爸爸生日搵左黎間懷舊中國 feel 既酒樓慶祝
book左7:30PM,但都等左一陣先有位,入座時見到都好滿座啦
環境方面:尚算整潔,不過就比較迫
服務方面:伙記雖然老D,但都好有善,唔錯
我們一行六人叫左個套餐:
雞絲粉皮~粉皮好滑
賽螃蟹~好味,又滑又大碟,正呀
北京填鴨~粉皮厚左D~鴨肉唔肥唔瘦~皮唔夠脆
宮爆明蝦~蝦好爽,但好厚粉
清炒豆苗~唔油好清幾好
砂鍋雲吞雞~真係有雞好足料好入味,煲湯既味道好濃,好好味
小籠飽~肉汁少左D~都OK
高力豆沙~熱騰騰好好味
整體都幾滿意,服務又唔係其他人所講既咁差
這晚都食得好開心好飽飽喔!
都是物有所值既

未黎之前以為係間好殘舊，D伙記好串，但係黎食過之後，我可以話你知，裝修係舊但唔殘，伙記係老但好NICE。我地一行11人，叫左個套餐：

1. 糖醋魚塊：已經起晒骨，魚柳又滑，有魚味，個汁有D攻鼻但唔係太酸，非常唔錯。
2. 清炒荳苗：唔油幾清。
3. 北京填鴨：隻鴨一D都唔肥，皮又脆，薄餅仲暖既，配京蔥青瓜一流。
4. 青椒炒黃鱔：呢味真係正，D鱔一D都唔爛，仲好脆口，味道好正。
5. 賽螃蟹：味道OK。
6. 海哲薰蹄：海哲脆，薰蹄唔肥。
7. 西芹腰果炒蝦球：蝦好爽。
8. 送左個唔記名既甜品
9. 炒麵
另加左蘋果拔絲同窩貼，拔絲我無食但朋友話唔錯，要彈就係窩貼，雖然味道唔錯，外脆內軟，但個窩貼隻隻都爆口，呢樣差D。埋單千五蚊，個個食到好飽，一定會再黎。

I went lunch and order 賽磅蟹, 薰魚noodles, 熏蹄and京燒羊肉. The size of each dishes is hugh although I ordered small size. There are many different dishes, mainly traditional Beijing food but mostly of them are very oily.

賽磅蟹-taste very good
薰魚noodles-good and different from Shanghai style
熏蹄-OK
京燒羊肉-too oily as the lamb are deeply fried.

It is 物有所值but 樓上is night club.

今時今日咁既服務態度都仲有人幫親？！
唉! 唉! 唉!

地方污髒, 食物唔得, 而且侍應態度簡直「吋爆」
要服務無服務, 還未座底, 侍應已經吋你「幾多位呀？人齊味？幾點交檯呀？食一個鐘好啦！咪叫埋啲平價嘢食,唔係下次唔比檯你。」

吓??? 唔係嘛??? 我有無聽錯？
好.....我忍你...... 我叫茶..... 「普洱唔咳！」
侍應大力「車」個裝住香片的茶壺落檯上, 然後回應 「無呀! 叫mud食呀?食完快啲交檯!」

然後另一侍應走來「命令」我們座到檯的另一邊: 「座埋一邊咪阻住行！」

還顧四周, 全間酒樓得我地一檯客！都唔知阻邊個？

好在我修養好, 再忍你.......叫餸.

菜上..... 棒棒雞 --- 雞肉有明顯雪櫃味, 而且肉「梅」.
宮寶蝦 --- 蝦肉好唔新鮮、唔爽仲黑色.
北京田鴨 --- 冰鮮鴨、仲係雪左係雪櫃幾年個隻、皮又唔脆、肉又鞋口、肉色又係黑麻麻、好仔似食死屍咁。啲田鴨餅皮就硬到咬唔開。
抄拉麵、啲油「益」既, 食唔落口.
仲有叫咗個津白、餃子同鱔餬...........不過無食到、因為食到半路又比惡侍應迫遷
「都叫咗你座埋去咪阻住條路囉！你係咪聽唔到？」

座低一小時，還顧四周還是我們一檯客........ 仲忍佢都唔係人。
於是出盡生平所學粗口問候他娘親一家安好、埋單一個仙貼士都唔比走人。

臨走出門口落樓梯仲見到大班警察走上樓上色情場所拉人，唉!

貼錢買難受、你請我都唔去!

之前一直有聽朋友講呢到d野食吾錯, 因為想一大班人食抵食d, 遲遲到就吾到機會, 難得今
次姐夫生日, 佢話想食北京酒樓, 因為之前佢食過話吾錯!
今次15個人, 一圍坐哂, 有d迫, 但無辦法!!大家都等到好肚餓, d餸一上台, 大家即刻皇虫上身
咁, 係咁搶食, 場面都幾攪笑!!好難先影到相, 都吾理個角度同擺位得吾得, 一上台, 影左先!!

一黎就係冷盤, 雞絲粉皮, 同外面食既吾同, 佢無芝麻醬, 吾知佢有咩醬準,但碟底又見佢有d
豉油色既準, 其實無咩味, 個人認為味道一般!!

水晶肉, 夠結實, 好怕個d一夾就爛,又似jelly個雒口感, 但呢個就吾會, 味道都ok!

三色併盤, 有海浙/雞/熏蹄, 海哲爽口, 熏蹄吾太肥,點埋佢特制既汁, 好好味!!

賽磅蟹, 服務生即度幫我地將d蛋汁攪爛加入醋, 食落口熱辣辣, 好滑好正, d醋味岩岩好帶
出鮮味!推介!!

乾燒4寶乾貝, 聽服務生阿叔講有5樣野, 但我地數黎數去都係食得4樣, 原來係比阿叔昆左,
有紫菜/冬菇/竹筍/雞肉, 好香口好野味, 但好熱氣, 朋友ABC話送啤酒一流!!

北京填鴨, 好好味, D鴨肉吾肥吾瘦, 個人認為皮就到到差吾多, 但好睇個隻鴨得吾得, 呢到
隻鴨就係吾錯!!

松子魚, 炸得太緊要, 脆到有D硬,太多粉醬,無哂魚肉個種鮮味, 味道麻麻, 暫時食過咁多間
家傳戶曉既松子魚係最好食既!

綿綉蝦球, 蝦肉夠爽口, 味道一般, 無咩驚喜!

抄清菜, 麻麻!

北京抄麵, 成晚唯一無比班皇虫清哂既一碟, 可以想像味道真係....

砂鍋雲吞雞, 雲吞咸左D, 返而欣賞佢個湯, 清甜, 仲飲到有椰子味, 而且D雞肉仲有雞味, 無
因為淆湯而無哂味!

最後送上甜品, 高力豆沙, 熱辣辣,味道可以, 但吾叫好食!!

今晚整體都幾滿意, 除左個抄麵真係好麻麻, 其他都可以,
下次約多D人會再黎食, 因為人多可以叫多D!!

今晚有兩位朋友生日, 除番13個人, 每人$164

雖然吾算平, 但總算係物有所值!

環境吾錯, 有懷舊特色

服務可以, 吾係其他人講到咁差~
D阿叔都幾攪笑, 吾係禮多個種, 直腸直肚個D!

同女朋友及佢家人去dinner,雖然要上樓梯先去到,但一去到就覺得好有懷舊feel,而且絕大部份都非常有水準,

1. 北京填鴨 - 出面酒樓食到的都係比較油,咬落去都會成日都係油,但佢地整得好好,完全無好油的感覺,就算空口食都好正.

2. 賽螃蟹 - 好滑,碟菜一黎到時,侍應就幫我地落醋,再撈下佢.只可以講句,佢落醋比例真係好正,完全唔覺太淡or酸,簡直係驚喜

3. 炒菜 - 無咩特別,但都唔係難食

4. 客保蝦球 - 好新鮮,一黎到時食到d皮好脆,而且酸酸甜甜,好好食

5. 沙鍋雲吞雞 - 個湯好入味,不過d雲吞有少少咸

整體而言,成餐飯都好正,可以講得上係好正宗,一定會再去食過

我想補充Mingaga.
我第一次打電話既時候,有個好有禮貌既女人接電話(應該係老闆娘),我話係日本老闆既歡送會,我掟2張枱,佢地會唔會好快趕人走? 點知個女人話 : 放心啦! 你地未食完野,唔會趕你走架!
之後再打去加人數,有個男人只係話記得7點準時到就收我線.

當然我地係遲到(大約7點半先齊人) 咁都冇理由8點半未食哂野叫我地打包拎走(唔係講笑,張枱仲有7成野未食完.因為大家掛住同老闆傾計同飲酒). 個侍應仲話 : 我叫左你地7點鍾到,預你地食到8點半,乜都食完啦! 係你地遲到渣ma. (嘩! 大佬,人地2圍大枱,24個人,只係限死人地食個半鍾,打電話又冇講,好冇道理姐??)

我地叫左好多支啤酒,佢仲話:呢支最後一支唔比我地叫. 做生意梗係要"番"枱.

點解咁既服務態度都仲有咁多人幫襯?

今日公司因為有位高層要調走，咁就揀咗個特色d既地方！

尼間酒樓ok有特色既，好懷舊感覺囉！
我地book咗七點，around七點半齊人啦。
不過由叫餸開始就已經唔太滿意啦

首先，我地一行二十四人，分兩枱大枱每枱12人，咁因為大部份女同事多，兩枱分別叫咗兩個8-10人餐，加多兩碟手撕雞。
個侍應一嚟就話你地唔夠食，d野唔係好大碟，你地叫咁小野實唔夠，咁唔理佢啦。
一上到枱，碟碟都好大碟，好彩無聽佢講咋。

北京填鴨-- 望落都ok，不過食落有點"鞋"，粉皮有d厚啦，不過如果食得2、3塊就好快飽lu。

賽螃蟹-- 尼個幾好味！

糖醋魚片-- 條魚其實ok既，但佢既煮法浪費咗，同埋太甜啦，漿粉都多。

手撕雞-- ok有雞味

砂鍋雲吞雞-- 麻麻啦，普通菜肉雲吞味

宫保蝦仁-- d蝦幾彈，都ok既

火腿津白-- 津白煮得過淋，好似一個芡咁...一pat野

冷盆 (海哲, 熏蹄)-- 海哲爽口, 熏蹄好肥.

炒拉麵 -- 凍凍地，過淋！

高力豆沙-- 微暖啦，似平日去酒樓倉既沙翁，可以唔駛試。

最離譜係，佢既上菜速度，由第一碟到最後只係相隔半小時，around45分鐘，佢已經叫你走，話要交枱，另外一枱話，我地未食完喎，侍應話幫你打包拎走，但食咗一個鐘咋喎，個侍應答你地book 7:00，你地遲咗嚟，有人係出面等緊，而且你地叫d餸咁平。
跟著同事話︰但book枱果時你無話幾點限時要走，個侍應話我地一定預早同你夾好咗，我同事話我打咗兩次嚟都無同我講喎。

跟著我地去吓toilet，執吓野，around8:50走啦。
而個侍應一直keep住好惡咁啤住我地兩枱。
既然你又要人嚟又要人食完即走，你一係預早同人講。
嚟到又要人走，就唔好做生意啦。

下次都唔會幫襯，其實d野食好普通，係大碟囉，但無論你幾多人都係一個鐘內要食晒囉，仲要我叫乜野食你理得我平定貴啫，唔係錢咩。
farewell party就咁就完咗！

朋友生日好想試食呢間咁多好評既餐廳,於是一行八人就柴娃娃去試食!
訂枱已經知得六點,七點同八點, 由於太full所以只能訂六點

準時上到去,未見有人, 所以就望到個裝修都好懷舊!都幾得意既!
但waiter阿叔一放個menu, 就推介我地要叫六 / 八人餐, 咁我地話不如睇下先, 點知未到一分鐘, 佢又行埋黎話套餐啦, 又平又快! 我地話我地想揀下, 而且menu都未睇完, 就係咁佢不停催趕之下, 朋友們已經覺得好煩, 最後阿叔就講左句"我地要翻枱丫嘛! (即要做幾轉客!)"
但我地都好有禮貌答佢, 我地明, 只係我地入坐都未有五分鐘, 唔使咁趕丫嘛!

最後我地太怕煩, 所以好快咁叫左八樣野!
包括: 片皮鴨,糖醋骨,炸豆腐(無影相), 上湯菜,前菜併盤 - 中(醉雞/薰魚同海浙), 雞絲粉皮,小籠包, 賽磅蟹等....

賽磅蟹 -- 好味, 因為好滑又大碟
糖醋骨 -- 唔知點解唔同一般既顏色
炸豆腐 -- 有d唔識講既味道, 麻麻
片皮鴨到最後先上, 用黎夾既皮就好厚, 又好多粉係上面, 而個鴨....鹵水既,唔脆!

其他都唔多講! 因為六點九已經半迫咁上埋張單要人走, 其實真係食到勁趕, 食左咩好味都唔記得啦, 何況味道一般! 所以以後唔會再幫襯, 又唔明點解咁多人支持囉, 食飯都唔想受氣架!

這天蔕一雙兒女到北京酒樓, 本意是吃小籠包的, 順便看一下環境, 因為遲些會和日本朋友來吃飯.

中午的片皮鴨$100/半隻!……不過, 只有我們三人 (女兒7歲, 兒子4歲) 怎麼吃得下? 但伙計說, “得啦, 吃得咁上下再決定點不點其他菜吧.” 只點片皮鴨都ok?……太想吃了, 又難得店方不介意. 就order了.

當然不會有師父當場片給我們了啦, 已經片好了蔕肉的鴨片沒有想像中的大碟, 給我們上菜的伙計竟然會說頗流利的日語(他見仔女的對話是日語就自動調channel), 還教女兒包的方法
, 女兒很高興因為她以為自己在做料理(包春卷)! 兒子卻生氣了, 因為沒有點小籠包, 雖然$38就有10個小籠包, 但一定吃不完怕浪費.....

女兒竟然以驚人的速度自包自吃了4-5件(她平日吃什麼都超慢, 催促著吃小半碗飯也要1.5小時....) 我吃了3 件已想投降, 兒子吃了兩件半....只點片皮鴨很不好意思, 多點了一個鷄肉煨麵, 原意是喝一點湯水, 因$26不會大碗的吧不會做成浪費.

片皮鴨 - 皮脆肉溫蔕些少羶味, 合格
粉皮 - 微溫, 比較厚身 (是粗獷形), 厚身d塗多咗醬都唔會過咸 (?)
甜麵醬(?) - ok
青瓜 - 去皮切粗條, 青甜,
京蔥 - 超老, 如蔗皮, 想換但算了少吃就是

鷄肉煨麵 - 中碗size, 賣相麻麻, 但鷄湯鮮美, 沒有味精, 麵條浸了良久也不糊, 鷄肉不多沒有雪味, 小唐菜粒淋身清甜, 整體不錯.

高力豆沙 - 附送的, 3個, 女兒竟然有食力吃了一個, 但沒有香蕉在內有點失望. 兒子太飽咬了兩口就交給我. 油比較多, 豆沙甜度適中, 可能要大量制作, 變得不夠精緻...送, 是好是壞?

埋單, 請伙計幫我打包剩下的一個高力豆沙, 他多給了我們兩個說回家一人起吃吧!

雖然片皮鴨沒有想像中美味, 但對第一次吃片皮鴨的女兒來說絕對新鮮驚喜. 她說要給笑面. (另外叔叔會說日語, 女兒說讚!)

已很久沒有來了，再來係因為以前覺得佢好味所以才選擇此酒樓，今次再來卻帶來一個難忘的回憶------遺憾同失望

我哋一共七人，分別點了以下的食物

北京填鴨-- 鴨的色澤不靚，肉質有點"鞋"，有幾片仲有點"蘇"味。另外粉皮很厚且多粉末，真係食得飽人呀！

賽螃蟹-- O.K啦！

糖醋魚片(炸)--趁熱食勉強都O.K。咬落去第一口，感覺酸酸甜甜，都O.K！不過太多粉槳，一點也不脆...食落之後其實D魚肉係無味ga！

义子燒餅配肉粒--好大件，肉碎不太好吃，吃半件已令人好飽！

三色拼盤(素鵝、海蜇、篻魚)--O.K，不過D海蜇沒有味，侍應亞叔比左D芥醬我哋點來吃...好似有點怪怪咁o既！

腐乳炒通菜--O.K，但腐乳味不太夠囉！

高力豆沙--O.K，不過熱D會好吃點！(係送ga!!)

白飯一碗 --沒有吃，所以不能給予意見。

除了食物質素下降之外，服務態度和以前一樣的差，不過今次差得有點離譜！
我們吃了約一個鐘頭後，侍應亞叔開始幫我們收碟，隔了10分鐘後再由大碟的食物撥落到細碟到(做了2次)，再隔了10分鐘幫我們取了生日蛋糕出來，我們很震驚，因為我們沒有叫他這樣做，他向我們說都夠鐘啦！朋友對他說，訂枱時你們沒有提到有限時喎！他反駁說，係熟客都知每人吃個半鐘啦！最後由一位帶眼鏡的侍應調停，給我們坐耐點！跟著另一位侍應亞叔走來幫我們斟茶時，不斷望著我們，跟著說你哋來過啦！點會唔知時間！唉….我的朋友都好無奈，因為她們都係第一次來，而我都有5年未來過了。相反坐在遠處的枱，我們埋單，他們都未走，為何亞叔又不催他們走哩！

我真的後悔提議在這裏吃，令到我的朋友吃了些又貴又唔好食的菜餚，但多謝你們對我的關心，更包容那些侍應亞叔的差劣服務態度。更開心多謝你們的生日蛋糕，很美味啊！足以好過那晚的食物。

雖然今次好失望，但更顯出我們友誼更永固。

訂左七點半枱一行7人食飯, 侍應俾左張8人檯我地, 但我地有1位朋友臨時要OT唔知黎唔黎到, 侍應不停問6個定7個, 6個定7個, 6個換張6人檯你, 俾番張大檯佢地, 態度惡劣。
我地堅持話7個, 唔換檯, 點知成晚就俾D侍應黑面對待…

我地要左個700幾嘅6人餐：

雞絲粉皮：店員極速撈混D 汁,粉皮勁厚, 從未食過咁厚嘅粉皮, 味道還可以

賽螃蟹：同樣, 店員極速幫我地倒醋落去撈, 完全趕客feel, 不過蛋白都幾滑

北京填鴨：粉皮太厚身, 賣相唔吸引, 味道亦一般

宮保蝦： (( 嘩 ~~ 蝦黎架? 刄到離譜! ))

炒通菜：味道幾好

小龍包：皮厚少汁, 極差

砂窩雲吞雞：朋友食左隻雲吞未熟透, d湯還可以

高力豆沙：一般

食飯期間, 侍應阿叔已經成日催促我地快d 食, 講得好聽就話：凍左唔好食

之後我地攞d相出黎睇, 點知阿叔好唔客氣話：唔好睇啦, 快d 食野啦, 好多人等緊檯呀…

我地真係愕晒然, 徒未遇過d 咁嘅服務態度, 講真, 野食一般, 加上極擠迫嘅環境同咁嘅服務, 真係 NO NEXT TIME!

700幾嘅6人餐, 埋單就要 $905, 仲要收cash

呢個價錢都有好多選擇, 唔駛俾錢受氣!!

因為屬樓上舖,所以酒樓的位置都幾難搵; 如果唔係見到個大招牌我都唔知原來要走入大廈再上行上一樓先到. 入到去坐低,完全感覺到係一個好有傳統懷舊feel的地方...
考慮要餐定散叫,但因為有人話填鴨麻麻,加上個餐都唔平,最後決定自己話事...
三色拼盤 - 揀了素鵝,薰魚&海蜇. 侍應話一定要order大份喎... 薰魚算滑,入味之餘汁又唔會過甜; 海蜇OK; 最正係素鵝,大大舊又多料,好好食.
山東燒雞 - 應該係手撕山東燒雞. 唔錯,唔洗沾豉油都好夠味,不過勁油...
宮保明蝦 - 是日最差的菜式. 蝦好大隻,可惜佢唔知用乜炸粉,又厚又唔脆. 那層炸皮,我以為食緊塊餅囉...
松鼠黃桂魚 - 個人對這碟並不熱衷; 好多甜酸汁,條魚本身都唔差.
賽螃蟹 - 本來對佢無乜期望,但食落又唔錯喎... 可以見到"一舊舊"蛋白,入口滑之餘仲好有質感; 唔似其他地方"散"到似糊仔; 仲有些少蟹肉添!
蔥爆羊肉&义子燒餅 - 注意係分開兩碟叫,所以义子燒餅拼乜可以自己話事. 羊肉味道OK,可惜實在太少,成碟大部份都係蔥. 燒餅好大個,一客四個,即八件.
甜品高力豆沙免費奉送 - 張張檯都有,當然係預先整定; 所以上檯時只係微暖兼質地已開始變硬... 如果新鮮整應該會幾好食.
雖然有一兩碟餸失手,但大部份都好有水準,可以話有驚喜的一餐. 除了食物和環境,令我印象深刻仲有每碟餸的份量,全部屬"大碟頭",一定夠飽.

為朋友慶祝生日, 壽星公愛呢度嘅餃子, 所以一再光臨. 無o黎一排, 環境依舊, 只係唔洗等位.

醬牛肉 - 呢個冷盆做得唔錯, 牛肉味濃, 薄薄一片, 好味!

雞絲粉皮 - 粉皮做得幾薄同滑, 不過d麻醬就唔係咁好味!

三拼冷盆 (海哲, 醉雞, 熏蹄) - 海哲爽口, 醉雞酒清肉滑, 熏蹄唔肥而帶爽口.

片皮鴨 - 皮唔脆, 無咩鴨味, 可能一早整定, 所以唔好食.

賽磅蟹 - 一般, 同出面京菜館差唔多.

松子魚 - 醬汁做得好好, 但係魚用炸粉太多, 失咗魚味.

腰果蝦仁 - 蝦好爽口, 味道唔錯.

火腿津白 - 津白煮得好淋重帶金華火腿味. 正

炒拉麵 - 簡簡單單用肉絲白菜炒, 拉麵唔油, 好味.

砂鍋雲吞雞 - 雞同金華火腿煲嘅湯, 味濃好飲, 不過雲吞就麻麻.

高力豆沙 - 可能又係一早整好, 所以出o黎已經凍晒, 失望.

侍應成晚推介呢個8-10人餐, 人未齊已經問咗我哋叫咩食, 為免佢再問我哋已經叫咗頭二個冷盆, 後來朋友o黎齊唔想諗就叫咗呢個餐, 侍應重好醒目驚我哋食唔晒而叫我哋減一味餸, 個餐就減$100, 都ok, 不過最後都係食唔晒要打包.

跟北京認識o既同學搞畢業周年聚會…就選o黎哩度懷舊o下食o下北京菜…

老式o既裝潢、檯椅…老式o既侍應大叔, 恤衫西褲加冷冷淡o既態度, 語氣掘掘咁…對啦!...就係哩種感覺…哈哈!!

一圍10人窗邊位, 間左屏風俾我地…好方便我地班嘩鬼傾計!!!...免傷神, 就叫左一個6-8人套餐, 8款菜色…馳名o既賽螃蟹、山東雞、糖醋魚片、砂鍋雲吞雞等都已包在內, 味道一致讚賞……餐單中係唯獨小籠包較遜, 亦吾係用籠上的…碟碟大件頭份量足…炒拉麵都要打包帶走!!!

因套餐不包冷盤, 再多點三樣, 依次好味係 (1) 素鵝 – 超好味啊!!! (2) 薰魚 – 個人必選 (3) 醬蹄…嘩!!!...只叫例牌都已經夠我地飽肚…

午市哩個套餐有8折添播…加埋其他…埋單都只係 $664…真係滿意又超值!!!

最後例牌奉送甜品高力豆沙…臨走D阿叔已經熟到識同我地開玩笑呢!!...原來都係外冷內熱o架…哈!!

P.S. 是日下午見電影界老行尊吳思遠同張同祖都係坐上客呢!