今午打電話來訂檯及訂胡椒蟹,晚上六點九到達,叫了以下菜式及飲品.

胡椒蟹$168 --->>>我只欣賞個汁,好濃好味,但....我不太愛吃蟹,怕拆蟹,
而$168食一隻一斤都冇既蟹,以我呢個煮慣飯既師奶來看,似乎唔多值~

(原味)肉骨茶(大) $ 155--->>色水夠濃,味道就不太夠濃,入面既餸,

我更不愛吃的,不過,這只是個人問題(我不愛吃有肥的豬肉),

與他們用料無關,用料十足~~

馬拉盞通菜 $39--->>>上檯時好香,味道都OK既~

特色炒蘿蔔糕(黑) $ 39--->>味道偏甜,但...仍可以接受的~

海皇卷 $ 39---->>>與食日式魚旦既質感,分別不大,但..味道都可以~

藥材雞 $ 45---->>>打開鍚紙,食落有好重既藥材味,幾好食~

(應是紅棗&杞子之類的湯汁整既)

紫蘭黃金卷 原價$28 (星期四特價$ 20)--->>即係炸蕃薯卷是吧~甜甜地~

四色卷 $39---->>>>又係日式魚旦咁既味,沒特別之處~

怡保既人參味白咖啡 $ 12--->>冇人參味的~

野生羅漢果水($10X2杯)--->>剛煲好出來,味道唔錯~

檸檬洛神花茶 ($ 16X2杯)-->>兩個朋友叫的,我沒試,但..他們沒投訴~

果粒果汁 ($16)--->>朋友叫的,我沒試,但..她說好飲~

雞油飯 ($10) --->>味飯一碗,同我自己用史雲生海南雞湯煮飯,分別不大~

一行四大兩小,埋單$600幾蚊,食完都唔覺飽~
總括 : 除了"藥材雞"及胡椒蟹個"汁",仲有親切有禮的服務
值得我欣賞外,便沒甚麼值得我再留戀了,一試無妨

見食評有好多人讚馬拉盞D食物好「正」，剛好昨天同事咁橋去試過都話「正」由其係叻沙同肉骨茶，所以今日約了朋友一齊去試下。七點半去到竟然可以包場“鬼影都冇”，還考慮食唔食好，算啦竟然嚟到門口唯有照入去食啦。
我們一共三人叫咗肉骨茶、海鮮叻沙、馬拉盞炒通菜、例牌雞、黑色蘿蔔榚、同黑糊椒炒蟹重有兩碗雞油飯。
嘩！D菜未出樓面己經嗅到香味「正」但始終要試過先知，馬拉盞通菜上枱時是熱辣辣喳喳聲響、肉骨茶滾住上。好有睇頭。
原來越夜越多人，七點半可以包埸，但到八點全院滿座還有人要等位，真係好彩早到。
講番食物先，肉骨茶是巴生味道，巴生?邊鬼度嚟我都唔知，鬼知巴生味道係乜。
但呢間老闆好細心，唔好講巴生係邊度，連肉骨茶起源都印係枱面犀利(有圖) 。 湯呈深色，聞起有清香藥材味道，喝起來味道濃郁，認真「正」。腩肉同肉排煲得稔稔地，肉剛離骨，火喉一流真係一流補湯。
雞都唔錯，須是鹵水雞但勝在滑溜鮮甜。海鮮叻沙新加坡出名湯粉麵，呢間水準也好好，好多地方D啦沙都唔似呢一間有九乘似。因我們其中一人係”坡”女哈哈哈……。黑色蘿蔔榚味道甜甜地ok啦！至於黑糊椒炒蟹重點菜，原本冇得食因為要訂蟹，好彩我地早去冇人，老闆同我地走去隔離街市買蟹先有得食，老闆話所有即叫即有，只有蟹要訂或看街市賣哂未，蟹要即日買喎。味道一流”坡”女也讚好。食完岩岩好，不過肚腩大咗小小。
總括：環境不俗，食物質數對我們三人嚟講係超「正」。服務唔錯。一定會再去，大家不妨去試下。掛住食唔記得影相同大家分享。
P.S.可能有機會見到明星，因門口貼滿好多到過這間餐廳的明星相片。

晚上六時十分去花墟買花前周圍逛逛, 見到鋪頭門前有很多明星幫襯的相片, 便去「潮」下。 當時沒有食客, 老闆娘禮貌招呼, 但另一貌似惡男的男人給我的感覺是「唔想做」(好似無端端走兩條友入來要他煮飯般), 但其實他是很有禮貌的拿食物给我們(因為老闆娘在水吧忙着調凍飲给我們,惡男廚師叮了一叮也沒有人拿餸出厨房便由他自已拿出來给我們)

我們點了:原味肉骨茶(细)$39, 我覺得藥材味不夠重, 但肥肉配那蒜容辣椒豉油膏, 正！
參巴香辣雞(例)$45, 雞應該是招牌雞再用參巴醬炒, 嫩滑, 酱汁有虾米, 好味但超细 碟因不多於10件雞。
叻沙/虾汤麵二人套餐$118, 任選兩碗麵(我們選了酱爆鯊鱼丸叻沙及酱爆豬肉丸虾汤麵), 馬拉盞通菜 及2杯菊花蜜, 我覺得叻沙不夠濃但虾汤麵的湯很鮮甜, 最驚喜是馬拉盞通菜, 它上枱時是原煲熱辣辣吱吱聲響, 我以為套餐的菜通常都是求其地灼熟再淋上汁。
油條$8, 超貴因為通常油條的一條就是一孖, 這兒的一條就是一條, 還有是又凍又硬, 無辦法不叫油條, 因為肉骨茶是配油條的。

味道ok可是分量太少 是次消費$231, 因為今天佛誕公眾假期要加一(平時一至五免加一)

服務ok既，應該係家庭式經營，個老闆娘幾有禮貌，但僅限於多謝同拜拜，仲有d overwhelming 。不過年紀大些少個位老人家就串串地咁，少少惡。都可接受既。

食物，我同媽媽兩個人去食。
佢食牛丸喇沙 （大概$40），我叫左一碗招牌蝦麵（$45），我確實…食完係唔夠飽既。
不過我媽胃口細，食完岩岩好。

我都知星馬食物份量偏小，而味道都係一般，唔突出：油麵底加2塊蝦2塊肉骨2塊豆卜左右。
係太子區，at this price，加咁既質素，我就會expect多d囉。

希望店主方面改善下啦，調低個價，或提昇質素，俾多d誠意自然吸引到客人
問我，我就應該唔會番轉頭喇。

總括而言：份量小，價錢略貴，唔太抵食，同區有更多選擇。

如果想試星馬食物，都不妨一試，但唔好有太大expectation

睇完戲便來是到此處食DINNER
幾好味我又不覺, 唔好味又不是,
我點了喇沙, 老公點了招牌雞+油飯, 兩樣都是合格既味道, 唔會過咸, 唔會過SPICY, 所有野好, 叫了一碟通菜成了是一個煲來上, OK啦..

我地等食期間發生了一個小插曲, 便是我老公那個飯是漏單同我FRIEND杯野錯了,
我FRIEND杯野明明是落錯了單變成了企在水吧那女人說的佢杯野飲是要跟下單次序來沖, 未有咁怏, BUT我杯是同我FRIEND一齊叫, 在喇沙未來前來了兩杯, 其中我FRIEND那一杯是錯,她要此說, 我懷疑也沒用, 怕她唔知俾咩我地飲, 唔COMPLAINT, 那我沒爭辯, 食完碗喇沙一半也未有呢, SPICY呢..真是狡辯, 原來錯唔好認, 反話番人地係呢間店既宗旨

我老公便是以為也是要排隊等, SO我地食完, 佢D野未來, 一問之下, 原來真是漏了單, 今次肯認了, 且把頭先15分鍾前整錯了那杯野飲給我HUSBAND當是SAY SORRY WOR...

十月下旬‧晴

參加完廸茵湖半馬，跑了個不錯的成績，再破自己的場地紀錄。而作為廈門馬拉松的準備戰，以及今個跑季的第一個半馬拉松比賽，很滿意。約了食友吃午飯，還記得未試過這裡的，又來會一會這裡的油飯及肉骨茶。

這裡是茶餐廳格局，也有大LCD電視可看，環境不俗的。肉骨茶滾得熱燙的送上來，湯呈深色，聞起上來是醇香的藥材味道，都幾對辦。喝起來味道很濃郁，真的令人心頭一暖。腩排是煲得稔稔，肉剛離骨，足見是肉骨茶煲得有火侯的。

也試試這裡的雞油飯，飯粒顏色幾深的，該是雞汁飯而非雞油飯了。吃起來不算乾身，味道也不如其顏色般明顯。始終在香港要找出色的雞油飯，難。

也要了一碟黑醬油炒蘿蔔糕，炒出來色是夠了，但味道不如其色澤般濃。加上蘿蔔糕的蘿蔔成份很少，口感很「立」，吃了幾件也停手了，不值一試。

埋單每人60元，只有肉骨茶算是不錯，很難有再來試的動力。

P.S. 是日沒帶相機，謝謝大惡男借相

朋友介紹這間馬拉盞的菜式好好味，所以約埋個friend嚟試下。座落waiter放下餐台紙及MENU，嘩！花多眼亂好多菜式，樣樣都好想試。最終簡選2人B優惠套餐，當中有肉骨茶中煲、馬拉盞通菜、例牌招牌雞、油炸鬼、白飯或米線、兩杯飲品及飯後甜品兩份。
肉骨茶清香甘甜，果然正斗。老板話有十多種藥材煲成的，有行氣活血作用及補而不燥。補而不燥呢句我就最緊要。所以多飲也不怕。最正係老板比碟甜豉油加蒜茸及指天椒用嚟點肉骨茶D肉。
馬拉盞通菜出場，嘩！居然用瓦煲上，熱騰騰，香味濃郁!食落好鬼死正，不過對我嚟講就辣咗D。
雞係鹵水雞，雞肉奇滑好味! 叫咗两杯咖啡及奶茶它們的味道不同茶餐廳，咖啡可選擇香濃、超滑、無糖、小甜及人參味，我就叫了超滑咖啡。果真比一般港式茶餐廳滑，奶茶也好好飲，奶味好重好香。甜品是啫哩加花奶(小時最愛食)。
總括我十分比85分。
走時隔離叫了叻沙套餐，好似好正下次再去試下。

又考完一科, 帶embb去吃肉骨茶, 因為她之前沒吃過


別看圖以為個鍋好大鍋, 可以share, 其實也不多, 一鍋只得2-3塊骨, 尚算腍, 豆卜數塊, 吸收了肉骨茶之精華, 而湯則勸各位趁熱多喝一點, 因冷了就不可口了

而將肉骨茶$45加上油飯(加$2)都很不錯.

肥肉應該挺好吃, 但唯一一舊被embb盜去, 並獨嚐, 所以本人不知是否很美味


然而招牌雞($38)很不招牌, 其實沒甚麼特別, 只覺像豉油雞放冷了@@


還是吃肉骨茶 or 試其他吧!

又去吃肉骨茶了，不知是天氣太冷本人味覺出事還是廚子換人，原本為了遷就港人口味而偏淡的原味肉骨茶，味道比之前更淡了，原本炸得非常出色的炸乳鴿亦彷彿水準下跌了。

兩人還點了魚片叻沙，好運的是依然好吃，把湯都喝完了，可惜送來時不太夠熱.......是不是天氣太冷了呢......

友人第一次在香港吃肉骨茶亦覺得味道是偏淡。雖說味偏淡，其實已比坊間星馬餐廳做那些水一般的肉骨茶強多了。在我來說，在家附近隨時可吃得到比較像真的肉骨茶已經很幸福了。如果有更濃味的肉骨茶可能會忍不住每天去吃呢.....

十二月上旬

約了食友談談國家大事，來到這間未試過的南亞小店，聽食友說質素一般，但未試過，總得親身體會，才能下定案。

平日午市時段例必要等位，正值周末，沒有上班客打搞，在空間方面是容許到大家傾近兩小時。

胃口麻麻，只想吃些湯水，馬來肉骨茶也是在重多濃口味菜式中最適合自己的一味，食友就點下一碗油飯與及炒蘿蔔糕，大家也是本著淺嚐多味心態，分量都是少分的，而飯就只要一碗。

馬來肉骨茶，色深帶著藥材的濃郁味道，肋排煮得腍，加入五花腩，湯底的味道就豐富多了，這樣加入豬腩的做法，這做法令偶想起楊氏的味道，當然那邊就更濃郁沉厚，伴碟的黏身黑醬油，下了蒜及辣椒，很地道。

二人來亦未必值得投資胃納在海南雞上，來碗油飯，是有雞汁的味道，不過味道不夠，難怪食友會聰明地先吃飯，再嚐湯，後者的味道較前者濃麻，質感不太濕亦不太乾，不會增加胃納負擔，對自己口味。

而炒蘿蔔糕，有黑醬油炒及白醬油炒，是地道演繹，可惜出到來，黑醬油味不夠，蘿蔔糕也是一舊粉，嚐不到蘿蔔味道，原來也有較肉骨皇更差的蘿蔔糕。

肉骨茶不差，好此道者也可一試，食友埋單，價錢約$50／位，在此謝過。

更多的飲食資訊與飯局故事分享@
http://foodxfile.blogspot.com

今晚諗極都諗唔到食咩好，行左好耐，忽然諗起呢度有肉骨茶食，眼見天氣咁凍，食個肉骨茶取暖都好，所以就入左去食啦。

入去個時大概 9 點幾，都有幾檯唔算少人，他們安排了我們坐在最內裡的位置，唯一的壞處是看不到電視，哈哈。想了一會吃什麼好，它有頗多選擇。最後我們要了兩個套餐，分別是肉骨茶和招牌雞，跟一碗飯和米線。還有一碗湯呢。

先來的是招牌雞餐，附有油菜在旁，這個真的很好，因為不能只吃肉呀! 招牌雞大概即是豉油雞吧。味道調較得挺好，很惹味，要來送飯很不錯。可惜雞是冰鮮雞，不是新鮮雞，導致雞味大減，而且那個醬汁雖好，可是不夠入味呢。吃雞的時候就會發覺味道偏淡了。飯的份量也不算少，可是用的米麻麻就是了。

之後肉骨茶便來了，那個應該只是小煲一人份量，可是也挺大的。喝下去身體很溫暖，也算很香，但可惜藥材味不夠，淡了一點點，如果藥材味濃一點就好了。有豆卜，腩肉，肋骨，芽菜等等。腩肉和肋骨也很淋，可惜不夠入味，差了一點點。

大體來說是ok，每樣東西也有點點可進步的空間。星期六，日要收加一，一試無娉的。

在朗豪坊買完戲飛後，女友建議食星馬菜，目的地是洗衣街的馬拉盞。

星期五的晚上，店內人客不多，入座後看看二人套餐，主要由肉骨茶、叻沙、沙爹串燒等組合而成，是晚不想吃肉骨茶，就選擇了二人叻沙套餐 ($118)，包括魚片叻沙、墨丸叻沙加鰤魽 (+$10)、馬拉盞炒通菜、凍馬拉奶茶 (+$10) 及熱鹹柑桔，另再加一客黑蘿蔔榚，相當豐富。

我最喜歡新加坡的 328 加東叻沙，其鮮甜惹味的湯底，可令我一喝到盡，在香港吃過不少叻沙，卻換來一次又一次的失望，幸好，這晚終於找到一間不俗的。馬拉盞叻沙的 default setting 是油麵加檬粉，可算是獨有的「鴛鴦版本」，基本配料主要有蝦，豆卜，半隻滷蛋及少許芽菜，湯底是淡黃色，帶給辣椒油的紅。我的墨丸叻沙加了鰤魽，先呷湯底，味道竟跟 328 的有七分似，入口柔滑，味道椰味十足帶鮮甜，再勾起少少辣，差的只是未夠濃郁，質素已算不俗。油麵加檬粉這個配搭新鮮，營造了兩種截然不同的口感，檬粉吸收湯汁後實在一絕，但油麵卻未能發揮湯底的味道，兩者的層次高低有別，影響了整體水準，下次可以不要油麵，相信感覺更爽。配料方面，墨魚丸、蝦都只是一般貨色，鰤魽就更加唔好提，十蚊只得五小粒，大可不理，另外，香港的星馬食店總喜歡在叻沙內加入豆卜，問題是豆卜口感完全跟叻沙完全不夾，叻沙是叻沙，並不是港式車仔麵，多餘的配料大可不放，最重要的仍然是其湯底。至於魚片叻沙，建議是將魚片切成絲，始終正宗叻沙是不會以筷子吃的，單單一個匙羹就能把所有食物放進口內，簡單直接。

黑蘿白榚是星加坡另一地道美食，跟廣東人不同的是加入蛋去炒，重點是要炒得均勻，讓蛋漿包著蘿白榚，再下黑醬油，灑些蔥花就成，味道甜中帶辣，令人回味。馬拉盞的出品就差得遠了，賣相雖然是黑的，也下了蛋絲，蔥、咸菜粒炒香，可惜蘿白榚質地實在太粉，炒唔散，一團團的粉只得一個甜字，蛋絲更是甜上加甜，沾了辣醬會好一點，也吃不了太多，最後放棄了大半碟，實在可惜。

馬拉盞炒通菜用煲上，可說是德發小廚的飛天通菜變奏版，具鑊氣，熱辣辣的通菜爽脆非常，油份不算太多，有水準的。至於期待的凍馬拉奶茶，飲落完全不是那回事，零茶味、少甜、少奶，感覺如「泡沫凍水」差不多，徹底失望。

食物好壞參半，始終叻沙湯底有一定水準，而且女友嚷著要吃冰鎮黑木耳，相信我會再來的。

(註 這個笑面是給叻沙的！)

尋日一個人去完行街, 突然想食海南雞飯, 之後行左過洗衣街0個邊, 因為記得睇openrice好似有一間金寶食海南雞好似唔錯, 行到去0係門口企左一陣, 有個阿姐企0係度門口攞住個餐牌0係度發呆 & 打喊露, 完全無理過我, 咁即係d service唔好得好邊啦, 所以我就過左隔離0既馬拉盞食嘢

一入去已經有人service我, 問我幾多個, d service唔錯, 不過枱同枱之間就窄左d, 搞到好似好逼咁, 我叫左個招牌雞餐, 個餐有雞, 菜, 飯, 但由於我想試下油飯, 所以就加左$2改油飯

不過我都等左差唔多10分鐘碟飯先上枱, 唔知係咪即整0既呢? 個賣相有d似油雞, d肉都好滑, 叫做唔錯啦, d油飯就麻麻地喇, 下次都係嗌番白飯好d, 至於個湯同菜都係普普通通, 可以一試

迅速睇到下面d圖有叻沙,,呢間亦ok多笑..就試下今日..
下午2點左右..只有兩位客..我點左海鮮叻沙45$..
平民黎講略嫌貴囉食到一半咁諗..亦下左決心(做唔做到另一件事)唔再試叻沙..因為物超唔到所值 試左好幾間都係..
配料有
魚片-幾好不錯,,很標準的..
獅鉗-好似蚵仔麵線既物體..可笑是原本叫前以為係蟹鉗,,到黎左碗野先望多次menu原來自己
睇錯..味道都ok la...係唔知咩黎...
豆腐卜-間間差唔多la,,無乜水份卜出黎但..
蝦-一般,,唔太甜,,但都有3~4隻..無殼的..
麵就類似油麵,,一般la
湯底幾ok,,,但難槍返整體分數..

六日+1=50$埋單..多謝左幾聲

聽聞這個鋪位之前好多手都做不長，但這星馬餐廳都好似做了一段時間，應該不太差麻。


馬拉盞炒通菜 (小辣) 炒得好香，份量不少

特色炒蘿蔔糕 (黑) 其實黑就是用醬油炒，你可以選擇(白)炒，白炒就是用

魚露炒。蘿蔔糕有好多舊，味濃而不咸帶少少辣，好惹味醒胃

海鮮叻沙 湯底好香虾味，海鮮材一般新鮮，但都算不錯

香炸乳鴿 我覺得應該不是即炸，因為叫了後好快上枱，來到枱後都

夠熱，可能是番炸麻、一般啦

椰汁冰 都好清甜


Summary : 整體上都幾好，只是隻乳鴿差少少，價錢都幾合理抵食，但環境只屬

普通，不過有電視睇