呢間大魚兩年前食過Lunch覺得一般,我又去過中信o個間食Dinner又係好一般,本來無想過會再食大魚,因為本來約o左朋友去食金草帽但去到先知o個到decoration無開,朋友話去食大魚o甘是但啦,點知呢間大魚D o野又OK喎可以食得人,所以都想係到讚一讚.

這天跟女朋友去深圳，第一時間就上OpenRice找晚飯好去處，因為我很久都未回過去，又沒有人可以教路...

女朋友話想食日本野，我就搵下有咩好食啦，一搵之下就搵到呢間野...

本來滿心歡喜去食，因為相比其他食店，佢唔算多劣評，睇相都有水準...

咁一路去到，加左價$168人仔一位，唔緊要，好食咪得囉...

一路招呼都唔差，加上早到，唔洗等位...

但係食既就唔掂啦，下舉佢既罪名：

刺身：叫左幾客刺身，全部都唔新鮮，又"梅"又"林"，又冇魚味，真係食唔到吐番出黎，只有八爪魚可以吞到（因為雪到好硬）

鐵板燒：貨不對辦，叫左燒羊肉，超難食；叫左燒牛排，整兩件肥牛就當牛排；叫左燒蠔，隻蠔細到搵唔到，仲要臭既

火鍋：叫個牛肉鍋好耐都唔到，諗住佢唔黎，點知一開始就放哂全部材料入個鍋度，Ｄ牛肉好似香口膠咁

甜品：因為太多難食，我都只係試左個士多啤梨蕞絲，點知都係好難食，又吐番出黎

唯一可取之處係埋單好快，驚你唔走咁...

總之一句講哂，一次就夠，下次請都唔想食佢...

期望太過高了！
Ｄ野唔係特別好食，不過重點係有乜理由ＯＲＤＥＲ左Ｄ野食，
可以等成個幾鐘都唔黎架呢？
催左幾次，鬧佢先肯ＨＵＲ　ＨＵＲ聲上返俾我地，
質素參次！真係失望！

服務態度太差喇！
唔通坐得遠就唔黎野食？
眼見人地遲黎都已經成枱鐵板燒，
真係睇到眼火爆！

４個人俾６７２蚊真係好唔值囉！

一行四人去東門買完衫就搭的士到佳寧娜食大漁
同行朋友話食過佢地既生牛肉好好味
所以對呢間餐廳都幾有期望
地方好大 但清潔就麻麻....見到地下好多鞋印同紙巾
一坐低 我地叫左好多食物
生牛肉呀 炸物呀 壽司呀 烏冬呀 刺身咁
我地覺得甜蝦好正 好鮮甜
所以落第3次order
但個侍應就話等等
佢要check一下電腦 睇下有無甜蝦供應
之後返黎 話甜蝦沽清
我地都奇怪 個陣先7點零
咁快沽清?又唔係滿座

咁我地就叫第2個侍應
佢一樣都係話check下電腦先
check完就話無甜蝦喇
但食成晚
我地都見到其他侍應有出到甜蝦呢個order囉
根本就係限住 唔比客人食d貴野

我地order第2次飲品
d飲品黎到得半杯
但去第2檯既飲品就成杯full哂既
朋友極唔滿意
問個侍應
"點解同一個order 我得半杯 另外個order滿哂??"
個侍應先比返滿個杯飲品我地

有時唔係我地落既order就送左我地枱
好似我地仲食緊熱野 個侍應無啦啦問我地
"你地要唔要個紅豆雪糕呀?隔離枱叫架,但佢地埋左單走左,你地食埋佢好冇呀?"
我明,唔好浪費食物
但阿姐,你唔見我地仲食緊熱野架咩?????????
吹漲!

禮拜日去到竟然無人排隊！為左唔會成日油煙味，決定唔坐ｂａｒ台，２個人坐４人台　十分闊落。

最好味係扇貝．蠔．蝦呢ｄ海產！全部都係熟食，唔怕會食肚痾喇　

呢度有野好特別既就係生牛肉刺身，但唔敢食！ｈａａ。

刺身種類唔算多，基本既都有：三文魚，吞拿魚，金槍魚，醋青魚，帆立貝等等

熟食肉類淨係食左牛柳粒同牛仔骨，但有少少韌！

飲品方面都好多野揀．好特別有綠茶奶昔，西瓜汁，奇異果汁等等

甜品就得好少，都係一ｄ朱古力慕絲．芒果布丁之類

要注意ｍｅｎｕ係有兩份，有一份係多ｄ款的．ｏｒｄｅｒ佢會收返，

每次叫都要同侍應講真係幾麻煩！！當我地食到飽飽地既時候先發現到第２份，但已經太遲喇．飽晒　

不過１５０人仔係香港真係食唔到咁多，所以決定下個禮拜又再去食順便影埋相　

150人仔全包日式放題。2個鐘餐牌上食物任點任食，落單、來食物都算快，我同個friend都食飽到行唔郁! 食物質素同香港果d放題差唔多，不過呢到款色多好多，又有鐵板燒 ，飲品款色又多! 刺身都幾新鮮，同香港食放題果d差唔多，三文魚同吞拿魚都好食，不過最正係果d鐵板燒- 燒虎蝦，生蠔，帶子 等等都係熱辣辣又好食。 下次一定會再去。

咁價錢, 食到 d 咁 ge 野, 我覺得抵!!
我主力食刺身同飲梅酒,
可惜第二日要返工,
否則實會飲清酒!!

去之前同事話有時間限制,
但可能我係平日去, 去到已經八點,
佢又無話限時限制, 仲話如果無人等,
食到佢地 12點關門都得!!

不過點野食就好甩甩漏啊!!
無計, 點菜係靠你把口去講,
伙計再寫落張好似茶樓 ge 點心咭上,
寫完就就去按電腦, 咁就實死啦, 如果佢聽唔明我點乜,
又或者佢唔識寫果個字, 佢根本就無同你落單,
咁就等一世就無得吃!!

我有諗過, 下次再去的話, 就自己寫定張紙仔比佢,
直接叫佢地打入機, 可能會好 d!!

佢地點菜好得意, 係成本 menu 比你揀, (平時點散餐果個 menu)
你鐘意邊款就點邊款, 叫完可以再叫, haha

下次一定會再幫襯, 要食多 d 甜蝦, 同牛肉刺身, yeah!!!

同伴一行5人到樓上按摩完指定要試食呢間
整體來說食物都算中上水準,也很精緻,款式很多
有些品種還要encore2次先夠喉
個個食到肚滿腸肥~
大伙兒回程到上水之際
其中一個同伴滿頭大汗面青唇白,唔多妥
一支箭標上廁所
心知不妙
結果在門後等左20分先出黎
最後每格3個站標一次廁所,睇到都覺得心寒
結果要去診所打2"次"針先止得住
其他同伴有2人回到家開始發作
我需沒有肚痛
但連續2 天竟然會排出橙色油狀kk
真是不可思意

之前朋友訂了枱在大漁食晚飯,打算行了一日去食dinner,我們早到了30分鐘(朋友訂了19:30),個host竟然話無位,我幾個朋友立即angry,叫他們的主任出來了解事件,但是她說我們星期6無得訂1930,之前訂位時又不說清楚,所以我們最後都無食到,各位千萬不要在這間食店幫襯,以免食的不是一餐飯,而是一肚氣~

昨日一行8個同事去左國貿的大漁, 上次已經去過福田的, 原本想試東門的忍者居, 但依家無放題, 所以換去大漁, 而且今次仲可以坐房添, 廚師及一服務員只係服務我地8個人, 正~~~~

好啦講番食物, 飲品任飲, 我地叫左烏梅汁, 西瓜汁, 啤酒, 清酒, 烏龍茶, 凍奶茶, 紅酒.......仲叫左好多次, 有一同事一晚應該飲左十杯以上, 而且, 我地一order完服務員好快5分鐘左右就攞到

第一轉order 我地已經叫左好多樣, 羊鞍, 黑虎蝦, 天婦羅蝦,牛排, 鹽燒牛舌串, 鴨胸, 美式雞翼, 花枝, 芝士扇貝王, 焗蟹蓋, 魚生(三文魚, 油甘魚, 吞拿魚, 北寄貝), 魷魚圈, 鰻魚, 鵝肝多士, 蒸蛋, 鯖魚, 鹽燒白果, 餃子, 等左5-10分鐘就已經有野到, 跟住又再叫黑虎蝦, 天婦羅蝦, 總之最後再叫多3-4轉食物, 當然無第一轉咁多, 服務員好似叫X妙玲未有不耐煩, 仲好有禮貌, 值得一讚

羊鞍 -- 香口肉嫩
黑虎蝦 -- 夠大隻及新鮮
天婦羅蝦 -- 不油及脆口
鹽燒牛舌串 -- 肉嫩
鴨胸, 美式雞翼, 花枝, 魷魚圈, 鵝肝多士, 鯖魚, 鹽燒白果, 鰻魚, 餃子 -- 可以一試, 但會再叫
魚生 -- 新鮮
蒸蛋 – 香蛋味及滑
焗蟹蓋 – 唔好叫, 味道好怪

最後, 仲點左好多次西瓜, 火龍果, 芒果, 紅豆加雪糕, 有同事想試燒香蕉都叫左3份, 不過, 我無食,

如果試埋優佳一及其他, 應該會再試

不過, 要一提openrice 地圖係錯, 開頭我仲以為好近地鐵站, 但原來要在國貿A出口向南行過兩條街近春風路至真