本人第一次食牛陣。上網睇定食評，見始創係最好,就選擇了這間。
預先訂了位,一去到就入得~ 入到去沒有人理我們,我就出去拎食物先,之後先有侍應幫我們落Order。食物都幾快到!

食物的款式有: 2款丸, 3款菜, 幾款菇類, 烏冬同拉麵等。雖然唔算多,但丸同拉麵係最好食!

牛肉方面: 第一round似牛肉干,但第二,三round唔錯,睇落幾靚。可能我們揀100蚊的牛試,我覺得味道只是普通。
豬方面: 豬腩同豬柳都唔錯,無論幾多round都keep住呢個水平!

無奈一個半小時真的太快,食得很趕! 雖然趕,但沒有侍應催我們走, 只是差不多夠鐘時, 叫我們埋單; 到夠鐘時,只是提我們夠鐘,依然比我們繼續食落去,沒有很差的態度!

The waiters were impolite and not willing to provide services. When we raised hands and asked them to provide water, they pretended that couldn't see us and go away. The 2 dishes of beef were OK, but when we ordered more, the quality of beef was not good as previous. Seems to be cheated!

下雨的一天, 最後都決定晚上來牛陣一試, 在門口看了一輪餐牌, 老公和我都決定要普通澳洲牛+ 牛乳湯底試試
一坐下我們便到自助吧拿配料和醬料, 配料選擇一般, 主要都選菇類, 南瓜, 豆腐, 丸, 醬料 也只有三款, 豉油, 酸醬, 日本麻醬, 日本麻醬係我的致愛

回坐已放了牛肉, 豚肉, 豬腩片和湯底:
牛乳湯沒什麼牛乳味, 和普通湯分別不大
牛肉, 豚肉皆好吃, 豬腩片比較肥, 所以沒encore, 牛肉吃了三碟, 豚肉吃了兩碟, 在90分鐘內, 我們算做了好成績, 但第三碟牛似乎質素下降, 分量增加 , 我們幾經努力還剩下少部分

想吃牛肉, 豚肉不防來試創好成績

-d肥牛refill得好快, 碟碟都盤滿缽滿!!!!!
quality都唔差既 , 出面街有d肥牛真係成塊牛油-_-

-豬同肥牛.... D豬真係比下去

-雪糕得幾隻味/.\ 得4盒 FAMILY SIZE NESTLE /.\

-野飲都係普通果D!

-係到最尾....食肥牛食到驚喇我/.\ 不停食菜XD

-我地揀左甜鼓油湯底, 叫佢加水, 都係加鼓油嫁!!!
不過食到咁上下真係-_-,好似滷水咁款! 好想試下豆乳呀: P



OVERALL都幾好: )

今日同朋友嚟食牛陣......今次食呢個A3和牛,$260任食,經濟學來講都算係抵食,雖然90分中有點急,但服務都好周到,見你差唔多食完一碟,d侍應會好有禮貌地問你仲要唔要refill,加湯加水,係15分中前會last order,呢個動作幾好,可以食埋檯面d嘢同雪糕,就岩岩好啦.....
火鍋配枓好多,好乾淨,好新鮮,仲有4種口味雪糕,西米露任食,星期1至4送埋汽水任飲......超值...
我一定會介紹多d朋友嚟食牛陣

同朋友包括我並4人去食牛陣,9點入場,食到10點半,當時可以話係唔洗排隊就入得,入面可以話係得幾張台有客食緊野。

由於平時我地去打邊爐都係中意拎好多野,之後擺係台度慢慢十,呢一次,一個拳鐘頭時間可以話係好緊迫,而身邊o既幾台客好多時都係比服務員強行趕走咁,先係提醒,話last order,之後過左一陣就話得番20分鐘食,之後唔過一陣就見到d人走左,我地可以話食o晒咀,加上冇咩客,好多服務員都係度收下野meo下台,冇人理過我地,有時什致我地個邊係一個服務員都冇,想搵人幫我地加水都好難咁.

之後我地食下食下吹下水時,就到d服務員提醒我地,仲有幾耐時間,但係我地台上面係仲有好多野,咩都未食過咁,汽水都係岩岩好飲左一杯,加上佢地提醒左我地時,唔夠一陣,就係我地身邊不停咁行來行去,係咁轉圈,一夠中就即時收起我地個爐,我個fd仲要岩岩好夾起條菜,之後咩都收起晒,o左囉,做野唔見咁勤力,收野趕人走就喇喇聲,食都食得唔開心,所謂都唔會有下次黎食,太趕喇,other個d,佢地話限就話限食2個小時,但係我地百幾數都可以食到我地想走就走,仲要d野食更加多可以揀.唉..食得唔開心,唔會黎了

之前睇過呢度既食評唔錯, 今晚終於有機會黎試吓.

我地一行三人, 叫左$120既日式甜湯普通牛. 由於限時90分鐘, 所以落左ORDER之後就拿拿臨去拎醬料, 我地三款都拎齊, 有麻醬, 豉油同酸汁, 仲有蔥花, 芫茜, 蒜粒等等. 返埋位就已經黎齊湯底同肉類, 我地最初以為肉類係每人一SET, 原來都係任點任食, 真係喜出望外!

食物種類方面同之前食評講既大致一樣, 不再詳述.
食物質素方面, 普通牛真係好瘦, 我地總共食左4碟, 頭兩碟係幾乎冇肥肉既, 跟住果兩碟就有番DD雪花, 牛雖然瘦, 不過很薄, 淥兩淥就食得, 唔覺太鞋口, 加麻醬食好正!
豬方面, 豬腩肉真係唔錯, 半肥瘦有油香, 連唔食肥豬肉既我都覺得好食! 其他蔬菜, 菇類, 腸仔, 豆腐等都好味, 尤其要讚既係魷魚鬚, 好新鮮彈牙! 魚柳就差D, 有雪味.
我地最後都食埋甜品, 有牛奶公司雪糕同雜果西米露, 不過講真, D味道真係麻麻, 唔食都唔會有損失!

其實90分鐘都有D趕, 真係不停咁食食食! 最尾15分鐘會埋單, 提醒你仲有15分鐘, 呢個做法都幾好. 今次我地冇食麵同炒飯, 但原來D食評話唔錯, 下次要試吓喇. 同埋今次呢個甜湯我覺得太濃味, 下次會選清湯或豆乳.

總括黎講, 呢度既食材好新鮮, 醬料好味, 食完真係好飽好滿足! 服務幾好, 添食物, 添水添湯都快, 亦唔覺有夠鐘趕人走既情況(我諗係改善左OR冇人等位), 有下次!

試左豆乳湯底, 好滑好香~

一定要試和牛, 入口即溶, 真係好好味架~

豬都唔錯架~ 當然無和牛咁正啦~

至愛有任食蔬菜! 生菜﹑豆腐﹑冬瓜﹑芽菜﹑苧頭﹑著仔﹑南瓜﹑蘿蔔﹑蕃茄﹑冬菇~
苧頭﹑著仔 & 南瓜好林, 好粉~ 正呀!

仲有魚肉﹑魚旦﹑腸仔﹑面﹑烏冬﹑雪糕任食~ 烏冬勁滑呀! 雪糕仲有4個味~

星期一至四仲有 可樂, 檸檬茶任飲, 不過檸檬茶溝水既...

食1個鐘真係唔夠時間, 好在星期四無乜人, 佢地無趕我地走, 只係唔可以再出去囉野食, 食埋枱面D野 & 雪糕都差不多2個鐘啦~

2個人埋單HKD205, 真係好抵, 飽到夜晚果餐都唔洗食呀~

今日終於到牛陣既lunch set, $48 +10% = $53
睇過食評話豬好過牛, 咁我就叫左豬, 其實一碟豬裏面包左豬柳同埋豬腩, 豬腩好好味, d豬膏好甘香。
一坐底就出去拎野食, 拎左腸仔, 龍脷柳, 八爪魚, 魚丸, 菇類, 大豆芽, 南瓜, 烏冬，大量黃帝菜。yummy~

第一轉仲溝左芝麻醬+豉油黎點豬肉, 好好味
第二轉就用左蒽, 蒜, 辣椒豉油黎食烏冬, 正。

好括黎講$53都係超值, 淨係食菜, 菇都抵番晒。

仲要星期一至四 lunch 都有任飲汽水。

最尾仲食晒4款雪糕, 簡直perfect。


**最初仲諗住得60mins會吾夠時間食, 但其實夠晒有餘

這間牛陣的服務態度奇差，絲毫不曉待客之道。今天本來打算去用餐，到達時，店舖已經開門，但完全沒有人招呼。我們走進去，過了很久，才有一個女性員工出來，說未開門，要我們等到12時。其實，當時已經11時59分，只差一分鐘，但她不肯讓我們就坐，叫我們到外面等。呆等了5分鐘，仍然無人理會。於是我們再問那位員工：「小姐，可以讓我們進去嗎？」豈料那位女員工說：「等等啦！」說話時極無禮貌，而且沒有望我們，對我們不屑一顧。當時己經過了12時，她還不讓我們進去，要我們繼續呆等，出爾反爾。她的態度，好像是我們要去乞食一樣。各位朋友，如果你們不想受到這種侮辱，或者不想被當時乞食，千萬不要去！

今日係我牛一,我同老公去咗牛陣慶祝我吔揀咗甜豉油湯底,好夠味架...
我哋食咗三碟牛,第一碟同第三碟都唔好食,第二碟就o.k.啲,但兩碟豬就very good...
其他腸腸,丸丸,尤魚,魚肉,南瓜,冬瓜,芋頭..都過得去啦!!!!!!
烏冬同拉麵都好好味,仲好衞生,獨立包裝~~~
雪糕有芋頭,呍呢嗱,士多啤梨,芝麻四種味....梗係芋頭最好味啦!!!!

總括嚟講豬好食過牛....兩個人食咗二佰幾蚊,都算o.k.啦~~~~

復活節假期嘅第一日就全家黎牛陣食午餐。
價錢同平日一樣，無話假期貴d喎。
要了一個$48豬肉、$68上牛肉同一個$118和牛。
我麻麻地牛肉，嫌佢呢度嗰d太瘦，所以都係揀豬柳拼豬腩肉穩陣d。
豬柳肉幾瘦，有肉味；而豬腩就一層肥一層瘦，唔錯。
$118和牛當然比$48嗰d好好多啦，油花均勻多了。
肉味濃，而且無咁鞋。
$68上牛肉其實同$48嗰種差唔得幾多，都係較瘦較鞋。
配菜會有更換，今次就多咗魚旦，腸皮腸，龍利柳。
魚旦都幾彈；脆皮腸超多肥肉；而龍利柳都幾好，啖啖肉。
不過就無咗上次超好食嘅烏冬，卻換上超市貨嘅烏冬。
所以今次試拉麵，原來都超彈牙，質素高。
菜類仲多咗黃帝菜。
整體黎講係非常抵食。
不過限時一個鐘就有d趕。

今日第一次去牛食火煱,
食物ok,我叫左$100位普通牛,一碟牛一碟豬+其他配料已經夠食,肉類唔使refill tim~
服務都ok,添水添湯都好手..
值得一試~

本來諗住一家人放假聚一聚, 起初食個時都無咩野... 食左一陣佢就話要俾錢先, 都無問題...

咁我地一行6個人食, 佢話限60分鐘都無題... 點知我地諗住坐係到食麻枱面既野就走, 點知 d 店員行麻黎好吋咁話 60 分鐘已經過左, 要我地即時離座... 已經俾多左 5 分鐘我地, 咁我地話我地只不過想食麻枱上既食物, 唔好浪費, 更何況根本無人等位... 成間餐廳等個 4 - 5 枱客... 咁第一個店員都話無問題啦... 再過唔夠幾分鐘, 第二店員又嗺我地走... 我地張枱 d 野又未食晒... 佢地不停咁嗺我地走...

一. 店員態度惡劣, 超級無禮貌
二. 係無人等位情況下, 而亦有好多枱無人坐, 強要客人即時離坐...
三. 我地都只不過想食麻枱上既野食, 唔好浪費, 我地走左, 佢就係攞去倒...

其實好多餐廳都係限時食野... 佢地都會俾你食麻枱上既食物, 呢間係唔會理, 總知一夠60分鐘就即趕你走, 仲要係話你知, 已經過左 5 分鐘, 出街食左咁多次野, 都係第一次俾人叫即時離座囉... 真係食到一肚氣... 亦唔會再去食... 講真佢呢間野唔係平囉...仲要一路食一路受氣...

wow~又黎牛陣開餐了！
今次無上次咁蠢食隻貴餐，今次要了$45那款。
不同之處在於肉類無得refill。
咁仲好啦！今次細細碟嘅肉我地都差點食唔晒。
要了一牛一豬，牛好鞋，好在細細碟。
豬柳肉好味，不過得幾塊；豬腩一層肉一層肥，要努力咬走d肥。
Mon to Thurs 汽水免費添飲添。

蔬菜款式多又係無限量供應。
refill得幾快。
丸類只得貢丸同類似魚旦的丸。
兩者都幾好，彈牙的。
值得一提的係佢嘅麵。
有一種係白色嘅，原來好好食！
上次因為飽得滯，所以無試到。
今次即刻試咗先！原來好彈牙又有咬口！
麵條好滑，煮好耐都唔會淋，very good~

白蘿蔔清甜，冬瓜、南瓜、芋頭都好新鮮好甜。
又有菠菜、西洋菜、白菜仔、紹菜、什菇等！
加埋一都係每位$50，真係好抵食！
唯一淨d嘅係時間太短。
得1個鐘，真係食得有d趕。