都是看了"包場Party指南"才知道這間 String Club。由於之前去過美味廚食火鍋，識得個經理，便問他這間酒吧如何？！原來String 同美味廚是同一集團!!! 經理梗係即時推介，叫我找天去踩場。
好，前晚就約埋幾個好友去試吓。其實 String 最好的地方就係唔似其他酒吧一樣，有陣煙 "宿"味，因為好多時上樓的酒吧都是有大張布梳化，咁就吸咗好多煙味，而String 的皮梳化就好舒服，又乾淨！
我們幾個開了兩支威士忌，叫咗兩客 Mini burger，還有豉椒炒蜆。mini burger 係用A4 和牛加一小塊薄餅做的，肉味其實不太重，但由於做法很創新，值得一試。炒蜆很好味。
至於玩方面，真係好多嘢玩，卡拉OK、美式桌球，賽車、Wil 、點唱機、骰盅、啤牌、電子飛鏢靶、還有XBOX360。我玩咗賽車，勁開心地任玩，唔駛似在Ｄ機鋪到要每局入錢玩，感覺很抵！
跟住唱Ｋ，Ｄ歌好新，我們都好盡興，好滿意！