仍是陪媽媽吃喝玩樂日，爽！下午約同徽s到來吃 pizza當然少不了媽媽的份兒;吃到捧腹
她還要嚐抹茶雪糕才覺滿足

香辣腸 pizza~~pizza面舖滿細粒的腸,不算辣,外香脆內鬆軟,芝士和蕃茄醬餡料很足
尼哥狄索比亞墨魚汁意粉~~雖然黑漆漆,但醬汁充滿香濃墨魚鮮味,意粉有嚼勁,吃時撒上芝士粉,味道更特出
米蘭風味肉醬焗飯~~鋪上牛奶白汁和碎肉醬的炒飯比例剛好,焗至微焦吃下既香且滑溜令人難忘
芝士 pizza~~不須餡料,碎芝士本身已味道十足,一口咬下極濃卻不膩的芝士味漸漸散出
抹茶雪糕~~甜度和苦澀味很平均,雪糕幼滑

我這個將軍澳人，山長水遠來到荃灣，目標只得兩個，一是嘉樂火腿奄列，一是平價的薩莉亞意大利餐廳 (一直未吃，因為家不近坑口)，到達時接近兩點，據說這時段嘉樂要排四十五分鐘，捨難取易，決定先去吃意粉，夜晚再吃奄列。

由於剛過午市時間，餐廳內大把空位，環境比想像中寬敞，坐的是卡座，感覺舒適。餐牌上供應大路的意國菜式，價錢是 Canteen 價，九吋薄餅只賣三十蚊，意粉焗飯廿幾蚊就有交易，真的想來個大包圍，可惜二人食量有限，最後要了海藻沙律 ($23)，Carbonara ($25) 及牛肉漢堡薄餅 ($30)。

海藻沙律先來，是一早整好放在雪櫃的，將一堆海藻絲放在青瓜、生菜、番茄之上，賣相健康，材料入口新鮮爽脆，配以酸酸的千島沙律醬汁，開胃非常。接著是我最喜歡的卡邦拿那，送來時蛋汁剛好掛在意粉上，略烤過的煙肉上灑上芝士粉，急不及待先吃一口，意粉彈牙，絕不是交行貨，醬汁味道倒算濃郁，硬挑骨頭的話，就是少了一份蛋香，最重要是吃得快，食物攤涼後會大打折扣。

最後來的九吋牛肉漢堡薄餅，即叫即焗，餅面充滿翻滾的油份，加上不大不小的肉粒、青椒絲、及厚厚的芝士，厚批底烘至脆身，水準拍得上必勝客的出品，若純以價錢計，更是十分抵吃。薄餅一分六，形狀有大有小，唯一問題是太重油太重芝士，就算只吃一件也覺飽濟。

除了價錢化算之外，自助服務是此店的另一特色。自助飲品吧盛惠十三元，全程汽水、檸茶任飲，是吃薄餅時最難抗拒的誘惑。餐廳滿座時，在門外寫上自己的名字，輪候號碼就行。結賬時如果收銀櫃面沒有人，大可按下「叮叮」，店員便會隨即趕到，如此自助，所以全店免收加一，但店員大多笑容滿面，少少貼士總不能慳掉。，

總結，十個食評九個話平，最後一個，我相信會答「勁平」！

上個禮拜同幾個同學黎呢度食飯，呢間真係好平又多野食。呢個下午又唔
算多人，都好快搵到位既，真係幾好。

香蒜佛西亞意大利飽呢個包即叫即焗，好香蒜蓉味。好軟熟既
包包，真係好好食。
野菌意大利飯個飯好軟熟，不過個白汁食完係好漏。忌廉味係
幾重既，野菌既味道都唔錯。但下次都係唔食啦，食完真係好漏架。
牛肉pizza個批比之前薄左好多，而且唔係咁易切到。個pizza好脆
口，好多牛肉。芝士可以拉到好長，就已經好食過pizza hut啦。

食物就幾好，但野食等左好耐。而且午餐可以任飲咖啡、汽水呢飲品。
難怪午餐都咁多人食啦。

呢一日男朋友陪我電完頭髮,就去左呢間食飯
事前已經上左openrice睇食評,因為見有好多網友話呢間新開既鋪頭d野好平~
d野食賣相又好吸引,而自己又未食過呢d野喎~所以就試下~

去到時7點半,心諗:死啦~見d人話等超耐,而家都咁晏都唔知要等幾耐~
我地寫好名後,又周圍行下,去七仔睇下雜誌,買野飲,去toilet~
最終等左45mins!講真,可以你夠膽,其實你可以好快入座~
咪就係冒認打尖~~~

其實未去到上openrice睇左已經揀定一樣野食,就係:

海鮮意大利飯($22)
濕濕地,真係未食過,感覺比我想像中好味呀,唔似其他人講到咁難食~

蒙特利拿芝士Pizza($28)
我就好鍾意食,食落唔肥膩,但男朋友話唔好味,可能佢嫌唔夠"肥膩"啦!!!

北海甜蝦沙拉($28)
d蝦好腥,好水,份量少,而且d沙拉醬都唔夠,唔建議一試

健康餐:田園沙拉(小)+粟米忌廉湯($18)
兩樣野完全唔值一試,首先d湯一d都唔熱,凍咁濟
個沙拉同食個個甜蝦沙拉冇乜分別,只係冇左d蝦咁

另外加一個人飲野($13)

個間餐廳真係超級大....不過人手似乎唔夠,個個waiter/waitress超級忙~
而地方好似有d dirty...我諗都係人手問題啦~
服務就okay~叫菜時個位妹妹好好禮貌,讚!!!

抵就抵,但"抵食"就麻麻,雖然係平,但份量相對較少,我男朋友食完只係岩岩飽~

我會比Okay~或者下次試其他野啦~

聽朋友說呢度唔錯
自己就第一次黎

見到個環境唔錯
但係價錢就好平民化

食物質素更加係比預期中更好
首先墨汁意粉係必食既，爽口之餘味道又剛好，唔會太濃或太淡

再來個白汁飯好有奶味，飯唔算多，連埋面頭既芝士一齊食真係食到唔停口

個ＰＩＺＺＡ就薄薄地好脆又易入口
好過食ＰＩＺＺＡＨＵＴ果Ｄ

總括黎講
值得黎食呀!!

最期日8點幾去到都幾多人
等到9點鐘先有位

香蒜佛西亞意大利包-不過不失啦,始終新鮮既飽點都唔會差得去邊
carbonara -睇過好多人話佢好硬,但係我又唔覺喎,意大利粉係要有d硬先好食嘛
西班牙海鮮飯-比較普通無乜別話唔好食又唔係,話好好食又未到
3樣野中最值得推薦都係carbonara
學阿蘇話齋一百蚊既價錢你比d咁既野我我實噓你
但係廿鬆d一個意粉既價錢確係做得唔錯

最後建議大家唔急住食既都係9點後先好黎
呢個商場無乜野行係到乾等真係幾乾聊

我同老公在26/10/09上openrice 睇到呢間餐廳, 重以為今次有surprise , 8:30pm去到門口 , 要自己寫幾多個人,再聽叫number先入得(但其間我見到有人,偷偷地扮傻入去)
Anyway, 我o地足足等o左1個鐘先入得.

入到去第一時間叫任飲(好好笑--o的汽水按出後2分鐘內冇晒汽)

我o地叫o左

1.) Cabonara(完全食得出用o的instant power 做<難食!!>

2.) 米蘭風味肉醬多利亞焗飯(我自己對牛奶有少少反感, 所以食到有點好似異味, 想嘔!!)

3.) 漢堡扒 (唯一我真心覺得ok!!)

4.) 雞翼 (ok不過不失!!)

最後明明冇叫(墨汁意粉) , o的 Waiter 就上o左2次比我重打o左單收我錢!!!!

總括來說 , 我以後都唔會去這個鬼地方 , 驚嚇程度拍得住海洋公園Hello喂......

今晚和太太去荃灣逛遊愉景新城，無意中行過中染新城商場，
看見有間頗大嘅餐廳名為(Saizeriya Italian Restaurant )，
睇見環境唔錯，又未試過，結果我兩的晚餐就在這裡了。
走進餐廳內，地方很大，原來這裡約有170個坐位，
但座位空間頗寬敞，這裡樓底特別高，地方整潔，
坐得很舒服，待應們做事都很落力，服務也ok，
不過斟水要自己拿。
另因餐廳不設外買，所以沒有餐盒提供給顧客，
因此不要叫太多食物，仍有吃不完的食物，
他們亦會提供一個大膠袋給你，看你怎樣帶走？
另外結帳也是要自己拿單到收銀處付款的。
這裡真的很抵食，我未見過28元一個飯，
賣相有這樣靚，而水準也不差呢！
唯一唔好處，就是不就腳，我住在葵涌，以後都會多點去嘅！
這晚我們品嚐了下列食品，結果 : 又平又滿足地勁飽的回家去！
北海道甜蝦沙律，蝦也不少，蝦身細長，亦很鮮味，疏菜也很新鮮，
沙律醬雖然少些，但也好好味！
芝士佛西亞意大利飽，睇落無乜特別，芝士不甚濃，勝在熱辣辣夠鬆軟，好味！
野菌忌廉意大利粉，內有鮮磨菇，是用忌廉焗制，
食落有磨菇香及忌廉滑嘅口感，好好味！
蒙特利拿芝士比薩，看似沒甚麼饀料，但食落也不錯，有芝士香味，好味！
地中海海鮮焗飯，賣相擺設最靚，配料有、柔魚、蝦、青口，
其中青口很像新鮮，很鮮甜，飯稍硬一點，整體好味！
芝士蛋糕，雖無日式芝士蛋糕那種軟滑感，不過15元一件，算OK啦！

備註 : 這店是2008年11月才在這裡開業，原來這店在日本已有40年歷史，
而在日本、中國、東南亞有逾800家分店，在日本當地乃十分出名的品牌店子。

Saizeriya Italian Restaurant---墨魚汁意大利粉+海鮮意大利飯

日期：2009-10-20

在"Saizeriya Italian Restaurant"(荃灣分店)買了"Spaghetti al Nero di Seppia(墨魚汁意大利粉)"($26)和"Risotto alla Pescatora(海鮮意大利飯)"($22)。

現在先學些意大利文:

1.Spaghetti，意思是"意大利幼線麵，俗稱意大利粉"。
2.al及alla，意思是"in、to"。
3.Nero，意思是"黑色"。
4.di，意思是"of"。
5.Seppia，意思是"墨魚"。
6.Risotto，意思是"意大利飯、意大利式燴飯"。
7.Pescatora，意思是"海鮮"。
8.Ristorante，意思是"餐廳"。
9.Caffè，意思是"Coffee(咖啡)"。

"Saizeriya Ristorante & Caffè"是日本一家意大利菜餐廳和咖啡室，始於1967年，在日本設有780多間分店。2008年起於香港開設分店。

1.Spaghetti al Nero di Seppia---內有Spaghetti(意大利幼線麵)、墨魚圈和以墨魚墨汁製成的黑色醬汁。Spaghetti軟硬度恰到好處，麵質爽口彈牙Al Dente。墨魚肉質比較韌。以墨魚墨汁製成的醬汁味道偏淡，鹹味適中。


2.Risotto alla Pescatora------內有Risotto(意大利式燴飯)、蕃茄、墨魚圈、蝦仁、蜆和青口。這飯以日本珍珠米而非意大利Carnaroli米來煮，濕度適中，可惜飯粒質地過軟，欠缺Al Dente煙韌口感。這Risotto可能用了海鮮湯來煮，海鮮味足夠，蕃茄味和黃薑味濃郁，鹹味適中。海鮮味道鮮甜。

2個女仔叫咗9樣野，放到一枱都係真係嚇死人：
1. 蝦沙律 $28 - 好多蝦仔，沙律醬較少
2. 忌廉粟米湯 $12 - 好好味，好香好濃，好多粟米
3. 海鮮雜燴湯 $14 - 唔得，有點古怪
4. Cheese Focaccia $12 - 香軟好味
5. 焗田螺 $20 - 勁多油，洋蔥太多，但可以接受，不過都係覺得用蒜蓉味會好食啲
6. 焗青口 $22 - 同焗田螺個味一模一樣
7. 雞翼 $20 - 又平又好食過 "必 x 客"嗰啲
8. 吞拿魚Pizza $28 - 好多吞拿魚，就算冇其他配類都勁正! 不過唔知係咪因為多吞拿魚，所以餅底有點濕~
9. 海鮮意大利飯 $22 - 好足料，不過啲飯實在太淋了，一啲都唔似意大利飯~

最欣賞嘅係佢每樣食物都好新鮮熱辣
咗9樣野埋單先係 $178...真係平靚正~~

上班前到此午膳﹝因同事極力推介﹞

單點了:
芝士鐡板漢堡: 美味呢~ 芝士一直都處於半溶狀態, 拌著流心的蛋液, 厚切的漢堡扒沾著吃....嗯~ 口內盡是濃濃的滋味
蒜香佛西亞意大利包: 熱辣辣, 很軟綿綿, 能嚐出淡淡的麵粉香, 略嫌蒜頭味不夠濃
跟餐送的迷你田園沙律: 夠凍夠爽脆, 味道不過不失
牛肉pizza: 足九寸大小, 用其佛西亞意大利包作批奃, 鋪滿芝士及牛肉粒, 批邊焗得香脆, 正!
粟米湯: 粟米粒勁多, 很甜, 喝下整碗都飽了半成
香草雪糕配咖啡果凍: 雪糕超濃滑, 但偏甜, 幸好拌著甘甘的咖啡果凍吃, 中和了那份甜味

11時至3時惠顧餐牌內任何主食加$9飲品任飲
自助形式很特別
有汽水﹝百事, 芬達, 七喜, 健怡百事﹞茶﹝各類茶包, 香片, 烏龍, 苿莉茶.....﹞即磨咖啡.....

點了太多, 結果吃剩1/2個pizza, 太飽喇.....

總括而言
勁抵!!!

好味道 + 抵食
面包 + 主菜 + 自助任飲 = 只是幾十元，而且味道跟要消費百元的餐廳一樣
只是地點不就腳而已

呢間野之前次次去都勁多人呀, 今次係專登星期一6點幾到, he~ 有位la~
今次我地叫左好多野食ar......因為我honey話好好食wo.....點知...= ='' (又中招)
冇想像中咁好食lor, 價錢ok 既

叫左6樣野食+ 1個free refuel drink

坐底一陣,叫完野食, 好快就有
沙律- 蝦肉水汪汪, 菜勁多水, 因太多水,令到d汁淡晒

什菌意粉- 意粉完全冇焗過就撈汁拎出來lor~

雞亦- ok好味

焗田螺- 只是蒜茸+田螺+勁多油, 冇特別,

什菌pizza- d料同個批味度唔match...

勁飽, 但所有野好明顯求其, 冇乜誠意做d食物出來

地方夠寬敞, 卡位好大, 坐得舒適, 整潔乾淨~
可能我到達時間比較早, (未夠7點), 所以一到就有位, 呢度冇時間限制, 加上有任飲服務, 眼見好似我鐘意傾住計慢慢食飲多幾杯野方死唔蝕既人有好多, 所以.... 出面等位既人..都要俾d耐性喇~


夠便宜抵食, 咁既收費黎講, 食物既質素算唔錯架喇~ 加$13可以任飲drink bar 內既野, coffee, 奶茶,汽水,herbal tea, chinese tea, 切好既檸檬... etc


其實食物okay, 每樣野都唔算係難食, 當然唔可以同高級意大利餐廳比較啦~ 咁既價錢我已經好滿意

國慶荃灣之旅--- Saizeriya Italian
兩個人點了漢堡豚肉鐵扒, 什菌意粉, 蒜蓉田螺,
叫了一個$13任飲 我自己沒有叫, 因為覺得唔抵
漢堡豚肉鐵扒, 跟相片相比是細份了, 味道很好
什菌意粉, 頗鹹,
蒜蓉田螺, 香口, 味濃
總括來說, 價格相宜 (共$94, 免加一), 環境坐位舒適
平日有下午茶餐, 廿多元 包自助飲料, 很抵
(可惜我不是住這兒~)
侍應有 4-5 個, 店卻頗大的, 辛苦他們了
又傳菜, 又收銀, 又做帶位