Though there is 25% discount on weekdays, the restaurant is not full. Seating is nice - beside the window and appreciate the service.

There are chefs serving the Japanese bar, making salad and sushi for you. Salmon is delicious but Tuna is a bit icy. Standard desert without surprise. marble cheese is the best.

Dreyer - strawberry favour is available. No papagallo, movenpick. Other is Dairy Farm. Bad !

Fry ice-cream is using Dreyer's vanilla and almond favour. The waitress - not chef, mixed ice-cream with your selected m&m, marshmallow,.... .

I like the steam fish and crab too.

All to all, it is a standard buffet in TST without surprise.

用餐之前已經訂左枱 , 所以去到唔需要等 , 即刻可以入座 . 不過 , 現場係未爆滿的 .

味道 :

大部份食物都好普通 , 最好食係牛骨 , 限量既鵝肝多油到飛起 , 限量既波士頓龍蝦又"鞋"又硬到飛起 .

食物款式 :

自助餐黎講 , 呢個環節實在太薄弱 ! 太少選擇 ! 可以選擇既 , 都十分之家常小菜 . 都唔明點解可以咁既價錢 , 食 D 家常小菜 .

環境 :

環境的確幾好 , 入面裝修都有少少格調 .

服務 :

接觸過既 Waiter , 服務態度好好 . 夾牛骨 , 燒龍蝦既廚師 , 都好細心 . 唯獨是波士頓龍蝦既廚師 , 當隻波士頓龍蝦係垃圾咁 , 掉上碟 , 跌落台 , 再夾起 , 再掉上我隻碟 . 原本唔太好食既波士頓龍蝦 , 加上賣相 , 變左好難食 .

衛生 :

可能係酒店餐廳 , 眼見到既衛生都好好 .

抵食 :

正價 $3XX , 極唔抵食 . 如果價錢 under $120 , 我或者會考慮幫襯 . 因為付出 $150 , 去其他地方食 , 一定好食過佢好多好多 .

食tea buffet,有openrice coupon就75折, 140蚊左右...

環境都算舒服,細左d咁啦,今期主題係地道張小食,有台灣胡椒餅食,我未試台灣o個d呀,但佢整得都幾好味,好香胡椒味,quite spicy,細細個,面頭好多芝麻,我仲食左兩個tim...
有個蛋沙律就幾好味,其他野食就麻麻啦,有d串燒,但雞軟骨好似唔係好熟咁....好肥...仲有鹵水雞翼唔入味...肉丸,炸龍俐柳等等....有芝士撈丁面(個樣唔吸引), 車仔麵,冷麵,o個d我都冇食,因為唔想食到咁飽啦....
跟住就甜品啦,佢有牛奶公司同haagen dazs,咁緊係食haagen dazs啦,佢有炒雪糕食,今次係咖啡同raspberry,加埋我揀左d杏仁片呀,朱古力呀,脆脆呀咁"炒"埋一齊,都幾得意呀,個raspberry都幾酸下...仲有夾餅,同pancake皮都唔太得囉...好重蛋味不過唔太得....其他蛋糕o個d都冇食喇,食左咁多雪糕都飽晒....

140蚊...酒店...乜都有得食d,又有haagen dazs...算ok啦...但我認為冇折就唔好去喇...

千揀萬揀揀左響柏景食lunch buffet
未到12點就黎左,出面個實Q姐姐好好,同我地講可以響出面坐下先
侍應帶我地入去果陣即刻望望有咩食
個人覺得款式都幾少

好食
壽司：幾多款揀
起馬夾起唔會散哂先,好過前幾日食既大吉放題
三文魚刺身都幾好食,幾新鮮
燒羊脾：幾好味
配埋佢提供既汁好好食
Haagendaz雪糕：講好食又點少得呢樣!!
有5隻味:士多啤梨,咖啡,夏威夷果仁,呍呢拿,仲有一隻唔記得
沙律：有好多唔同種類既蔬菜揀
仲有6款沙律醬!!同時都唔會食咁多款,今日一次過試哂
個人幾鍾意意大利汁

普通
朱古力噴泉：其實呢樣真係好難唔好食
但係得兩款野揀:棉花糖同菠蘿
真係有少少失望
日式萵麥麵：可以自己揀幾多配料
仲有無限冷麵汁供應
唯獨麵有d唔夠彈牙!

唔好食
甜品：蛋糕普通到同一個新手整既冇分別
正常既係得藍莓cheesecake同焦糖布丁
最過份既一個甜品(連名牌都冇)係同朱古力醬冇分別
一堆朱古力醬加塊朱古力就可以當係一份甜品？
炒雪芭更加冇野講,睇相都知
炒完同冇炒冇分別,而且賣相仲好唔吸引

由於熟食唔係咁吸引,所以冇乜點食,不能評價
野飲方面,有冷熱紅茶同coffee,仲有檸檬,奶,糖水任加

對呢間野既食物有少少失望
但侍應既服務真係值得一讚

都有幾年沒有來這裡吃自助餐了. 今日Daddy日, 一家人去食lunch buffet. 整體食物不錯, 服務速度好快. 服務員係你坐下不久就詳細解釋價錢和優惠. 較特出之食物有蟹子三文魚飯, 椒鹽三文魚頭, 芒果布甸, 藍莓cheese cake, 炒Haagen-Dazs雪糕. 最后原來父親大人仲有紅酒禮物(真係物超所值)

好多野食!服務好,快!!2010-06-10一行六人去食lunch buffet, 1:00點後好多人呀!
食物檯好長!
魚生: 幾好, 唔駛點排好多野食!
點心十分好吃 比很多酒樓出色!
幾得意!炒雪糕
芒果拿破崙: 好好味ar~~細細件一兩口食了!good
芒果布甸: 好正 唔係街外用粉果d!! 係真正布甸
hd 雪糕: 有士多啤梨cheese cake!!至愛...正~~
另外, 服務好快呀, 係咁一食完就收我地d 盤!

我其實對食物要求唔高,但呢一間酒店d野真係極度普通,好似茶餐廳同一d平價餐廳甘

d海鮮又好唔新鮮,d食物又refill得好慢,8:00已好似就黎食完甘,而且除左reception外,d service唔好,有一小朋友想廚師幫佢煎熟d塊牛扒,個廚竟然一聲拋落個爐到,又bea往個小朋友....

除左個雪榚bar外,真係搵唔到地方可以讚...(可能係d甜品差得神奇).....

如果唔係用信用咭同coupon有折,真係嬲爆......

很久沒有來這裡吃自助餐了,起碼有五年以上吧?
早陣子四姨想請媽媽與我吃自助餐,
又聽同事說這裡的食物不錯,於是便來了.

還記得未改裝時,這裡的燈光較昏昏黃黃,
裝修後以白色為主調,頓時光眼及摩登了不少,
開放式窗戶就在自助餐檯後,
冷盤海鮮缺貨了,廚師便在後方立刻補給,
即做的熱食雖然堆滿人客,但主理的廚師很快手,
以極快的速度滿足面前的客人捧著熟食回座品嚐...

青豆忌廉湯--做得幾Creamy,青豆味亦幾濃,雖是忌廉湯,但也不會有太漏的感覺!

西班牙海鮮湯--撈了幾下也不見有海鮮呀,可能已被其他食客攻陷了,
湯底像雜菜湯,還是青豆忌廉湯比較得我歡心.

沙拉類(順時針方向)
青瓜蟹柳玉子沙拉--很和風的配搭,玉子像是壽司飯裡的甜蛋...
水牛芝士蕃茄--那塊白色的芝士物體,沒味道可言,蕃茄尚算香甜
芝士什錦配餅乾--供應四種芝士,每隻我也拿了小許試試,奇怪的是,
四種一起吃也感覺不到芝士的濃味與香味,究竟是芝士有問題,還是我有問題?
紅腰豆-我很愛吃紅腰豆,伴千島汁吃一流.
粟米沙拉--粟米粒混了香料,甜甜香香頗討好!

海鮮拼盤
長腳蟹--所剩無幾之下,也慶幸找到肥美的,蟹腳固之然鮮甜啦,
蟹箝更不得了,大大舊肉整整齊齊的拉出來吃,嘩!!!一字記之曰:「正!」

翡翠螺:忘記了何時試過翡翠螺之後,簡直瘋狂地愛上了它,肉質超甜,
亦很有彈性,很少看見那麼大隻的,吃罷既滿足又開心,讚!

青口:我是青口怪,是夜還可吃到兩種,oh my god!!!開邊的肉質爽甜,
橙肉比白肉的香味重一點.

藍貝:可以說是青口的升呢版,肉質更鮮甜嫩滑

蜆:忘記是什麼種類的蜆,可能是其他的太美味吧,這個淡而無味,
肉質也不夠爽身,對比其他海鮮來說是頗遜色的,

刺身及壽司盛
(左)三文魚及鯛魚刺身--前者厚切的,頗甜美,
後者切得太細碎了,不太能嚐出味道來!

(中)車海老壽司及三文魚壽司--如果瀨尿蝦有膏會更正,
三文魚不過不失,飯好像硬了少許...

(下)三文魚飯--驚為天人的美味,如三文魚再厚身一點會更好,
伴入蟹子咬下卜卜聲的,令口感也活潑起來,飯好像撈了點麻油,
吃時口腔內充斥麻油香,若不是要留前鬥後,我會吃很多的呢!

熱葷什錦(順時針方向)
雞絲糯米飯--雞絲沒啥味道,飯的軟硬度適中.
肉--食完也未知是什麼唔知咩肉,只能說肉質頗嫩.
椰菜花、魷魚及魚柳--淡出鳥來,不吃也罷
肉--有點點像牛柳的長身肉條,最好吃是那個汁.
薯角--在熱盤食物兜內焗著,淋掉了
紅蘿蔔X肉-紅蘿蔔像湯渣,肉粒又細又鞋
西班牙海鮮飯--完全沒有什麼香味可言,劣!

熱吃什錦(2)
焗薯仔-迷你薯仔,煙肉碎及酸忌廉起不了什麼輔帶作用,皆因淨吃薯仔我已很滿足.
大頭蝦--蝦膏不算多,尚算甜美,肉質爽甜,帶燒烤的香.
羊架--帶小小羶香,可接受,肉身還帶有小小生,肉汁豐盛,肉質嫩滑.

甜品時光(順時針方向)
咖啡奶凍--雖然有咖啡香,但內裡水水的...由於我的味覺記憶體頓時找出貴花甜的與這裡的比較,貴花甜的出品以大比數勝出,因此我在吃了一口之後,已整個放棄了.
朱古力慕絲--很滑溜,可惜太甜,我只能吃半杯.
朱古力慕絲蛋糕--混著吉士打成的忌廉,超難吃的說,吃了一小口已想死...
藍莓芝士餅--芝士香濃,藍莓酸酸甜甜的中和了芝士的膩滯.
草莓雪糕及朱古力碎雪糕--Haggen Dazs的出品,前者較甜,
沒什麼草莓香,後者有碎碎在內,有點東西咬下,增加了口感及朱古力的濃烈感.
(尚有Movenpick 及 Pappagallo選擇)

朱古力餅--與同行者共享,朱古力味不算極濃,像Brownies的質感卻令古力味豐腴起來,
脆脆的合桃碎加添了層次感,吃了半件後,還是忍不住再吃下一整件.這裡的甜品,
說真的是麻麻地,唯獨這個迷你型的布朗尼,才令我有想追吃的衝動.

生果籃
菠蘿酸酸甜甜的,哈蜜瓜很甜美,西瓜色澤頗紅,但淡而無味.

由於我稍後約了朋友,所以在個半小時內,
以狂風掃落葉式吃這一餐,我想應該還有好幾款的食物,
仍未能收納在我的肚皮內,亦可能吃得太快,真的飽至反眼呢

再次謝謝我的四姨請吃這裡的自助晚餐啊!

D野真係幾好味架,而且D款又多有正,個價錢又唔係太貴,魚生唔係太多,小弟覺得佢地魚生可以多一D,同埋可以即叫即整,保持新鮮,咁就唔會冇左魚生既鮮味,係唔係好好呢!!真係唔錯架,希望我下次去食真係有改善啦^^

好耐冇食自助餐...自己個胃又唔夠大..
所以選左下午茶時段的自助餐...食完仲有成晚時間消化...晚餐都慳返...

3:15PM準時去到...已經見到好多人排隊入場啦...

是次自助餐主題係.,..「地道風味小食巡禮」..
廚師推介的台式花枝羮、胡椒餅、川式酸辣豆花、川式串燒、澳門豬扒包及港式濃芝士撈一丁之中, 只係食左..胡椒餅同川式串燒, ..胡椒餅好重胡椒味呀...串燒就油左D...同要自己加D鹽調下味咁...

食物方面..其實..唔太特別..
.不過..咁既價錢..食到D基本野..又有HAGENDAZ食.好滿意LU..(有COUPON係唔同D )
而且餐廳服務都好好..食完D碟好快就有人黎收...都唔使驚食到成枱都係碟...

==================
這個自助餐只值 $228 ！
==================

1. 長腳蟹的蟹肉不夠新鮮，有一兩隻直頭霉霉地！
2. 雪糕選摘多，有Hagendaz，Papagalo 同Movenpick
3. 雪糕的雪櫃不夠凍，雪糕部份溶溶地，咁樣好易滋生細菌！希望唔好肚屙！
4. 燒蝦好香，都算新鮮
5. 甜品全部行貨，屋村麵包舖貨式
6. 服務員收碟算快同 attentive
7. 但埋單時太唔細心，我請對方吃飯，當然係唔想俾對方知幾錢，已經拎起塊牌，個服務員仲要大大聲讀出每位幾錢，折後幾錢，俾人清楚幾錢係好，但一來人地無問你，二來作為酒店餐廳，應該細心同有禮貌囉!!!!!!!!!!!!!

個場絕對唔浪漫，檯太迫，服務員收碟同開關餐具櫃超大力，發脾氣咁。
咁ge 價錢，不如俾多少少去紅磡某酒店，食物質素、環境同服務都好好多！

約左朋友睇戲,睇完都成差唔多10點
所以就BOOK定地方吃飯
聽日係佛誕紅日,所以平時唔算多人既酒店餐廳都好多FULL左

帝苑酒店FULL, 九龍酒店FULL
得返呢度,見唔太差,就呢度la

好耐前吃過1次dinner, 印象幾好,幾值得, 霄夜就第1次

本身都吃過唔少酒店餐廳
但呢度既野食真係少左d

熱食有
燒牛串(ok,但因為整好放係度成堆比人拿,唔係幾夠熱)
羊脾(ok好吃,但吃左1件就唔見有再出)
燒三文魚骨(一般,&骨多肉少,所以都係試下味就算)
燒火腿(幾好吃)
燒肉腸(芝士腸既大細,幾好吃)
煙鴨胸(幾嫩,但d醬汁唔多夠味)
燒雞(普普通通,乾得濟,多d汁會好d)

飽點小吃
豬扒包(細細隻整到好似漢堡包噤,幾好味)
o加o里角(普通野)
蕃茄餅(幾好)
原舊芝士+餅(有幾款,自己切,都幾香濃芝士味)
生煎包(好普通,試唔試都得)
胡椒餅(整到好似細煎堆,皮脆,d胡椒料好香,呢度d特色野,必吃)

生物冷盤
三文魚(不停補充,切好1大盤係度,都幾新鮮肥美)
青口(有兩款,都ok新鮮)
cold cut,火腿(普通野)
壽司(好似得1款,切手卷,唔多記得係乜)

仲有其他未試既係 米需米飯,2款意粉,炒飯,日式壽司飯,煎羅白糕,
中式飽點,蒸千層糕中 3,4款法式包點
春卷,豆花,朱古力噴泉,

野食黎講真係唔係好多,無生豪,刺身得3文魚1款,長腳蟹之類既海鮮都無
呢度dinner 多野吃,但霄夜就少好多野吃

飲品自助,冷熱紅茶,檸片,coffee(唔多夠香濃),orange汁
甜品吃左幾款(如圖),都係一般酒店既水準,ok噤la
胃有限無切蛋糕吃,fd切左幾件吃,都ok,唔算太漏口(果度d蛋糕都係d輕盈款)
果度d甜品真係算多
蛋糕5,6款,其他茶點都有成10款
隔離有即制斑cake,材料好多款,呢次無吃可惜d

有冰板炒雪高糕,雪糕5,6款haagendazs,
配料有糖粒,碎餅,朱古力,nuts,糖/果漿 , 新鮮生果(士多啤梨,奇異果)之類
冰板炒雪高糕唔係周圍都有得吃(其實唔係特別好吃,都係"卓"頭多)

噤岩hangseng card 75折,折完都算ok既,(168$75折 +168$加一)

整體以酒店餐廳黎講算合格噤,但同級同價既話,九龍酒店,太子酒店做得比呢度好

下午茶自助餐的款式ｏｋ，在公眾假期食自助餐只需151元（優惠期）,就可以食三文魚魚生、炒Haagen-Dazs雪糕、芝士蛋糕已經好低，而他們是不停供應，因我最怕一些食客搶食，另外，我最喜歡食他們的麵包好香的香草和燒三文魚骨，而我朋友就愛芝士撈丁，因我對即食麵一般，我就覺得ｏｋ，但朋友賞不絕口，眼見部分食客走的時候搓著肚子走，相信一定好食。建議繼續msn優惠方式推廣,可讓食客偶然有驚喜,當然,款式保持這樣的水準。我明白一分錢一分貨，所以１５１元是合理的價錢，今天又是公眾假期２３／５，而再印ｏｐｅｎｒｉｃｅ優惠券，再平少少，希望我的至愛仍然有得食。

昨晚五人行到柏景餐廳吃自助晚餐，很久前也曾在這裡吃過tea buffet，晚餐倒是第一次，見食評不錯，便試一試吧。

先說訂位服務，接線人員禮貌很好，說話不會太快或太慢 (因有些酒店的接線生一輪咀地說很難聽得清楚)，也很耐心解答顧客問題。在用餐前一天有職員來電確認訂及入席時間，同時告之入座號碼。(這種服務現在也很普遍，不算特別，但可以保障顧客及餐廳雙方)

主題是地中海美食，其實現時多數酒店做的也是國際美食，只是其中會加一些有地道特式的食物，其他大致上也差不多。一進場便看到了三大品牌雪糕：Haagen Dazs、Movenpick及Pappagallo，然後才經過接待處進入餐廳。一邊行到座位時順便看看有什麼食物，映入眼簾的有海鮮、沙拉、冷盤、魚生、壽司、麵包、芝士、熱湯、即煮粉麵、中式點心、生滾粥、熟食、BBQ鐵板燒，最入的是甜品、炒雪糕及可自行沖調飲品。

海鮮方面，凍食的有長腳蟹、翡翠螺、瀨尿蝦、青口，後來也有蝦，但沒有生蠔。
長腳蟹：不錯，頗新鮮，雖未算最好但比很多間酒店好，不會太鹹，間中有甜味，肉質不會太爛，餐廳有開長腳蟹的剪刀提供，拆出來後可以完整一條蟹柳入口，正！而且蟹身的部份也可吃，不會太"鞋"或太淡，這是優點，因為很多餐廳的長腳蟹也忽略了這部份，不是太淡就是太"鞋"，完全不想入口，但這部份其實有很多肉，不吃很浪費。餐廳會不斷refill，不會吃到中場停出，因本身很愛吃蟹，所以也吃了好幾碟。
翡翠螺：沒什麼特別，也很新鮮。
蝦：也不錯，沒有蝦屎，吃得安心。

冷盤沒有吃太多款式，鵝肝很濃味，個人不太喜歡。推介巴馬火腿配哈蜜瓜，由於很愛吃巴馬火腿，這是必吃之選！可是出得很少，只取了兩碟後來不見再出了，要吃的請襯早。

魚生、壽司有多款壽司，也有魚生飯，整體不錯，也很新鮮。

中式點心不太吸引，有蘿蔔糕、燉湯等。

熟食有西班牙炒飯、焗薯、海鮮米多、漢堡等等，不算突出，也許是地中海口味不太合適吧？馬介休疏乎里鹹鹹的，也不太合口味。但我一般也是主攻海鮮及甜品，熟食如非特別吸引也不會吃太多。

BBQ鐵板燒有大頭蝦、三文魚骨、多春魚、羊架等。多春魚好吃，三文魚骨第一次吃時覺得很好吃，但第二次吃時味道有一點點差異，只是不過不失。

甜品方面，有(黑)朱古力噴泉、格仔餅、班戟、炒雪糕、朱古力慕司、朱古力慕司蛋糕、朱古力布朗尼、意大利芝士蛋糕(Tiramisu)、法式焦糖燉蛋、芒果布甸、紅桑子慕司蛋糕等等。種類不少，但多是大路的甜品，普遍味道中上，但沒有一種特別或味道很特出的甜品。紅桑子慕司蛋糕較好，慕司很軟，味道不錯，不過紅桑子的味道不是每個人也喜歡。值得一讚的是裝飾在甜品上的士多啤梨又大又靚，但數量不會多，因為原意是用作裝飾。不足之處是未能在每一款甜品旁放上介紹，有些甜品看了也不知是什麼。

炒雪糕其實是選擇了雪糕及配料（例如朱古力、Orea等)後用凍板Mix(炒)在一起，說真的，吃下去感覺有點像麥旋風，只是雪糕可選味道。選了桑果雪 ，吃下去酸酸的不會太飽。因為炒雪糕不是常有，所以也值得一試。

飲品方面可自行調配，有檸茶檸水，亦有咖啡機。

最後是雪糕，因為雪糕櫃放在接待再出的位置，所以很易被忽略了，但因早看過食評及推介知道有多種雪糕，所以沒有遺忘它。有Haagen Dazs、Movenpick及Pappagallo三個牌子的雪糕，三種都雪得很夠凍，味道及質感各有千秋。個人較喜歡Haagen Dazs的朱古力味雪糕，味夠濃有朱古力碎，還有芒果及桑果雪，酸酸的很開胃，不會太滯也比較健康。Movenpick的雪糕很滑，焦糖味雪糕不錯但稍甜了些。Pappagallo香濃的夢味道也很好。

服務方面，待應生收碟算快，不會時常盯客人用餐，沒有被監視的感覺(因有些餐廳會有此類情況)，但仍有改善空間。

環境方面，衛生程度理想，椅子很重但坐得頗舒服。這裡不算很浪漫情調，但剛好坐在窗口位置，落地玻璃貼上了反光紙，外邊又正在下雨，看到雨點一滴滴從窗外滴下，十分美。

至於其他配套設施，泊車很方便，泊在中港城地下停車場便可(不是代客泊車)，有兩小時免費泊車。餐廳的洗手間衛生情況尚可，只是洗手盤較淺，導致面很濕。

昨晚的用餐時間為6:30p.m.- 9:30p.m.，因為吃長腳蟹的時間比較耐，如果可以再多點時間便更好，但一般來說也是足夠的。

總括而言，不論食物、服務等各方面也很平均，沒有突別特出，也沒有太差的待遇，算是中上之選，價錢也算合理(有8折優惠)。如果可以做到有一、兩樣食物令人一試難忘便非常好了。

星期六去了食自助餐，眼見這家餐廳的食評比較有信心，便去試了，原來真的不錯。

冷盤方面，它沒有生蠔，但我本身不太愛吃，所以我不是很失望；但它的長腳蟹真的很新鮮，而且也很“好肉”，翡翠螺也不韧，我和兒子吃了很多呀，好味。它的魚生和壽司也不錯呢，魚生是厚切的呀。

熟食方面，我覺得選擇不多，太多羊類，也沒有蒸魚(雖然我本身不太喜歡吃魚)，燒雞也是沒有味道的。但它的西冷扒不錯，用餐刀切不開，但咬下去原來是不韧的，最後，我和老公的總結是──餐刀不夠鋒利；不過我老公話西冷的肉有點霉霉地，不太新鮮。

我覺得它的燒烤真的很好吃，羊仔骨很惹味，燒大頭蝦很鮮甜，肉質彈牙，很“Juicy”，蝦也很大隻，我應該吃了最少有十隻，(老公話難消化，不准我繼續食)，所以其他的食物也沒有多大興趣。

其他的食物卻沒有多大驚喜，不外乎是面檔、生滾粥、西班牙炒飯、中西湯及中式點心(這個不好吃)等，它們跟其他自助餐的水準沒有太大分別。

甜品也沒有甚麼特別，但它的芒果布甸不錯，鮮果Pancake也好吃，當然還有“H”雪糕啦。

總括而言，是次自助餐不錯。