When I got to china it was very hard for me to find a good restaurant and the weeks gone by and one night I found this one and the min I came into the restaurant the people working was so friendly and helpful they made me feel at home here and not being from china they where very nice to me, and they help to understand everything for what they had here and they had alot of people in there but they took there time to make sure I was happy it was very nice, and from then on I have been there alot maybe 30 times in the last 4 months and I have found some good restaurants but I come back to this one all the time, the people and the food is very very good, from 1 to 10,,,its a 9.5,,,if I was going to have a meeting here this is it.

本人之前都幫襯過幾次, 這是最差的一次, 以下是本人的感受:
讚:
韓國粉絲- 好味 (冷盤)
movenpick雪糕

彈:
生蠔 - 有沙

蟹腳 (20-30分鐘才出一次) - 這是我吃得最少蟹腳的一次, 還有D人一見有蟹腳出即用手搶, 好唔衛生.

雪糕 好味, 但裝雪糕勺的水就好污濁, 要改善.

甜品 - 好耐才有REFILL, 大部分REFILL完都係布丁一盤, 芝士旦糕款就好少.

服務 - 我杯水飲完要20分鐘才有人幫我加水.

總之此價錢不值..

食物一試無防
不算太貴
吃得過的

個人覺得吃自助餐
是吃 能每樣都試一下 這個機會
不是專吃謀種貴價食品啊
(要專吃某種物直致飽肚 絕對不用這價錢的)
這就是自助餐的厲害之處了!(曙光~~~)

*第一次寫食評 請多多指教

<<Information>>
今天 一行3人 相約到紅煙窗吃自助午餐
時間由12:00到14:30
價錢為每位$130
因為有85折的優惠卷
優惠卷可以由此處列印得到:
http://www.openrice.com/coupon/detail.htm?couponid=1183
大家可以到佐頓E出口
一直上電梯

這是一次相當不錯的用膳經歷啊
地方大、清潔、舒適不再說
侍應服務非常棒
有禮、細心
進去時還為我拉椅子了
放在桌上的清水什麼時候都會替你倒滿
用完的碟子第一時間收好
很不錯

食物水準還算可以的
很新鮮
魚生與甜食最棒

但款式真的不多
普遍是可以每樣都試一下的

日式、中式、西式各樣都有一點

是日星期六也! 珊地同海綿寶寶一起去食自助餐, 訂左別家酒店的下午茶BUFFET後, 上OPENRICE 睇睇, 只見食評麻麻, 但諗住算啦. 照去. 出左佐敦MTR, 醒起原來未試過恒豐酒店紅煙窗的 tea buffet, 便上去探聽一下, 再作決定.

128元加一, 部分信用咭有8折, 看海報似有Sushi, 好似好過原先訂左果度. 決定入場幫趁

雖然無訂位, 但照樣有得入, 仲有靚坐添!

服務人員水平一流. 有禮貎又勤快.

食物種類多又換得快. Sushi 直情係未清碟就上新的. 熱食過10款, 其中三文魚頭+骨; 茄子好味. 雜果沙律正, 羅馬生菜好新鮮. 仲有pizza, pancake(太飽無試), 越式湯粉(正!!! 蘿白一流!!!) Cake就少款d, 不過有中式甜品 - 木瓜燉雪耳, 豆腐花; 有中湯, 碗仔翅. 最好就係任飲Lemon Tea, coffee 同奶茶, 果汁, 仲要有埋 movenpick icecream, 128蚊+10% 再8折, 二位225蚊!

全港至抵食tea buffet真係非呢度莫孰.

第一次到這酒店吃buffet, 不幸撞上有老人團, 不是因為老人家, 而是不知道食物是否遷就老人家而選擇少......

冷盤: 菜沙律、壽司、鮮三文魚、龍蝦仔、灼蝦、青口、(煙三文魚及不知名的魚是老人團離開後才放出來)
熱盤: 炸蟹蚶、炸魚、小窩貼、焗雞、韮菜花炒雞、京都骨、炒飯、熱湯、越式湯河、燒羊 脾、燒牛肉
甜品: Moverpick 六款雪糕、绿豆沙、豆腐花、各式蛋糕、小杯甜品、pancake
橙汁、凍檸茶、咖啡、奶茶任飲

是否因為方便食客裝雪糕, 雪糕竟是溶的......
龍蝦仔非常鹹, 不似是海水味, 所以我估計厨師把龍蝦仔沉鹽水
炸蟹蚶、炸魚、小窩貼是淋的, 不脆......

Overrall, 幸好有優惠券, 用$131吃教訓, 難怪我見每枱其他食客都吃最多海鲜, 因為根本無能為「食」。

PS: 有2件事想分享, 1st 我好唔開心囉....... 2pm時,waiter話買單先但可吃到2:30pm, 比錢後我想再去拿多一碟, 而丈夫去了洗手間, 點知我拿碟回枱, 發覺竟然收拾好, 刀义水杯全新, 我心想有冇攪错??我即刻放底隻碟, 走人.......
2nd, 我聽到d waiter同waitress講, 原來坐在我隔離枱的是鄧肇堅爵士個孫, 他是長曲髮, 他和幾個朋友講多過食, 他都幾老年紀。所以話, 有錢人都唔一定食貴價嘢

尋日去試下見有8折,,,點知撞正小學生謝師宴,,,
多小朋友自然亂泥la,,,
d 野好咸,,,熱食全部都咸,,,
冇變款,,出來出去都係一樣,,,
甜品除左芝士蛋糕,,冇一個好食
最後連Movenpick雪糕都係熔,,,重要比D 小朋友"筆"完一隻味又一隻味,,,D 雪糕好DIRTY!!
以後可以唔食!!!!

今日我去紅煙窗食tea,講真,我最初對這間restaurant印象不太好,好似好舊的一間hotel,心諗d嘢都唔方好啦,但去到d食物比我想像中ok.

先講沙律,我食咗什果沙律,seafood salad同蔕子群salad
壽司有三文魚,慢魚,蔕子,鮑魚,蝦壽司等,d魚ok,但舊飯勁凍
熱食,d咖哩魚旦都ok
錦鹵雲吞好味,不是萬年油
麵檔上的蘿蔔好入味同淋
其他因不太吸引,所以無食

desert方面本來想食pancake,但做pancake個人好像傷風而且又無用mask,所以無胃口食
但ice-cream好正,係movenpick,有好多味,有朱古力,士多啤梨,楓糖合桃,焦糖,芒果雪芭,菁檸雪芭,等
因為食雪糕太多,所以無再食其他已經飽了
百二蚊有找的tea buffet都算係咁啦,不太差,

岩岩同朋友係到食完自助餐番黎!
d野食好岩胃口!價錢都ok合理!
值得一讚gei係movenpick雪糕!!真係好好味!係咁狂食
之前嚟食過幾次tea buffet，都係為MOVENPICK而來，因為最愛哩隻雪糕。
冷盤熱盤以tea嚟講都ok，沙律、壽司、三文魚骨、燒排骨、咖喱豬皮魚蛋、炸雲吞、粉麵等，甜品除咗MOVENPICK雪糕外，其他就麻麻，d蛋糕唔吸引之餘味道麻麻，豆腐花唔滑，即整pancake都尚算合格。
通當食兩食已經開始食MOVENPICK，幾次都食咗好多味，朱古力、西柚、芒果熱情果、tiramisu、士多啤梨 & 雲喱拿，最好味0既就係最普通0既味 - 雲喱拿，佈滿雲喱會籽，食到唔停得，真係好正。

男朋友撞正爸爸節生日, 為左唔想同太多人迫所以提前一日慶祝.
訂檯時要求近窗口位, 服務員對我要求都一一答應.
十二時間始用餐, 去到先發覺酒店正門原來橫街, 大鄉里出城咁慢慢去到2樓, 已經有人開始用餐.

地方不大, 行左一個圈已經睇晒有咩食. 沙律有兩款dressing同配料任你撈. 其他冷盤好似火腿, 凍蝦等等都幾好食.
熱葷類真係好少, 數埋都唔夠十款. 但都係大路野好似時蔬, 咖哩雞, 三文魚頭, 炸雲吞, 日式pizza等等. 仲有老火湯同西湯飲, 不過西湯唔夠熱同真係好太濃太杰撻撻啦. 有個即煮粉麵檔, 都好多人幫襯喎, 不過都係留返個肚食其他野好過.

好快我地就停晒手想開始食甜品. 旦糕呢part真係好令人失望. 唔係話唔好食, 但佢畀我既感覺係唔食都冇損失. 而其他人大讚既movenpick雪糕係唯一令我覺得呢個自助餐值得既一樣野. 當日有8款雪糕都畀我試暈晒. 當中最滿意既係swiss chocolate, 真係每一啖都有朱古力架. 其他好似焦糖, 士多啤利都好滑. 雪糕呢環真係水準之上. 不過唯一要彈係雪糕太受歡迎啦, 好多小朋友都搶住"筆"雪糕. 個個都你又搶佢又搶非常忘我果時,睇住佢地對住幾桶雪糕口水花四濺. 我....真係接受唔到囉.

總括黎講, 食物平平, 甜品(只限雪糕)令人滿意. 服務員快手快腳同好有禮貌, 主動提醒某幾張信用卡有折. 當然最後要多謝開飯張coupon啦 !

有OPEN RICE COUPON,就去左試下...因為有GOOSE LIVER:
同BF去到,環境唔係靚..唔似HOTEL
因為太HUNGRY,唔理咁多,2個即時仆出去拎野食..

第一時間梗係OYSTER先,澳洲+美國,算OK..

涷蝦: 好味~fresh!

D人係咁搶長腳蟹..有D驚,我男友出去拎其他野食之際...見到出長腳蟹,佢都唔執輸,拎埋我果份

好食,夠FRESH,因為我LAZY "MOK"殼,唔係食得太多

之後就係到你GOOSE LIVER啦~~~

第一ROUND, 拎左4件連TOAST,比埋BF

入口即溶~好正呀...

之後再食熟食,比目魚,.口感彈牙新鮮!

即片牛肉+黑椒汁..都有6,7成熟..味道可以接受,一般..

再黎多ROUND GOOSE LIVER 呀...係就係油左D..加左D汁(唔知咩名)SWEET既,更加好食!

佢仲有個PEPERMINT SOUCE,我唔係咁LIKE

到MOVEN ICECREAM~真係要試,..開頭我一路食,一路見到好多人拎ICECREAM...

我就諗,唔通好食,大人細路係咁"不"...我就去試下,拎左TIRAMISU,CHOCOLATE,YOGURT

食左2,3啖,唔怪得之咁人食啦,..原來好好食,夠RICH

TIRAMISU:入面好似有CHEESE咁,好似食緊COLD既TIRAMISU

CHOCOLATE:有CHOCOLATE CHIPS係入面,又係好濃郁

YOGURT:好酸,都OK,似LEMON

到我BF拎左MANGO..仲正有果肉添呀~

我之後又飲肉骨茶,夠熱,好味,出哂味,可能我係差唔多CLOSE先黎飲..

DESSERT:都係一般CAKE,細細件,樣樣試下..都OK,冇咩話邊隻特別好食~

勁FULL 呀,@人 $275

都OK呀~!會再ENCORE

端午節突然興起去食lunch buffet，即日訂位都OK，而且假日都可以用coupon和credit card優惠，幾抵食！

冷盤：沙律有幾款，水果沙律用的是罐頭雜果，薯仔沙律有大切薯仔連薯皮，是我這個薯仔精的大愛！沙律裡還有蝦／青口／魷魚，好食！值得推介的是一款不知叫甚麼名字的粉，像粉絲但更通透，混合了很多豬頸肉絲，是開胃之選。

肉類：個人對肉類興趣一般，只吃了很少，但也不錯！

Pizza：細細件日式pizza，有菠蘿和木魚，薄薄地，好脆，可以一試！

炸物：以我所見得炸蟹鉗，新鮮炸起，還有日式燒八爪魚丸，個人至愛！

Pancake：即叫即做，大大塊pancake皮，裡有的生果都是罐頭雜果，配了適量的cream，表面加上朱古力醬和紅莓醬。味道一般，不突出，如果未食飽可以試。

蛋糕：蛋糕有大約六款，最驚喜的是不太甜，一個人食都得，味道剛好，芝士蛋糕必食！芝士味濃卻不會很漏。其他蛋糕不知名，好像沒有牌show蛋糕名，只記得全部都好食，全部都是甜品迷必食的，哈哈！

其他甜品：豆腐花必試！好香豆味，亦好滑！桂花糕入面好多桂花，晶瑩剔透亦清甜。黑糯米都好食，但食幾啖好啦，會好滯。芒果布甸普通，沒特別。還有一些小杯甜品，都不錯！

生果：有菠蘿／蜜瓜／哈蜜瓜，好甜，消滯最好！

飲品：有鮮橙汁／凍檸茶／自製coffee and tea。

沒吃的食物：即煮越式湯河，驚太飽肚無食，但偷聽到隔離桌的人說好食。以我所見壽司有三四款，好多三文魚刺身，但個人不喜好，又無食。雪糕有好多款，但最終因為好飽而放棄。另外還有炒飯／湯／粥／法式麵包／三文魚扒。

整體來說，食物款式不多，熱熟食款式更少，好快可以試完，食肉獸不會滿足。沙律和冷盤就做得不錯，而且甜品更正，看來是適合女仔食的buffet。

侍應收碟快，而且會仔細問客人有沒有coupon，和說明credit card的優惠，用了HSBC card有八折，好多card都有折，可惜沒帶openrice的coupon！算抵食，兩個人三百蚊有找，食到好飽，但如果多些款式會更開心，下次有機會會再來。

一開始就選擇了一碟的沙律, 味道幾好.
一:韓式粗粉絲沙律(油左D,(少少胡椒辣味)好味
二: 啤梨紅色菜沙律酸甜甜的啤梨) 绝配.好味
三:最穩陣的罐頭什果配新鮮生果再加蟹籽 這欵配搭當然.好味


蟹腳鲜甜好味,最好是有朋友仔幫我拆殻就份外鲜甜好味.
仲將D蟹肉加左落去碗蟹粥到, 超好味的蟹粥.
生蠔無食(無可奉告)
凍蝦新鮮

魚生大致OK,三文魚是突別的肥美,可以任取,喜歡那片可以自己夾爽得多,不用等待廚師切切切切.......


火焔壽司有D汁醬再用開火槍去燒。味道幾好


鐵板燒當然要吃鵝肝,記得囉放在旁邊的多士叠住一齊吃, 第一片我無加汁, 第二三片加左黑醋汁就更正。
雞翼乾晒、牛仔煙肉腸串 (ok)、冬菇、炒肥牛 如果有d汁就仲好 (都ok)。


肉骨茶可以的 唔錯好味,有肉味 加埋支竹再加油炸鬼,


燒牛肉就熟左d la,仲有羊肶就好d


甜品泰式雪條有椰子味、綠茶味、奶茶味, 最好味係椰子味
雪糕Movenpick, 有多款味道, 合桃雪糕內有的合桃粒,必吃朱古力雪糕內有朱古力碎片,
兩款雪糕也給我香脆幼滑的感覺。
水果、豆腐花、比利時朱古力餅(ok)

有橙汁熱咖啡茶任飲。

服務也不錯

因為一個鵝肝便引得我來,
每款食物也很平均
當然要是食正宗鵝肝,入口即溶, 呢個BUFFET一定俾唔到你,
對我來說, 我是覺得好味既, 我ENCORE了三之鵝肝

一入去, 見野食唔係太多CHOICE, 有點WORRY, 唔通真是ONLY食鵝肝, 唔好食點算, 點知個肚都唔係好食得, 食了每樣野也是一轉便FULL了, 且D野也樣樣都可以WOR, 食了三碟鵝肝同幾隻三蠔,長腳蟹和MOVENPICK ICE-CREAM, $290食番晒回來啦.

火燄三文魚, 合格好味
個羅宋湯好濃味, 有牛肉味, 不是出面的水加蕃茄汁,
肉骨茶也好夠味, OK BOR
長腳蟹都OK既, 唔可說是新鮮,
美國生蠔都鮮甜,
刺生是一般款式, 三文魚有白色紋是夠肥美, 也是厚切, 食唔出另一位食家說我唔新鮮
熟食類款式也不太多, 勝在不是一般的大堆頭, 是貴精不貴多, 不會是全肉, 以一D日式蛋,豆腐既特別做法來招徠, 不會怕食了此而飽肚, 便不想再食其他
條魚好滑WOR
MOVENPICK雪糕, 榛子已俾人取晒, 仲有少少CHOCOLATE, 經典真是好有CHOCOLATE味
甜品唔多, 除了TIRAMISU, 其他甜品真是勁好味
野飲是ICE LEMON TEA及橙汁, HOT LEMON TEA, COFFEE, MILKTEA也有, 任飲, 我飲了3杯熱LEMON TEA來幫我消化下個胃的飽肚

D WAITER收野都好快呀,
同埋有時佢地睇唔到D餐匙沒有在雪糕那邊,
叫佢地補番D餐具都會即刻去做
坐得又舒服
呢個價錢在此處食也合理BOR
樓下便是MTR,方便晒一家大細來
我一定會再來

Book了7點入座, 7點05分開始出動攞野食~ 未夠8點已經埋單走人~
原因 : (1) 生蠔新鮮與否都是其次, 食到滿口蠔殼, 滿口潺
(2) 長腳蟹腳攞過一次次後, 就無見過, 不過算好味的~
(3) 生果, 無論西瓜, 蜜瓜, 哈蜜瓜都是同一個味道, 無味
(4) 大扇貝, 仲咸過乾啃金華火腿, 而且食過一隻, 之後失晒蹤
(5) 三文魚, 唔新鮮, 同埋好肥好淡色, 唔敢食
(6) 水蟹粥, 如果它純粹是一個粟米粥, 真的好好食, 但是一點也沒有水蟹鮮味的
(7) Movenpick雪糕, 不懂欣賞, 青檸, 同士多啤梨都出奇地酸, 加上在雪糕柜已經是半溶狀態
唯有就是服務好, 加水快, 收碟快~
以後唔駛錢都唔會再去~