值得推薦：
1）冬蔭功，果木牛肉，雪魚，刺身：味道，賣相，份量也好！
2）飲品：西瓜汁

唔掂地方：
1）橙汁唔掂，好似粉沖嘅味道
2）服務：上菜速度慢，我有D感覺係佢哋管理層落order做成咁，要D客等到冇癮唔食／食少D某D貴價耶。
3）好一部份食物係只可叫一次，但唔係特別好，例如：蟹同乳甲都好細，無咩意思！
4）取巧（小家野1）：最唔掂嘅地方！叫左乳甲，有一個女侍應比左一件乳甲，係好細塊肉，又係叫乳甲XX（冇留意！乳甲一般唔會一件計！係眯？）我問佢我要一隻乳甲喎，佢話唔好意思，乳甲只可選一種！重係一次！好明顯係取巧啦！隔一陣我叫個第二個侍應，佢就話攪錯左，比左隻好細嘅乳甲我哋，我覺得佢哋係諸多問題，博D客嫌麻煩唔要，可節省成本！RMB188雖然係香港食自助餐唔係好多，但喺深圳都算唔少！我知道你哋出名先尼幫襯（第一次），我覺得你哋好小家囉!
5）小家野2：我見人哋檯有一 jar橙汁喺度，我想飲，我哋三人，一jar橙汁ok呀！點知又係哥個女侍應話冇一jar咁比:'你要我哋就斟比你'（當然係講普通話，我雖然唔係講得好好，但我肯定佢係咁意思！）我已經好火，我係都要叫到有，叫另外一個侍應，眯又係要比我哋！
6）小家野3：最後叫Haagen-Daz雪糕，我無辦法又係搵哥個女侍應，我後尾諗番，佢根本就冇落我哋D雪糕嘅單，我等左約十分鐘，都未到，叫其他侍應，最少叫左四次（冇作大！），有D侍應話睇下先，有D直頭問我哋要咩味，即係話之前係完全無落啦！
7) 質數唔好嘅地方： 蟹只係一隻，好細！乳鴒又係好細隻，（係好唔同前面某D嘅相囉！木瓜雪蛤又話冇！)

總結：我始終覺得係管理層落嘅 D侍應先敢咁講野and取巧！D質數雖然唔錯，但係咁小家，永遠都唔會去！亦要提醒各位朋友唔好去！

星期日再到深圳食D21，水準仍然高企，四個人食到飽一飽離開，再嚷著下個月要再食多次﹗呢晚無得訂位，我地6:30去到，岩岩好有位，即入座﹗

一叫就水蛇春咁長，怕死唔抵咁﹗
紅酒不停供應，我地四個人飲左成五JUG左右﹗

焗青螺又大隻肉又煙韌，必吃，我地吃了兩碟﹗

辣酒花螺就細隻0的，唔夠辣，不過味道新鮮﹗

羊架我無食啦﹗友人說味道不錯

果木烤牛，一百分﹗
烤得岩岩好，六成熟外層帶烤香，肉嫩而重牛味，一人得一件吧﹗

火腿露筍，清清地﹗

乳鴒大隻，肉多皮脆而肥美，不過一枱得一隻，叫做試下啦﹗

酥皮湯魚翅湯任叫，即叫即焗，脹卜卜﹗二人SHARE好喇，不過係會好飽的呀﹗

魚子醬多士，帶鮮鹹香﹗

品村小牛排，肉質不及果木烤的，不過一定好食過扒王X王百幾蚊塊的﹗

焗肥牛，肉質比較爽，重油香，三隻牛各有可愛之處﹗
食完已經大半飽喇，休息左陣行個圈再來﹗

牛仔骨，大塊多肉，可惜個黑椒汁太濃搶哂牛味﹗

薄荷鴨胸，無咩薄荷味不過香而嫩﹗

大閘蟹一人一隻，細隻仔，三至四兩左右啦﹗
今年第一次吃大閘蟹，好開心﹗
肉味偏淡，膏亦不太甘甜，相比起其他食物當然不及啦﹗

冬蔭公海鮮，有蝦、蟶子、大蜆仲有花螺，個汁都幾辣幾惹味架﹗

雞軟骨就梗係用來送酒啦﹗

呢個蝦沙律叫做過一過冷河啦﹗清清腸胃﹗

劉翔贏了，全場都YEAH﹗

扇貝比上次叫的大隻，可惜0的粉絲後加的，所以我地只吃扇貝，粉絲棄之﹗

蒜蓉焗惹味好多﹗

雪糕球任食，當然不是名牌貨那一隻啦﹗
名牌都要食架﹗我要了雲呢嗱，好味﹗

梳夫里軟綿綿﹗

木瓜雪蛤，任食梗係唔執輸啦﹗

最後仲有生果拼盤添﹗

今次只吃中菜所以只係$158，水準依然，值得再去呢﹗
最後飽到上心口，由於星期日晚過左九點之後無人，佢任我地坐，6:30住到成10:00，飲下酒睇下全運會，一樂也﹗

更多相:
http://www.discuss.com.hk/viewthread.php?tid=10879853

這間真是值得推介
首先是服務...好親切
可能因早到的關係...不用等位就有位
入到去侍應知道我們是第一次黎
就向我們介紹...又等我地考慮完,ORDER完先走
一流~~!!

食物的水準不錯又很快
而且好新鮮
值得推介是海鮮湯
好好味



環境很好..有幾種可以選擇

巳是第二次光顧, 食物質數依然保持到!

而且waiter 人數多, 服務態度又很勤快!

地方又寬敞, 最重要食物質數高, 價錢RMB 158 (Fri) , 雖然貴左dd, 但合理既!

刺身好鮮
鵝肝多士, 濃濃地, 幾香
鹽燒大蝦 (記得encore)
青魚, 正正
牛舌味道ok, 但太薄身, 冇質感
西瓜汁好純正, 沒加糖既

真的值得一試

地方就腳在萬象城旁

價錢ok, 日式放題一般都是$150 - $200, 沒有特別平宜

服務周到, 幫我們點菜的小姐很有禮貌, 還會自動給予意見, 部長級的都更有禮

環境一流, 這是深圳吃飯的特色之一吧, 地方大能有空間感, 給予客人有更多私人空間, 特別要提到他們每次order都會print recipt, 完全冇漏order情況

食物種類多, 可惜味道不算是十分好, 以同類型在香港的日式放題來比, 香港會好點.

鵝肝 - 太熟, 冇味
生蠔 - 金屬味過重
剌身 - 應做厚一點
海膽 - 很不錯, 可惜是限量
燒物 - 都一般, 雞軟骨比較好一點
銀雪魚 - 好食, 正常
squid一夜干 - 好食, 正常
湯 - 翅同clam湯可不試
清酒煮clam是整晚最差的, 又辣又咸, 美女廚房feel
其他不算十分好, 但也不差

以上全以同類放題做比較

一入去餐廳, 感覺很好, 地方很大, 裝修豪華, 侍應制服也很光鮮!!

我們一行八人, 友人很喜好Karaoke, 所以要了一間房!! 入房要除鞋, 有獨立手間!! 一切感覺也很好!!

第一輪食物上場!! 不過有點失望, 叫了刺身, 甜蝦, 生蠔, 立魚, 但.....質素確實強差人意呀!! 另外, 日式串燒方面, 都係唔得!! 燒雞翼乾到好似食燒魷魚咁!! 雞扒同豬扒係一樣味道!! 其實都沒有特別好味的發現!!

我自己好鍾意食燒鯖魚, 叫了一客, 佢上枱個時隻碟有一舊lemon同蘿蔔蓉, 我地問侍應點解有比汁我地, 佢話冇汁架, 咁我地問, 無汁咁d蘿蔔蓉做乜呀? 佢居然答我地係裝飾!! 問你死未!!

另一樣係希靈魚, 佢話有黃色同紅色, 我自己在香港食開黃色, 所以叫了黃色, 可惜, 佢最後都比咗紅色我.....結果, 我食了一片便唔想再食, 因為好唔新鮮呀!! 一入口唔爽都不特止, 仲有種散開的感覺, 真係想即死!!

食一次就夠喇!! 唔會再試!!

星期六日來個深圳兩天遊，行程第一站是期待以久的品村D21自助餐﹗

地點在深圳萬象城旁，十分易搵﹗

為免無位我地六點就去到喇﹗
裝修幾有氣派，大大吊燈高掛，座位舒適，服務員笑面迎人十分有禮，先讚﹗
價錢分$158任食中西餐，加多$30就食埋日本野，是旦啦一場來到，叫了貴的咩都可以試下﹗

野食未來先來紅酒，一睇我地就知係酒鬼，成瓶俾我地自己酙﹗

食物不少可以任叫，不過亦有只可叫一次的，呢隻bb仔凍蟹四個人先可以叫一隻，仲細過個拳頭點食？
呢隻野真係小家左少少﹗

魚生新鮮爽口，不過凍左0的﹗

辣酒煮花螺細細隻，不過味鮮肉又彈牙，如果可以再辣少少就perfect﹗

沙律蝦大隻，未算很鮮甜不過收貨﹗

薯蓉芝士焗扇貝，夠哂香口﹗難得是大隻貨，encore食左兩次﹗

蟶子個汁做得好香，辣度岩岩好，本身亦爽口鮮味，好食﹗

蒸扇貝就普通，同酒樓叫的無咩分別﹗

一人有隻鮑魚仔，我在香港金山食要20蚊一隻的﹗

龍蝦仔一人半隻，不是bb仔貨，肉加入左雜菌芝士同焗，夠哂香口鮮甜﹗

火灼三文魚壽司﹗

呢個班塊流0的，好味的反而是下面吸了汁的菠菜﹗

乳鴒不細隻，皮脆香嫩，食家大讚好食，自己仲偷偷地叫多一隻自吃自酌﹗

加州卷好食，不過太多件，唔應該叫哂成條﹗

焗田螺大大隻，肉夠實淨彈牙，不似花園的似東風螺﹗

白汁大蜆香濃，最緊要當然係蜆無沙啦﹗

漏左講我最愛啤酒，Asahi生啤任飲呀﹗岩哂我﹗

果木烤牛扒，超正﹗

未食已聞到陣陣烤香，入口肉質鮮嫩味濃多汁，烤得岩岩好六成熟左右，同枱老友記大叫一流呀﹗

炸朱古力，呢個就麻麻了﹗

一人有個名牌雪糕球，不過其實你話未食叫佢俾過個你佢都會俾的﹗
我就吃了兩個﹗

牛仔骨肉味濃﹗

芝士餅食家話麻麻不過又成個食哂喎...................

炸軟殼蟹炸粉過多了﹗

鮮打西瓜汁任飲，我一個人飲左成jug﹗

呢度連大眼雞都有得食，服左未？我們吃了兩條﹗

心太軟唔夠熱，朱古力都唔流出來既？

蝦餅夠炸口，不過當然無香港泰國店的生打好吃﹗

原個小木瓜雪蛤膏，加少少椰汁同吃，夠哂養顏，我食左兩個﹗呵呵﹗

葡撻食家自己食左一個，新鮮出焗熱辣辣，外脆內軟佢話好好味﹗

最後來個梳乎里作結﹗
其實仲食左好多野，不過太多相真係貼唔哂﹗
店員服務都很有禮貌，開頭食0個一個鐘都無咩野，之後可能由於人多就會有漏單的情況，不過當你再追佢時佢都會再拎俾你的﹗
最後原本可以食兩個半鐘我地吃左三個半鐘先走，飲飽食醉相當滿足，還約定十月國慶日再來食多次添﹗不過呢次唔會加$30要日本野了，中西餐已太多野揀吃不哂啊﹗

太多相，睇呢度:
http://hk.myblog.yahoo.com/smallsmalllin/article?mid=17787

無影相番o黎，真係唔駛留念

食物：一般啦，好普通，不值一提。

飲品：你估唔到飲品都差，係！大家可以試下佢d推介飲品，e.g. 聖女蕃茄汁、蛟龍蔬菜汁

環境：抽風唔好，抬腳唔穩，唔靚

服務：絕對差！四人只可點一隻凍蟹，最後無o黎，但佢地侍應自己係記錄卡刪左，就話o黎左，懷疑我地食左呃佢無o黎！
點生蠔，點ge時候無講有限額，番點又話無得再點，我都驚佢又出呢招，問定佢海膽有無限，佢當時答無，點之番點又話無得再點！
後尾，同第二個侍應落單，點之又無問題！誰不知，第一個侍應見我地點解有番點ge食物，居然即刻四圍問邊個幫我地加單，走去鬧人！奇觀奇觀！究竟係佢ge規矩定公司規矩就不得而知啦！

勸大家，去過某間貴三十蚊，就唔好試呢間，包你失望，因為唔止差三十蚊！

晚市平日￥148..
有優惠券￥140...
8點半後￥128.
免加一
有煎鵝肝,海胆刺身,即席鮑魚仔,羊架,凍蟹,
原條魚刺身,西京燒,芝士焗龍蝦仔,
芝士焗帶子...等等....酒水任飲..
刺身新鮮,各種食物有水準,食味幾好,上檯速度快,唔使點等,
服務貼身,地方整潔,價錢又算便宜,

啉唔到有乜嘢字比 " 三差" 更貼切嚟形容呢餐-質差,量差,成日漏單更差! 差~~~~~

之前睇到咁多人讚呢間嘢, 啉住無衰, 跟住就上星期六走去試吓. 6:30pm入座後就叫限量嘅鵝肝餠,點知催咗5-6次到埋單都唔見影! 人哋隔離枱(十幾人)一坐低就一人一份; 不過瞄咗眼個樣就唔想食(並不是吃不到的葡萄是酸的)!

我真係未食過咁差嘅日本放題, 啲日式生牛肉係~~~~~霉架!!!!! 西瓜汁用膠外賣杯, 清酒用倒入透明玻璃樽(酒樓用嚟載果汁,酸梅湯個隻呀! 救命!!) 其他食物就不消提.

真懷念"大魚"美味嘅鐵板燒.
文章有什麼問題? 點解要修改 ?? 唔係言論自由嘅咩?? 莫非要講啱聽嘅嘢,定係同食店全部自己友, 謂謂謂???

可能越來越多人幫襯關係，短時間已經加咗三次價，但質素卻下降：好多食物只可以點一次，例如海膽、鵝肝、生蠔.....其他食物質素亦比以前差，刺身亦都冇以前新鮮，最失望係服務態度，漏單不在講，要追好多次先黎，感覺好似催你埋單同唔想比你食咁，我地5:30去，入場話可以食到8點，但7:15已經話最後點餐！？之前介紹朋友去，朋友食完都表示十分失望，呢次親身去真係感受到，以後唔會再去！

這次已是我和我的大肥豬第3次光顧這間料理，起初也是看過食評才膽粗粗的返祖國食自助餐，一試之後真的覺得好抵食。可是，或許從上年秋冬開業到現在已有大半年了，價錢不再是當時的優惠價外，食物也變得差了，總結如下：

讚：
1.除一貫的餐牌外枱頭也有新款食物，如帶子、鮑魚四寶、椰子烏雞湯……
2.新款食物水準不錯，值得一試。椰子烏雞湯>>值得一讚
3.西瓜汁仍舊是新鮮即整的。


彈：
1.可能是得兩個人的關係，上菜時刺身份量很少，而海胆也只容許叫 2round
2. 食完餐牌上的 "雪魚" 後的兩天，我和我的大肥豬如廁開大時居然 "痾油"，令我想起當年百佳 "油魚充雪魚" 事件(起初是大肥豬有這反應，所以未能正明是“雪魚”。食完既第二天我也有這反應，所以我們都覺得是“雪魚”關係。但之前幾次也沒有這反應的??)
3.也許店舖已經有點名氣，服務方面沒有之前的好。經常性漏單(其實之前幾次也有，但現在是經常性的，總會有一、兩樣食物沒有送上。)
4.生蠔可能未夠冰凍的關係，食落口有一種微酸感。

計埋今次已經是第三次光顧品村了，第一次真的不錯，好滿意，可惜一次比一次失望。

首先，價錢真的升得比我的股票快很多，我三次光顧，三次均不同價錢，可能是我特別倒楣，每次均碰巧他們加價才光顧吧，不過吃東西價錢並不決定一切，所以我每次看到價錢貴了也會光顧。

老實說，第一次我亦好滿意，給一個GOOD，第二次水準一般，給一個OK，吃過第三次終於忍不住花時間寫一個食評，一個字.....................差。

三文魚及其他刺身 - 淡而無味，不新鮮。

燒青口 - Size細得連我的尾指指甲也比它大，這樣的情況下，當然沒有青口味道可言。

熟食燒物 - 日式燒魚，居然可以用手拿著，而且比我們的傳統食物咸魚還要硬。

西爪汁 - 難飲得又可以比我們的傳統飲品涼茶廿四味還要難飲，連西爪汁亦可做得這麼難飲，我一把年紀亦是第一次遇到。

而最最最最最不能接受的是最不能缺少的豉油，一陣變壞發酵的酒味，點一點用舌頭試味，味道更加不得了......結果我全程沒有點wasabi，因沒有豉油可用......。

但亦有可以讚好的地方，餐廳環境不錯，很舒適，員工服務很好，態度和藹可親，可惜吃一頓飯除了環境及服務外，食物質素亦佔重要一環，對嗎?

睇之前D 食評心郁郁上去試試,又真係幾好.
魚生,夠新鮮但食到後來好似解唔切凍....
海膽,又係好新鮮我地7個人叫都係一板板上,得!!
鵝肝,唔係太識食不過都唔難食好過上次食自助餐.
芝士扇貝,大蝦,都好食不過粒扇貝細左D,返而叫個果七彩扇貝又冇咁細粒,D蝦絕對拈!
燒物,就一DD有D淡,都ok幾香口一試無防.
炸物就要小心啦,D材料冇問題,係D粉開得唔好,無論炸蝦,蠔,魚,都係.
飲品,啤酒梅酒清酒汽水西瓜汁.湯有4,5種海鮮湯淡左D,海椰烏雞就甜左D.
上菜就有點慢,我地第一轉落個D同第3轉一齊上,但第三轉個D唔使2分鐘就到,可能廚房等一齊先做,漏單就唔算太嚴重成晚記得係漏左雞軟骨同條活魚刺生,太多野食,試唔晒.
重要留意除左本大餐排,重有個細既特色食品排係面我地食到一半先見到......

D21 跟"品村"同一集團, 所以我地鍾意兩溝 日式 + 西式=168 人仔.
喜歡食肉, 食西餐, 或對酒當歌既朋友 .... D21 你唔會錯過

cocktail , 西瓜汁,果木煙熏羊架, 法式煎鵝肝 , 蘆筍, 香蒜蒸鮑魚仔, 乳鴿, 香蒜扒大蝦, 牛仔骨 , 魚翅湯,Haagen-Dazs 雪糕 .....係我推介食物 .

講 多無謂 .....自己 去D21 感受啦 !!