見到我地, 幫我地落單..............

當壽司上枱時, 我明明聽到個待應話係什錦壽身, 但碟上只有3種壽司, 每種有4件, 我諗咗一諗, 我地明明冇叫咁多, 我地只係叫咗3款壽司, 而每款壽司只叫1碟, 點解黎咁多呢?? 我心諗.........唔通買一送一?? 不過又唔見有promo話係, 咁我就問另一個待應, 問佢呢碟係乜?? 我逐樣壽司講出個名, 但我話我只叫咗每樣一碟, 佢拎走check, 之後番黎話搞錯咗, 應該係每樣1碟先係............

當我地食緊途中, 另一張枱叫埋單, 但聽佢地搞咗好耐, 好似係條數唔啱, 客人問點計, 個待應話咁計, 你一叫我一句, 搞咗成5分鐘先settle, 嘩...............唔係亂成咁呀??

講番食物..........

刺身 -> 厚切, 唔錯
壽司 -> 三文魚冇乜味, 又細片, 鯛魚OK, 又大片, 珍寶凡立貝, 夠大, 但D肉林得濟, 好似唔新鮮咁, 板X正好多...........
什錦海鮮炒拉麵 -> 餸多過麵, 有鰻魚, 青口, 帶子, 日本魚蛋, 蟹柳, 青椒, 洋蔥, 菇, 唔知咩魚, 三文魚, 墨魚仔, 蝦.............不過每部得1-2舊仔, 個味淡咗少少
霜降和牛燒 -> 其實都唔係霜降和牛, 係普通打邊爐果d肥牛之嘛............不過煮得幾好味

到埋單時, check一check單, 好彩冇計錯數..........不過係咁sell我地入會, 我見呢度d野食都係一般, 應該唔會再幫襯, 所以冇入會..........到行到門口時, 一路d待應都講 "多謝哂!!", 比起初初黎到冇人招呼, 差天共地...........

今日下午茶黎左金水食壽司，因為好近我，而且都有一段時間無食，所以咪諗住黎食下。點知黎到要等位，大熱天時，真係omg! 仲要唔知點解明明好多人走，但佢都唔叫檯俾d人入去，知唔知等位個個好辛苦架!

入到去即刻叫野食，不過d野食都等得幾耐下，唔知係咪因為佢太多人呢。同埋d侍應係從來唔會主動加茶的，每次都係要我提佢麻煩佢加茶，真係煩死人。仲要我見佢成日都要同d客講唔好意思咁，一定係成日有d野做錯左，可能太多客人導致有d混亂啦，我諗佢應該要管理下啦。

講返食物，食落真係好似差左少少，例如個海膽壽司係非常唔好食，都唔似海膽，基本上係無咩味的。我叫左個刺物沙律，個師傅擺明係好求其，D魚生全部都切到勁大舊，以前佢係會切粒咁架嘛，而家真係好似食一塊塊刺身咁囉，都唔知好嬲定好笑。仲有仲有，個鰻魚壽司食落有D UN，好似有D問題wor.... 唔知係唔靚定係點呢?

其他野例如蟹棒壽司，蟹膏壽司，牛舌串等都ok既，似以前既水準，但overall黎講我都覺得係比以前差左少少，希望下次去佢會好返d啦 =(

初頭諗住好好味,食評都唔錯,點知有點兒失望....
三文魚壽司:見到塊三文魚顏色唔多新鮮,食落口無味ga....
甜蝦壽司:甜味都無...
三文魚芒果手卷...一黎即刻食,紫菜都係"淋"
帶子壽司:無鮮味...
成餐食得都只係北寄貝壽司好味...
下次都唔會再黎食...

在我心目中比元X或xx卡啦OK更難食

三文魚冇味
帶子唔夠大粒
海胆壽司,有苦味
當我食完呢三款壽司,已經唔想再食

埋單時,個侍應見我得3只碟好似懷疑
當時真係有D嬲,我都唔想食咁小,之後仲要去食多個老麥先飽

朋友說這家壽司店在某時間後有減價時段..
但我真的很怕排長龍.. 所以決定避開那個時間來一試!

環境算是不錯.. 地方也不算太小..
可能是正價時段吧.. 但客人確是少了一點!

款式不錯.. 但食物質數和味道只屬一般..
有機會真的要一嘗特價時段是怎麼樣!

下午茶有半價..
等左一陣就有得入去喇..

又叫小食,又叫壽司
天婦羅炸蝦..粉唔厚,不過d蝦有少少雪味
雞軟骨..好味,好襟食..

北寄貝,甜蝦,三文魚...都好好食..
明太子沙律軍艦..第一次食,又幾好味喎,d蟹子變左正方形,好得意
海膽甜蝦卷..好唔掂,d海膽係水狀,d甜蝦細到睇唔到...

整體都唔錯,加上有半價,下次會再去食

之前食過油麻地金水一次,今日又食多次
試多d野食先~~~~

又到tea time時間,因為油麻地個間大,所以我地三點幾去到都唔駛等位
叫左(碟計)

三文魚壽司x8
影相可能差d,見到已經勁開心,色水靚不特至,切得d紋靚,入口真係勁full呀個口感,三文魚扒黎ga真係,切得好厚,,飯細細,又夠凍,勁正!!!!!!!!!!
由於三文魚切得好厚,幾左幾件我都已經好飽

火炙三文魚壽司x1,
其實我幾鐘意食,因為燒過種口感又唔同,有d油脂溶溶地,半生熟,好正!!!!

墨魚壽司x1
今次男友食完個有黏黏既口感啦~~~

天婦羅炸蝦壽司x1
勁好食,粉漿唔太厚,隻複都有返咁大隻,上面有d沙律醬,幾好食

軟殼蟹手卷x2
今次有少少淋.但係軟殼蟹係暖熱脆口既,美中不足係少左d沙律醬

食完壽司,炸物

炸雞軟骨x1
好香口,無雪味,加d檸汁.正!!!!!!!!!

炸蠔x1
咪講笑,必食~~~炸得真係鬆軟香脆,唔厚粉,入面隻蠔大大,勁多汁,唔係乾ga!!!!


拉麵,

九州拉麵x1
食開有感情,料足湯又好飲,叉燒9瘦1肥,好味~~~~不過今次食就爭d,只係暖暖地


最後男友想試燒物,注意(黃色紙係無半價)

食左燒芝士翠肉瓜x1
芝士燒到好香,瓜都係淋爽...不過我地唔好咁既食法,覺得麻麻(個人意見)

食完好滿足,好開心呀~~~~~~~~~~~€