1. 滷味大拼盤$32 ~ 一次過叫兩碟, 我覺得此店的染色指數不算高, 而且齋滷味不算油膩, 齋燒鵝亦不太硬還幾好味添.
2. 菠蘿咕嚕肉$45 ~ 炸起圓波波的, 顏色幾可亂真.
3. 薑汁豆豉涼瓜炒豬肚$45 ~ 其實無薑味, 苦瓜又無味, 只是得豆豉味.
4. 鮮茄南瓜煮鮮竹$45 ~ 個人認為最不油膩是此碟, 南瓜沒煮爛, 仍是一件件, 反而鮮竹得好少, 成碟我都食唔到鮮竹.
5. 西檸什果素蝦球$45 ~ 我都無食呢碟餸, 因為一碟得六/七件. 見到炸蝦的形狀及顏色也很像鮮蝦. 而什果當然是罐頭出品.
6. 沙嗲粉絲素牛煲$45 ~ 沒什麼特別, 沙嗲味的餸一碟.
7. 雞脾菇乾燒豆腐$45 ~ 類似紅燒豆腐, 啡啡黑黑般.
8. 滑蛋豆角炒帶子$45 ~ 家常餸的炒蛋, 不過呢碟炒蛋炒得很乾身, 沒有油光鋪面.
9. 白湯什菌浸菜苗$45 ~ 是日用上白菜仔苗, 不過我覺得湯底過咸, 可能味精重左.
10. 炸春卷$15 ~ 較平時酒樓的細條.
11. 千層糕$15 ~ 並不是酒樓般的黃色, 是白色的, 中間夾住南瓜蓉及吉士, 餡料非常甜.

同齋妹會合了, 睇完野, 本來打算食咖喱, 但二人是日都對辣野冇興趣. 便去海防道找那兩家齋鋪. 喬妃齋我食得多, 準備下次帶同世伯伯母來食. 而波羅密, 開係佢隔離, 相信搶左喬妃齋不少生意.

我們得兩個人, 叫一碟個飯加個小點已經很足夠. 齋妹心怕唔夠食, 但問過侍應姐仔意見, 果然同我預算一樣. 佢話一個飯夠哂兩個人食, 不要叫太多浪費了食物.

於是, 我們叫了一個鮮茄焗牛柳飯, 再追加一客灌湯餃. 本來預計焗飯需時, 但可能是素食的關係, 好多食材已經係半熟, 要焗, 焗熱了需要幾耐呢. 當然比起焗真正的肉類食品用既時間少.

茄味好香, 而且帶有好重的"美極"味. 素牛柳亦好好咬口. 而飯, 是炒底飯. 整體上質素不差.

素灌湯餃, 用了木耳, 冬菇粒, 同一些菜絲. 湯帶有鮮味. 素翅夠爽夠彈牙. 傳統齋鋪之中, 佢算係做得不錯.

香港素食店不多, 做得好食的也不多, 離開前, 店方部長給了我一張Voucher, 原來九月份, 銅鑼灣分店開張.

同媽出尖沙咀行街
之前成日出親黎都食沙嗲王
媽話心血來潮想去樓上食齋
因為媽聽d朋友話依度d齋唔差
一入到去 媽愣然 佢以為係d快餐店形式既齋店
所以依度要收茶位$5個 同加一~
佢依度d裝修都唔差既~

用餐日期為星期六
但係佢比我地個lunch set餐牌話星期六係暫停
不過佢地比得個依個餐牌 就叫得既~~~

叫左2款
有10.翡翠香芒龍鳳柳同埋16.鳳梨咕嚕班球
每個食送都有包1個湯、1個飯同1個甜品

個湯係老黃瓜湯
平時飲開媽煲既老黃瓜煲瘦肉湯
而家依度就冇肉......不過味道唔叫差既 ok啦!

首先黎左碟
翡翠香芒龍鳳柳
芒果好香甜!西芹也不錯
但果個蝦同埋唔知咩肉就真係麻麻地
個蝦睇落已經整得唔似 食落仲唔似 怪怪的
之前去海南島旅行果陣食過齋宴 佢d蝦真係好似 好好味架/"\
但係依度真係食唔番..............
果個唔知咩肉我都唔知點形容好
因為我唔知佢扮緊咩肉-0-食唔出

好不滿既係食晒成碟野 飯都食晒咁制
都未黎另外一碟食送
飯都冇晒 撈唔到個汁/"\
鳳梨咕嚕班球
個汁好味!調較得唔錯~
依個班球就真係似似地啦~~

食晒之後就上甜品
係南瓜蕃薯糕
我覺得唔錯 有質感 有d南瓜蕃薯粒粒係入面
但媽話略嫌甜左少少

埋單之前我已經計好條數
結果佢拎張單比我地果陣 貴左既
明明係$128 2款
佢張單就逐款計 即係$68x2
唔太老實喎!我唔相信真係計錯囉~
入單條數都係一入就入2款 $128條數架啦~

我覺得唔太值 食齋要咁既價錢 質素又唔太高
服務方面 食食下叫個waitress比個餐牌我
應左我之後又唔比我
果陣得果幾台人 佢唔係忙架喎!
之後就要搵另外一個人比我!!
overall 一次就夠lu~

周日飯局,決定前往尖咀區,本意人多可以一嚐北京填鴨,可惜2間老字號一早己經Full Booking .在突然其來的刺激下,決定放下屠刀,就地食齋 ,朋友B君推介~波羅密素食,餐廳位置比較難找,所以周日黃金時段也不見人頭湧湧,但裝修舒適,一洗舊式齋鋪的土氣,開飯!

友人B君點菜,全是他上一次美味的回憶
齋老味:外表己给我感覺到沒有老式齋鋪的美味.一啖入口,果然!味道偏淡,有些寡.只可以說少油菜式,比較健康.

黃金甲:新派素食,也可以叫小食,脆米餅上有芝士及素肉.芝士加素肉及脆米,變得非常香口鬆脆,好食也特別.

上海烤夫:由細到大食慣媽媽的頂級烤夫,所以其他的一定不能相比.只能說請用新鮮笋,較果會好些.

炒素翅:只能說素翅口感真實.但歸功於生產商.

鬼馬义燒:油炸鬼配素肉,口感得意,味道也絕頂,但絕對不似义燒,反正是食素,為何要似义燒?罪過..

五柳魚:紫菜包素雞,素雞一向不是小弟杯茶.只能說酸甜汁美味開胃.

一頓少油的健康素食,我會再來光顧,原來餐牌上還有很多創意之作,下次等我叫菜

4月頭,我與幾位朋友,一行四人,在尖沙咀行街,本想吃沙嗲皇,但去到要等好久,有朋友提以不如上樓上的素食店,
一上到去,見到十個和尚仔的畫像,覺得幾得意,如事行入去,發覺裝修唔錯,入座後,前孚菜時"炸菜花生",樓面介紹了
"金針雲耳炆燒夫,金榜提名,炸竽頭鱼,羅白絲烙"都幾好味,唔錯,埋單都算合理.但在櫃面四眼的女士,見我們小費比得少
就好像有些微言,這最吏我們不快,我的朋友話下次不再來.

今天要出尖沙咀，在openrice找出此素食店，第一次光顧，雖然是假日，人數不多。所以上菜速度很高！

Menu有相，可看圖選菜，特別一提是「鬼馬叉燒」，和一般的素叉燒不同，是用油炸鬼釀少少素內，加叉燒醬烤出來。

另一是鮮茄素牛柳焗飯，飯有炒底，醬汁不太濃，味道適中。

feb 26, 09,7人嚟dinner,叫咗 :

1) 齋鹵味拼盆

2) 脆皮東坡肉
-肉的部份還可以,個仿脂肪部份無法同真嘅相比,似實嘅純白脂肪,只可咬咗1啖
-呢個麻麻地

3) 金不換白茄素牛柳
-呢味就油咗的,望落就見到"立立ling"

4) 雜丸豆腐煲

5) 涼瓜豬肚煲
-呢個好苦同辣
-所以非我杯中茶

6) 翠棠海皇滑豆腐

7) 鹵水白靈菇
-個菇好滑,又大片
-好味

8) 梅菜腩片煲仔飯
-呢個最欣賞喺個飯焦
-淋上豉油,+上梅菜,可以食晒成碗飯

9) 南瓜番薯糕 (送)
-呢個甜品好少見..........南瓜同番薯粒腍度適中..........味道可以

同事們話尖沙咀店較港景匯商場那正店好味. 此店菜式新、味道適中、少油、無味精係主打. 不過初一十五無套餐叫,而且仲限住45分鐘交枱!
1. 例湯 ~ 今次是紅蘿蔔老黃瓜,感覺無味精喎.
2. 齋鹵味拼盆 ~ 比平時齋店新鮮,色素不算強烈,麵筋很軟熟.
3. 菠蘿牛肉炒飯 ~ 賣相幾好,但笠了點及細碟了點.
4. 芋頭魚 ~ 都係一貫的鬆脆
5. 茄汁燴蝦 ~ 賣相紅艷,餸汁開胃,炸蝦爽口.
6. 琵琶豆腐 ~ 都係咁上下.
7. 咕嚕肉 ~ 我最憎食齋店的咕嚕肉,得層粉漿.
8. 什麼炒牛肉 ~ 店員推介的,都幾好味.
9. 雜菜煲 ~ 最清淡的一碟.
10. 馬豆糕 ~ 不知是否贈品的關係,很差,味道很假.

一行八人,南沙打完球回中港碼頭落船,
把握機會向他們推薦素食,可減少他們食葷,一舉兩得...
人頭湧湧,好在事前有訂位,叫了好幾個素食,包括:
香芋魚..有甜酸汁跟,非常美味.
羅漢上素,鹵味拼盆,炒素翅,蘿蔔絲餅,水準之作,
梅菜勝瓜,比較味濃,唔多合胃口,
最後十色米炒飯,生炒糯米飯,羅漢齋炒麵,也可口,
甜點是馬豆糕和素官燕,都有不錯水準,
八佰圓有找,大眾化消費.

Tried this restaurant recently, food was fair and location is really convenient.

Food is good for its value (avg. $60 to 70 per dish), environment is clean, didn't have that special smell other vegan restaurant has. Although the shop is small, but becoz it's located within a shopping mall that not many people visit, so seat was not a problem. To sum up, this looks like a regular small regular seafood restaurant that serves vegan food.

大除夕晚處處人山人海,最安全是食素了,
環境清潔優雅,檯桌椅子全新,如來剛剛試業,
桂花炒素翅,乾蘿蔔絲餅,十色米炒飯,精緻美味..
還有例湯,甜品奉送,一流.
連加一,茶,花生,頭菜,$210,...OK.
素菜館選擇不多,此間可以一試,