5
13
10
營業時間
星期一至日
12:00 - 23:00
以上資料只供參考, 請與餐廳確認詳情
和花亭曾經是各大一線商場的常駐客，可能由於租金昂貴， 現在的和花亭只能退居二線商場。 今天在將軍澳東港城找到其蹤跡， 可以回味當年味道。 和花亭不能和板長的質素比， 但訂價合理， 壽司， 燒物都做得還不錯。 赤貝壽司做得很好， 夠新鮮，夠爽。 咖喱魷魚壽司挺有創意的， 咖喱味恰到好處， 不會搶了魷魚的鮮味。 不錯！ 沙律的份量很大， 蔬菜也算新鮮。如沙律醬少些，味道會更好。 天婦羅番薯和南瓜也炸得香甜。 這裡的食物不會給你特別的驚喜， 但整體素質不錯， 而且價錢和合理， 算是性價比較高的一家日本餐廳。 但看過其他食評， 貶多於褒， 可能這幾年餐廳的質素不穩定， 令大家失望。 我今天的用餐經歷還算不錯， 希望餐廳能有則改之， 無則加勉， 用心做回以前穩定的水平。
繼續閱讀
酷愛壽司的琛琳經常在坑口這一帶出沒, 但數附近的壽司店亦只有幾間, 包括爭鮮, 一壽司和和花亭。說實話, 沒有一間讓我們滿意。爭鮮雖便宜, 外賣還OK, 堂食則不會再去, 除三文魚外, 其它壽司都充分表達了"價錢如何, 質素亦如何"的訊息。一壽司則相對較貴, 但質素很不穩定, 有時候還可以, 有時候則失望而回。所以, 琛琳在沒有選擇的情況下, 又看到和花亭有7折優惠, 便再次到訪和花亭。海膽刺身($49)賣相不錯, 味道更是出乎我們意料地好, 起碼沒有臭味或腥味, 個別幾塊更可稱為甜美, 但問題是圖片與實物不相符!!! 本以為$49一大板海膽很抵食, 卻想不到實物的數量竟沒有原圖的一半, 真讓人抓狂蔥吞拿魚軍艦壽司($20.8)不過不失。吞拿魚雖然沒有魚香, 但起碼沒有腥味, 已讓我們很欣喜, 因為我們從來沒有對和花亭有什麼期望。但是, 琛琳略嫌蔥的份量太多了! 三文魚壽司($10.4)琛琳一直認為在香港吃三文魚從來是最保險的, 儘管那餐廳其它魚生怎麼不新鮮, 三文魚還是會蠻好吃的, 可能是為了迎合香港人的口味吧。琛琳點三文魚不是因為我們特別愛吃三文魚, 只是覺得三文魚總不會難吃。果然, 我們是對的!帆立貝壽司($25.6)我們記得上幾次來的時候, 和花亭的帆立貝是很出色的, 質感和味道也可謂中上水平, 除了因雪藏過久而過分冰冷。但今次的帆立貝卻令人失望至極! 賣相極佳, 體型很大, 質感還是很好, 但冰冷依然, 而且細細嘴嚼後, 你會發現腥味無窮! 極度不新鮮! 甜蝦壽司($12.8)甜蝦的溫度卻與帆立貝大相徑庭。帆立貝奇凍, 甜蝦卻是室溫溫度。但結果還是一樣: 不新鮮。火炙和風醬左口魚邊($20.8)這是琛琳每次來和花亭必點的! 因為相比起其它壽司, 左口魚邊真的是出色無比! 火炙過的左口魚邊尤其肥美, 充滿油脂甘香, 令人回味無窮!一間壽司店的食材新鮮, 應該是最基本的要求吧! 很多人老遠飛到日本食壽司也是貪那裡的魚生夠新鮮。如大家下次在坑口想吃壽司而又經過和花亭的話, 琛琳建議你需謹慎點菜。火炙的應該都比較保險, 起碼不會想帆立貝和甜蝦那樣不新鮮。
繼續閱讀
家住附近所以都來過不少次用餐, 記得剛開業一兩年間算是區內少有的有水準壽司店,而且經常要等位,也是區內喜愛的食肆。數年過去,最近一年曾三次光顧,每次皆失望已回。(但晚上經過依然頗多人輪候...)首先,坐椅餐具之破舊不堪已令人食慾大打折扣,如只是區內小店茶餐廳式作業大抵也可接受, 但始終是集團式經營實在令人失望。也罷,始終食物本身才是用餐的重點,其實每次到壽司店吃的款式都差不多,都是些三文魚,赤貝,帆立貝,各款魚生壽司,三文魚實在很難不好吃,這裡的質素也還好,也不好太挑剔。值得一讚的是蝦天婦羅,每次都會點,算是好吃。其他壽司就是惡夢的開始,基本上只能說: 不！新！鮮！壽司不用煮,也不是計較那團飯怎樣怎樣.但那些魚生刺身實在難吃,而且一年內三次皆難吃。近期和花亭還增設了九時後半價(最低消費要$88), 在食物質素如此低劣下, 減價再多也只是等於食物會越差吧。畢竟在將軍澳用饍的選擇真的不多,再開一家新店作選擇更好吧。
繼續閱讀
18:00 與母親大人及印傭三人到呢間位於東港城的和花亭晚飯. 去到門口, captain姐姐望見我哋唔出來招呼, 有位穿著橙色制服的姐姐出來一輪咀咁講咗一堆說話, 我聽都聽唔切, 問佢講乜野, 佢就深呼吸, 好大聲咁同我講: 個半小時就要交枱, 得唔得? 嘩! 而家連食壽司(唔係放題, 又唔係自助餐) 都有分時段? 心想冇問題嘅, 咁就入咗去.第一輪的食物尚算OK, 包括: 牛油帶子, 一牒六件的三文魚壽司, 雞軟骨, 3個蒸蛋, 3年劍魚腩壽司, 3年燒牛肉壽司. 大約18:40, 加單叫了網燒牛肉+鹽燒鯖魚, 等咗冇耐網燒牛肉就到了. 唔知點解佢地嘅網燒牛肉唔係乾身, 係有汁嘅, 好似街市買嘅牛肉响個鑊度兜幾兜就送上枱咁, 同平時食開嘅一D都唔似之後等咗好耐都未有嗰條鯖魚, 咪問個姐姐啦, 佢check一check, 同我講要等25分鐘. 吓! 唔係下話. 我同佢講, 而家七點鐘, 要等5個字條魚先到, 我七點半要交枱, 條魚黎到都食唔到啦. 佢二話不說就即刻係廚房攞條魚出來擺响我枱面.你話吖! 呢間係乜野餐廳! 我落單嗰陣位姐姐唔同我講, 到追單時位姐姐又奇奇怪怪. 佢哋D咁嘅服務真係九流到絕呀!!!!!!埋單總要四佰完. 嘩! 計落唔係食咗好多野, 服務態度差, 下次就算冇野食都唔會到幫襯.
繼續閱讀
序因為有事所以去左坑口, 見肚餓就周圍搵野食, 見和花亭唔係太多人就決定食呢間野,點知企響門口完全冇人理我, 有個著橙色制服女職員見住我企響門口, 仲要係對望果隻,佢都完全冇反應繼續執枱唔理我, 等左差唔多成 2 分鐘先有人問我幾位, 好似唔憂做咁...食物好啦, 之後剔左 4 碟三文魚壽司、2 碟三文魚腩壽司、1 碟醬燒牛肉火炙壽司、2 碟五目腐皮壽司、芝麻醬凡立貝壽司、乜乜六味三文魚壽司、腐皮三文魚 + 三文魚子軍艦壽司、炸芝麻雞翼同埋一罐可樂。首先三文魚壽司簡直不知所謂, 舊三文魚係暖架! 好似擺左勁耐出黎咁!大佬! 你話響迴轉帶既就話姐, 但係我 order 架喎?! order 都係暖既 ?!跟住就係三文魚腩壽司, 三文魚腩 ok 靚仔, 食落亦都唔會好似三文魚壽司咁係暖既,起碼真係夠肥美, 新鮮。輪到醬燒牛肉火炙壽司, 呢款壽司真係整得唔錯, 多肉汁同埋肉好嫩, 係一款有 d 水準既作品。到炸芝麻雞翼, 亦都係本人推介之一, 味道岩岩好, 又夠香脆, 但略嫌雞翼唔夠大隻。五目腐皮壽司、腐皮三文魚 + 三文魚子軍艦壽司味道一般, 食落好滯同埋感覺好乾, 好唔抵食。火灸咖喱三文魚、芝麻醬凡立貝壽司;火灸咖喱三文魚味道算唔錯既, 咖喱味唔太辣, 味道吸引, 咬落都算多汁。芝麻醬凡立貝壽司可以話係大件抵食, 芝麻醬既香味加上大大件凡立貝, 好味道!最後果個乜乜六味三文魚壽司, 顧名思義係六舊唔同味道既壽司, 但係我覺得只係普通配搭... 其中一舊係整左一 "pat" XO 醬上去, 味道完全唔夾...其他果 d 都只係麻麻, 冇咩特別。服務d 仔既服務都唔錯既, 有笑容又有禮貌, 但係 d 女既服務就真係麻麻地,冇笑容都算仲要講野冇黎精神, 我坐低之後茶都冇杯,係我落單果陣先有個男仔發現茶都冇, 所以即刻斟杯比我...之後我最不滿既係, 你 22:00 Last Order, OK 冇問題...但係你 22:07 就走黎問我「豉油同芥辣仲要唔要, 我地要洗野」下?! 唔係卦... 我枱面 d 野食仲有咁多都未食晒, 你就趕住收工咁款要收野...我真係食得好唔 enjoy 囉... 好似比人催你拿拿臨食晒佢唔好阻收工咁...呢 part 我真係好激氣...環境呢間野其實冇咩環境可言, 裝修一般啦... 但係可見有 d 位日久失修, d 牆都甩油,有 d 碎片「吊吊 fing」, d 豉油碟又崩崩地, 連份 menu 爛溶溶都冇人換啊陰公!整體其實以前有幫襯過下, 都唔覺得咁差... 但係而家真係覺得好唔得囉...連基本既服務態度都冇, 仲敢膽死收加一服務費... 請問 d 服務去左邊?最後本人用左 $365.2 去買左呢個教訓... 下次再去東港城, 都係去佢隔離間和民算啦...我相信我唔會再幫襯呢間野...
繼續閱讀