5
3
3
營業時間
星期一至日
06:00 - 22:00
以上資料只供參考, 請與餐廳確認詳情
由我剛出來做野到現在都經常幫襯,以前20元到現在40元一個套餐,仍是低食,雖然是西餐廳,但食物是中西合璧,忌廉湯,簡單而香濃,梅菜肉餅飯,清清地又健康,但梅菜味唔出,再加杯檸樂就正宗平民快餐又一日
繼續閱讀
第一次發現在安定商場有一間舊式茶餐廳，又多了一個地點食飯。先看一看餐牌：環境也算大：我們來吃下午茶，$27有飲品，大大碟，茶餐廳計味道算是剛及中上。三款菜式都好吃，個人口味認為干炒牛河最好味。蛋撻堂食也不另收費：門外有賣麵包，價錢也不貴，菠蘿包更是$11/5個，味道更是不錯呢﹗以茶餐廳水準來說，對比價錢及食物質素，這裡也算不錯，納入其中一個食便飯地點。
繼續閱讀
因為見裝修夠特別，牆上裝置了不少木質裝飾兼且看似老派便走入舖裏吃個下午茶。$27 有個熱炒再加杯熱飲，價錢適中。室內好特別，好有獨特個人風格。乾炒牛河 … 用老抽炒過河粉，無鹹味，河粉食得出有過份雪藏，因為就算炒過都硬到有骨，牛肉當然有鬆肉粉洗禮過，可是為什麼可以韌到咬不開？跟餐熱奶茶都唔錯, 奶與茶的比例均衡, 嗒落有味。
繼續閱讀
安定，友愛邨裝修得跟以往完全不同，還是多得管理公司吧，將街市裝修得像上引水產一樣，壓根兒尋不回舊日的足跡。幸好，抬頭發現二樓還存在一家老舊茶餐廳。這天專程進來屯門跑步後，吃個下午茶。儘管看上去是家舊式茶餐廳，人情味卻不濃，這兒的夥計及收銀處的女士都不太禮貌友善，與舊式茶餐廳"專打人情牌"，以親切友善為主的路線迥然不同。西多士不設下午茶，須散叫，本人無飲不歡，改吃廈門炒米。 自小便吃廈門炒米，酸味開胃， 有鑊氣而不像星洲炒米般辣嗆，熱氣。但現今廈米已交由各餐廳"自由詮釋"，有些用蕃茄來提出酸味，有些很乾，有些肉多，有些蝦多；印象較深刻是何文田愛民邨大排檔，仍舊源用酸瓜絲，不乾不濕，鑊氣濃厚，火喉一絕。這兒的廈門炒米，是吃過最濕之一。餸多，包括火腿，叉燒，荵，蝦。濕炒又別有一番韻味，不會油膩，但濕得來不會太淡，像是加了點茄膏般。雖然等了十分鐘左右，但只得輕微鑊氣。本人近來吃蝦發現，其實用雪蝦，與大自然素食吃到的素蝦，口感分別不大。而這兒的蝦卻出奇的好吃，咬下有實質的蝦味，不像雪蝦般(只爽沒味)。餐廳亦提供懷舊炒物必配辣椒醬。而驚喜卻是，在檸檬價格貴得連東張西望也報導時，這兒的凍檸茶居然還用上整整五大片檸檬，有片還是足足超過一釐米厚，使得檸茶充滿新鮮檸香，比維他檸檬茶更具"天然酸澀味"，正合我意，熱氣全消。對座的伯伯，閒來吃個包，喝杯咖啡，我看上去，他相當寫意。不知他感到寫意，還是百無了賴呢。
繼續閱讀
今日時運低,見佢係領匯商場剩低的非連鎖餐廳就支持下佢兩點入去,叫左兩個下午茶餐,要乾牛河同上海粗炒加2x凍OT,成為$56等左十分鐘,拎左兩杯OT,一路飲再繼續等,等多十分鐘左右,拎左碟上海粗炒泥, 細碟都晤緊要,最慘係碟野有陣"law"味,炒"loan"左 ,絶對係below standard!食食下,有個廚房佬走左出泥,話踢晒腳,勁鬧櫃檯阿姐做乜接套餐order,阿姐又鬧番佢話 "唔通我要入廚房check 過先落單呀!",口角一輪廚房佬氣沖沖走番入去 食完碟上海粗炒,等到兩點半,牛河還未出現,見其他比我遲來d客都有得食,於是就問下個男侍應。我:「阿哥,重爭一碟乾牛河」男侍應:「你等下啦」我:「重要等幾耐?」男侍應:「我都唔知架」跟住佢無理過我,又無入廚房幫我問。我唯有再等,等多五分鐘,終於有人拎左幾碟牛河出來,但點知原來係無我份的。 我頂唔順再問佢,佢竟然同我講「炒飯就有一 碟, 你要唔要鴉?」e條友都short short地,態度差都我都唔信。飲埋OT就走,同收銀果個應該係老闆o既阿姐complain,佢重夠膽叫我再等,我話我受夠氣了,叫佢計數,佢都仲好意思收我杯凍OT$14! 算數,費時同佢嘈,放低$42就走。終於明白點解領匯唔同呢d小商戶續約,原來都係為街坊著想。
繼續閱讀