62
18
8
開飯介紹
Al Bistro主廚Kenneth入行十多年，曾於某大酒店及諾士佛台的法國菜及意大利菜餐廳工作，對用料及菜式都有一份執著，堅持九成用料為自家製造。
繼續閱讀
營業時間
星期一至四
11:30 - 00:00
星期五至六
11:30 - 01:30
星期日
11:30 - 00:00
以上資料只供參考, 請與餐廳確認詳情
招牌菜
食評 (95)
這間在尖沙咀金馬倫道Al Bistro，是數年前，由藝人李燦森開設。今天，餐廳還在，至於他仍是不是該店的老闆，那就不得而知。以前也聽過身邊的她，大力推薦這裡的午餐，由其是自助沙律吧，絕對是吃得健康之人的佳音。不過說了多年，由未開始到終結，始終沒有前往。恰巧在貴網看看該餐廳的食評，給我發現了新推出的優勢，平日的午餐，只要是中午一點前離坐，便可享有八折優惠。為了這頓午餐，我改變了平日跑步的策略，這天，先在此吃個午餐，稍事休息後，才由尖東海旁中段起動。未到中午的尖峰時段，還是可以找到位子，午餐有自助沙律，餐湯，主菜，餐飲等等，最便宜的由＄115起，吃牛扒的話便貴一點。自助沙律吧的選擇，也是大路貨色，規模當然沒有可能與一些意大利餐廳相比，但麻雀雖小，也算一應俱存。各式的沙律菜，其他的有燒青椒，黃椒，紅菜頭，粟米，菠蘿，薯仔沙律，車厘茄等等，沙律汁有芝麻醬，黑醋等選擇，用料夠新鮮，個人最喜歡是鮮甜多汁的紅菜頭。不夠的話，可以出去再添。沙律配橙汁，還不夠健康？麵包沒有甚麼特別之處，拿上手還帶點微熱，塗些牛油吃還可以。是日餐湯為南瓜忌廉湯，喝得出很甜的南瓜味道，質感較為稀了一點點，有別於其他餐廳，做出來的濃凋貨色。因為餐湯已是南瓜湯，所以在主菜上，捨棄了南瓜意大利雲吞，選擇了番茄大蝦意大利飯。鮮紅的外表，內裡的番茄味酸甜，而不太造作，真的很怕吃到那種人工化，一味得個死酸或死甜的番茄醬，相比之下，此番茄的味道偏向清淡的一邊。至於飯粒方面做得濕潤，質感還有咬口，蝦肉入口爽，味道鮮甜。整體上雖未算令人驚艷，但也不錯了。橙汁之外，更有咖啡或茶，即是一個餐，有兩杯餐飲，餐牌上更寫著有是日甜品，但最後沒有來，是否我太過心急，趕著在一點前埋單？我這個午餐的原價為＄115，再加一，即是＄115 + $11.5，再八折，結合價錢，菜式的水準，也稱得上物有所值。晚市前來的話，如果持有貴網的優惠券，折扣為八五折。
繼續閱讀
友人生日，要搵間有別於平時食開既日本野、泰國野同韓國菜，響openrice度搵咗好耐先搵到呢間好似幾好既地中海菜餐廳。Book咗7:30pm，等埋友人準時到達餐廳，一入去氣氛好好，微弱既光線，加上聖誕樹同其他燈飾，的確幾浪漫。入座後，跟友人商量後，決定叫好食既Octopus & Prawns Risotto、Dressed Crab、Tapas Platter、Steak Rossini，甜品就遲d再叫啦。同友人傾咗陣，先黎個麵包加個雜菜湯，包好夠暖，加埋個本身既醬，都唔錯，呢個麵包亦係我見過其他食評都話唔錯，的確，係唔錯。接著既菜色係Dressed Crab，蟹焗得入味，算係唔錯，但你話好好食咩，佢又唔係喎。第3樣野食係Tapas Platter，個Tapas有2個items同4個items揀，同友人唔係話好大食既人，只係叫咗2 items已經夠喇，秋刀魚同一個我都唔知係炸咩餅(因為唔係我揀既)，老實講，本人對魚冇乜興趣，個炸咩餅亦冇乜特別，唔係太油，但亦唔會話今我印象難忘，好普通菜式。之後就我同友人最愛吃既Octopus & Prawns Risotto，Octopus & Prawns唔錯，個墨魚汁同我食過一釣上黎白灼墨魚汁冇得比，冇咁甜，但係呢個墨魚汁都有少少甜，餐廳既墨魚汁算係好好架喇。Prawns夠大隻，加埋個蝦頭，成隻幾靚，而個Risotto亦好有咬感，Risotto有咬感係一定要既，唔係就唔食好過，整體黎講，我最like呢個飯。由於呢間餐廳冇水供應，我同友人食咗咁多野都有火少少口乾，所以就要咗一個Still Water，當然係要錢啦!!!最後黎個Steak Rossini，有鵝肝個steak，鵝肝我少食，對上次食都係同呢位友人食飯，上次食既係較燶，口感就ok，而今次係一入口有即溶感覺，well，一個好既鵝肝應該咁先叫好食，但本人同友人覺得太肥膩，唔多like，但佢整實係好既憑良心講。但steak就差咗少少，太熟令到steak太硬，砌都砌到手軟。食哂野，同友人傾咗陣，有個waiter已經問我地食唔食甜品，估到估到佢係想我地快d食完快d込啦，不過冇理佢，邊諗邊傾，傾多咗陣先叫Souffle。但係等既途中，要轉枱喎，我同友人當然冇問題啦，caption轉完後話送多個cheese cake我食，咁又的確幾好喎。藍莓cheese cake加雪糕，我只食咗個cheese cake，友人食埋個雪糕，另外個souffle都係配個雪糕，我試過一啖，都幾好食，唔太甜，唔會令人有好full既感覺，但由於我既食量細，所以其他全部由友人負責。由七點半食到十點半，好耐冇食過餐咁耐既飯，但係傾計咪就係最好呢d餐廳囉!!!!
繼續閱讀
我對生日的意識很淡, 人家生日攪派對我當然尊重, 不過自己的生日就不會刻意。不會有生日會, 不會刻意告訴別人自己的生日, 只要生活得快樂, 朋友願意與我見面, 每天也可以生日, 不需特意的攪。我認為生日只是對自己有意義, 心裡知道便算, 不需麻煩到別人勞師動眾。所以生日我只選擇簡簡單單的過, 今年生日也不例外, 順著各方日子的要求, 今年更要繼續工作。無所謂呀, 最多完工才食飯啦!工作後到附近找找吃, 時間已到十時多, 但卻任性想吃Pasta, 走過見這裡必關便去。工作後一般胃口不怎麽了, 與友人各要一個Pasta及分享一個頭盤便算。意大利生牛肉片配意大利陳醋, Mozarella cheese與火箭菜。火箭菜跟芝士再加上點點黑椒, 令味道完整。不過生牛肉薄而嫩但味道不足。陳醋味道更甜更濃, 與之配搭反被陳醋味道蓋過, 只怪生牛用料不佳與與陳醋用的平衡不足。意粉之中, 我比較喜歡Linguini, 因為他厚扁形狀嚼來比Spaghetti更有質感, 而且較闊令汁醬可以拉進口中, 風味更濃厚。無論白汁, 蕃茄醬汁, 橄欖油, 青醬, 冷拌或熱炒都好吃, 而這個洋蔥白汁底配上蜆肉香草。用料不算突出, 但是做功可以, 麵身乾爽, 可惜調味不足, 蜆肉只是草草一般。另外一個是一個香煎龍蝦汁拌意粉, 這個就有點失敗。意粉煮時拖水不足令意粉麵身濕淋而且還帶點點油異味, 鑊煎的龍蝦逼出龍蝦殼的鮮味, 肉質有彈性。不過龍蝦調味只是一般, 鑊煎亦不見香口, 表現失策, 明顯是因為煮菜者有點"趕收工"所致。整體而言, 這餐廳作功與用料水平只是一般, 可能是因為我們太夜才到, 餐廳廚房放工心切, 令表現不理想。
繼續閱讀
Al Bistro 係李燦森開已地中海餐廳, 雖然依間餐廳同出面大街好似唔太match , 不過係 Design 上都花唔少花思. 同埋唔太多餐廳用依種黃色做台布 . 所以當人POST 食物相時, 好易認出係 Al Bistro 既作品 . 依個應該都係business strategy!! 佢地星期1至日都有做Semi-buffet lunch. 我地5個人一早已book 台, 店員都幾有禮貌.店內間格係長形, 所以唔好睇佢地門口咁窄, 其實入面都有唔少位. 今次黎食 semi lunch buffet. Bar table 既 appetizer 任食, 以salad 為主. 不過可能d waiter 急住啦, 我本來想食2 round,不過食完一round 佢就收咗我隻碟, 上main course 比我 main course 我叫咗個 sirloin, 雖然只係百幾蚊既lunch, 但個steak 一d 都唔hea 啊, 有返咁上下size, 賣相唔錯,仲好香. 個 mashed potato好好食 mix 咗ingredient 一齊, 令成個 course 既口感同味道更加豐富!! 依個 squid ink pasta with Salmon , 佢唔係用 squid ink 做 sauce, 只係用咗squid ink 做既pasta (即本身已經係黑色既意粉), 所以唔會食到個咀污漕晒. 我試咗少少, 味道OK, , 不過唔係特別香 Fish filet 個portion 唔大, 不過幾好食, sauce 唔錯. 3個main course 之中, 依個魚既賣相最靚 依度lunch 的確抵食, 不過D waiter 成日2,3個一齊望住晒咁, 有D 怪. hahaha.其實依道dinner 仲正!! 另外一提, 店內左邊係通去washroom, 途經會見到少少擺設.大家可以留意下.
繼續閱讀
近期實在太忙了, 回到家中吃過飯洗過澡, 已沒多餘的私人時間, 難得這天可以早點離開, 其實已較實際下班時間晚了, 可以準時赴約。 這二人飯局早於半個月定下, 預料到店家有一定的人氣, 訂座絕對是穩當之的做法。 從人頭湧湧的彌敦道, 走到金馬倫道的盡頭, 便見這家帶著歐陸風情的小餐館, 佔地不大, 在外面幾乎將店內的環境看真, 長形的佈局, 前中後三段的裝飾佈置都不盡相同。 近門口正是酒吧所在, 面對著繁華熱鬧的街道, 經過一天辛勞的工作後, 下班後相約三五知己相聚, 把酒談歡, 輕鬆快活。 再走入便是用餐區, 用色偏好低沉, 啡啡黑黑的, 配合那帶有磁磚感覺的牆身, 一盞盞中空的大圓吊燈, 不經意流露出一絲古典風情, 華麗在骨子裡, 沒刻意要炫耀出來, 在微暗的燈光和醉人的音樂襯托下, 更添幾分浪漫情調。 最入處的VIP房, 佈置成玻璃小屋似的, 大班人到來大可盡歡過夠, 有屬意自己的獨立空間。餐廳以地中海菜作主打, 集合歐洲多國的地道風味, 意大利、西班牙、法國菜式都會找得到, 特意精挑地道的食材, 但當中最力推的, 就非海鮮莫屬, 餐牌上不難發現處處都是魚類和貝殼類的配搭。 難得價位未算高不可攀, 就以四道菜晚餐為例, 包頭盤、湯、主菜和甜品, 只由$228起, 陣容如此豐富, 以這矜貴的地段來說, 已是合理得沒話說了。安頓好後, 侍者便有禮地問及需否點些有氣礦泉水, 表示過只要杯暖水便可, 難得見侍者表情沒太大異樣, 依然熱情地向我倆作出推介。 套餐份量不小, 其中頭盤和主菜更備有五六款的選擇, 但碰巧想吃的都在散點之列, 沒限時還檯的壓力下, 更放肆地慢慢細選。落單後不久, 便送來一籃麵包, 以小餐毛墊著, 賣相討好。 細看之下非數片白麵包充數, 款式足有三款, 這型和味道各具特色, 帶濃厚的歐式風情, 低油低鹽, 味道樸。 最先嚐原味像法包那種, 外皮鬆脆, 帶著不低的韌性, 散發出麵粉的甜香, 很原始, 包心軟綿卻不失彈力, 輕按下去瞬即回彈起來。 另一款同切成厚件的全麥包帶著麥香, 皮相對柔韌一點, 愈嚼香氣愈是透出來, 組織細密, 夾雜少量穀粒, 更富咬感, 心理上覺得健康輕怡一點。 數到最有吸引力的可算是那兩條麵包條, 彎彎曲曲的, 賣相滿有新鮮感, 純白的長條帶點微燶的痕跡, 乍看以為會有份脆口感覺, 實是香軟煙韌, 一點也不死實乾硬。 麵包雖美, 但如果有美味的伴醬點綴, 相信會是錦上添花。 兩種醬料以純白的小焗盎盛著, 的骰可愛, 軟牛油看起來一片平滑, 輕輕一刮, 不用太用力已均勻地抹在包上, 隨即嚐到一份潤澤, 如絲般軟滑, 微微的咸味沒蓋過牛油的芳香。 肝醬柔滑咸香, 那內臟衍生的羶香不算太濃重, 滲出香料味道, 黏稠的質感更能依附在包面, 記憶德國餐廳ludwig也有相像的醬, 相比之下後者味道更勝一籌, 但以免費的餐前包來說, 有這樣的質素和配套, 已是無所挑剔了。Tapas拼盤($168)讓食客從12款小食當中, 隨個人喜好左拼右湊, 組合成屬於自己的小拼盤, 我這類心多多之士自然大為樂透。 西班牙煙腸帶著中國或是葡國臘腸的影子, 經過長時間的風乾醃製, 入口煙韌帶嚼勁, 然而肉質不會過乾, 脅回爽脆感, 藏著不少透明的脂肪層, 滿咀油香, 早跟番茄、香草拌炒過, 香濃惹味, 味道很變化, 微辣又帶點酸味, 煙燻香氣突出, 用來佐酒絕對適合不過。 除肉食外, 也喜見多款以海鮮為主角的小吃, 香草些厘酒煮鮮蜆雖只數隻, 但算很大隻肥美, 肉質爽甜鮮嫩, 不會空得咬感而欠缺鮮味, 甚至帶腥味, 清洗過程細緻, 沒咬到沙粒, 那香草和蒜頭香氣早已融入蜆內, 味道鮮活。酥炸馬介休薯蓉球跟葡式欖形的不一樣, 反像日式的吉列薯球, 外層沾過麵包糠再經酥炸, 香脆乾身, 脆皮之下的薯肉很綿滑, 甘甜味猶在, 混著洋葱和一絲絲的馬介休魚肉, 跟薯肉交纏, 咸香味得宜, 不致濃重得難以入口, 加重負擔, 跟那比沙律醬細滑卻少點油膩感的蛋黃醬, 十分匹配。 大家不約而同表示想吃蝦, 鹽燒和香蒜之間, 最後要以「包剪揼」的方式來決定, 勝出的剛好是我心水的香蒜炒海蝦。 蝦身早已去殼, 只留下蝦尾的部份未去除, 這樣反更美觀, 個子不小, 吃起來更富咬感, 爽彈細緻, 以番茄和香蒜爆炒後, 鮮味沒白白流失, 仍嚐出原有的甜香。雖然tapas已選了蝦和蜆肉, 但仍覺得意猷未盡, 心知這位同事酷愛海鮮, 香草牛油焗法國田螺($72)應該很合意吧? 一客六粒的法國蝸牛被填在純白小砵的細孔之中, 收口位塗了一層薯蓉, 令內裡的水份不至於被抽乾。 砵仔乍看有點高身, 實只是錯覺, 薯蓉只薄薄的舖面, 螺肉個子比港式田螺稍大, 質感較軟腍, 別看一副烏卒卒的樣子, 泥味不算濃烈, 甘甜味挺突出的。 香草和牛油一向合作無間, 用作焗海鮮更是一流, 只是那香氣僅留於表面, 未能跟螺肉產生太強的化學作用。 反而薯蓉做得不俗, 綿滑充滿牛油香, 不會過份粉腍。 很少機會在選主菜時會這樣猶豫不決, 遲遲未能下決定, 只因配搭新鮮且別出心栽, 最終選出乾果脆皮羊柳($198), 最合我倆這羊癡的心意。 觀乎賣相頗像牛柳,厚切之下層次更為豐富, 周邊燒至微焦香口, 肉汁都被緊鎖在內, 只是搞不明白為何跟脆字扯上關係。 成熟度拿捏準繩, 正是半生不過熟, 中心呈鮮嫩的粉紅色, 肉質細滑, 少點脂肪層, 卻不會乾鞋難嚼, 絲毫不覺老化, 置面的乾果粒乾身有幾分煙韌, 淡淡的甜味更襯出肉香。預期中的羊羶味慢慢滲出, 個性獨特, 如欠缺這羶香的話, 怎會像在吃羊呢? 刻意沒點飽肚的澱粉類, 生怕會錯過精彩的甜品環節, 焦糖布甸和疏乎厘是大路之選, 但偏偏又想吃得另類, 焗朱古力布甸伴玉桂雪糕($55)將朱古力和玉桂拉在一起, 很好奇想知道效果會是怎樣。 聽名字自然聯想到流心系, 實情只是焗朱古力蛋糕, 組織鬆軟綿密, 撲鼻而來一陣可可濃香, 絕非低檔的味道, 甘醇實在, 倒像ugly chocolate cake似的。 玉桂味道獨特, 幽香處處, 既有印式香料的辛香, 又帶點回甘, 卻沒得到很多人的歡心。 用於甜品之上, 往往跟生果好像蘋果、香蕉擦出不少的火花, 反而襯上純朱古力, 一點也不突兀, 冰滑的雪糕散發出玉桂香, 清幽淡雅, 跟奶味融和, 展現出一份甜美。 總覺得自己貪吃的程度一天又一天地增長, 也不介意多花費於吃身上, 同事相對不如我講究, 這頓平均每人三百大元, 要她這麼豪實有點不好意思, 但正如她所說, 偶然一次盡情享受一下, 也沒不妥。 重要的是, 氣氛跟食物質素都令人稱心滿意, 予我倆一個美好的回憶。
繼續閱讀