早陣子已聽聞於阿鴻小吃旁邊,有一間麵店水準很好,主理人自家製造2厘米闊的粗麵,顯其特色,值得一試.但因為怕人多排隊,終於等到今天方才出動.

駕車到達和富道,高興發現此街道並不繁忙,可以把車停在舖前,非常方便,於是我們可以放心堂食.星期五晚八時多到達,見門口有4位女士,以為要等位,點知店內還有多於一張2人枱可供選擇,原來門外人士是等外賣的.

小店選擇不太多,主要是粗麵,也可點飯,配料有駝鳥肉,鵝腸,酒漕大腸等人家少做的材料,但看真些,還是以豬肉為主,2人點菜,就選了一味前菜,一個麵,一個飯及一碟時菜.

溏心浸酒蛋
潮流興吃温泉蛋,見近日中外菜館皆有提供,半生熟的温泉蛋又的確好吃,煮好後,蛋黃及部份蛋白仍呈液體狀,倍添嫩滑,各家皆以不同温度烹調及灑上自創配料,以特出個別風格,繼而收取人客一只雞蛋的幾倍價錢!這兒收$12.

這裏的温泉蛋畧有水準,有蛋香,名符其實的溏心,口感嫩滑,但酒味太淡,仿似沒有一樣,嘗不到特色.而且賣相並不吸引,只用一個平常飯碗盛着,碗底有淡黃色的酒汁,實際只有少許鹹味.

蝴蝶腩撈粗麵
粗麵果然有2厘米闊,大概2分厚度,新鮮自家製,有蛋香,軟熟有靱性,無鹼味,但粗麵始終不及幼麵細緻,口感有如其名,比較粗.蝴蝶腩肉質腍,瘦中帶筋,灑上蔥花白芝麻等增加辛口味道,醬汁並不濃烈.此麵之評份為吃得過,但並不出色.

最意外驚喜為枱上的沙爹醬,加進粗麵同吃,頓有畫龍點晴之妙用,隨即增強口感,帶甜味,不辣,有獨特的香味,似有瑤柱蝦米的影子.哈哈!也許是我的個人囗味,甜甜地,好吃!

酒漕豬腩肉撈飯
出現同樣問題,洒漕味太淡,以至酒漕豬腩肉跟平常的豬腩肉差不多,連皮的猪腩肉層次分明,清晰見到肥瘦肉之分佈,醃得入味,但醬汁畧為過鹹. 此飯亦灑上薑粒葱花及白芝麻,增添美感及口感,值個稱讚.

家常清湯
標榜不用味精的豬骨湯,隨湯飯附上,湯面無油光,味道清甜,有淡淡豬骨及雞及白胡椒味,不失為一理想之飯後湯品.

油菜
菜心嫩綠清甜,新鮮貨式,賣$12才幾條,很難不及格.

小店座位不多,尚算齊整清潔.服務方面,不明白小店為何不提供茶水,此是增添印象分之舉,有需要飲料的客人多半會自點飲品,一杯茶水只為清清味蕾;店員的解釋是因為麵飯皆會跟湯一碗,背後之語言可會是告訴客人吃罷要隨即離開讓座,不要阻著做生意呢?若非這樣小家,就不要令人誤會,此非款客之道,應作檢討.

來個總結,一切合格,價錢相宜,方便駕車人仕隨意吃一碗粗麵.

濃味野一直係我首選
蝴蝶腩撈粗的外表正合我味
特地和女友去了一次

感覺係豉油味太重
蓋過沙嗲味
嘗試落多些沙嗲
結果只是咸上加咸

自問應該係選錯撈粗
以後來日方長
有機會得再選其他

24-7-2010

食過呢度的勁闊粗麵覺得好好食 (http://www.openrice.com/restaurant/commentdetail.htm?commentid=2046428), 事隔唔知幾多日見食友 blog 上 post 了勁吸引的「酒浸溏心蛋」相片, 勁有興趣, 是日捉埋朋友 dinner 專程過嚟試試.

酒浸溏心蛋 (2 隻): 將隻蛋切開, 橙橙哋色的蛋黃就不斷流出, 叫酒浸「流」心蛋比較貼切 不過其實食落只覺得係一隻火喉剛好又幾有蛋香的半熟蛋, 始終酒汁唔太夠味, 又同隻蛋各自各精彩, 可以更好的.

炸無骨雞翼: 一客 4 件, 醃得帶點豉油香, 鹹度剛好, 亦炸得皮脆肉嫩香口又多肉汁, 仲要唔油膩的, 正

鵝腸撈粗: 粗麵如常地粗, 賣相就有點「岩岩覃覃」... 同底部甜豉油拌勻, 食落當然夠味, 不過可能因為較以前的厚身, 質地唔爽口, 仲有點 "al dente" , 唔算十分喜歡; 鵝腸係白灼, 食落就勁爽脆, 不過本身無味, 所以落了大量店方的自製沙茶醬, 立即變得好香, 微辣及微甜, 十分惹味

朋友叫了蝴蝶腩撈飯... 蝴蝶腩鹵得入味, 味道帶甜, 食落質地似足牛爽腩咁爽 , 幾好食; 飯底硬度 ok, 撈勻甜豉油及蔥花亦惹味, 感覺不錯的.

另亦叫了凍華田及凍檸茶, 但唔係喺度長遍大論形容佢有幾普通呀嘛?

環境繼續乾淨 (連洗手間都好乾淨!), 阿姐亦繼續風趣又熱情好客, 印象繼續不錯.

每人埋單約 $70, 幾滿意, 離開時仲幾乎想問阿姐送唔送外賣去中環, 哈哈

會再來的 -- 下次食「疑似 loon bia」! (咩係 loon bia: http://www.openrice.com/restaurant/commentdetail.htm?commentid=1955314)

男朋友昨日已跟我提起想食「壹碗麵」，今日放學後又提多一次，看來他真的好想試，嘻嘻其實我一直都想只不過提不起勁加上鋪頭位置並不算太就腳，見今日有揸車所以在返屋企食飯前先為自己來一個 appetizier。

點了蝴蝶腩撈粗、一口炸雞中翼及酒浸溏心蛋。

溏心蛋先來，蛋很軟滑可惜蛋香不足而且酒味不夠香濃，接著來一口跟粗麵一同來的湯，感覺沒有味精，有一種家庭小店的老實感。

蝴蝶腩有牛味而且不算太chewy，本以為粗麵吃落會較硬，呵，幸好沒有，反而粗粗的麵身能沾上更多的醬汁，我急不及待立即試試店家自製的沙茶醬，沙茶醬好香花生味，加上少少辣跟麵拌著一起吃感覺好正！

一口炸雞中翼，點菜後我聽到廚房即炸 (還聞到有點油煙味），可以想像有多熱氣，哈，醃的時間應該掌握得不錯，不會過咸，當作小吃還可。

總括來說，一定會再來試試其他撈麵，因為特製的麵身別處吃不到已是最大的賣點！

壹碗麵這個店名早已聽過,其實位於北角,自己很少入北角一帶吃飯的,少不代表沒有,星期六有點事情過來港島這一邊,反正過來港島,順路來這裏吃碗撈粗麵,壹碗麵的老闆在早前的小聚當中見過面,所以來這裏時就認得出自己,最初時只知道賣的是撈粗麵,而所用的麵是比平常的闊五倍的,煮麵不做湯麵真的少之有少,到達時候已經得知有撈飯了.吃過撈粗麵再看情況才添加食物.

可以坐的地方不多,剛開店食客還未來,可以才影下店內環境.約二十個座位,在平日的午市應該難以找到位置,米高問我試不試未有得賣的肉燥豆腐花撈飯,我說[吃了麵先不斷改良的餐牌,聽食友講這裏有名翻版小儀的侍應服務得不錯,直至食完結帳,只能說名不虛傳,

奶茶這裏沖還不差的,奶味重了一點,但也夠滑,是比不少茶餐廳做得出色,假期是飲品散叫,約十元一杯價錢很平民的.

燒腩仔撈粗麵,燒腩仔吃茖肉質帶點韌,而皮亦帶點硬,但做得不錯的,而麵條來得爽口,這個麵條正合我心意,伴著醬油,偏向濃味,當中不乏甜味,不多粗麵或河粉這種較闊的,而這個第一次吃得起勁,這個份量剛好,吃得多很膩,

再來一隻糖心蛋,做出來蛋黃半熟效果很出色,比拉麵還在行的技巧,看來有研究,蛋帶點酒的香味,麵前小食的話,很不錯的,來這裏吃麵之前不妨先食糖心蛋,推得一食的!

由米高請客的撈飯,主畏由德興隆的豆腐,我要求了少飯,因為之前吃了二款食物,已經十足飽肚,不過有新的菜色,也會試下味道如何,走清淡路線,的確是做得出來,芝麻的香,豆腐伴飯一起,變得很像蛋白,幾可亂真,很滑溜的感覺,做得夠美味,吃清光才最大的答覆,再此謝謝這碗免費飯,吃得已經飽肚,有冷氣嘆,坐得一會才離開,埋離四十幾元,非常抵食!有機會會再來!

http://cky20080.blogspot.com/2010/06/blog-post_08.html

自從不在東區上班, 已經很少踏足北角這一帶
是日放假便出來逛逛!

來到北角當然是到食家們推介的店子朝聖!
第一站- 壹碗麵

本想吃素三絲撈粗…但是由於假期的緣故…早早就賣光了…
就連配撈麵的湯也未煲得切…
唯有退而求其次 選了”蝴蝶腩撈粗”+芥蘭一碟
芥蘭先來…吃下去不苦, 豉油與平日吃開的好像不一樣, 好味呀!!!

之後再來跟麵的湯, 好味的湯, 有豬骨味, 又有少少胡椒味, 很像胡椒豬肚湯!
飲晒!!!

到主菜- ”蝴蝶腩撈粗”, 呢個賣相好oK, 不過食落有少少失望…
先講蝴蝶腩, 味道ok, 吃得出有用心處理過, 入味!可惜蝴蝶腩有些”鞋口”…
而麵不像坊間一般吃到的粗麵, 至少粗3倍或以上, 吃下去感覺像吃意大利闊條麵, 很特別! 粗麵煮得好, 不淋!又是很可惜, 麵汁的調味方面有些瘕庛, 麵汁不夠濃味, 雖每一條麵條都能沾上麵汁, 但吃下去好像不夠味道。

服務方面, 不知是否員工放假的緣故, 全店只有廚師哥哥和樓面姐姐2人, 樓面姐姐應接不暇, 但仍非常好客, 面帶笑容, 完全沒有因為多人多order而暴躁, 超讚!!!

總體來說, 這店子是值得推介的!如能在麵汁的調味及蝴蝶腩製作方面作出改進一定會更好!!!
若下次再有機會必再來!!!

　　近年大受歡迎的麵店，這裡便是其一。自小習慣愛麵多於愛飯，難得用心的麵店更要支持。中午時分，食客不多，正合心意，先看午市餐牌，便點了蝴蝶腩撈麵、菜心，最想吃套腸，但只在週末供應，退而求其次，便選擇侍者推薦的家鄉炸春卷。點了凍檸茶但這是錯誤，只因看不見牆壁上的巨峰疏打。

　　侍者陸續端上各款食品，清湯是清澈見底，不過濃郁的胡椒味滲入口腔，相當美味；

這碗麵的外觀討好，芝麻、香蔥、椰菜絲、蝴蝶腩而上，闊麵條而下，色澤鮮明，未嚐便可論斷為好吃。

細嚐主角粗麵，想起意大利人自製的闊麵，同是用心製作，不過材料有別。爽滑有質感而滲有蛋香，這種韌度最深得我心，撈起時也不會粘著導致「拖泥帶水」，咀嚼後更覺留香。綠葉扶持主角才能增色不少，而綠葉便是撈麵中的甜醬油，絕對是稍微愛這碗麵多於愛蝴蝶腩。

蝴蝶腩是佳品，它連接豬肺的一小塊肉，筋爽脆而肉鬆軟，更喜歡那些筋膜多於肉，吃得相當痛快。

沙茶醬是不錯，蝴蝶腩蘸上少許沙茶醬是擦出火花，味濃故只能點綴。不過我更喜歡撈麵的原味，故沒有撈在一起。

菜心變了芥蘭也不要緊，只因兩款我也愛吃，新鮮的蔬菜混合了撈麵的甜醬油，不能錯過。

家鄉炸春卷，接近潮州春卷的製作，腐皮作外層，香葉、香蔥、沙葛粒、香芋頭等，混合了五香粉、胡椒粉，不是很多地方能夠吃，香脆美味，咀嚼後滲有各材料的香味。不過敗筆之處便是頭尾的位置，只要切斷“燶”的位置便可，因此不能給滿分呢。

　　吃罷各款食物後，飽餐一頓是滿足，不過稍為有點口渴，不知道是否與沙茶醬有關。這裡是值得再嚐，寄語多食客光顧亦能保持水準。

叫左個燒南仔撈粗 + 牛南撈粗,
D燒南仔真係幾好食, POP POP 脆...
D Noodles 就真係要落埋沙茶醬先至好食,
(因為D Noodles係淡左少少)
D牛南就 so far so good 啦,
唔會覺得話好好食咁lor..
隨撈粗會送一個中湯
(...我覺得係豬肚湯黎ge..都幾好飲ge)
食完之後一定要去飲水!!

每個撈粗最少都要俾$30..係有D貴!!
飲品仲要散叫..十幾蚊一杯,唔抵食!!
都無咩原因會叫我再返去食過,
試過一次就算數!!

聽了很多食友對此店的好評，家人喜吃麵，而個人而言，人大了，不知為何也開始愛吃麵多了，所以一個周末，拉了家人一起來一人一碗麵。

來到了和富道，出奇的是阿鴻小吃的門外都不算太多人，但一心想吃麵，就入了店內，稍等一會就有了一張四人桌了，之後大家也是先研究餐牌，除了有各式的撈麵之外，也有撈飯，而我們目標明確，全體人仕也要吃一碗撈粗，另外再加了兩個菜及套腸。

先來介紹兩個菜，分別是上湯浸娃娃菜及豉油芥蘭，娃娃菜像是整顆的用來煮，吃起來令人客有點不便，而其湯淡淡的，相信一定是沒有味精的，但跟後來與撈粗同上的湯其實味道是一樣的，只不過就真的淡了很多，可能是娃娃菜出水的關係吧，莫非那顆菜不是用湯灼？而只是用上開水灼過再放湯？另外的芥蘭就真的是簡單好吃，鮮爽翠綠嫩口，加上濃味的醬油，真的不錯。

套腸大概是二人份量左右，我們四個人吃就只能小吃多滋味了，但也真的不要說笑，這個套真的是好滋味，一層又一層的叠在一起，吃起來不肥膩，但又有豐富的膠質的感覺，吃起來有嚼口又不過韌，咬勁十足，加上濃香的醬油味，真的好吃。

再來介紹四個撈粗，首先談談那碗湯，說實話真的是要比剛才娃娃菜的湯要濃味，但個人認為其豬骨都真的是一點也不濃，但就是勝在夠清，喝到尾有少少的胡椒味，究竟是否我的味覺出了什麼問題？說回主角一碗麵，先談主角粗麵，真的是足有兩厘米闊，吃起來軟熟又有點全蛋麵的蛋香，粗身的麵條，讓帶點甜味的醬油放任的掛在自身，味道是多麼的討好，加上點蔥花、芝麻及煮得軟腍的豆角，是不吃餸也好吃的一碗麵，如果可以下多點芝麻應該會更香。

另外也不得不談它們的沙茶辣醬，吃起來不辣，但就真的是很香很惹味，用來煮牛肉來吃已經一定是獨當一面的一道，但是日當然是用來撈麵，吃了半碗醬油撈麵之後，再放任的下了兩羹來吃，的確真的是令人難以忘懷的一個配角。

麵條也談過了，至於配料又如何？本人主打的蝴蝶腩撈粗，當然主角是蝴蝶腩，但也真的不知為何有其他的異物，翻查其他食家的照片，大家的蝴蝶腩撈粗都沒有它的，一重呈圈形薄身的東西，吃起來有點彈口的，個人認為是管庭來的，是挺好吃的，但跟之前在大陸吃過那非常新鮮彈口的，又真的還有點距離，而蝴蝶腩是豬連接橫隔膜的一小塊腩肉，吃起來軟腍而有咬口，連接筋位富彈性而整體醬油味又香濃，不錯不錯也。

另外的三款分別是燒腩仔、鵝腸及牛腩，貪吃的我當然是吃足三款，燒腩仔也許是期望過高吧，雖然也真的是足有五層，外層也是燒得夠香脆，但吃起來沒有爆油的效果，是因為燒得過脆而流失了點油份的緣故嗎？至於牛腩就真的很不錯，用上了崩沙腩的位置，面頭有層筋膜，有時候那層筋膜會很韌的，但今天吃到的是有點膠質的黏口，且一點也不韌，而且醬油味適中，吃得出點牛味，個人認為是要比燒腩仔好吃的。

最後也試了鵝腸，個人的飲食習慣有時候也真的有點不健康，吃鵝腸就是要吃裡面大量的鵝脂，是日的鵝腸，確是非常之爽，但除了爽，還有什麼？沒有脂香，沒有鵝腸應有的羶味，而且看來是白灼貨色，是可以省略的一道。

總括而言是好吃的，但部份的配料又真的有進步的空間，希望店家繼續努力吧。

見到openrice咁好評價, 終於找到機會去試試

中午去都唔使等位

朋友點了蝴蝶腩粗, 我點了豬頸肉粗!
看似細細碗其實勁飽肚
豬頸肉好入味好好食,
可能因為肉好濃味所以粗麵變左好淡
不過口感好好

未有機會試其他好味小食
一定會返轉頭試!

是日最後一站來到壹麵館…上一次吃已經好幾個月前了…看到食友的相片看到新出了溏心蛋…同時也念念不忘好吃的蛋粗麵…所以就再來吃…

今天實在吃得太多了…所以只點了一隻溏心蛋…灼芥蘭和燒腩仔撈粗麵….

酒浸溏心蛋的酒味不算濃…跟平常吃醉雞嚐到的差不多…容易入口…只是切開的時候那蛋黃幾乎全流出來了…我還是比較喜歡吃蛋黃呈固體較為有黏性的那種…但這個味道也不錯….

芥蘭新鮮…下了帶微微辣味的醬汁…很開胃…另外我還加了秘製的沙茶醬…

燒腩仔撈粗麵…燒腩仔每日限量供應的…切成薄片的味道不錯…只是略嫌外皮燒得不夠脆…吃起上來沒有香味…而粗麵好像已經沒有我第一次吃的時候那麼好吃…還記得那天一吃實在很impress….現在麵的蛋味不夠…沒有之前那麼彈牙…口感比較實…

希望只是偶爾失手…第一次吃的那種開心的感覺仍然記得...請繼續努力...!!!

我叫左隻生蛋, 12$一隻, 一o的都唔好食, 食完有o的唔舒服.....

第二,間野的裝修好有問題, 好似唔俾人知道佢間野個cook整野食

冇面俾人睇咁, 好古怪, 有料就唔使用的紙封住個廚帥~

第三,個noodle好q硬, 食完後好似好口幹, 之後再出去買野飲

個湯話送的, 其實個個都有, 普通味精湯, 佢話唔係同noodle一齊食

仲有o的豚肉係冰鮮, 硬都唔知講咩好

收費係比一般餐廳貴, 食完你就會介紹比人聽(好好食架la)

還有好多好多野我不講了, 因為唔方便.

0 分比多佢, 講完, 如果仲想試就自己去啦......算係(好味)的景點....

妹成日話係openrice好多人話壹碗麵好味
所以今日就同爸爸同妹去咗食.
入去之前見到見到佢post出黎嘅相(粗麵)真係噢咗.
1cm闊
入去嘅時候已經聽到有個姐姐好大聲同另1個姐姐話冇腩仔.
坐低叫咗3碗撈粗.
之後問加飲品加幾$,
姐姐態度mama就話俾我地知冇得跟.
之後爸爸諗住叫溏心酒浸蛋.
姐姐話冇哂啦唔好意思.
之後爸爸話咁要個冇骨炸雞翼.
姐姐又話冇哂啦唔好意思.
想點-3-,到底有乜係有.
之後姐姐話棒棒雞中翼啦,1樣嫁.不過係有條骨咋嘛.
alright, fine!
最終叫咗棒棒雞中翼(即炸所以好熱,但啲皮好肥:S).
食咗35-45分鐘出面就開始有人.
啲姐姐有意趕我地走
算啦,我地都廢是人地難走就走咗.

total:

上星期尾食過佢既外賣溏心蛋之後，實在好掛住，咁岩琴晚又有機會去開北角，決定去試下其他食物之餘最緊要就係搵我既至愛 -- 溏心蛋！

店舖位於北角和富道，呢條街俾我既感覺都幾奇怪，事關呢條街出哂名係車房街，但偏偏又有好多好味既食物係呢條街出現... 沿途行黎時見到勝利小廚、呢間舖再行前少少就係阿鴻小吃... 莫非呢度專出好味既野既﹖

行到門口，其實門面好細間，打開趟門，隨之而黎既係一個笑容可掬既亞姐，好有住家feel咁叫你「隨便坐丫」，第一個感覺已經好舒服，好有親切感~ 好可惜店內位置不多，可以揀既位都有限~

坐底左之後，第一件事就諗住叫我最想食既溏心浸酒蛋同埋酒糟釀大腸，點知亞姐話d蛋未入味，要起碼1個鐘之後先有！而大腸則係週末先會有！ 咁我一心諗住黎食呢兩樣都無... 好失望...

係亞姐既極力推介之下，叫左家鄉炸春卷、酒糟炆豬腩肉撈粗麵同埋巨峰提梳打。

係我等候既期間，另一位亞姐無端端拎左一個細碗過黎，笑笑口咁同我講「老闆知你專程黎食，請你幫佢試下味喎」

嘩！有無咁好人丫﹖！ 上次食個陣係外賣，所以唔識食，亞姐教我原來要先將隻蛋係中間切開，然後將個蛋漿撈埋d酒一齊食，於是我急不及待咁試下... 嘩！真係好好味丫！不過酒香真係唔及上次，所以都仲係未得，所以都係未賣住架，全場得我一個有得食！

酒糟炆豬腩肉撈粗麵：賣相都可以，望落去覺得豬腩肉好似好硬咁.... 一試之下，發現佢既外表呃左我！原來係用五花腩做架！當然唔會硬啦！夠入味，個粗麵我第一次食，覺得幾特別，加左佢既沙茶醬之後，發現好惹味！配埋蔥花同埋好香既芝麻，呢碗麵實在一流~

家鄉炸春卷：剛剛炸起，賣相同我所諗既春卷唔同，入面釀住豬肉同好似菜咁，咬落去先發現原來唔係菜，係香葉！好清香既味道加埋豬肉同炸腐皮既味道，加埋原來好夾呢！有驚喜！

巨峰提梳打：亞姐起碼講左4次！於是乎就俾面叫黎試下~ 巨峰提味都幾清香，不過可能我唔太受到梳打咁多氣，所以飲左幾啖就頂住左個胃

不過整體黎講都幾滿意，希望下次黎到可以食到我想食既溏心浸酒蛋同埋酒糟釀大腸啦！

琴日同朋友經過門口,

呢間野真係唔錯..

溏心蛋~燒腩仔撈粗,

好味道~

實在值得一試.

讚讚讚讚讚讚讚讚讚讚讚讚讚讚讚讚讚讚讚讚