位於黃竹坑南朗山道熟食市場的青咖喱屋，我們幫襯多年，不斷向人推介如何如何好味又抵食，今天卒之寫一篇食評

成班 FRIEND由第一次食起到現在，都是青咖喱屋忠實FANS，全因為佢所有食材新鮮、味道正宗，老闆娘又夠NICE，叫我怎能不愛它

今次都是一班朋友一行 7人，預早ORDER了 7碟生蝦刺身＆燒鰂魚這裡的生蝦刺身，粒粒新鮮飽滿鮮甜，不一人一碟真的不過癮！

燒鰂魚則特別肥美，魚油又多，今次一上枱開始計時不過 4分鐘就只剩下魚皮一張

其實我心水美食仲有螄蚶刺身、泰式鳳爪、芒果特飲、泰式金邊粉...... 等等等等不能盡錄，可惜是次只影了兩張相，唯有下次再圖文並茂去介紹給大家喇！

其實幫襯了咁耐，真係好有感情，青咖喱屋優勝的地方是老闆由一開始已是街坊價，到現在漸漸多人認識，多了人去幫襯都沒有因此大幅加價又或是偷工減料，當然我地至今都曾經遇過因來貨問題生蝦刺身比較細隻、不夠肥美等情況，但依然選擇支持是因為我們都看到他們用心的經營，諸如一杯芒果特飲你已經可以感受到他們的堅持。

離開 Aberdeen 已經有一年零兩個月了，記得舊年走果陣，老闆娘仍大肚便便，轉眼間她的bb 快一歲了。

先來一杯my favorite 洛神花冰 海南雞飯 very good, but 我唔食d 咁 common 的飯老闆娘在湊她的bb，快一歲了金邊粉可選冬蔭公湯，但我嫌太辛辣，我較喜歡清湯嘩! 好大碟黃咖喱呀！唔係一碗仔果d 呀！炸軟蓋蟹黃咖喱飯 $38每次我都必食拼盤 $88

今日約定班朋友去黃竹坑熟食市場食泰國菜真係二個字形容哂~~~ "抵" "正"...
生蝦刺身~~~好爽口彈牙連個辣汁直頭係絕配呀，"正"
司奄 - 食得出好新鮮, 價錢都好抵食
咖喱蟹配飯或薄餅簡直一流
酸辣鳳爪心水推介好辣開胃食到停唔到口
另外仲有塩燒烏頭,冬蔭功湯,生菜包,菠蘿海鮮炒飯,羊架等等‧‧‧

第一次去黃竹坑熟食市場食飯~
去左green curry house 試下食泰國菜~
2個人點左3樣野食~
1) 海南雞 - 不過不失, 皮有些肥~
2) 蟹肉炒飯 - 好好食,蟹肉同飯粒粒分明~
3) 獅蚶 - 食得出好新鮮, 價錢都好平 $38 有一大碟~出面一定唔止依個價錢~

説的是年份。這年我們一家八口由西環撤來黃竹坑新邨,在那時來説這裏的確實係(新)!共十座互相貫連樓宇,大部份都有二十層高,每座都設幾部寬敞的升降機,照顧着各層住戶的。小學有三間,食店街市,電器西醫,士多快餐店茶餐廳熟食小販等都能滿足邨民需要.......一晃眼幾十年過去,這裏的建築物亦逐一拆卸,其中的成長、結友、好壞悲喜都一點一滴存於記憶裏頭。
多謝週刊的介紹才知這熟食市塲仍在運作,連都有好幾家!只是沒有冷氣呢!
老實説:吃泰國菜都是四五道板斧,這夜都差不多:生蝦刺身賣相可令人降溫,晶瑩冰粒上加片蒜頭紅椒及生蝦,加上汁料是頗開胃。獅蚶是預先做好放進雪櫃內,看其賣相便知可放心大嚼,酸辣海鮮沙津,是辣得會跳舞的!青咖喱:選了牛腩,汁是淡淡椰油香而牛腩帶點un,尚可。香葉炒乳鴿,豆角香草炒鴿件,鴿肉較削不過味頗清新,不錯。最尾吃tom yum kong湯河加兩象啤兩coke才共$311.00合丫!

即使黃竹坑村已變到死城一樣，亦無損我專誠到黃竹坑熟食市場搵好野食既興致。
喱間泰國菜真係三個字形容哂~~~ "平" "靚" "正"...
首選推介---螄蚶~~~ 真係好耐冇食過咁"生"既螄蚶，可想而知老闆對d螄蚶既品質係幾有信心...味道又鮮又甜，食到唔停得口呀，$38碟真係好抵呀。
生蝦刺身~~~ 蝦肉爽口彈牙，配埋個辣汁直頭係絕配呀，又係不可不試架...
另外心水推介仲有炸蝦餅、蝦醫炒飯、酸辣鳳爪、冬蔭功湯等等‧‧‧
最後，千祈唔好錯過個芒果黑白糯米飯呀，第二度食唔到架...

食過好多次, 竟然OR都有佢記錄, 出下食評先.
點解至抵食? 正宗泰菜, 由泰藉廚師主理, 香料夠香又落足, 價錢大眾化!
以前試過:
生蝦 - 蝦就間間一樣, 因為都係那幾間拿貨, 冰鮮左唔霉就會爽口, 重點在個汁, 同九龍城各間一樣正宗, 價錢好似係60.
炸併盤 - 樣樣有d, 老實講, 都係九龍城貨色, 志在送酒.
通常黎食午餐, 好抵, 23蚊有湯粉, 送埋冰飲, 30幾蚊有飯/炒野, 送埋冰飲仲有湯送.

近期至愛:
咖哩蟹汁併泰式雞扒飯 - 本人至愛curry, 此似落左旦的咖哩蟹汁真係可以撈幾碗飯, 其他泰菜叫咖哩蟹起碼要88蚊(九龍城價), 30幾蚊食到正宗"現煮的"咖哩蟹汁真係超值. 雞扒係炸的, 入味又香口.

經友人介紹，前來這間叫「青咖哩」的小店，吃馳名的青咖哩
要不是這位朋友介紹，我才不懂跑入南朗山道熟食市場內吃飯呢！

雖然這裏只是大排檔內的一小店，也不能期望會坐得十分舒適，但室內的環境尚可，而且空氣流通，吃飯時一點也不感到焗促

第一次來光顧這店，順理成章點了她的青咖哩吃吧
叫了一份青咖哩牛腩飯，包餐湯、餐飲
青紅蘿蔔湯，幾清甜可口，算是幾好味
青咖哩牛腩飯也算唔錯，青咖哩不太辣，辣中帶點甜，甜得來用來拌飯吃，格外開胃！
這間小店實在沒有改錯名....
牛腩炆得夠淋，唔會一入口就黏牙
餐飲就叫了一杯椰汁綠豆冰，沒有甚麼特別

不俗的咖哩飯餐，包餐湯餐飲，盛惠三十大元而已
實在相當抵食呢！