今晚收夜好累~黎到mega box搵食.....見到有小飛象葡國餐廳,我又未試過食葡國野,但朋友話ok......咪試下啦~點知連朋友平時話好食,都覺得今晚唔好食~

我不嬲都對葡國野食無咩好感,所以我點左番茄什菇意粉,因為夠穩陣....而朋友點了當日廚師推介既紅豆豬手煲跟飯!

番茄什菇意粉,味道唔係太差,不過份量真係好細,隻碟就好大囉~一黎到見到隻碟,我同朋友都嘩左一聲呀~而且見到上一個食評,都有叫呢個意粉,但唔知點解人地同我既份量真係有出入架~人地碟意粉填滿隻碟,而我o個碟就填唔滿!

紅豆豬手煲跟飯:豬手較鹹,送飯都ok既,飯的份量又係細的,男仔食就唔夠飽,因為佢唔係一個餐,無飲品同湯,所有野都要散叫先有~包括麵包,湯,飲品.....

環境似街市咁嘈,同朋友講野都要好大聲先得,因為好多小朋友係到....可能餐廳內有一個位係兒童樂園......

噚日去mega box 本來想去b&q, 可惜close咗. 咁肚餓, 見到"小飛象葡國餐廰",咁見佢咁靚, 咪試吓囉, 點知................

我叫咗燒咸豬手 ($78)
葡式焗釀乳豬炒飯 ($68)
馬介休炒什菜 ($48)
同沙甸魚 ($18, 兩條起)。

燒咸豬手 - 又乾又肥又靭, jusco 檔仔好食好多, d 皮靭到咬唔到, d 肥糕食落去好怪, 會痴晒牙，實在難食。
葡式焗釀乳豬炒飯 - 個飯好香好味, 但乳豬又唔脆,又硬又靭, 我自己搵焗爐焗燒肉都好味過佢。

馬介休炒什菜 - 係最好食既一碟。

沙甸魚 - 係原條燒, 冇劏冇洗入面, 污"job"。

好彩hkb 咭九折. 唔係真係唔多抵。

幫朋友補祝生曰，澳門既小飛象餐廳吃過數次，香港既真係第一次食~

是日點了
馬介休薯餅-->好味，不過唔係好覺有馬介休味道，但凍左都唔油。
鮮果沙律-->新鮮，清清地，不錯的飯前小吃。
馬介休炒飯-->正，馬介休味道十分出，飯底炒得十分香，飯粒粒粒分明。
蒜香炒什菜-->正，d蒜香勁香。
咖哩雞併garlic bread-->唔好食，d汁係水既。
番茄什菇意粉-->正，勁番茄。
木糠布甸--> no good~其實d木糠都唔係d咩貴價野~但係d料勁少囉~d味好淡
double cheese cake-->不錯，勁厚既cheese味，不過食完勁飽~
炸雪糕-->份量極少，味道冇咩驚喜，唔抵食。

我覺得佢冇澳門既咁有特式，澳門有紅酒煮牛鞍，焗帶子。
雖然呢餐唔係差，但我就唔係好覺得自己食緊葡國菜。

早幾日諗住同屋企人出去食,
就打算去比較少去既mega box ,
真係幾大下架..行上1層見到有條好長既電梯,!
1上到去就比間餐廳既餅櫃同裝潢吸引住,(女仔果然都系鐘意食甜品)
同屋企人研究過個餐牌,都冇異議...就入左去啦(估5到咁快就簡定左間)

見出面好多款既蛋糕..原來叫餐+8蚊就可以有蛋糕,幾抵..下次lunch都可以食.!

7點幾入到去都有卡位坐,(D卡位好大張!超正)^^服務生好快就拎左3杯水比我地
有2人套餐 ,4人套餐, 但想食蠔,而且怕4人餐太多~
於是就散叫啦!難得出黎食,貴小小唔緊要!
叫左..
馬介休餅 , 脆脆地,餐前小食唔錯
xx煙肉焗生蠔 , 好大隻, very nice!
馬介休炒飯 , 配合得幾好,媽媽好鐘意食!
燒咸豬手 , 我就好鐘意食..因為個人鐘意味重既野食!

本身預d野食唔太多,點知上到黎都幾大碟下..
食唔晒..(我仰要留位食蛋糕架嘛)
不過服務生好好咁主動問我需唔需要外賣盒,讚!
而且都唔洗叫野飲,因為d水飲極仲有^^服務唔錯!

最後我叫左個芒果芝士蛋糕 同 朱古力蛋糕 食~水準唔錯...
食到好飽走人^^都唔算太貴! 下次都可以再黎食過..

甘差的餐廳，點會有甘多人話好????

2個人叫左

一客燒沙甸魚，根本無燒過，暖架...................又多骨，"星"到喊

一客白酒青口，每"粒"肉都唔大過尾指的指甲...真係火都黎

燒豬肋骨........只可以說....................below average

一杯橙汁，只有一枝"益x多多少少"的份量

Staff小到得個幾個，小得可憐。

投訴------------的人只係話會反映，唔想谷氣，無下次(唔好叫葡國餐廳啦唔該)

上個禮拜同屋企人去左megabox行
行到7,8點就去左呢間餐廳度食
可能閒日,唔算太多人
我地4個人都坐到張大抬
我地叫左個蒜蓉包(一般,好脆,但係唔太香口),
牛仔骨(好有肉汁,岩晒我呢d鐘意骨既人
燒咸豬手(好林身,咸咸地,送飯食一流,再加上唔太肥)
臘腸炒飯(一般,差咁少少臘腸味)
馬介休炒什菜(呢個配塔ok,起碼菜唔會太寡
葡式咖哩雞(我最鐘意呢個,d汁俾我食晒咁制)
Blueberry cheese cake(抵食,好重芝士味,之後發覺拎走食仲平)
總括黎講食物真係唔錯,下次如果黎megabox 呢間餐廳都係係選擇之一

暑假剛從澳洲回來...家人便帶我四出遊玩...剛好今天來了MEGA BOX
商場行大...但不算多人...感覺都很休閒..
好可能習慣了澳洲生活...所以 遠處看見這餐廳門口的卓子和椅子 的關係..給我一種休閒的感覺...自然地被吸引過去了....門口有很大的餅櫃..很多款式..其中看見櫃子竟全是芒果蛋糕..以為萄國餐出名的是芒果....?

家人接著便把我拉進去.....本身不熟悉萄國的食物....所以家人點了菜也沒意見...
落單不久..食物便來了...分別有豬手....馬介休抄飯....萄國雞....及拼盤...
很大的豬手...皮脆肉滑..肉汁很多..不太咸...好食
馬介休抄飯....不知原黎馬介休即咸魚..幾新鮮感..在澳洲沒有的...飯夠乾身 散..夠獲氣
萄國雞...熱呼呼的....不太濃...但是再多些棷香更好...
耕盤...看見一些像立腸和蝦餅的東西...來是萄國的傳統東西= ='' 真是不試不知...哈

最後.本來很滿足的...但不甘心...不試出面的蛋糕...因從來不知萄國的蛋糕是怎樣...
以為 只有萄TART 和木康蛋糕.....家人和我最後買了木康蛋糕 , 芒果香蕉 回家品嘗
軟身的木康 非常軟身可口...略甜了些..但口感真的一流=] 芒果香蕉...很特別....味道分層地出來...先是芒果...之後香蕉..最後朱古力..很新鮮這種感覺....回澳洲前一定再來!

服務也是滿好的...笑容及細心 直得一讚 為食客感覺不到壓力...完全放鬆地品嚐 ..另外設有兒童區也幾特別..不怕小朋友悶

同個fd經過,就諗住係度是旦食個dinner
牛仔骨夠滋味,d黑汁唔會辣
d汁可以自己揀,好方便~
萄雞既汁好香,啖啖雞,啖啖汁.
仲食左個馬介休餅
有少少咸,不過咁都係萄國野應有既特色
雖然口味重左d.但都係停唔到口^__^"
食萄雞一定要叫白反食;] d汁來撈反,正~
蒜蓉包夠香夠脆
d甜品雖然係平,都幾夠水準-0-

本身唔係一個鐘意o係internet寫食評既人
因為我好多時都俾依d食評"陰"到
但今晚之後
我不得不讚下依間餐廳

今晚7點幾既時候....由於太過肚餓
俾佢地個餅櫃吸引左我同我個fd入去.....

入到去地方都幾大...
我同個fd因為太肚餓..........2個女仔點左5樣野.......=.="
1.馬介休炒雜菜 (7分....味道唔會太濃....拎黎左頭盤最好)
2.非洲雞扒 (8分....味道香濃....拎黎送飯一流)
3.三文魚蟹子炒飯 (8 分.....睇得出師傅有俾心機去炒....口感同味道都唔錯)
4,5.木康蛋糕同葡撻 (9 分......好似去左澳門一樣....)

可能因為今日係星期2...所以唔算太多人
之前我去過好多地方唔旺既時候
d waiter 同waitress都勁心散..
不過d waiter哥哥同waitress姐姐都勁好禮貌
仲好多細節都留意到....
fill 水 ,換碟樣樣人5足
令到我同我個朋友仔都十分滿意.....


所以今次連我都要破例寫一次食評去讚佢地
希望佢地可以一路keep到咁既水準

好耐無同細妹去踩冰~佢又成日話要踩~見尋日放假又得閒就帶左細妹去踩冰~知道九龍灣megabox有個冰場但未去過,所以尋日就帶佢去玩下~玩完之後行左陣商場,pm7點幾經過5/F細妹話肚餓,跟著就見到呢間餐廳最外面個雪櫃既蛋糕,一見到就話要食@@橫掂都要食晚餐,就入去試下啦
入到去發現呢間野都幾大架啵,睇左一陣,個餐牌太多野..呢樣又想試.個樣又想試..到最後都係叫左個2人set Orz 好彩正好有想食既葡國雞同馬介休炒飯@@先講個葡國雞~set黎講佢都算大兜啦=-=入面有好多舊=-=個葡汁又整得幾好,再黎個馬介休炒飯,本身都知道馬介休係咸魚,想試既原因就係想睇下會唔會同咸魚雞粒炒飯一樣=.=..但發現原來唔係~差好遠~個種味道..唔識形容,唔會有一種好咸既感覺~同埋真係好香
到最後兩件甜品,好在個侍應有同我地講可以+8$將個是日甜品轉做外面個d蛋糕咋,唔係既話又要另外嗌,鈿妹聽到勁開心0.0嗌左個特濃朱古力同果個咩綠茶蛋糕,兩個都超正!!話就話特濃,加上見到個樣,仲諗住佢會好膩,點知原來佢特濃既意思係指朱古力"味",甜而不膩,實在一流,而綠茶蛋糕入口就有淡淡既綠茶幽香,淡淡既甜味,岩晒d怕甜怕膩又想食蛋糕既人
最後要講下佢d侍應,個個都好好禮貌同笑容0.0總括黎講都算唔錯

早幾日同d同事去左mega box間小飛象食lunch, 去到門口見到勁多人等位(好彩個同事一朝早打左去book位)等緊安排入座個陣見到門口個櫃有成十幾款cake同tart,款款都好靚,好想食....我地4個女仔叫左3個set,因為見到個set有湯有飯有野飲仲有埋dessert,一個人應該食唔晒一個set我地左諗右諗,終於叫左個咸豬手,葡式炒米粉同椰汁雞皇飯...個咸豬手一黎到我地即刻O晒嘴嘩~~~超大隻,食落口d皮好脆,無咩肥肉,岩晒d怕食肥野既人..個米粉仲好笑,唔知以為叫左星洲炒米...哈哈..個樣勁似,不過一d都唔辣...好足料,最正係無咩油!!仲有個雞皇飯,d雞好大舊,d肉又唔鞋,個汁好香,正!!食完之後有個姐姐同我地講,話個dessert可以+$8轉門口個d cake我地4個二話不說,3個set都轉晒(d cake仲係任選)....我地叫左特濃朱古力,木槺蛋糕同blueberry cheese,個朱古力真係好濃朱古力味,不過唔會太sweet,跟住件木槺,食落口好軟身,最後件blueberry硬身既cheese,重cheese味,但一d都唔漏,正到暈~~到埋單每人都係$42左右...抵到爆

星期六晚，二人。編排了我們坐在二人小餐桌。
桌面很少，不想多點食物。打算吃完便走。

點了：
馬介休炒飯(味道不錯，一粒粒飯夠爽口)
安格斯牛扒(分量足夠，有肉汁)
雜菜(普通)

食物都算可以。價格也合理。

不過年青伙計就好似中學生暑期工
雖然都唔算無禮貌，但行路一陣風，傳菜求其放低。

播放的音樂很吵耳。

若果培訓一下員工。以這餐廳的環境和食物水準，應該係一間好o野。

上星期日同班好姊妹聚舊,見對食中菜,日本菜都有d厭倦,所以都想試下新野。係mega box睇完戲,行過就比依間餐廳的裝修吸引,而且出面好少有葡國菜食,所以就孤住一擲,希望唔會失望喇

依間餐廳果然有意外驚喜!!
雖然人比較多,要等一等,但都好快有位。入到去先知間餐廳咁大仲有個專for兒童玩的playground,點解我細過無依d餐廳咖-_-" 我地一行4人點左5樣餸菜,嗜海鮮如命的我,海鮮焗蟹蓋,蒜茸煙肉焗生蠔實走唔甩。個焗生蠔好抵食!!初初以為$68有6隻,d蠔都唔方大隻得去邊,但一上枱都比佢嚇一嚇O口O半隻手掌咁大,而且d蠔好新鮮,襯熱食一流!!果然係廚時推介
我地仲點左馬介休炒飯,葡式燒乳豬飯同正宗非洲雞
馬介休炒飯-知道馬介休係鹹魚後都怕會太鹹,但原來唔係,個味道幾特別,而且話明食葡國菜,依d葡式餸菜點都要試一試
葡式燒乳豬飯-個皮脆卜卜,好食=u=
正宗非洲雞-d雞好入味!! 出面食d雞好多都多濃內淡,d醬汁只停留係面層,但依個非洲雞好入味

不得不提依間餐廳既dessert, ,蛋糕除左多款,仲好精緻。我地每人一件,可以share食。其中特濃朱古力同木糠蛋糕最好味,特濃朱古力入口即溶,木糠蛋糕甜而不膩,食完感到好幸福*u*

總括而言:依間餐廳食物同服務都唔差,中途個fd太大動作倒瀉水,即刻有waitress清理案發現場,仲拎左幾張tissue比我地抹身,好貼心=u= 下次去開mega box會再去

同fd 行過入去食 tea la, 環境ok既
坐得幾舒服

TEA SET 得2個有飯食 $38
我地2個都揀 非洲雞扒飯, 無expect 過任何野啦....
點知碟飯黎到 勁大碟囉!! 雞扒勁厚勁滑勁好食
d 汁又辣辣地 側邊仲有沙律食 tim ar!! 超好食

奶茶都好濃, 不過好快凍左lu

waiter 都好好服待
會同朋友再黎!!!!!

老公話試新嘢，八點嚟到呢度，大概三四成滿，仔仔見到近門口嘅 play area就好開心。座位十分寬闊，坐得幾舒服。

我哋 order 咗燒咸豬手 ($75)、葡式焗釀乳豬炒飯 ($68) 和炭燒銀鱈魚 ($68)。

燒咸豬手 - 超鹹又乾又硬，實在太難食喇，我同 waitress講真的太難食，她說她先向經理反影，過了一會，她回來對我哋話咸豬手喺咁咸同比較硬的，再換一碟也是一樣，即係不嬲都係咁難食喇。跟住佢話送番一杯雪糕比我哋，真喺多謝哂。老公唔想浪費食物，嘗試食多少少，但最後也冇法吞下。

葡式焗釀乳豬炒飯 - 炒飯OK，乳豬唔脆。

炭燒銀鱈魚 - 又話推介，賣相已經唔得，又完全冇味。要自己加盬調味，都唔知有冇燒過，一D都唔香脆，雖然唔好食，但起碼食得落，好過碟咸豬手。

食完仲有肚餓嘅感覺，但不想再浪費金錢。應該唔會再嚟呢度。