今日同媽咪出去買野, 跟住就帶佢想試好耐的綿綿冰 !!!
見係松記見到好似唔錯咁, 一於去試下!!
不過入到去可以揀的味道唔多...
都係得 芒果,豆腐,朱古力等, 而且仲冇得揀加鍊奶添..
可能佢唔係專門整綿綿冰既關係, 所以款式都唔多 !!

最尾叫左「雜果+豆腐綿綿冰+少少焦爆醬)
賣相都不錯呀, 一片片咁幾靚~~一碗已經可以兩個人分
食落豆腐味都幾明顯, 不過我地太蠢喇~~係專涼既天氣, 再坐係有冷氣的地方食冰..
真係食到好鬼凍

所以叫左個「奶黃湯圓」食下 ~~
熱辣辣的湯圓加埋薑湯, 不過我唔鍾意薑湯的味道.. 我好驚食薑..
奶黃湯圓一咬落去個下, D奶黃爆晒出黎~~好正呢, 冬天食一流~~~

今日剛病好回復做GYM的行動,做完GYM個friend話去食叛糖水,見上磅輕了一磅死就啦
去到松記門口看到很多人,之後同店員講兩位,她說要坐入面還是外面,見天氣咁涼就坐外面吧
坐低店員放低餐牌我就翻丫翻睇有乜好食,之前朋友說這裡的綿綿冰比其他的大很多,於是便叫了一個來試下,我叫了一個豆腐味綿綿冰,店員問要不要加雜果和要什麼醬,我諗淨冰好似單調左D,所以就加個雜果揀個士多啤梨醬
等食物途中,朋友的order的黑珍珠椰果送錯左第二樣野來,我都順手影左一影
到我的綿綿冰送來了,它的確是幾大,但不至於去到巨型,拍個照之後就開動準備清左佢~~~~
第一啖食落去感覺不錯,很有豆腐味,加了士多啤梨醬都唔錯,仲有D花生一起食,脆脆地正
不過食到D雜果時就唔係好得,D雜果無乜味,不過算啦唔可以要求過高,到最後唔伙知係咪最近減肥食少左野,食到一半有D飽飽地好左最後都比我成功KO左個綿綿冰
嘿~~~~下次來可試一下淨綿綿冰加蕉糖醬試下

小弟第一次寫食評,寫不好多多包涵

食完飯之後同幾個同學食甜品，好彩已經開左門。咁就入去坐啦，我唔知
點解唔想食普通既糖水，就試下個CK批。即係松記批。

CK批呢個就等耐小小，但感覺上似係千層批。上面有個雪糕，而且
整得幾靚架。個批中間有忌廉同生果，真係幾好食。雖然食完好有罪
惡感，不過算啦食左就唔好理啦。

味道唔錯既，坐得又舒服，真係幾好。

食完鱻魚(請留意上篇食評)即往格離松記
哇t^T人山人海
等15min有多先食得-,-
綿綿冰(芒果+朱古力醬+花生+雜果);;好有層次,壹片片甘食好得意
綿綿冰(朱古力+士多啤梨醬+花生+雜果);;同上,有味過芒果
幻彩明珠;;D黑珍珠好彈牙,不過我亷D生果吾夠凍
飽哂!_!

ps*綿綿冰+雜果,D綿綿冰比正常細个/3\

2009年8月16日 我與太太在荃灣逛街,天氣悶熱,經過松記糖水店,突然很想嚐冰.這店內已經坐滿人,
還要在門外等候片刻,不過很快便輪到我們.雖然店內人多擠迫一點,但環境頗乾淨企理,
多年前曾經在深水埗店食過起碼2次,但印象中都很好,到這店還是第一次,我們點了2款甜品都很有水準.
(1)Hello(好味)(4分)
(2)芒果棉棉冰(好味)(4分)

食D芝麻糊好淡 已經唔同第1次黎食 今次無味 無芝麻味
淨係得summer 個芒果味同曲奇味雪糕好味
其他糖水都係一般
個哈佬好味好大份好抵食 但係d 白色ge物體 疑似涼粉無味
整體黎講都okay 係爭個芝麻糊姐

已經唔係第一次食Hello$17,唔知點解今次覺得特別好食。材料是喳咋+大&小粒西米+阿塔籽+黑白涼粉+芒果汁。基本上喳咋份量較多,每匙都滔到腍腍既豆,加埋椰奶、有o趙口的大粒西米,咁既texture,正!
芝麻薑味撞奶$18,比較少在其他地方見過。說是即叫即撞。論撞功,只是面o個朕係形涸,中朕已是水狀,所以仍差一點。芝麻味亦是微乎其微,唯獨薑味非常夠辣,味道加番分。

芒果琉璃--個名聽落怪怪地

就order試下啦~!!

(附上芒果汁同奶)自已淋

d琉璃好special,,係爽口既,,

咬落索索聲,好鬼得意ga

好似食緊魚籽咁~~

食完好想再encore



P.S.不過d台就堅係細,,坐得唔舒服

差不多八點去到, 終於唔使等位!! (之前兩三次經過都想試下, 但因為太多人要等位而令我同朋友卻步!)

腐竹雞蛋糖水 ($12)
雖然餐牌花多眼亂, 好多新式糖水/ 甜品, 但我始終都係愛經典糖水! 一來可以睇得出係唔係有heart 的食物, 二來(大多數)比較健康, 三來最緊要平!

呢間松記既腐竹雞蛋糖水係煲熔曬d 腐竹再加一隻烚旦, 細細碗.. 雖然亞媽話煲得熔既先係靚腐竹 (其實係唔係既呢?), 我都覺得口味唔錯 (唔太甜), 但我就比較喜歡食倒一條條腐竹 (仲有些少渣滓) 既糖水!!!
但係我唔鍾意佢隻旦! 隻旦真係(白)烚旦既味! 如果係入埋d 糖水味就好啦...

椰汁西米露 $12
西米係好煙UN, 但如果有埋芋頭同埋D 椰汁一齊煲, 仲要煲到杰身就好了....

如終都係食慣老家B仔糖水.. 本來都唔覺B仔有咩特別, 不過真係食過先知原來家鄉既係最好食! 下次應該叫朋友黎元朗! 因為有比較 (同埋真係失望啊!), 所以比個OK 而已!

是日溫度高達三十餘度...同朋友係外邊行左陣開始唔掂
決定搵個有冷氣既地方坐坐...過下冷河...唔係真係熱死!!

行左入松記...我要食個消暑既甜品!

幻彩明珠: order完...勁快有
份量多到瀉...賣相色彩繽紛...材料仲勁豐富呀!!
生果新鮮爽甜...明珠煙煙韌韌...仲有涼粉...黑珍珠
撈埋芒果汁...好味呀....好滿足

搵日再黎試試其他甜品!

從V Cuisine吃完飯走出來，感到口淡淡的，跟老友們的腳步皆不期然走到較旺的大河道附近找甜品吃....

不是身為半個荃灣地膽的老友引路，也不知道原來松記已經殺出深水埗及佐敦，來到荃灣開了另一分店。人氣依然是如此的鼎盛，就算旁邊亦有不少甜品店開着，但論到人多勢眾的，還這"老字號"最厲害....

每次去到松記差不多都不會看餐牌，因小弟吃來吃去都是那三款 ---- 不是"雪山"，便是"幻彩明珠"及"六寶湯丸"。是日選了"雪山"來吃，同樣是大量切粒椰汁糕以及大粒西米及類似台式珍珠加起來的混合體。平常吃的雪糕球多是石板街或是云呢拿的，但是次兩者皆缺貨，換了紅豆，感覺上跟其他配料無論在視覺抑或是味覺上都有些格格不入.....

這樣的配料組合，味道當然不會差得太離譜，水準亦跟老店的出品差不多，沒有太大走樣。椰汁糕依舊味很甜，椰味還足，texture亦很柔軟；西米及台式珍珠也是很煙韌有咬勁的....

沒有大大的驚喜，志在叫做有些甜食入口，以解心癮而已....

自己不嬲都有幫襯開松記, 四間 (其實係3間)都食過幾次...

荃灣呢間店都來過幾次. 我次次都係食芒果琉璃... 不過荃灣呢間店俾的芒果SOURCE出奇地小, 比佐敦仲要小, 當你落哂芒果汁+花奶, 你會覺得花奶味太重同太流... 問佢可唔可以俾多小小, 黑面+問你攞5蚊...咁唔計呢個問題, 個琉璃都係水準以內的.

又話說. 我係等位個陣, 我張票係12號3位... 佢有張四人桌, 俾左16號的5人坐... 無言. 咁中間仲有O的13號2位, 我明白3人坐2人位無得計較, 不過4人位你都唔俾我先, 點講都唔通...
再等多兩個字, 佢叫 18號3位都唔叫我12號3位... 咩事先. 如果佢可以亂叫的, 咁做咩派票先.

服務態度0分... 野食總店好好多囉... 如果唔係就腳, 都唔會落來試.

個人鍾意糖水鋪多選擇, 松記做到, 而且價錢經濟.

紅豆冰冰杯 - 個樣已經好吸引! 紅豆稔又有椰果加埋芒果汁, 消暑, 好味道!

綠豆豆腐花 - 綠豆沙ok, 豆腐花唔太滑.

薑汁撞奶 - 估唔到糖水鋪最普通嘅薑汁撞奶咁失策, 薑味濃, 但個奶撞完未凝固好, 所以好稀.

一間在深水埗我的心儀甜品店，竟在荃灣區開分店，原本覺得太美妙了！
之所以覺得心儀，是因為價錢比起市面上的許x山、乜記物記便宜，雖然甜品不是超高班，但大部份也是水準之作，尤其是馬蹄露……於是有時是為了吃松記甜品而專程到深水埗吃飯。
荃灣開分店，馬上幫襯，第一次幫襯當然是首選馬蹄露，今次點了海底椰馬蹄露，大致都同深水埗差唔多，糖水是很清新的甜味，因馬蹄切片，比起一般切粒的有咬口和馬蹄香，但感覺上馬蹄粉味很濃……
第二次再食，留心看看餐牌……嘩……唔知係咪好耐無幫襯，還是荃灣租金比深水埗高，馬蹄露竟加了三元，以一碗九元來說，加到十二元是 25%啊！！價錢開始追貼那些連鎖甜品啦~~
食店中主打幻彩明珠，唔知點解突然覺得味道好雜亂咁……其實我平時好少食這個…….所以下次我還是不吃這個好了……
昨日同事請下午茶，又再幫襯，今次揀了什果琉璃…… oh…….my god~~
送外賣已經將附有的芒果汁椰汁倒到一袋都係，我那碗一打開還有一陣爛生果味，很失望……但望吓碗琉璃又好似無乜嘢，於是照食，起初都無事，食到中層舊奇異果，嘩~~熟到爛，正常應該一片片的奇異果是碎的，是因為超熟，原來那些爛味從這裡來……
廿幾蚊一碗，唔可以太浪費，唯有酌走奇異果後再吃……但底部已經充滿爛生果味….好失望~~
雖然馬蹄露的馬蹄粉味重了，但還是這裡一個做得較好的甜品，其次我會推介流璃，琉璃很爽口，暫時街外佷少食到，不過我會揀冰燕琉璃……什果？NO WAY~~

見到openrice有好多好評,所以試一試
同bf叫左一個試,黎到有好多料,瀉曬出黎
都係d生果大粒同d涼粉多,d粉圓幾好食,2個食完都飽la
$17真係好抵食,我地去個陣係9點幾度,已經有好多人
到我地食完走,出面仲多人排隊,要食就要早d