見到雜誌介紹.約埋朋友去試下
收費RMB188.
見話質素好, 食物新鮮. 價錢貴D都可以一試

我地提早BOOK 左位(細房).....
去到裝修真係有D暗, 但係都冇乜問題~氣氛都算好

我地一開始落左ORDER....好快就上左個刺身先
以為上菜都好快....
點知食完刺身....等左好耐其他野都未黎
要催先黎1~2樣
好多都漏單冇黎

份量少得可憐.....
海膽只係每人一啖...之後再ORDER已經冇再黎

全餐最好味係個牛肉煱入面D粉絲!!
肥牛"鞋"到冇人有!!!!!又硬

領鮮同大漁會比呢間上井會好好多
起碼價錢同食物質素成正比

比RMB188 食呢餐真係好唔抵!!!
拎D錢食個麥記仲好

去到好開心...地方大...坐低咗幾舒服...食嘢啊....初頭都不錯....但去到7點幾好多嘢都冇...太太叫個清酒成個鐘先嚟到...朋友叫無糖可樂....menu上話有供應嘅...有個待應夠胆死同我哋講..只有原味可樂...之後向佢哋組長反映..係送兩個私房菜我哋食下之後...唉....再叫嘢食....."等一下"(普通話)...之後等咗好耐...又等咗20-30分鐘....最後叫個雪糕食下之嘛...有等....熄埋燈添..有話收11點..10點15分己經收咗鋪甘...之後埋單...又等.....不用講下次要找個新地方

對上一次上大陸已經係十幾年前既事！今晚突登上去食晚飯，全因表姐介紹我呢個海膽怪食個日式有任叫魚生海膽既自助餐！我地一行十二人，大刷特刷一餐！！！

呢間餐廳既地理位置係國貿鐵路站上蓋既金光華廣場6樓，我地去程答巴士到落馬洲口岸過關，再轉國內鐵路到國貿鐵路站，由落馬洲口岸到國貿鐵路站成人車費$5人仔！回程答的士到深圳灣口岸過關回港，的士車資$58.9人仔。

呢度既自助餐有午餐同晚餐兩種，午餐$128免加一做到兩點半last order，而夜晚就$188免加一到9:45pm last order。午市同晚市既分別在於餐牌上打星星午市唔包括在內，例如花之戀、海膽呢d貴價野外，其他都大致一樣！但如果午市想叫海膽？無問題，只係錢既問題而已，比返晚市錢即可！身高一米或以下小同半價！

因今日係星期六關係，我地去到餐廳時大約6:15pm，見餐廳坐滿甘濟！好彩我地一早book左位，好快就被安排入坐大房。每一間大房都有一位侍應專門服侍；但就算唔係你間房既專屬服務員，都會好有耐性同盡責為你服務，值得一讚！！！表姐話呢度既大房大都要預先book位先安排到，所以有興趣既食家想有私人空間就要留意喇！坐大房除左多點私人空間外，仲有野送！好似今晚甘，主任送左長腳蟹一隻！

我地今晚所食既野真係多不勝數，雖然不能每樣詳細介紹，我地黎個分類討論啦！

魚生、壽司：魚生種類算多選擇，除了一般三文、吞拿、北寄貝、八爪魚、甜蝦、帆立貝、油甘魚、立魚外、亦有較為小有既希寧魚，但蝦既種類只有甜蝦一個選擇，較為失色。而當中d連魚皮食既魚生如油甘魚、立魚、希寧魚都好出色！當中不得不推既當然係我最愛既海膽！

海膽好豪一板板上，無限叫(當然佢上唔上比你食，上幾多板就god knows喇！) 海膽質素唔錯！唔腥味、唔臭、無木板味，夠鮮，你好彩的話仲會有d creamy同海水海膽味夠balance既比你食到！好有驚喜！

送既長腳蟹：多肉、新鮮、唔錯！

燒雞翼、大蔥雞串：雞翼size夠大隻，唔欺場，燒得幾好！雞串既雞肉好乾，唔得。唯美中不足係雞肉既新鮮程度麻麻，或者係雞本身既質素麻麻，你食完打胃氣你就知"味道" hehe……

陶板牛粒、板燒和牛片、生牛肉片伴胡麻沙律汁、燒牛舌：牛肉幾食得過！唔錯！我細表侄女最愛生牛肉片伴胡麻沙律汁，因肉質夠嫩，入口唔覺自己食緊生牛肉！當中我最推板燒和牛片，和牛夠牛味！燒牛舌就唔好叫喇！費事令自己對牛舌產生恐懼。

燒羊架：唔蘇味，可以一試。

蝦、豆腐、蕃薯天婦羅：炸漿比例ok，係即叫即炸。蝦夠鮮。蕃薯一般。豆腐好鞋，唔好叫。

鵝肝燉蛋、甜梨鵝肝伴士多啤梨汁：鵝肝燉蛋用蛋殼燉蛋，幾滑幾香，可以一試。甜梨鵝肝伴士多啤梨汁…幾九唔答八同恐怖！

魚翅湯、蜆肉魚湯：當然無真翅你食甘好，個有燉翅既高湯味既。蜆肉魚湯，淡而無味。

燒香魚、燒三文魚頭、燒魚下巴：香魚唔係香魚，呃人…燒三文魚頭，正！外脆內嫩！

鹽燒白果、納豆：幾得意，份量少少，係試第一次既好選擇！

湯烏冬、炒烏冬：湯底竟然好過之前既蜆肉魚湯，烏冬一般，想飽肚可叫，因都幾夠份量。

雪糕、糯米糍、蛋糕：size細細，一口size！雪糕有多款口味，其中香芋、紅豆、芒果不錯！糯米糍唔好食。蛋糕都係一口size！唔錯，一定好過美心！ 呢度仲有N年前，香港有得賣既雪梅娘！但今晚無晒…可惜！

罐裝汽水、支裝啤酒：任飲！啤酒選擇除青島、生啤外，仲有日本朝日啤！無錯你無睇錯！係朝日啤！都係任飲！

總括而言：呢個價錢，就算你淨食一板海膽加個中size雜錦魚生拼盤，同鐵板燒和牛片，同兩支朝日啤，你都抵返晒！店員服務態度認真唔錯！比我地十幾個係甘輪流煩都保持笑容同耐性。店內環境清潔衛生，裝潢有格調，坐得舒服唔趕客。再加上而家有鐵路直達，交通方便，又座落大商場內。當中最緊要既係，無論大人細路，無人食完又屙又嘔 (飽到想嘔另計！)！就算其他食品唔夠出色，以上各項同價錢都打動唔到你？

為了慶祝相識一週年...
所以決定同bf北上食buffet啦...

D刺生好新鮮...

炸榴槤好好味~連唔食榴槤的bf都食到...

仲有溫泉蛋都好好味...好滑!! 我食左2杯...

最後甜品食左布丁, 蜜瓜雪糕(我最愛的口味*0*), 牛奶雪糕...

飽到上心口啊~!

環境不錯...黑黑沉沉...(幾浪漫架~)

缺點::::人手唔夠, 上菜時間比較慢....

我已經去左好多次LA,帶親去D朋友都話正同底,唔洗2百蚊人仔就食到飽到走唔郁,連飲野都係任飲,飲多幾杯さけ都係返到LA,不過就好似比起之前去差左D,但其實以LEE個價錢就係超值LA,推介食海膽,亦貝,甜蝦,三文魚,羊扒,木瓜奶,梅酒........... (之前都食過大漁,不過都唔夠LEE到好,刺身有多D,地方又大D,環境好好多,仲有佢地係唔限時間GA~~~)

與Honey去東門造窗簾，順便黎食野，本來想去"品村"，但搵唔到，結果去回五月份才食過之"上井"，六點半到，兩個人坐四人台，好舒服，即點魚生，D野最初都好快到，同埋好有多件，但人越黎越多，就開始陋單，要"吹"多次才到，不過D侍應幾好，不停check 下我地D 咭，睇下D野有無遲黎，又主動幫我地追，D服務幾好，食品大致不錯，本人至愛生蠔，雖然細細隻，但好鮮味，D赤貝亦好好味，海胆好鮮味，D菠蘿汁好飲，又飲清酒，其實價錢都唔算平，但都可以接受，久不久一餐都幾開心，

慕名而去, 但好失望囉

魚生少到可憐, 6點鐘第一round就好OK. 第二, 三輪就等半小時以上都未來, 要追追追. 追到又好少好少.
人就逼滿場.
我哋去到, 無蠔 ( 因質數問題, 停)
燒帶子-得返個殼, 內里全是芝士加冬菇粒, 帶子見都唔見.
見有人order鮑魚仔, 我吔叫又話無晒 ( 大約八點), 係咁叫我哋食鮑魚沙律
以咁的價錢, 留港消費好啦.

終於有機會一試這間上井日本料理,環境高尚,服務態度ok,但食物就很一般,刺身還算新鮮,但切得較薄,欠缺口感,選擇亦很少,海膽剌身,因二人關係,非一板板上,每次柯打只是很少份量,其他炸物和小食等都係很一般的貨式,唯獨鐵板牛肉比較好食.
總括來說,以人民幣每位185元的消費,比起在深圳其他較大型的自助餐還要貴,但食物質素只是好一般,與香港的日式放題比較,香港很多食店都好食過佢,所以都不會再來光顧!

個場好靚又大，但係在於中國而言，其實不太罕見，正如果度d女短客條群好短條腿好長，其實中國大把一樣。
日本食品不過不失，焗生蠔，我覺得很水，亦揮之不去我一直聽聞當地蠔殼番用的傳聞。

海膽真的很抵食，無限次一板板，但當你可以當飯吃時，便成為帶點腥帶點鮮味的飯而已，簡單而言，只要新鮮，海膽刺生重來都不考任何廚藝，所以這不能成為我為這家店加分的因素。

服務一般，但我重點想說的是，這裡的刺生。
我不求任食刺生，可以砌得很有功夫，但求像樣點便成，因為刀功會令刺生的質感產生與別不同的美味，但你的店起名精緻就有點兒那個，還要收一八八，要知道在大陸這是個貴價，我上次在萬象火x土，這個價吃的質素更高。
特別當你主打日本料理，卻將刺生砌成一舊舊，就令人失望，連我都會切啦，老實說切得像燒味叉燒一樣。

是日老公仔生日,來到深圳大吃大喝, 午餐沒有好好吃, 來到時已十分肚餓.
來到八時, 要等二十張多張飛仔才有位. 幸好輪侯位還不錯, 所以打一會機就到了.

等候的時候看到其他客人可以到水吧取果汁飲, 我們也不吃虧, 未入坐先喝兩大杯西瓜汁

地方很大. 二人座位不太多, 有些四人用的卡位也是二人坐的. 令人食的過程很舒適, 不過有點噪吵

食物新鮮, 款式多, 但有些已賣完或沒有供應的沒有寫清楚, 令人有少許失望, 但由於已有大量食物在桌上, 所以總括也是不錯的地方.
雜錦刺身很正, 新鮮, 但sushi略差, 手卷則很好吃

落單的小姐十分友善, 亦主動幫我們跟單, 問她有什麼推介的菜式, 也在忙中樂意回答

建議改善的地方是在門口張貼現時沒有供應的食品, 令客人更清楚.

等到頸都長埋既復活節四天長假期終於都來到，咁難得當然玩大佢，相約老友到深圳三日兩夜勁食之旅﹗

無一刻唔係飽既旅程，一日到黑都係食食食，飲飲飲﹗最值得推介就係第二日既晚餐﹗

深圳金光華既上井精緻日本料理﹗
怕無得食我地五點已經o黎到，岩岩有位可以入座﹗
乜鬼都任食，你想到的日本料理都有，可惜的是沒有紅白酒供應，只有啤酒及清酒梅酒等任飲，如果有會更盡興﹗

食物幾百種，根本介紹不哂，所以揀0的好食既講下先﹗

大花甲蒸蛋，蒸得又滑溜又香，食家大讚﹗

日式海鮮湯以的骰的茶壺上枱，用蝦、蜆及蟹肉煮成，吃得出的鮮甜﹗

酒水任叫當然唔同佢客氣，梅酒平時好少飲，試下先﹗
酸酸甜甜相當醒胃，唔餓都飲到餓﹗上井呢次大鑊了﹗

燒鱈魚扒好香牛油味，食落肉質軟熟無腥味，不吃魚的我也吃了一塊﹗

燒芝士蝦蝦身爽口又彈牙又大隻，配上微溶的芝士同吃，正﹗

燒響螺片能吃出微微的清香，有咬口亦甜美﹗

呢度必吃回本之作，就係任食刺身﹗
唔差架﹗睇到都覺得新鮮﹗
老實講如果你吃得到刺身的話，一個人食碟呢個刺身拼盤已經差不多回哂本﹗
當然刺身味道未能與香港貴價的相比，不過如與三十幾蚊碟的元氣元綠等比較，我覺得上井的更鮮甜同新鮮，應該是因去貨快，人人都叫，刺身師傅就慘喇，切到手唔停﹗唔方唔新鮮﹗

連一向任食場必難食的海膽，也毫無腥味，不過略欠海水鮮甜﹗

有刺身點可以無清酒﹗不辛辣有米香，甜甜的很易入口﹗

海鮮方面，燒芝士扇貝很好吃，芝士內有金菇、冬菇粒及煙肉提鮮，更惹味﹗
燒蠔夠哂大隻，配上金蒜同吃肥美動人﹗

日式牛肉刺身，食落好軟熟又香又無渣，無腥味血味的，值得一試再試﹗

燒鰻魚相當肥美，友人一路吃一路讚﹗

從未吃過的溫泉蛋都係任食﹗不過我唔太頂得順生吃雞蛋味道﹗

雪糕就唔洗講，某女性友人一個人吃了六杯面不改容﹗

當然生啤不可少，是Asahi日本來佬貨，保守估計我地呢六個人飲左十五jug以上，咩都抵番哂﹗

食得飽飽地當然係玩下啤牌啦，無人理喎﹗
各有各食，職員見到都唔太黑面，仲幫我地不停加酒加食物，呢六個鐘真係辛苦佢地了﹗

最後仲一人一個魚子醬雞蛋作結，近乎完美﹗

最後幾個變態的人由五點吃到十一點，飲飽食醉埋單一人$188人仔﹗在深圳算是高消費，不過當你親身感受到自己吃了什麼喝了什麼，就會覺得抵到爛﹗

比起上次來深圳吃的「大漁」味道更形出眾，樣樣都精緻又的骰，睇得出的有心機，食物種類更繁多，刺身更新鮮，環境亦更浪漫，未見有任何走單的情況，叫左咩食等一陣就o黎到，很不錯﹗

值得推介的一間自助場，來深圳要吃個飽玩得開心，來呢度無錯的了﹗

太多食物相喇，要再睇來呢度吧:
http://hk.myblog.yahoo.com/smallsmalllin

o野食真係好一般，無乜邊樣特別好食, 但服務OK, 都叫坐得舒服...
RMB$185 , 其實都成 HKD$200, 唔係好抵o者

我成3點幾先訓醒起身，5點半就來吃放題了～ 聽講巨地先剛開門～

來到竟然已經有三張檯0既人了·

坐低10分鐘一直都沒人來俾餐牌我0地，可能剛開門的原因啦，都了解0既，所以我們好有耐性咁等～

。。。。。。。。

等佐好耐D人都係各自忙，連水都沒杯. 擾攘佐大概25分鐘終于可以開始點嘢吃了，還是簡短點講精要罷了:

飲品 - 除佐啤酒、可樂和椰奶就只有木瓜汁和西瓜汁，餐牌上寫的基本都沒。
刺身 - 叫佐10件三文魚,10件希零魚子,10件赤貝,10件北極貝,10件甜蝦,一排海膽。
結果來的是 2件三文魚,2件希零魚子,2件赤貝,2件北極貝,2件甜蝦,三碟醬油碟大小的里面只有一片小海膽。
三文鱼刺身 仲係個種沒味道很cheap的三文魚，唔會有toro或者三文魚腩囉，同吃肥豬肉沒乜分別。北極貝也很沒味道，好似啤水啤到沒曬味咁，同嚼香口膠一樣～

后來強烈要求要一排海膽，下單的小姐好難為咁話答應我落一排海膽的單，好奇怪啊，要我們強烈要求先肯落單囉？呢度唔係任吃的嗎？問她是不是某些菜有限制的，她說沒有，時間有沒限制？她也說沒有，從5點半到10點半任吃的。

后來呢排海膽都催佐7次大概1個鐘頭后先來～ 而且是超級迷你的，在日本我們吃的一排是標準一手掌長的那種木排，而呢度，是一半的大小，海膽也是超細片的～

其實如果他不愿意虧本怕客人叫太多，大可以限制一人限叫一排啊，做乜要漏單同擅自取消客人的點單呢？

我屋企個肥佬同埋今日同檯的Elaine姐都是加國出生的，的確他們的胃口是比較大，是從小吃任食吃大的，所以呢度實在吃得唔爽！而我因為要幫忙下單催單咁，吃得都好忙好攰～～

國外不論日本放題、韓國燒烤、美式早餐、印度咖喱、巴西燒烤、中式點心等，各個餐廳有各種的任吃規矩，只要餐牌明確寫好呢D規矩，客人都好愿意遵從的，而這個上井，真的很讓我失望！

再后來，點了5件希零魚子，5件北極貝，3件燒鰻魚，1件鱈魚，一份烤牛舌～
結果來的卻是:12件希零魚子，12件北極貝，9件燒鰻魚，8件鱈魚，3份烤牛舌～

我想這是我們等不到海膽的一種補貼吧～～

好彩今天是我和朋友來的，如果要請生意伙伴或者帶屋企人來就很尷尬了～～

后來有個小姐介紹我們吃花蟹，我說好啦，要兩只來試試，她就上了三只，味道還可以～

唯一來的很快又不會漏的就是甜品，我們的雪糕，要了兩個綠茶和兩個香芋的，香芋的都幾得下～

一個人￥188人仔，無加一。總體感覺非常不好，唔值，服務和食物質素超爛，還不如加國$9.99CAD或者美國$7.99的低級日本放題。

反正唔會再來了，近近地還是回香港吃$128-$148左近的精品放題吧，食物比呢度來講好得多啦～


PS, 差點唔記得講生蠔，竟然是給本地的南海蠔，這個根本唔可以生吃啊！昏，害到我0地elaine姐返來肚O佐N次，好彩我食了第一啖就知係本地蠔，即刻吐佐，免受肚厄之苦～～

我最近一連去兩次，介紹唔同嘅Friend。上井最近一路都搞緊Promo，原價198RMB，現價168RMB，而且服務又好，168係整本Menu包括酒水、甜品任叫,超抵!!! 材料新鮮、味道好好，如果係其它餐廳要食到呢D野食同服務、環境，起碼都要300一個人!!! 所以必食。
順帶提一提大家，落order時記得同小姐交待你想要嘅份量，如果唔係距哋就會按人頭增加份量架！