一個人的午餐兩點鐘來到，還有三張檯的客人沒走，我點了「三味魚生飯」，套餐配頭盤、手卷麵豉湯。頭盤的蕃薯蓉及三文魚手卷很快就來到，手卷竟然是長條型的，裡面沒有什麼材料。蕃薯蓉只能吃一口，就沒興趣繼續了。魚生飯來了，魚生還算可以但是飯卻是普通的白飯，幸好的是今天並不太餓吃了魚生也就算了，隨餐不送飲只有兩片薄薄的西瓜。服務員在兩點鐘的時候走來客氣的請我埋單因為中午營業時間只做到2:30pm，這餐收費108元。
走出門口時在門前的大型藏酒櫃看了一下，酒架上看得見的藏酒原來都是空樽。門前貼著星期日休假，看來是間唔憂做的飯店。

周四要入院開刀, 諗住去我地兩公婆最愛的日式串燒店食晚飯, young枱腳...BB出世就無咁自由囉...

一坐低已經覺得唔對路, 成枱都係推廣餐牌, 即刻cheap哂

TORO巻物同三文魚子壽司都唔錯, 夠新鮮, 同以往一樣

但串燒無樣野對版

- 我最愛的鹽燒白鱔, 變左汁燒之餘, 分量仲要少左一半
- 雞翼唔掂, 又DRY又細
- 羊格無味
- 安格斯牛柳又係細左一半, 兼無味
- 得個燒蝦似樣D
- 雞皮OK
- 雞軟骨都OK
- 豆付又係好DRY
- 粟米OK, 但D甜好似有D假...

我地食開, 一向唔駛加海鹽, 今次唔掂, 羊格同牛柳都無味....

成間餐廳得個女經理係舊人, 大廚新GE, 串燒師傳好年輕, 男侍應完全唔識SERVE客人, 落單又唔寫低, 又唔記得我地叫乜, 數量又唔啱, 仲要無客唔忙都攪錯...

中間唔加茶, 食完又唔換杯熱茶比客人...完全嫰到死

超級失望, 全單$490

以往我地兩個人食$600左右, 但好值, 琴晚嗰餐就唔值$500....好失望, 我同老公都話, 又要轉架步

間餐廳多左好多SET, 選擇多左, 只見一兩個客人, 自己食一人餐

以往係高級日本串燒餐廳格局, 宜家降格變了普通日本餐廳, 招呼獨家村...

唔知二撇雞串燒大廚又過檔去左邊....

歷年來我地跟住佢, 由野蠻人, 消閒加油站, 到本陣.....都有好幾年囉....傷心....

放LUNCH同同事去左本陣
第一次光顧, 環境舒適

Set Lunch叫左三色魚飯(包左3種魚生: 三文魚, 帆立貝, 白背魚)
魚生厚身, 味道鮮, 喜歡魚生的朋友應該十分滿足
試了一口同事叫的串燒牛, 牛柳粒鮮嫩多汁
比起魚生更得我歡心, HAHA!!!

午餐這個價位確實有點貴
不過物有所值~

星期日到上環處理些事務, 之後便四處閒逛, 不自覺走到西環警署附近, 看看時間已經一點多, 於是便找地方午飯, 剛剛路經本陣, 便試試久違了的燒鳥. 店內環境不算大, 長方形格局令視覺上看來狹窄, 幸好門口用落地玻璃引入自然光, 感覺尚算開陽. 相信因為是星期日的關係, 客人不算多, 連我在內都不過是5位客人, 選了較近燒鳥bar的位置安頓下來, 坐得還算舒服 看看lunch menu的選擇還不少, 除了燒鳥外還有魚生, 炸豬排等日本食品, 但到了燒鳥店當然試他的招牌菜, 於是點了價值HK$68.00的燒鳥set lunch, 真的蠻便宜呵, 總共7串燒物加白飯, 前菜和味噌湯, 平均一串的價錢不到HK$10.00, 這是掃街的價錢呵 惟恐7串的份量滿足不了餵食的我, 另外加HK20.00單點了一串燒多春魚. 先來味噌湯和前菜, 前菜是蘿蔔煮牛舌, 蘿蔔清甜無渣, 牛舌煮得夠淋夠入味, 作為前菜表現出色!! 7串燒物整齊排列在長碟上, 右至左分是2串燒雞肉, 2串免治雞棒, 1串鵪鶉蛋, 1串豆腐, 1串茄瓜. 先試茄瓜, 不能做到最好的狀態, 茄瓜燒得太乾身, 水份都被蒸發掉, 感覺不太討好; 免治雞棒水準合格, 材料除了雞肉外還有雞軟骨, 口感彈牙, 2串很快便K.O.掉,; 燒雞肉都算O.K., 不過肉質有少少"難口", 若燒烤時間縮短一點會更佳; 燒豆腐真係唔合格, 燒得太乾身了, 豆腐皮因太乾關係變得好靭, 祇能用筷子弄開豆腐吃裡面的部份, 比較失望; 鵪鶉蛋同樣是過度燒烤, 蛋皮好靱, 真的有點兒不能接受... 套餐的整體表現是2串好味, 2串OK, 2串較差, 1串好差, 都可以給合格分數吧... 另加的多春魚不過不失, 若時間掌握得準確一些應該可以做得更好.整體上以HK$88.00的價錢吃8串日本燒鳥, 性價比上是無投訴的, 但若果餐廳本身的水準能夠做得更好, 祇因為是收費較平的午餐便隨便了事, 那麼便真的太遺憾了, 要知道很多客人可能會吃過午餐後, 感覺水準不錯, 改天再來吃晚飯, 但若午餐的味道已經不合意, 再來的機會便變得渺茫, 希望所有店主都能正視午餐的質素, 不會讓客人找到不會再來的理由.

環境：
1)　一入門口右邊就係bar枱，櫈既高度算reasonable。左邊入去就有幾張散枱。
2)　左手邊有個好大好靚既酒櫃。因為佢有私人冷氣，所以用＂酒房＂黎形容可能貼切d。
3)　洗手間好大好乾淨，讚。

服務：所有人包括老闆都好友善。有求必應，有問必答。Sushi bar 既肥哥哥更加係風趣幽默。我地三個人都食得同玩得好開心。

味道：
　鮑魚刺身：鮮甜爽口，正。

　牛肉刺身：好夠marble，賣相已經值滿分。師傅切得夠薄，個秘汁亦教得好好，所以食落不但唔溜，而且重覺得好清新。必吃推介一。（建議預訂）

　海膽壽司：好足料，而且海膽鮮甜肥美，無得彈。必吃推介二。

　油甘魚刺身：當日食嗰件油甘魚色澤唔夠光，咬落雖然唔腥但只係覺得一般，所以比我喺味道扣左分。

　串燒雞肉：雞肉剁碎左，所以咬落好似雞肉丸。肥瘦均勻，口感非常好。味道帶甜，正到要encore！必吃推介三。

　串燒鵝肝：個皮燒到好脆，而且個餡唔會過熟，味道適中，必吃推介四。

　串燒牛舌：唔會太厚，好爽口，配檸檬汁好香口，送酒一流，必吃推介五。

　串燒雞軟骨：算脆，味道適中，好啱送酒。

　串燒肝：嗰汁較其他串燒甜，不過都好好味。肝既口感唔錯，因為唔粉。

埋單成二千幾，雖然唔使我比錢，不過都覺得頗貴。

據我觀測所得, 西環日本菜也蠻多.

地點雖然有點偏僻, 但在西環這區來說是家比較寧靜和舒適的日本餐廳.

本陣共有兩家分店, 一個在天后 , 另一個在西環. 兩家都是由一位香港人開的. 天后分店主打是鐵板燒, 而西環的則是爐端燒.

進去後地方有點狹窄, 但裝修簡單中帶點優雅. 服務不錯加上上菜有序, 適合約會調情.

食物方面不錯還可以.

前菜: 牛腩 - 牛腩的質感有點像牛舌, 味道不錯.

一口氣點了八樣東西, 首先上了兩串燒物: 多春魚 ($18) 和 雞腎 ($22)

多春魚比較乾, 雞腎不錯但明顯是冰鮮的.

然後來了一個60oz左右的鵝肝七成熟. ($98) - 比想像中好, 外面脆, 裡面頗Juicy, 不過鵝肝味道不夠濃, 大概是冰鮮的緣故?

然後是燒蠔.($26) - 調味跟蠔的味道有點格格不入, 不然會是最好的燒物, 裡面依然保留很多汁

Sushi: 伊佐木魚($40) 和 左口魚($40) - 兩個也不算很新鮮, 左口魚味道沒油甘魚那麼鮮甜

三文魚和酸梅飯糰 ($25個) - 一般, 有點像是用微波爐翻熱的

洞庭烏冬 ($68) - 麵夠滑.

一d都唔好食既爐端燒.....
失望到極點......一定唔會再食.....
坐得好唔舒服.....
點左芝士雞翼...食左2啖....唔熟.....
同店員講....點知佢煎返熟果隻雞翼lo....
咁既收費......俾d咁既服務......差差差差.......

這是 H&K 8月15日的第六餐呀 !

前菜的牛舌及日本淮山==> 好味喎!
燒螺==> 沒有鮮味,不推介
軟縠蟹卷物 ==> 一般, 並不凸出
燒帶子==> 幾好,有鮮味
燒白鱔==> 好正,白鱔有鮮味，表面燒得脆，有encore!
燒牛舌==> 不厚，肉汁也不夠,但味道可以
燒蠔==> 幾大隻, 外面燒得香口，但內裡仍保留到好多汁，有蠔的鮮味, 正!
燒豆腐==> 一般,豆腐太乾,不滑及沒有豆香味
燒肉包露筍==> 有燒肉的甘香,露筍好鮮,好多汁,不老,夾在一起吃,正!
燒飯團x2 ==> 選了魚籽及三文魚, 都幾大個,外面燒得很香脆，味道都幾好, 但三文魚那款較好好味

總括來說食物質素幾好,環境好,服務亦好,價錢合價,會再來!!

路經西環見此店格局似乎不錯，就相約幾個好友來到本陣，試試這個爐端燒店。

此店店面不大，座位呈「L」型分佈：入口右面為三數壽司吧座位，而前方向店內伸延則是其他雅座；最特別是左面角落為收藏多瓶紅酒的小小酒窖。裝修方面，小店為簡約西化日式餐廳裝潢，以黑棕等深色為主調，配以鮮紅色餐巾和較昏暗的燈光，嘗試打造較高檔的感覺。

由於掛起三號風球，光顧的客人不多，我們一行九人連一小朋友可隨意坐在店中央的位置。待人齊後，我們便開始點菜。

前菜：為切成細絲的牛舌及日本淮山；前者很入味，後者沒有藥材味道，反而帶小許甘甜，不錯。
雜錦刺身／壽司：沒有高價的海膽、三文魚子等，但整體也很肥美新鮮。
燒帆立貝：每串一顆半帶子，外面燒得金黃帶點焦，賣相可取；帶子亦很新鮮，半顆的比較入味，但全顆的中心則稍淡，但也不差。
燒冬菇：以特製醬汁照燒，很入味但也不太濃，很好。
燒白鱔：白鱔很鮮味，而外面亦燒得香脆，味道也不錯，讚！
燒小青椒：小青椒外面燒成微焦，味道不辣但卻有點苦吧。
燒鵪鶉蛋：味道不錯，但可能表皮太薄，燒後變得較韌，整體也算可以吧。
燒雞中翼：一串兩隻，我們共點了四串，上檯時層層疊式放成高樓，很有趣。味道方面也很好，雞翼外面燒得香脆，而裡面的雞肉仍保持嫩滑，不錯。
燒多春魚：只用上少許鹽來燒味道也不錯。外面燒得香脆乾身，整條連頭連骨吃掉也可。
燒牛舌：厚薄適中，外脆內軟，以岩鹽及七味粉炭燒，也沒有蓋過牛舌本身的肉香。
燒蠔：外面燒得脆口，並鎖住蠔汁沒有流失，但用上的調味似乎太濃郁，略嫌蓋過本身鮮味。
燒芝士雞翼：雞全翼去骨，再釀入混入芝士的免治雞肉。雞翼燒成黃金色，賣相不錯，但小食始終較喜歡新鮮雞肉，「麥樂雞」式的質地似乎較受小朋友歡迎。
燒飯團：點了木魚碎、明太子及三文魚三款。飯團每客兩個，份量不少。味道方面偏鹹，但外面燒得很香脆，像吃小食一般。
濃湯稻庭烏冬：由於有小朋友，所以特意點了個飽肚的烏冬。烏冬沒有配料，但湯底卻很香濃，也好。

之前聽聞點了食物遲遲未有，但今次可能因為颱風關係顧客不多，所以上菜速度亦算合理。由於天文台預警八號風球會於兩小時內掛起，所以店員也匆匆問及我們 last order，雖然有點掃興，但也沒辦法吧。

是日晚餐, order 如下:

燒鵝肝 - 真係好滑, 入口即溶! 外層燒到脆脆! 不過 中間係凍 ga! 搞錯~ 由於食左一半, 費事叫人換啦, 放棄!
燒牛舌 - 香! 燒到岩岩好, 爽口!
燒安格斯牛柳 - 火喉同樣控制得好好! 睇住件牛油係上面慢慢溶, 正~
燒雞翼 - 冇特別.
燒豆腐 - 冇特別.
燒白鱔 - 好爽脆!!! 肉質好新鮮呀! good!
牛肉刺身 ($88) - 唔係超新鮮, 一般啦.
豚肉露筍卷 - 豚肉做得好薄, 鹹鹹地, 用露筍來中和. but d 露筍有 d 老.
綠茶焦糖布甸 - 好香好濃綠茶味呀! texture 有 d 太林, 似 mousse 多 d; 食完 d 串燒後, 係唔錯既甜品 - 用綠茶味清清個口如何?

overall,
串燒本來唔錯, 但個鵝肝真係扣晒分, 失敗!
店內好窄, 店員同顧客行時都要側身過.
理應係"笑"面, 但個鵝肝真係令人失望到爆燈. 所以今次俾個 "ok". 希望有俾番"笑"既一日啦.