因為得到張coupon, 而自己一直都想試下這間餐廳的燒排骨, 現在有藉口去了, 選了灣仔比較新的分店, 仲預早幾日訂定位。七點去到, 得數檯客人, 幾清靜。環境舒適,兩個人仲可以坐卡位,完全無任何壓迫感。兩個人點了三樣東西, 事前已經決定要ribs和appretizers sampler, 仲有一樣猶豫了很久, 不知要哪種沙律好, 最後侍應建議我們要份細沙律都足夠, 大份的一定吃不完。

落左單之後就拿來麵包, 香草牛油好好味, 之前睇到其他人的食評話有兩種牛油? 現得一種, 麵包拿上手暖暖的, 外脆內軟, 吃完可以再添, 但基於要留肚, 淺嚐就好了。

細份ceasar salad $42: 明知不太有特色, 但無辦法, 叫大份的一定吃不完,沙律預先拌好, 每片生菜都吸收到醬汁, 酸酸地幾開胃, 另加埋巴馬臣芝士和脆脆的麵包粒, 都唔錯。

小食拼盤appretizer sampler $108: 適合我這些心多多的人, 可以一次過試勻咁多口味,每種各配一款醬汁。
炸水牛芝士條(配茄醬) 記緊要熱食, 如果唔係就不成絲了。
雞翼和雞搥各兩件(配blue chese醬) 我覺得麻麻, 肉質有點韌, 而且不夠入味。
焗薯皮(配sour cream) 焗薯吃得多, 焗薯皮都係第一次, 薯皮薄薄的好香脆, 加上薯蓉、芝士、煙肉和sour cream, 真的十分滋味。

baby back ribs (half portion) $138: 網上好多人都讚好的, 配菜有椰菜沙律, 不夠凍, 但都算爽口。可惜出水幾勁, 配角焗薯水準反而幾好, 薯仔焗到好稔但食到粒粒薯肉, 雙重口感。主角豬肋骨反而麻麻, 我個人覺得不夠入味, 只有外層有醬汁的味道, 而且肉質太稔, 唔使用刀都切得開, 喜歡有少許口感的。

apple crumble$58: 無諗過用個盎住裝住, 賣相幾得, 底下的蘋果焗到好熱, 肉桂香好濃, 果肉酸酸的,剛好中和左焦糖醬和脆糖粒。雖然都會愈食愈甜, 但仍忍不住將一口雪糕一口蘋果脆脆放入口, 經過這次之後, 發覺自己對稍甜的甜品竟然接受到?不知是否近得甜魔多的結果呢?

這餐原價要$356.8, 用左$100 coupon後$256.8, 都算抵的。但短期內都未吸引到我回頭。
要提的是佢有happy hour時段, 好像是八點前, 所有小食都有八折。

11/10(日) 7pm
憶起上一次光顧Tony Roma's已是五,六年前的美麗華店.是次被其洋蔥圈塔引進來,光顧開業約一年的灣仔店.

週日的灣仔遇上下雨天,人氣更為薄弱.我倆坐於軟卡座,點了Caesar Salad $42,Onion Soup $32,Onion loaf $32,Honey ribs with grilled shrimp $188.

Caesar Salad--點了細的,但份量得體大方;凱撒醬汁及巴馬芝士撒於新鮮爽脆的羅文生菜上,而麵包糠也鬆脆得很,教人欣喜的沙律!

Onion loaf--炸洋蔥圈堆砌成塔狀,以手撕開吃之較暢快;洋蔥圈炸得蠻香脆,蘸上mayo 燒烤醬及額外要求的他他醬;要挑剔是其油份偏高,吃罷感覺膩滯.

起首端上的法包具點點餘溫,外硬內鬆軟,塗上香蒜牛油,多吃幾回也不自知.

Onion Soup --湯頭濃香,而面頭的芝士跟法包溶化於一起,水準比坊間的像樣!

Honey ribs with grilled shrimp--要了Carolina honey製法,豬肋骨顯然醃得不夠入味,肉仍是淡肉色的,但味道不俗.至於燒大蝦夾著甜椒及洋蔥同吃,味道不壞.拌碟的椰菜絲(coleslaw)及黃飯,以後者亮眼得多,飯粒分明帶點鹹香,該是雞湯的功勞!

持優惠卷,惠顧滿三佰減一佰,$230的美式晚餐,滿划算的!即使沒優惠卷,於下午四至八時落單,前菜亦享八折優惠,飲品更買一送一.

先來了麵包~暖暖的,味道幾好

凍檸檬荼~太淡...

小食拼盤-焗薯皮好味,其他2款OK

排骨-濃左D

有COUPON $100

下次未必再來!

昨晚我和朋友一行9人到W SQUARE的TONY ROMAS食DINNER, 真的值得一讚的係佢的Ribs夠淋又juicy！惹味更不在話下！還有洋蔥圈和其他美食都很吸引, 下次一定再去, 更值得一提的這裡的service好好, 特別是個男經理, 細心週到又健談, 有時間就過o黎同我o地social, 不但主動幫我o地影大合照, 又問我o地Do野食得唔得, 都幾照顧週到o家! 知道我o地同朋友慶祝生日, 還請我o地食cheesecake添, 不過太full了, 所以冇要到! 填完張food commend重有$50coupon回贈, 真係好少公司做到, 本人是第一次寫食評的,推動我寫這果食評的原因係我昨晚食飯的時候真正感覺到什麼是service!

7月5日, 94週月快樂 *8*
晏晝上完山頂玩~ 夜晚就去咗型格商廈W Square嘅tony roma食大餐! 由book檯到接待至落單等各方面佢地都服務唔錯~ 感覺好好!

::: 麵包 ::: 附送
小法包烘得頗香軟, 賣相亦精緻. 但最欣賞嘅反而係隨包奉上嘅香草牛油! 比普通牛油味道更豐富~ 真係牛油質素比麵包更好!

::: 細凱撒沙律 ::: $42
好多人都推介. 凱撒沙律生菜新鮮爽脆, 配上麵包粒同芝士, 而且凱撒汁唔會泛濫~ 雖然材料簡單, 卻十分正宗! 好味~

::: 洋蔥圈 (half) ::: $38
賣相已經十分吸引! 洋蔥圈炸得非常香脆, 薄薄一層炸粉包住厚切嘅洋蔥圈, 出奇地洋蔥仲保持juicy~ 做到外脆內軟嘅感覺! 不得不讚, 個洋蔥圈真係甜的, 點埋面頭個千島醬汁真係好好味!

::: Rib Combo with BBQ Chicken ::: $188
鎮店之寶baby back ribs要了original sauce, 要試真呢個招牌菜嘛! 再拼了carolina honeys嘅燒雞. 另外side dish有cole slaw同埋焗薯~ original baby back ribs老實講係有點失望的. 因為燒得太焦了~ 除咗肉有d乾之外, 部份更有焦苦味! 亦可能因為焦味蓋過咗個sauce味, 所以無乜味… 反而carolina honeys chicken就有驚起! 原隻細細嘅燒春雞搽上蜜糖醬燒得啱啱好~ 肉質都幾嫩~ 美中不足係雞皮搽咗蜜糖但燒得唔夠脆, 搞到有d黐立立…
Cole slaw味道中和了肉嘅油膩. 焗薯則焗得夠軟, 撈埋芝士同sour cream食又香又滿足.

::: 朱古力曲奇新地 ::: $58
又一賣相冠軍! 大大塊新鮮熱辣嘅朱古力曲奇上面有四小球雲呢拿雪糕~ 雪糕係HD出品味道不容置疑啦~ 但係一大塊朱古力曲奇就唔係好知點喇! 話佢係曲奇又唔夠脆, 反而似蛋糕多D… 而且真係太甜喇, 加埋淋面嘅朱古力醬就甜上加甜… 只有冷熱交替的口感比較有趣~

其實年前呀比都帶過我去time square嘅tony roma食聖誕大餐! 不過W Square呢間嘅環境明顯比time square店更有格調, 燈光暗暗的好有氣氛~ 總括環境同服務到令人滿意~ 今次我地有食$200減$100 coupon食更加係抵!

因為有7折coupon 所以就黎試下喇


小食拼盤: 芝士條好好味, 其他2樣就一般

排骨拼牛扒 n 薯條: 排骨真係做到骨肉分離..好好味
牛扒雖然有牛味,不過都係麻麻
薯條覺得唔夠咸

雞肉沙律: 要左藍芝士 , 呢個幾好味~ d 菜夠新鮮

其實我唔鍾意食排骨，不過呢間野叫排骨嘛
肉都幾ok，我鍾意幾酸既汁，不過唯一缺點係燶左少少，有d苦係排骨上
排骨有點少
薯條都幾靚但又唔係咁好
所以只可以俾ok

午餐去了我的至愛餐廳，吃了我至愛的漢堡包。
今次我記得影相啦。脆脆的粗薯條，滋味多汁的漢堡扒。好好味！
加十元，可享用 baked potato soup。勁正呀！
set 包埋 iced lemon tea 和法包。好飽啊!

長法包: 脆脆的麵包配香草牛油, 好味

什菜湯: 清湯內有紅蘿蔔, 西芹, 肉絲, 意大利米, 很特別;

農村式焗豆: 味頗濃;

炸薯條: 連皮薯仔條超香脆, 讚

肉眼扒: 6安士五成熟, 牛肉味道配黑胡椒醬油汁, 頗夾;

比素香葉龍脷柳雜菜意大利幼麵: 麵質剛好, 與芝士拌勻後更美味;

三文魚扒: 6安士配白汁, 頗厚身, 肉質鮮嫩, 讚

凍檸檬茶: 可以免費添飲喔

店內環境舒適, 侍應服務細心, 很不錯

i went there with a friend for dinner.
woow.......... baked potato soup was very good. very rich in potato flavour and very creamy. i love this very much.
to me.......... appetizer sampler was good. i like the chicken wings and the potato skin.
Santa fe salad was very pretty and crispy tortilla shell. very special presentation.
i like pina colada cocktail. rich in coconut flavour. my favorite.
cookie sundae......... um....... too sweet in taste. not my cup of tea.
cheese burger was very good here. minced beef steak cooked in medium rare style. very juicy and rich in beef taste. delicious! so delicious that i forgot to take it's photo.

這裡不僅豬好吃，牛也一樣出色。

是日和男友來了這裡吃lunch，分別點了一個ribs set和steak set。

餐湯︰周打蜆湯︰雖然是小小的一碗，但料可下得足了，味道也很不錯。

豬肋骨︰午市做的也一樣好吃。但這次的主角是牛扒，一上桌就已經聞到陣陣的香味，肉質不韌，點了七成熟都帶有肉汁，不用蘸汁已經很好吃了。

凍檸茶原來都很好喝，而最逗男友心的是熱咖啡的杯子﹗又確定是很精緻的啦。

因為想要吃夠二百，於是點了兩球雪糕，士多啤梨味真的很適合夏天吃﹗

Lunch時間人不太多，樂得有一段安靜的時光。

有fd食過CWB分店o個間~
推介左好耐~見咁岩有食滿$200減$100既coupon就約佢一齊去啦~
地點唔難搵~
book枱時~服務生已講需要21:00還枱~
但如冇客等就照可以繼續~

1600-20:00係happy hour時間,
:DAppetizers有8折, cocktails買一送一,
我地Total 5個人, order 左Onion loaf(half porttion)-$48, Snack combo-$108,
Papaya salad-$98, Original pork ribs(regular)-$168,
chocolate chips sundae-$58, chocolate brownies-$42,
iced lemon tea-$29, iced lemon coke-$32

落單後先送上法包籃及香蒜牛油..
法包有先焗脆~但其實精髓係d牛油~
有蒜蓉~特別香...
連平時唔鍾意食包既朋友都因為d牛油食左兩片呢~

Onion loaf早已o係食評中見過~因此對其外表唔會有大反應..
~onion幾甜~但炸得幾油~
一定要襯熱食~因為未凍都猛出油喇...蘸埋佢地d醬令它加分了...
對比outback的Onion loaf..呢度較好就係可以有half portion既選擇.
而outback的洋蔥花則更靚更脆.

Snack combo有炸芝士條~辣味雞翼~焗薯皮..每款各有4件~3款醬汁~
先食我至愛既potato skin普通..唔係特別出色~雖然有加芝士及煙肉焗, 但相比dan ryan's還差得遠
炸芝士條-攤耐左仍然好脆~重芝士味~呢個唔錯~醬汁酸酸甜甜,有蕃茄粒o係入面~好味~
雞翼冇食到~但朋友話好惹味~唔太辣喎...

Papaya salad即係燒雞同木瓜粒加左落凱撒沙律..木瓜幾甜, 同埋生菜都幾新鮮爽脆~
燒雞份量多~而朋友話唔嚡又唔乾~我望落去就覺得d顏色唔多吸引喇~

跟住就到呢度最招牌菜喇~Original pork ribs有三款size選擇~
我地既regular size大概有12條肋骨..
賣相幾吸引, 燒得香~肉質嫩滑鬆化~唔駛用力好易切開~冇咩肥膏~但肉都唔多~
每人約食2-3件唔會太滯..
配菜揀左薯條~..好脆~鍾意呢d粗薯條~
我蘸炸芝士條既酸甜醬食~更好食~因為似茄汁~而且入面仲有蕃茄粒粒添...
菜絲沙律都唔差~但我就唔鍾意咁多沙律醬喇...

哈哈~個肚仲有位食desserts,叫左兩款朱古力味道既.
chocolate chips sundae其實即係大曲奇加左4小球雪糕,
啣左d焦糖醬做裝飾~ 賣相唔錯~
Cookies係美式的~又軟身又甜...
唔係我鍾意既脆脆口感....
點解呢個係desserts items最貴既呢...?
chocolate brownies配一球大雪糕~
呢個反而唔錯~唧左朱古力醬做裝飾~
browines面層焗到微脆~
蛋糕實實地~幾濕潤~但係點解會冇合桃o係入面架....

呢度既desserts份量都冇一般美式餐廳既大...
服務唔錯~但最尾發生左件小插曲~
一問waitress 拎desserts menu..
竟然就以為我地食完d食物...
其實隻碟仲淨唔少薯條架~我地未回應得切~佢就已經收左喇~
哈哈...最尾只留到個法包籃~~
下次再黎一定要食晒食物先好拎menu...

原味肋骨Ribs & 雜菜沙律配薯條：肋骨原味最好吃，好味過辣味，辣味不太夠味。肉質很鬆化。雜菜沙律清清淡淡，小酸，不俗～

辣味雞翼：酸酸甜甜，好味～本人好辣，如何也要叫個辣的，吃了原味肋骨，雞翼就要辣的。
　　　　
雞絲意粉：意粉味道不錯，可惜雞絲很'un'，敗筆。

麵包：沒錯，麵包也計算在內，因為麵包真的好味道，cheese醬很正～

Fruit Punch：好喝～$29，Happer Hour 買一送一，不過要同一款，即是兩杯都是Fruit Punch只收$29。（其實我想喝凍檸茶，$38，不停refill，超抵，但男友想喝Fruit Punch）

由於有coupon，而一向愛食的我當然不會錯過吃滿二百減一百的大優惠，前後都光顧了三次﹗先談談兩頓晚餐的經歷吧。

第一次來我們沒有訂位，怎知人很多，幸好我們六點多已到達，所以只等一會就可以入座。我們點了onion loaf，potato skins ，ribs。

先來的是麵包，味道很普通，不過牛油太吸引，所以都吃了兩片﹗

onion loaf︰男友好奇的選擇，賣相很可愛，味道也不錯，加上附帶的醬汁也好味，不過就是太油了一點，吃多了也會上火的。

potato skins︰我的選擇，不過這裡做得不夠好吃，雖然說芝士也下得不少，但總是覺得不夠香，比dan ryan差了一點。

Ribs我們這次選了煙燻的，也很好吃。肉質很軟熟，只是味道略微淡了一點，如果有額外的醬汁可以蘸就好了﹗

第二次我們點了飲品strawberry freeze，辣味雞翼，roma burger和apple crunch。

strawberry freeze︰草莓沙冰，一定要趁冰融化前喝，不然會很甜而且不好喝的。

辣味雞翼︰很惹味的醬汁，令人食得津津有味。

roma burger︰最普通的材料，也能變出美味﹗麵包很鬆軟，漢堡扒成數剛好，有甚多肉汁，做得出色。

最後的甜品也是我最期待的項目﹗首先賣相已得我歡心，加上冰凍的雪糕，配上熱辣辣的且帶酸甜的蘋果，少不了脆糖的誘惑，再加上焦糖，是完美的甜品。

服務態度很好，個個侍者都有笑容，細節也可注意到，只是可能人太多了，冷氣不足，有點焗而已。

今日用左$100 Coupon 去試食, 果度d法包真係好好食, 外脆內軟. 仲試左Seafood of the Day - Grilled Salmon, 皮脆肉滑, 再食左個house Salad. 其實去美式餐廳都可以食得好healthy and light. 值得一讚既係佢地的Service好好, 會主動攞toothprick 俾你, 我唔鍾意本身跟Salmon 既tartar sauce, 個waiter 又肯幫我攞Vinegar sauce,見我地 等sauce 等得耐又自動幫我地跟進.