本人選擇甘筍湯底的金菇黑豚肉卷手打烏冬, 豈料那湯底居然是
勁胡椒味, 便問那待應, 他仍是覺得甘筍是辣, 無錯的. 那烏冬是很普通.

那menu的相有細細碟涼伴菜, 當然是誤導, 正如其他家評所寫,
menu相中只為了影相而擺放, 實質與所叫的食物無關係.

理髮後等男友，一個人去了江川吃烏冬。
是日沒有相機跟身，沒有拍照。

點了照燒雞扒+麵豉湯烏冬，
烏冬ok，湯底我覺得不錯，味濃又不會過咸，
雞扒也很滑，燒汁很惹味，overall不錯，
不過烏冬份量就略為少了一點，
女仔食就ok，男仔食就可能不夠了。

埋單加一$42，以份量來計，這個價格就有點不便宜了~

後先行旺角見到江川手打烏冬 ，之前吃過江川，但係賣壽司，唔通做唔掂，轉賣其他。
等埋女友試下，
入內的坐位都係二人位居多，格局似茶餐廳，吃，就緊係吃手打烏冬拉。
吉列豬扒手打烏冬（栗米湯底）和 豬頸肉手打烏冬（番茄湯底）
豬扒暖暖地，唔係即炸，咬落仲硬硬地，我估炸定豬扒做準備，
豬頸肉，無咩牙力就唔好點來吃，又話用炭燒，一些炭香都聞唔到，
栗米湯底，夠香，但無味道。番茄湯底，夠濃，有味。
烏冬完全唔彈牙，手打…我就唔信，吃落又唔係（林）、又唔係un，去超市買烏冬
仲好味過它。
侍應失魂落魄，我碗烏冬無郁兩三分鐘，就過來收，連續兩次，明明仲有，
想吃得慢些都唔得。

今晚放工本想同女友去太興食套飯, 經過烏冬店....都很久沒有食烏冬所以決定入內..

經過康龍拉麵的經驗後, 這次不會一開始就點太多食物...只點了兩個烏冬..

1. 叻喱炸朱扒烏冬......朱扒是一早炸定的所以不熱, 肉較硬......

2. 比目魚朱骨湯底烏冬.....說是燒比目魚...但一點都不熱.....烏冬面說真的食不出是手打烏冬....湯底不合格...淡的

ps 比目魚烏冬很明顯是溜單.....call 侍應追單時轉頭說因為比目魚要燒所以要等多一分鐘.....那時我明白了, 其實這個烏冬只需製作一分鐘....因為女友的炸朱扒是一早炸定, 那么比目魚必定也是一早燒好了........果然一分鐘到....魚是凍的....又一次 bingo.

已經係第二次o黎lee度食烏冬
個人o黎講的確鍾意食烏冬多過食拉麵
我覺得lee間鋪頭o既烏冬算係價廉物美
唔錯唔錯

咖喱豬扒烏冬---友人order o既.....豬骨湯底.....大家一定要留意,其實o黎lee間食野最緊要係留意湯底 & 烏冬, 其他只係配菜, 所以餸我就唔覺得太出色, 不過味道都唔係話好差~~~~

炭燒豬頸肉烏冬---my order~~~豬骨miso湯底, 好好飲啊~ 幾乎飲哂d湯啊~哈哈.....而且番到屋企你唔會覺得好口渴tim!!! 正~~~~ 一如以往, 豬頸肉好硬, 所以大家對配菜唔好抱太大期望就perfect

不過另一方面我覺得lee度好攪鬼, 話說佢地推出左冬陰公湯底同血地獄湯底, 不過如果你想order的話請 + $10..........我見到張leaflet發覺冬陰公湯底有蝦啊!!! 對海鮮lover o既我o黎講, 我當然問一問..........點知佢話:"只係蝦頭冇蝦o既" oh no.......原來係掩眼法................唔係海鮮啊!! 好彩問一問o者.............anyway個人始終覺得烏冬配d 日本feel o既湯底係match d, 即係豬骨/豬骨miso lee類.................

琴晚同朋友仔行街街, 路過呢間手打烏冬....
之前見好多人響門口排隊...難得呢個時間有位...
所以就決定入去試下...

舖仔間局暗暗, 氣氛唔錯~
坐位全部都係 2 人小卡位... (咁如果幾個朋友一齊黎咪要分開坐!? 真奇怪...)
杯杯碗碗筷子全部都係一律透明膠, 有微微波紋, 都幾特別

打開餐牌...哇! 好似樣樣都好吸引咁...仲好似好豐富添...
(圖片 : 3 個小前菜 + 一碗大大烏冬 + 一碟餸餸)
左揀右揀...幾經爭扎...結果揀左:
汁燒雞扒烏冬 配 麵豉豬骨湯 ($38)
西京比目魚烏冬 配 豬骨湯 ($46)
(等 10-15 分鐘)

第一啖, 先試湯底...失望
湯底淡如水, 類似...當你煮一個即食麵, 用半包調味粉開一大碗水一樣
汁燒雞扒烏冬 配 麵豉豬骨湯
日式燒汁味, 肉質都算滑,
可惜雞扒好細件, 份量同碗麵唔成正比
西京比目魚烏冬 配 豬骨湯
比目魚 2 小件, 魚肉好滑, 燒得脆脆...
但係佢搽左甜甜既 honey 響魚面, 太甜 (根本唔需要), 畫蛇添足

唯一可以比個讚既係...烏冬!
滑身又有咬口, 質感唔錯!!

另一失望係...圖中既 3 個小前菜....係假既
好在我同朋友仔都係細食之人, 所以都仲算飽肚...

因為咁o岩路過走入去試既, 好後悔無 check 左 openrice 先行入去...
原來江川已經收集左咁多劣評.... =..=

裝修同餐具很配合, 以為會有驚喜, 點知失望而回...

叫了豬軟骨烏冬餐, 明明menu中的相片很精美, 有3碟配菜, 烏冬上還有荷蘭豆及花型的紅蘿白, 點知黎到時全部都冇入枱...立即問職員點解相差咁遠, 點知回答話果d只係相入既既裝飾

而且我明明order豬軟骨, 佢黎左豬頸肉, 問職員點知竟然回答話因為冇晒豬軟骨!
賣晒你唔係應該問番我要轉其他咩???

之後轉左日式叉燒, 又少得出奇, 個湯底又咸

傻仔做一次就夠了..

跟女朋友經過旺角..
見門口有人排隊..
就行去睇下meun..
meun明明d set有3樣前菜
入到去..
nothing!
與女友一人一個set..
烏冬ok...
送太少!
無前菜..上菜極慢..

仲有仲有...一入到去..

個經理第一句就係講..
"e家煩忙時間,我地冇得轉台"
第一句唔係welcome,而係事先聲明????

bad service!

第一次post食評..就係喊樣..
唔好意思..是你們應得的!

食物質素一差又細,好似1個即食烏冬分2碗咁,睇menu一個烏冬set係有幾個前菜,黎到原來係冇menu圖片只共参考,食完仲要出去食多餐,上菜慢要等15min,伙記經理全部游雲,好神奇我張枱&前後枱都係黎錯野,經埋去睇電腦又冇落錯喎!!! 咁既服務仲要收加一...

叫左個"咖哩炸豬排烏冬"+"金菇黑豚卷豬骨湯底",烏冬少唔在講,個咖哩炸豬排"梅"+勁多炸粉,豬骨湯冇豬骨味,似奶水,金菇黑豚卷冇味,每個烏冬配料都係得幾片海苔+1條豆角...

行過見門口幾多人等位, 心諗應該唔錯, 就埋去等位, 門口說下一張就到

第一騙位, 自製多人等位
咁我毫入去去toilet先, 入去見到門口第一張台冇人坐, 到我同個fd輪流去完toilet再等多5mins
waiter哥哥叫我地入得, 點知就係坐門口第一張台!!!!
即係10分鐘前已經入得但都冇叫我地入, 唔怪得門口咁多人等, 完全係假像~!!

第二騙位, 好多賣晒
當日係星期日夜晚7點幾, 都可以要要果樣冇果樣, 真係以為自己同麥兜講緊野
雞扒烏冬, 冇雞扒
炸蠔, 冇蠔
牛肉, 冇牛
最後叫左一個比目魚同埋一個天婦羅

第三騙位, 圖片真係只供參考, 完全唔同!
相入面一個set除左烏冬同送, 仲有3小碟前菜 (冇!!)

第四騙位, 執舊"食送"比客
個魚黎到, 得3小堍, 仲要有一塊係凍o既, 有2堍熱wor, 唔知點解, 我懷疑係上一手淨左一堍, 佢放埋o係我碟, 唔係點解會2堍熱一堍凍??

當我同個經理講堍魚唔熱, 佢好似一早知咁, 一句唔好意思都冇, 又係面黑黑, 就咁收左個碟, 之後1分鐘內換過一碟上黎。

全程所有waiter連經理黑口黑面, 只係門口帶位個男仔算係有dd笑容
由落單到埋單一刻, 就算連多謝都係黑全住面, 咁做生意點得咖
味道方面一般般, 一d都唔值50蚊 (加一後), 30幾蚊還可以

真係冇下次!!!

食物質素一差,入去食一d都唔值,
本來入面裝俢都幾企理,雖然有D似茶餐廳.
但d野食同服務就好唔掂,而且要乜無乜,本來想要幾個小食,但都話無.
局住要淨叫烏冬set.諗住佢以烏冬嚟做招牌,應該都會唔錯.
點知d烏冬,自己買番嚟煮都好過佢,唔爽,唔滑.
個蕃茄湯底就好似用茄膏煮咁,一d都唔鮮.
豬骨面豉湯就無豬骨味,連面豉湯嗰隻味都好淡,飲落都唔知佢想點.
個D烏冬配料又少,得幾片海苔,連粟米都得嗰幾粒,一d都唔精美,
同menu show出嚟嗰d有好大出入,雞卷就好''鞋'',豬肉金菇卷都好d,但就似牛肉.
最慘就係d waiter 唔會帶個腦同隻耳返工,首先落漏單,跟住就落錯,
而且食物速度慢,由入電腦計起,要等成半個鐘.
所以話要食日本野,一定唔好貪平,
簡直係浪費咗一個晚餐ge時間,就算價錢睇落幾相宜,都唔值,
去佢隔離嗰幾間粉麵店食反而仲低仲好食.好心佢唔好用日本野嚟騙人入去啦.

江川手打烏冬開了約半年,多次經過都見到好多人係門口攞飛等位; 早前有同事食過話OK, 所以決定搵日同幾個同事一齊去試lunch...
一入到去就發覺裝修十分特別,皆因全間舖除了得兩張四人檯外其他一律為二人檯,仲要全部係卡位,多幾個都坐唔掂... 是日我們一行四人,好彩早早搵人攞定位,否則分分鐘要分檯坐...
Set lunch大部份為$42,包一碗烏冬和一碟小食; 飲品要加錢.
小食有螺肉或帶子邊揀; 我揀螺肉,不過一碟仔得幾粒食唔食都罷,全部都係汁,又唔係好食喎,我寧願要飲品.
主菜烏冬湯底有蕃茄,豬骨和日式選擇(日式即麵豉). 我揀了人氣推介: 滑蛋日式鰻魚烏冬,配豬骨湯底.
一上檯兩大兜,無論烏冬定鰻魚賣相都唔錯. 一試個湯底,咦?!點解無味o既? 鳥冬OK,夠煙韌. 不過個鰻魚太多水(汁)啦,好鹹,而且水太多配湯底烏冬好怪,應該配飯好D喎...

晚上十點半放工返旺角，一心諗住食餐好Ga, 好多時路過哩間"江川手打烏冬"都見佢成日有人企係門口等位，心諗點都要試一次喇，其實有兩次都想入去食，但都見人多，冇等。今次終於見冇人係門口，那就即刻沖入去開飯。
首先，Order 左一個天婦羅手打烏冬定食，一客比目魚手打烏冬定食。落單待應隨即話要等上十至十五分鐘! (眼見Menu 相片之賣相十分豐富，心諗必能飽肚。)
終於等左15分鐘，第一個比目魚定食到，即發現定食的所謂比目魚，哼, 袛有兩小片，嗰碗所謂的豬骨湯底手打烏冬，哼哼哼...一入口的味道十分淡茂茂，完全冇豬骨的味道!! 重要的是主角 "烏冬" 得兩注仔，根本連一個普通人都食唔飽!!!
到"天婦羅烏冬" 炸茄子非常硬又實，完全冇晒水份可言，竟然收銅鑼灣價錢!!
於是，越食越火滾，忍唔住，向服務員反影，點知，換來一句：唔好意思! 兼轉身離開!!
嘩，簡直差到爆 !!!
本人奉勸各位，咪以為平時有人排隊的餐廳就係好嘢! 哩個情形，好可能係餐廳內做嘢的人，不論廚房同樓面，都係手腳奇慢，乃是招數之一!!

等左廿分鐘都未食到.....
之後來天婦羅手打烏冬, 賣相好似幾好, 蕃茄湯都幾濃, 不過配料不足,沒有特別好吃。

所謂的手打烏冬又唔算係好食，竟然自稱為手打的，真的令人反感。
烏冬味道好似自己買十蚊三包。真的難以相信是"手打"啦!

天婦羅, 有三隻炸蝦, 兩舊炸蕃薯, 炸茄子一舊, 幾新鮮 幾脆, 不過份量太細太少~!!!


上次經過這看見有很好多人排隊，e+明要排隊因他們煮得太慢啦!!等左廿分鐘都未食到....
老實說完全唔覺得值得排隊去食lor!!

食物只屬一般貨色，價錢在旺角區來說不算抵食..... 老老實實，我只甘願被騙一次。

琴日收左工諗住同d朋友去食野啦
個陣都差唔多11點半到
我地4個人要等位(因為得2張4人"木台"),,一路都冇事發生,,
好期待咁啦,,因為之前都黎過幾次
第一次幾好食,,第二次都ok,,第三次,,還可以啦
第4次,,味精重到不得了,,已經好耐冇黎,,
但係其中有位朋友就想試下,,咁無所謂啦..比多次機會
朋友拎完"非"問左佢要等幾耐,,佢話唔知呀,,
咁我地以為好快啦,,一等等左半個鐘,,
咁等左咁耐冇理由唔等嫁嘛,,再等多15min到
我忍唔住去問個waitress,其實仲要等幾耐呢,,
waitress答唔知呀..咁我就問咁個d客人食完未呢?
waitress又答我唔知呀,,,,其實我覺得我個問題好簡單,,
我只係問個d客食完未,,係食完坐係到傾緊計丫還是係未食既
之後我再重複一次我既問題,,佢都係答我唔知,,
咁佢唔知點解佢唔可以幫我問下呢,,??點解佢唔用佢個對講機問下入面d同事呢
仲要答我,,咁佢地要坐係到吹水,,我都無辦法嫁,,然後我再重複一次我地問題
佢直情擰去第2邊唔理我,,塊面仲要黑哂咁,,我真係火都黎埋呀,,
本新個waitress 9唔搭8我都算啦,,好聲好氣咁問佢,,
之後我叫佢搵個經理同我講,,個經理先同我講冇咁快呀,,要等多陣,,
我就同講經理講明知冇咁快,,點解唔一早同我地講呢??
個經理就問個waitress,,個waitress就呆左係到,,
其實本人都係做飲食業,,但係我唔明白點解d可以對住d客黑面囉
明知冇咁快有位,,就應該一早同我地講,,等我地有心理準備啦
你講左我係要等,,我鬧你就我唔岩啦,,
廣告都有講,,今時今日咁既服務態度係唔得嫁啦
同埋就唔好搵個唔識做reception既企出黎啦
嬲嬲地去隔離食粉面,,d服務態度仲好呀..
以後都唔會再黎呀