睇佢d麵包唔吸引,所以上次黎都只買曲奇食。
今日經過,見麵包有八折,最愛的提子丹麥條$3.2,就俾次機會佢啦。
竟然好好食喎!!有酥皮與麵包之間的質感,面頭朕楓糖漿又唔會太多太甜,攪到隻手黐立立。奇怪是,提子乾仲特別清甜!好好食。
其實佢其他o個D,例如:綠茶紅豆燕麥包,茶色微薄；提子南瓜排包,麵包色水同白麵包差無幾,南瓜如頭髮咁幼既份量。真係要細心挑選。
個笑哈哈係比個提子丹麥條ONLY。

今日老婆生日，成個月前我以經黎訂個公主蛋糕送去老婆公司比老婆，個蛋糕送到去，味道OK，但CREAM太多，老婆話好漏，不過送蛋糕連張訂貨單都比埋我老婆，比佢睇晒個價錢呢樣野就唔得啦。

爺爺的生日！
我們兩姐妹最近這一個星期密謀送件大禮給爺爺，給他一個惊喜，行過荃灣問了好幾間餅店，都找不到合心意的蛋糕（但訂做價錢又貴，我們還是學生，無太多的零用錢）．
還有２天就到爺爺的70大生日了，　我們到一間餅店（明愛天糧），看到公主蛋糕很靚，吸引我們入店，但我們商量下，不能買公主蛋糕，因是爺爺的生日啊，正在十五十六中，　有一位師傅走了過來，像知我們心意，說他有可以幫到我們，跟進幫我們度身訂做了一做壽桃蛋糕，每磅只需７２元，我們立即訂了（其他店糕要每磅１３０元）．．．．．．
到了今天，我們將蛋糕送給爺爺，他很高興．原以為這便直的蛋糕，只要不太難吃就算了，但吃完後，每個人都爭住添食，連平時不喜歡蛋糕的嫲嫲，也讚不絕口，結果全吃光了（３磅啊，因師傅說要做立體要３磅才做得到）平時只買１磅蛋糕也吃不完（還要是出名的餅店）．
今天真開心，大家都稱讚我們，還說待我們生日時買公主蛋糕呢！！！
還有一事值得一提，明愛天糧的師傳幫忙可以度身訂做蛋糕啊！下次我要再考考他們的手藝啊！

記得好朋友話生日想要barbie蛋糕
比較過好幾間有整barbie蛋糕既餅店
呢間都算係最平果間!
而且打去問過仲有得送貨服務,
聽電話個姐姐都唔會嫌我問3問4,好好態度

壽星女見到個蛋糕都好感動,好開心~
因為真係好靚!我都咁認為..哈哈哈!
比著我真係唔捨得切,但個蛋糕最後既命運都係用黎扔,
好朋友事後話冇食到個蛋糕覺得好後悔同浪費~要我下年再買
雖然冇食到,但我諗都唔會唔好食!因為係我揀既芒果蛋糕!
thanks天糧包餅店

夜晚o係荃灣大會堂聽concert, 記起之前睇到雜誌訪呢間社會企業麵包店。
因為時間相距較耐~唔記得左佢係18:30定19:00後有麵包買三送一優惠…

入到麵包店,感覺好乾淨, 而且光鮮~麵包好整齊咁放o係包櫃~
而可能時間唔早既關係~尚餘款式唔多~~

買左藍莓醬包, 芒果醬包, 芝士沙律包, 朱古力muffin, 仲有合桃酥.

藍莓醬包係幫朋友買,所以冇試過~自己食芒果醬包時覺得個包唔夠味~
好似食緊芒果jam白面包~但就只有包上面o個幾條芒果醬…
雖然麵包幾軟熟~
但如果包入面都有餡會好好多~

朱古力muffin係第二日帶去郊外玩時做tea~
面層朱古力粒有少少溶~食時有少少麻煩呢…
除左有朱古力粒外, muffin既朱古力味唔算濃~但就好香牛油味~,
蛋糕質感唔錯~..甜度適中~

哥哥既芝士沙律包同樣有呢個問題~但佢既情況會較好~因為芝士沙律比較濃味~
佢話味道普通冇特別~但幾油…面層d芝士好硬…
可能係因為第二日先食啦~

最讚既係合桃酥$1/件, 又抵又好食~ 獨立包裝, 細細件, 買十送一~
分左幾件比一齊聽concert既朋友~佢地都話唔錯~仲問o係邊度買呢..!
我就覺得夠鬆化~又有牛油香~
而鍾意食合桃酥既哥哥梗係食唔停啦~

見到有客人買左個立體o個d公主蛋糕~望落去靚係靚~
不過成條裙都係cream~真係唔係幾岩我~
估計店員係請番中心既康復者, 服務都ok ,
雖然今次對麵包有少少失望,但諗番做麵包都係康復者~
對佢地黎講已經做得好好喇~付出少少可以幫到人又有咩所謂呢~

想幫襯左好耐喇，奈何地點不太就腳，今日媽咪路經買左雜錦曲奇、綠茶紅豆燕麥飽同埋菠籮合桃提子飽 ，終於有機會一試喇 !

雜錦曲奇以杏仁曲奇同杏仁咖啡味最好食，幾他亦唔錯 ! 完全唔油，但超鬆脆!

綠茶紅豆飽的豆沙餡好起沙、甜度剛剛好，店方已預切成薄薄一片，細心 !

菠籮合桃包味道好清呀，個菠籮皮一d都唔(陋)，好味 !

如果大家去開荃灣不妨支持下吖 ! 俾學員一d鼓勵嘛 ! 自己食得開心、又可以幫學員重建信心，共創融洽社會嘛 !

在荃灣廣場用餐後順道到訪這間由明愛主辦的社會企業麵包店。

麵包店面積不大,環境真的很整潔,麵包排列得整整齊齊,而餅櫃裡的蛋糕看來也相當對辦,價錢也很相宜,真的很有興趣!!

沙律包包身稍硬, 面層芝士有著芝士香味,烘得脆脆的增加口感; 沙律醬味道甜甜但有點乾乾, 雖然麵包沒有丁點餡料,不過由沙律醬和芝士的化學作用實在出色,這款麵包一向是自己所喜歡的, 要是麵包可以軟身一點,個人認為會更美味。

藍莓muffin個子小小, 質感像牛油蛋糕多一些, 可能牛油用得足夠關係,MUFFIN真的很油, 連muffin紙杯也被油滲透至透明,好足料似的;muffin 甜度一般,藍莓醬在底層才發現一茶匙左右, 份量雖不多但甜美, 兩者一同來吃味道才佳。

菠蘿包/小麥包 兩者質感同是不很軟, 尤其菠蘿包,整個硬硬似的像玩具;大人本以為又是實的的貨色,當她吃了一口菠蘿包後便說"咦..又幾好食喎!" ,包不可以貌相。

餅櫃裡的芒果切餅相當對辦,跟週前在日航buffet裡的不相伯仲,只是買三件才有盒子,單以膠袋盛載真的不放心,打消念頭! 這裡的一磅蛋糕跟坊間的二磅沒分別,難怪店員也說"足磅丫嘛"!

店員應該是康復者來擔當,服務態度很一板一眼,要求體貼服務的就會有點失望,但在這些社會企業裡,包容程度會比一般的高。

個人認為麵包可以軟身一點會更好吃,水準未合個人要求,還是給予笑臉一個作為給社會企業的支持。

要搵鬆化又好食既曲奇唔容易。明愛也開麵包店?挺有趣噃!
麵包看去平平無奇,要試既當然係曲奇餅啦!有日經過,只淨全包咖啡味。有緣地再來,碰到最後一包雜錦!!
麥片合桃提子有兩款,大塊圓形既,麥片鋪在面,較粗口；小塊長方形的,反而唔覺麥片,提子味道會出D。
杏仁曲奇,杏仁大大粒,都幾香口。
杏仁咖啡曲奇,有杏仁薄片夾雜著,溝淡了咖啡的甘味。
double choco,朱古力帶點甘苦,一D都唔甜,好正!
曲奇餅做到鬆化但唔油既,都幾出色架喇!

我同男友經常四出搵蛋糕食架,食過好多間架啦,有次行過發現呢間"明愛天糧包餅店" ,買左個什果蛋糕,一試難忘,因為佢D蛋糕好軟身,D CREAM又OK噃~~~什果更加係比出面的新鮮!!!價錢仲實惠----$68一磅,好抵食呀!!!!

之後,一想食蛋糕就諗起呢間啦~~~~
有次仲試埋佢地既藍莓MUFFIN,都好味,個蛋糕好香牛油味~~~
真係唔同其他連鎖式經營個D愈來愈差,仲無哂D蛋糕味~~~~~
呢間就唔同,好明顯用料好,不是為利潤而減成本個D!!!!!

好多雜誌都有報導lee 間明愛麵包店....
有日同朋友行過... 立即入去試一試....

一入到舖頭... 就見到個公主蛋糕... 好靚呀... 又抵喎... 只係$390.....
立即訂一個俾我囡囡做生日蛋糕... 佢一定好開心啦.....
見到d 合桃酥... 一蚊一個.. 仲要獨立包裝.... 抵啦....

個日買咗d 凍餅番屋企.. 屋企人全部都話好味... 問我係邊到買到d 咁超水準既凍餅...
我話係荃灣明愛間麵包舖買... 佢地都話值得一試..

星期日上午和一班朋友踢足球，經過一輪的剧烈活動，中場休息十五分鐘，見到一間明愛天糧的面包店，於時入店舖，見到二位很有禮貌的女士招待我們，我取了一罐可樂即時付錢等找錢，其中一位女士話合桃酥抵買好食一蚊一件，我即時買了十二件給Ball友試食，完場後大家一起試食，食落覺得很好味及松化，最後大家Ball友一起邦親這間天糧店。我除了買幾袋合桃酥外，還買了一個2磅蛋糕返屋企。

母親節行經旺角政府合署側有福利機構社企在擺檔,明愛天糧係其中一間

當時被粉紅色心型盒吸引,原來裡面係心型曲奇,重送一支羽毛花,買左送比媽咪,佢好冧呀,心型喎

我自己就買左一包半磅裝6款口味的曲奇售$30, 最鍾意塊塊獨立包裝,唔驚放耐d就疏氣,鳯梨酥就$5件

最初唸住幫襯鼓勵社企,點知d曲奇真係好好味,又香又鬆d果仁又脆,好食過我食開個兩間J及Q字頭,鳯梨酥好有鳯梨味,唔會好似一般咁得個甜字

好快比我食哂,真係後悔冇買多d,就算佢地舖頭係荃灣唔近我住個區,都一定要再去入貨

順帶一提,當日的售貨員個個都好好禮貎,所以我買得好開心

一家大細路過天糧餅店，知道這間餅店是明愛主理社企，有幾位售貨員很有禮儀招呼我們，我估無生意的緣故吧！囡囡話買一打雜果撻給嫲嫲食，我心想都唔知好唔食架，到了嫲嫲家親戚全在屋裡，於時將雜果撻取出給大家品嘗，在座的人都話好食，皮脆、生果夠新鮮及用料足『好正』，食落味道不太甜，只是雜果撻的尺碼太細了。嫲嫲問餅店在甚麼位置下次她自己去購買，每個只是$3.5不貴。況且是支持一班殘疾人士就業。超值！

上個星期日阿囡生日，經過天糧餅店見到公主旦糕好Q。囡囡賴唔走，我於是同囡囡入店邦襯。問店員三磅公主旦糕內有甚麼物料，店員話內有雜果，後來烘焙房請來造餅師傅。師傅連造餅的程序講解一次，每個公主旦糕製作需時五至六鐘頭來完成，所以話超值。價錢只是$390.-。據我了解九龍有好幾間餅店買出同類旦糕價大約$480.-。返到屋企囡囡的同學到齊。嘩！好食好正！下次再邦親。支持社企。

睇左亞視ge介紹，
所以媽媽就去買黎試下啦...

個晚太飽所以就冇試食，跟住第二朝叮熱個菠蘿包仔諗住做早餐...
點知個飽都幾硬...

雖然真係幫到人咁，但就真係唔想再試喇