咖啡無特色, 蛋糕唔新鮮!

問個肥婆經理有無泊車優惠, 佢好似啞咁, 唔答, 轉頭攞返我張單就咁辟底俾我, 我張單唔夠$又唔同我講又唔俾多張我, 好似同佢乞咁, 咁ge態度點做經理? 擺佢响樓面影響胃口, 擺佢响廁所都嫌阻礙排泄!

推介菜式??? 黑面神炒蛋啦!

呢日係又一城行完街,原來皇后飯店係度開左,就入去食晚飯.

2人叫左1個 羊鞍餐 同1個西冷扒餐

個羅宋湯幾好飲,夠味同夠spicy.

本身自己叫左西冷...味道1般, 點埋pepper sauce 就食唔到西冷既味..

再試下羊鞍, 燒得好好味, 就係咁, 我只食羊鞍,唔食個西冷扒..heee

呢餐都唔錯,最令我印象深刻就係個羊鞍,所以要寫返個食評

服務同餐廳環境都ok,可以1試~

太公生病了，咳個不停；已屆午膳時間，仍然對咸食胃口全無；幸好 queen's cafe 餅櫃內的蛋糕成功挑起我的食慾；今次使太公一見鐘情的，是披著黑朱古力外殼的香蕉朱古力蛋糕。

黑朱古力質感濕潤鬆化，中間夾有香甜滑溜的香蕉蓉，配上濃香朱古力，這件香蕉朱古力蛋糕的甜美感，剛好滿足了太公的甜胃；另叫了一杯咖啡配搭，可惜不夠香濃。

埋單，一件蛋糕盛惠$45大洋，咖啡則索價$28，與一份3-course 午餐價格相若，抵食與否，見仁見智；不過，能讓太公抱恙之餘仍與一眾餓鬼同事同枱用膳兼能大快朵頤兼，只可以引用信用咭一句：「此刻無價」！

訂檯訂得遲, 已冇得訂, 焗住要來等位...

驚俾媽鬧呀, 一早6點來到, 好采都未滿坐.
馬上坐下, 等母親大人先~

不出十分鐘, 媽便出了地鐵站, 上到來了~
好險呀....

看了一陣menu, 媽叫了羊鞍餐,我要個牛柳餐, 豬豬女友叫了申燒雞餐.

另叫了個凍肉沙律, 係我的最愛~

先上的羅宋湯, 幾濃, 味少許酸啦, 不少菜及料, 正.
點麵包一流~
但好似細碗左d 呢... 再大點就更好.

之後有沙律, 肉的variety好少, 都係ham 多, 比我心水的半山的某間差了少許...
但味道都係好好的.
九十幾, 唔平呢....
唔會再在此叫o羅....

3個餐之後上.
羊鞍叫了7成, 似9成多d, 冇乜粉紅色... 全啡咁滯....
但幾件都夠大舊夠厚, 肉質也不錯. 熟了點都不韌, 都收貨啦.

我的牛柳餐叫了5成, 但肯定已8, 9 成, 又係冇粉紅色的;
好采肉質又係好, 唔韌. 算啦, 冇叫佢換了.
另d 意粉都幾正幾好食.
有住通菜則幾騎呢, 同早幾日去西貢食西餐, 伴菜有菜芯一樣怪...
好采味道都正常的

豬豬女友的燒雞餐有成6, 7 塊雞, 都不少.
已失去爆炸力的佢, 竟食唔晒, 真的不能相信!!!!
佢的薯菜又係通菜, r 頭...

服務一般啦, 個型男哥哥好勤力, 快手又效率高, 一讚~
相反, 另一個阿叔就要再加油d 啦...

牛及羊都過熟, 好險, 150蚊一位唔平, 但見型男哥哥勤力, 湯好飲, 及d肉質本都靚的, 俾個ok 啦!

7/4(二) 8:45pm
休假的週二,兼職後跟M先生於又一城會合.我倆到了"皇后飯店"商討事宜.八時多的"皇后",食客不多,我倆選了靠窗的方桌,點了焗魚意粉$108及焗釀蟹蓋餐$160(龍蝦湯加$25).

龍蝦湯--龍蝦湯具其色卻欠其味,呷一口,僅嚐出雞湯味濃非常,有形無實的龍蝦湯!

焗魚意粉--石斑先炸再焗之,魚肉結實,鮮味於茄汁襯托下依然能啖出其鮮;至於茄汁酸甜度恰好,稍富咬頭的意粉佐以大量蘑菇,洋蔥及青豆,以一人之力實在無法將其征服...

焗釀蟹蓋餐--焗釀蟹的蟹肉富質感,原味亦頗強,舖上焦脆芝士,伴以可口薯角吃之,合意的水準!

服務方面服務生不太懂禮儀,乃粗枝大葉型;專業度有改提升.

繼到家豬扒飯後,另一拿手絕活--焗魚意粉!

今晚做到好夜，加上肚餓關係，好想食一頓豐富嘅晚餐，即時諗到去附近嘅Queen's Cafe食飯。估唔到夜晚9點都仲有一條長長的人龍，金融海嘯，完全影響唔到Queen's Cafe喎！

老公和我每人叫了一份扒餐，我點了西冷牛扒加煙三文魚沙律餐，一開始嚟咗一個暖暖的餐包和一碗熱熱的羅宋湯。這碗羅宋湯比一般嘅羅宋湯唔同，這裡的羅宋湯是濃濃的，再加上大量嘅椰菜，一啖一啖，一下子喝完。

之後便上煙三文魚沙律，雖然只得兩片三文魚，但配上其他番茄生菜等，份量剛剛好，感覺又非常健康。

到了主菜，我至愛的西冷牛扒終於出現了，份量都唔少。一大塊牛扒，七成熟，紅紅嘅肉有少少血水，剛剛好。此外，黑椒汁並不是淋上牛扒上，而是分開上的，還發現黑椒汁是暖暖的，誠意可加。配菜我點了蕃薯，也是很美味哦！

這個扒餐雖不是很便宜的，但論舒適環境及食物質素而言，這個價錢都可以接受的。

我估我對上一次幫襯差唔多八年前咯.....是日放假...兩個人下午兩點黎食個 brunch....食左:
煎魚莧菜汁意粉 - 個魚煎得好香....個汁好味...成碟清哂....
西冷扒 - 不過不失
閒日...又過哂食飯時間....冇乜人....出邊又有D陽光....又食飽左....真想小睡片刻....
埋單 $154

今日係特別日子，夜晚二人行黎左皇后飯店開餐，環境和氣氛不錯、燈光柔和舒服...好快就安排到入座。

我地點左4樣野，
(1)周打魚湯---味道好濃，飲每一啖都有好多料好有口感，而且仲有小時候成日食既魚仔餅...
(2)粟米忌廉湯---好普通沒什麼特別。
(3)薯仔沙律---好好味道，雞肉好食。薯仔唔太唸又唔太硬剛好，雞蛋碎撈埋一齊好食
(4)粟米石班飯---味兒不像平日茶記食的，粟米汁好濃又香，魚係冇雪味的。

總括食物同環境方面OK的，不過真係太大碟了，
唔想浪費食物，下次叫一份同朋友食便OK了。

對上一次食呢間餐廳,都成年幾前啦~今日年廿九,周圍都多人食團年~今晚揀西餐食,希望唔好咁多人~之前打過去訂位,但佢地話訂位full晒~叫我地walk in,佢地話會有小小位留比walk in的!

一行三人,六點就去食....點之已經有坐滿左一半人,但我地都有位~到6:30已經full晒lu~點了3個set:西冷扒,串燒羊,串燒豬柳.........每個set都好新鮮好大份~無食咁耐都無令我失望~豬柳好嫩,羊肉都唔太蘇.....每個set都包餐湯同餐包及餐飲!

昨日下午五時多, 在吃AMARONI'S之前和兩位朋友去了皇后飯店嘆茶!~
人不太多, 環境清靜, 最適合girls' talk!
雖然被櫥窗的蛋糕吸引, 但是我們要留肚吃amaroni's, 所以每人叫了一杯飲品~

朋友叫了伯爵茶--很精緻的一個茶壺, 盛著茶, 另外有一隻杯, 和另上的奶,
連坐在對面的我們都聞得到的茶香!

另一位朋友order了halzenut coffee, 是熱熱的, 上面有一堆奶泡,
和我叫的那杯vanilla coffee樣子一樣..
halzenut我味道不及starbucks的好, 但是vanilla coffee 真的很雲尼拿~
所以都算是很好的經歷!

最緊要是環境真的很舒服~
坐在sofa上真的舒服得想睡呢~!

1月1 日, 2009 年第一個晚餐... 去咗皇后, 7 點幾去到, 唔算太多人等位, 出奇地又無話要叫一早set 死晒嘅新年餐.... 好似平時咁餐牌任叫...

叫咗個西冷, 肉質適中, 唔點汁都好味, 略嫌面嘅燒焦味太強..

雞絲火腿意粉, 要了茄汁.... 嘩!! 出呼意料好味, 初時以為普通野, 點知食落, 個汁整得好好.. 下次黎會再食.

之後再叫個 german cheese cake, 又係好好味...

一餐好滿足嘅新年晚餐...

7 點來到, 不用等位, 好呀, 因為仲有9 倘字便要進場看戲, 馬上進內坐下了.

一看menu, 劈頭第一張紙寫: 本店的肉呀雞呀,蛋呀等, 全都非大陸入口的, 請放心食用....
咁呢個牌應擺門口啦...

身為香港人, 看到好放心, 但身為中國人, 有份說不出的悲哀...

但不理咁多了, 豬豬女友又話餓, 叫了田螺+ 蘑菇白酒汁扒, 我則叫俄羅斯凍魚+ 洋蔥汁牛扒餐.
包包一如以往好味, 略熱, 牛油一搽即溶, 湯未上已食晒, 咁你都知有幾好食啦!

湯夠料, 雖不太大碗但夠菜, 又不水.

凍魚少許酸, 係連些更酸的沙律的, 所以先吃沙律再吃魚 便行.
味道和般咸道的那間店子係一樣; 已去骨, 啖啖肉, 但肉都少許硬架, 有點似潮式烏頭點酸汁, 諗落雖怪但又幾好食.

田螺我不太愛, 女友說係正常的, 我只食了田螺下的蘑菇.
豬豬的牛扒落錯了汁, 但好快換返了.

扒生熟剛好, 肉質都靚的.
女友的扒汁係蘑菇白酒的, 好香, 點一些醬才,放入口, 正呀~~
我的洋蔥汁係分開一碟仔上的, 內有洋蔥的, 也好香, 但 好像女友的白酒汁正d.

另薯蓉係有鍚紙包住的, 食到有一點點肉味的, 但店內太黑看不清楚, 好像係豬肉味, 香了好多, 必定要食晒呀...

想食埋女友果d 薯蓉呢...

諗諗吓, 乜都係豬豬女友的好食點, 為何會咁架?

那天約了朋友在又一城, 4點鐘, Tea Set在沒有太多選擇之下, 來了這裡:

Tea Set (包一杯飲品):
蝦多士 – 熱烘烘, 不錯!
Blueberry Cheese Cake – 很細件, 味道一般!
Tiramisui -很細件, 味道ok…


總況:
服務一般, 本來叫了另一款Cheese Cake, 但發現有霉菌..侍應又死口不承認有霉菌..最後換了別的Cheese Cake…
環境比想像中嘈吵…哎..早知去Cova啦!
食物很一般…又細件..唔抵食…

我來皇后只會吃三樣野:
(1) 咖喱石班飯
(2) 粟米石班飯
(3) 焗豬扒飯
因為我食過其他的都是平平無奇。
羊排和豬柳還可以喇但也沒以上的3款做得出色﹐來得吸引。

要了個周打魚湯﹐奶油味濃。 料有薯仔﹐洋蔥﹐青蔥粒 和魚仔餅。賣相可愛﹐味
道不錯但比較飽肚。

咖喱很香﹐香料調較得很好恰到好處不會過火。辣是屬麻﹐很快便不辣~
最驚喜的是薯仔﹐平常在外頭吃咖喱﹐通常都是六神合體。薯仔生硬沒味﹐但這裡
做的是事先醃好後再炸後才加進咖喱內。這裡的份量不小﹐所以這道菜最後要加多
一份飯才吃得完。

粟米石班飯: 這個粟米汁不是平常在茶記吃到的生粉什而是由白汁煮成。一粒粒的
粟米粒配上沒有雪味﹐粉不會厚耷耷既魚塊真的令人很滿足。

焗豬扒飯: 沒受蘇打粉洗禮的豬扒真別有風味﹐肉質亦絕不會韌。 汁很香﹐茄味濃
旭酸味恰當﹐份量十足。炒飯還有少許飯焦﹐是先焗好後再盛在碟上。

3個飯而夠4個人分了~~ 所以唔太大食既就洗叫咁多lu。

同同事食飯...都係志在吃飯吹水....

不過, 唔代表唔會注意間餐廳o既服務態度....

當晚serve我地o既waitress，點餐要問幾次先記得人叫咩，又落錯汁，又慢~~

野仲有少少未食完，放低想休息一下，問都唔問就拎走人地隻碟....

但到佢地見到我地餐台冇哂野食，個captain就似好有技巧咁請我地快d走...

what kind of service????

問題係....呢度一個餐平平地都16x起...

都算係中上價錢，但比d咁o既服務....

實在唔想黎第二次~~~~