法式越南料理，越南被法國統治了一段日子，
所以他們的飲食文化，也受法國不同程度的薰陶。
碌冧是鴻星旗下之分店，其實之前身(飯廳)同屬(鴻星)擁有，
以前是做西餐廳，而現在是法式越南料理，只是改變經營模式而已。
(碌冧)的名字難讀及怪異，其實(碌冧)是越南字(nuoc mam)，其意思是魚露，
魚露乃是越菜的靈魂，因越南人...最愛將餸菜添上魚露是也。
今天與太太叫咗2個午餐88元，豬扒天使麵，涷奶茶及牛肉河，熱檸水。
豬扒天使麵：豬扒是用香矛煎制，夠腍好味，天使麵伴上茄汁，芡汁杰咗些，比較糊口。
牛肉河：牛肉不腍不靱，河粉幼滑，ok呀！
熱檸水：檸檬新鮮,檸檬香味足夠,ok之選!
凍奶茶：茶味不濃，奶夠香，甜度適中，合格！

琴晚同左兩個fan凡左呢間店到食晚
飯,我地9點幾先坐底,所以一人都只係
$88,叫左好多小食,有牛油雞翼,濱海,
牛柳粒,春卷,走地雞,芝士丸........幾乎全
部都係炸野,不過都係d炸野最好食,一
定要試牛油雞翼,濱海,牛柳粒,春卷,走地
雞呢d都做得唔錯,一人$80幾蚊可以係咁
食同飲野,真係好抵,下次會再來.

之前見食評都係一半半, 昨晚親身去試, oh my god.....
(係我目前為止最難食既buffet, 有講大話比雷擘)

一向食野都唔咀(鵰), 又諗住鴻星集團, 差極都有個譜, 約埋三個朋友一試,
因為其中一個話要遲黎, 於是入去坐低叫住d頂肚先, 點知order左一1 round,
即call朋友唔使趕黎 (係直情叫佢唔好黎)

黑椒牛柳粒........一般, 牛肉好淋~
牛油雞亦............唯一一樣夠既野, 但好厚粉, 好膩~
庶蝦....................超細粒, 真係食唔出咩野味~
羊扒....................未食過咁淋既羊扒(過多鬆肉粉), 個汁唔好味~
菠蘿蝦醬炒飯....微暖, 蝦肉霉, 飯又爛 (未食過咁難食既炒飯)~
菠蘿冰................罐頭菠蘿加水 (淡如無味)~
紅荳冰................椰冰味好濃, ok (不過紅荳少到幾乎杯底都鋪唔平)~
牛肉濱海............我朋友話唯一可以接受既野~
蒜蓉炒菜............又係暖既~
生牛肉河............諗住熱湯河無死啦, 點知個湯咸到咩咁, 仲有陣怪味~
芒果糯米滋........點解d皮一pat 醬咁, 一粒仔我地分開三份試, 三個都唧lur返出黎~

好想搵野讚下佢, 但實在難食, 就算免費請我再黎, 都no way~

讚? 有有有......就係d可樂好夠氣 d 侍應收碟好快手~


我地坐門口窗邊既枱, 每次見到有人入黎, 超想打眼式叫佢地走!!!!

鴻星集團出品...點解可以咁差?

好友為我慶祝壽辰

帶我來碌冧品嚐越南任食放題

好味之選粟米冰,菠蘿冰,蘋果豬頸肉,菠蘿蝦糕炒飯,越南庶蝦,牛肉檳海,肉鬆蝦片,芝士焗釀蝦丸,越式燒羊扒,魚醬炒野菜,越式燒秋刀,芝士焗青口,椰汁馬豆糕,椰汁黑糯米

一般之作生牛肉湯河,雞扒凍檬粉,越式春卷,牛油雞翼,水晶蝦卷,黑椒牛肉粒,香茅金沙骨

不吃也罷越南粉包,越式魚餅,豬肉咖喱角,豬肉沙爹,雞肉沙爹,芒果糯米滋,咖喱牛白腩,香露燴牛脷,柚子煙鴨胸

準時5點鐘到達, 好在有book 位, 5:30pm已full

經理服務態度十分好, 招呼週到

早前看碌冧廣告得知任飲任食放題, 分很多不同時段不同收費, 當中最抵食是5-7pm時段,每位$75,反正平日我家習慣六時半前食晚飯, 非常適合我們,於是星期日一家大小去試一試.

飲品方面: 有可樂, 雪碧, 冷/熱咖啡, 冷熱奶茶, 薄荷冰, 香橙冰,紅/綠豆冰, 粟米冰...

當日我們坐近水吧, 可清楚看到飲品製作過程, 香橙冰其實只是用濃縮橙汁開稀加冰而成, 不過飲落也ok
湯類方面: 有海鮮蛋絲湯, 野菌醱湯和木瓜雞絲湯.幾款湯都像清湯, 近乎沒湯渣.

河粉/飯類方面: 我們試了生牛肉湯河, 不過不失沒驚喜.相反雞排凍檬粉, 配合碌冧(自家製魚露)效果出奇地好, 相信關鍵是魚露味美.

特色小食方面: 春卷size超迷你. 肉鬆蝦片中的蝦片並不脆.不過豬肉沙爹,蔗蝦, 芝士焗釀蝦丸等很好味, 是我安歌之選.

主菜方面: 黑椒牛柳粒最好食, 汁醬很惹味,肉汁豐富.柚子煙鴨肉, 覺得像橙味多一點, 幸好與鴨肉很配合, 是另一必食之選.芝士焗青口, 芝士味濃又不太膩.走地雞肉質很嫩滑.

甜品方面: 幾款水準也不錯, 椰汁馬豆糕和芝麻糕size同郵票相約. 芒果糯米滋, 芒果餡料很新鮮, 很好食.

總括來說以這價錢, 食物有這水準已不算錯, 是抵食放題之選.

用$80蚊呢個價錢喺星期六任飲任食都幾抵, 不過係9:00pm後, 但係食物嘅質數都唔錯. 大約有48款湯, 沙律, 粉檬, 小食, 飯類等等, 飲品就有12款任飲.

湯類 : 野菌酸湯, 木瓜雞絲湯 - d湯似味精, 可以唔洗試.

粉檬類 : 生牛肉湯河, 雞扒凍檬 - 生牛肉韌咗d, 檬粉加埋佢哋自家製嘅魚露, 唔錯! 唔錯!

特式小食 : (14款) 個人推介如下 : 越式春卷, 越南蔗蝦, 肉鬆蝦片, 芝士焗釀蝦丸, 水晶蝦卷.

主菜 : (16款) 個人推介如下 : 法式燒羊扒, 越南走地雞, 冶味南乳雞, 黑椒牛柳粒, 越式燒秋刀魚, 香露燴牛脷. (羊扒唔太羶,sauce做得好. 雞滑. 南乳味濃. 牛柳粒肉稔又juicy. 牛脷配香露, 正!)

甜品 : 的的式式, 唔太大件, 芝麻糕混合黑白芝麻, 但係覺得味道怪怪. 反而芒果糯米糍做得比較好, 個心做到流沙效果.

飲品 : 意外驚喜竟然係呢度法式越南餐廳都會沖出好味嘅奶茶, 後來先發現原來係用布袋沖既, 唔怪得茶味咁濃啦! 抵讚! 朋友話個綠豆冰唔得, 而菠蘿冰就似罐頭菠蘿加水.

**呢度d餐具都幾特式, 幾有心思!

地方唔錯, 冷氣好, 因我好怕熱, 完全 OK!

但食品真是太細件, 滨海一小塊, 蔗瑕比手指尾還小, 須然可以叫多次, 但好煩!
2 個人一碟雞, 居然只有一隻亦脾, 唔知俾邊個食好!

最大碟是生牛河, 但水準好差, 河粉唔滑, 味有D 奇怪, 以我多件食生牛粉的經驗, 未試過有D 咁GE 味, 好以牛肉唔新鮮, 越南主要食品做成咁, 太差!

牛柳粒, 勁似牛腩, 好淋, 但唔係粒, NO FEEL!
稍為好D 係羊扖, 但RE-ORDER 巳經不同了!
咖哩角唔錯---不過唔係越南野!

炒飯都可以, 合格以上! 其他冇驚喜! $98 只值 $70....

最慘係大部份都唔熱---我巳經對熱的要求比較低, 都唔覺得唔熱...

仲有,,,TOILET....須要有人做野!

鴻星集團冇理由做成咁....唔通荃灣人CHEAP D ?!

父親節果日去咗碌冧食, 因為周圍都book唔到位, 呢間我即日都仲book到位, 都驚驚地d野唔係好得, 當打去問價錢時, 原來果晚要$139, 足足比平時假期的$99貴$40, 不過每位送番半隻燒大蝦, 而呢隻蝦平時加錢食都係加$30, 所以今天最終係貴咗$10, 不過冇計啦~~

去到都係等左10-15分鐘就有位, 一入到去當然狂叫野食啦, 一來已經差不多九點, 二來任食架嘛, 梗係狂叫啦!!! 不過佢張點菜紙寫住每組每次限叫3款, 所以我地每組都叫盡3樣, 每組都叫哂!!!

食物份量唔多, 你叫7份, 佢就真係比7件你, 而且件件細小如乒乓波, 真係叫哂全部都食唔飽, 不過我地一路食一路傾計, 食哂d風落肚, 所以最終都冇食哂咁多款食物.............

飲品
芒果沙冰 -> 好酸, 冰還冰, 芒果水還芒果水, 7仔d思槳冰仲好飲
凍奶茶 -> 超甜, 冇乜茶味
紅豆冰 -> 冇乜紅豆, 太甜
紫米冰 -> 冇乜紫米, 太甜
橙汁 -> 一般正常汽水橙汁味
菠蘿冰 -> 淡如水, 得幾粒菠蘿, d味似罐頭菠蘿糖水加水
薄可冰 -> 十足漱口水味

主菜
法式燒羊扒 -> 太熟, 又un
香露燴牛脷 -> 超林, 入口即溶
魚醬炒野菜 -> 林得濟, 好勁蝦羔味
南乳雞 -> 面頭好大pat南乳醬, 好重味
香茅金沙骨 -> 唔覺有香茅味, 但都ok, 不過骨大舊過肉
越南走地雞 -> 一般
黑椒牛柳粒 -> 完全比黑椒包圍, 淨係食到黑椒味

小食
牛油雞翼 -> 面頭包滿粉漿去炸, 但冇乜味
越南春卷 -> 個皮一d都唔脆, 反而好un
越式魚餅 -> 好勁香茅, 超勁難食
豬肉沙爹 -> 汁多, 但冇味
雞肉沙爹 -> 汁多, 但冇味
越南蔗蝦 -> 超細, 一啖冇哂, 食唔出味
燒豬頸肉 -> 好味, 唔肥, 又香, 又熱
水晶扎肉卷 -> 大部份作酸青瓜同蘿蔔, 超酸

湯類
法國紅海湯 -> 好似羅宋湯
野菌酸湯 -> 好似冬陰公咁味

沙律
燒牛肉牙車快 -> 牙菜多過乜, 完全靠碌冧d味
蘋果豬頸肉 -> 得一塊仔豬頸肉, 好小家

河粉/飯類
生牛肉湯河 -> 好大碗
雞扒凍檬 -> 又係要靠碌冧d味, 不過雞扒數量都算多
菠蘿粒蝦糕炒飯 -> 炒得好乾身, 不過冇味

甜品
榴槤班戟 -> 超細粒, 一啖可以食4-5粒, 個皮唔夠軟, 嗅到好香榴槤味, 但冇乜榴槤肉
蜜瓜啫喱糕 -> 好香蜜瓜味
椰汁西米糕 -> 好多西米, 好香椰汁味
椰汁黑糯米 -> 冇味

總括嚟講, 以呢個價錢食呢d野係唔抵, 反而最好食係送(其實計埋錢)果個燒大蝦!!

d伙計又好似好忙, 成日都叫唔到人招呼...........叫佢拎幾隻碟仔裝碌冧, 等成幾分鐘再追佢先比, 仲要係比1隻飯碗.......

$98任點任食，點菜紙上寫住時間係5:00-11:00，選擇已經唔係多(食物唔夠30款)，但因為已經9點半，附近呢個鐘數都無咩野食，所以就入左去。
點左芒果沙冰同橙汁冰，點知黎到係芒果水加冰，另一杯就用橙粉開o既，總之唔好飲。
野食就無咩特別，但最差係無人同我地講過幾時Last call，10點4、5左右叫我地埋單先，之後10點半我再order，個侍應先話截左單，我地咪即刻話無人講過幾時Last call，跟住個經理行埋黎，用D唔好o既態度黎解釋，又話會教吓D伙記，其實應該係要教吓佢就真，我地入去個時係個經理招呼我地，但當時佢完全無講過幾點截單，而到另外一個黎埋單亦無講過，如果一間服務態度好o既餐廳，係應該提醒客人幾時截單，而唔係到人地落單時先講。

當日一行7個人o係荃灣正唔知食咩晚飯好...可以坐得好耐又好飽...
諗起呢間野係88蚊任食
平時有食開下午茶都覺得還可以
就抱住即管試下既心態去食

夜晚8點幾...一入到去呆一呆
竟然坐滿哂.
我地一眼望入去以為冇位
點知佢帶左我地入間好靚既房好似vip訂左房咁
即時加分

野食方面唔算非常多款..但係都絕對足夠
飲品方面好細心..紅豆冰波蘿冰等等都可以任飲,覺得唔錯
唯一既疑問係點解冇蝦餅?

有2小時任食..但我地女仔食左1個鐘已經飽到停哂手
男仔就繼續血戰.
總括黎講...88蚊(再加一)既晚餐仲要係放題..真係好抵食+好味啦!

看完食評, 本來滿心歡喜試一試, 加上很少人等位, 心想可以一償心願

8時入坐, 用少於一分鐘時間點食物並立即交服務員. 同時入坐的其他食客亦紛紛交單, 過了10分鐘, 其他遲入單的已開始有一碟二碟, 大碟細碟的食物, 我們只眼巴巴望著食物落在他人口中. 找了服務員, 他只是口頭答應幫你追, 但沒有實際行動

我們只好一路等第一張單, 同時入另一張單 . . .

終於有野食, 我們已等了25分鐘.

一望之下, 十分失望, 所謂拼盤, 只是把三款小食放在一碟, 一條秋刀魚+2件香茅金沙骨+3枝豬肉沙爹, 沙爹是水煮好再加汁的, 完全沒有燒烤味, 香茅金沙骨似用來煲完湯, 然後浸在沒有香茅味的香茅汁中, 所以好淋, 但沒有肉味, 條魚尚可, 但不是燒的, 是整熟後才略燒一下, 另一邊完全沒有燒過的跡象, 食物不熱, 只是微暖

其他的食物開始到

春卷 - 尚可
牛油雞翼 - 點了兩次, 一隻都無現身
粉包 - ok
咖哩角 - 無現身
蔗蝦 - 尚可
水晶蝦卷 - 蝦無蝦味
肉鬆蝦片 - 尚可
芝士龍蝦丸 - 可以一試
燒羊扒 - 跟沙爹一樣, 沒有誠意之作 - 並非"燒", 而是按金沙骨的製作方式
南乳雞 - 又是另一個"金沙骨"
牛柳粒 - 只有黑色和咸字, 其他可以不提
碌冧小炒皇 - 連招牌菜都做成"雜碎" , 多汁又難食, 一絕
兩款炒野菜 - 尚可
青口 - 可以一試, 需要太熟, 很 um
鴨胸 - 完全沒有難度的食品, 如果難食就二絕了
生牛肉河 - 是全場中的熱食
炒飯 - 無必要不用食
薯仔蝦沙律 - ok
apply 豬頸肉 - apple的酸的, 不是來自apple的原有酸味, 而是變酸或醋酸
湯要了兩款 - 可以不提

大致上的食品很差, 整體上的品質不合格, 味道差, 製作馬虎, 如果未吃過越南料理, 不要去, 吃過越南菜的, 更不應去。一次也太多了

聽人講話$88炆任食,話d食物都唔錯,咁我地一行7人就去試吓! 7點半入到去,見到差不多full哂,個地方都幾大,唔會有好迫既感覺! 我地首先睇吓有乜野食,雖然只得一張紙選擇,但都唔少款既!

飲品
凍奶茶 / 咖啡 : 都可以
紅荳冰: 超甜
香橙沙冰 : 還算ok
芒果沙冰 : 得個甜字

唔好食或一般既食物
串燒 : 唔得,d肉超稔,完全無燒烤味
南乳雞 : 唔好食
咖喱雞 : d咖喱味好怪
豬肉咖喱角：一般
蔗蝦：無乜蝦味
燒豬頸肉：都係一般
牛肉濱海：麻麻地
肉鬆蝦片 : 塊蝦片稔哂既
蒜茸炒時菜／炒野菜：一般既菜．無乜特別
碌冧炒飯 : 完全無材料去炒.....淨飯...極差
越南走地雞 : 一般,d雞偏向稔
3款湯 : 全部都好難飲,野菌酸湯同鮮蝦酸湯,好似飲緊糖水咁,只不過係有酸味,法國紅海湯好似人地豬排汁咁~~~~
甜品：無乜款選擇～～～

好食既食物
扎肉凍檬粉 : 好味,加埋d自家魚露就好好食
生牛河 :個湯底唔差,但牛肉只得兩片,d河粉就一大碗
燒牛肉牙車快 :塊燒牛肉幾好食
蘋果豬頸肉：超好食，我ｄ朋友叫左好多次
越南春卷：我既至愛，如果有埋塊生菜包住就會更加好囉
牛油雞翼：ｄ炸粉唔厚，唔會成口油
越式粉包：加埋d自家魚露就超好味
越式魚餅：辣辣地．．．好
水晶蝦卷　：酸酸地，幾好，不過隻蝦就唔係咁新鮮
法式燒羊扒：朋友話幾好食
黑椒牛柳粒~牛柳很細粒~都ok
小炒皇：幾特別
燒秋刀魚：夠大條
香茅煎豬扒：好香口

總括黎講，＄８８＜要加一＞都係值得一試既！

88蚊任食2個鐘~可以揀的東西不少~
與男友二人狂食~
上菜速度ok~份量除檬粉外~都係偏少的~反而可以食多幾款

男友叫的芒果沙冰有一粒粒的黑珍珠~好得意~

法國紅海湯比鮮蝦酸湯好飲得多
我仲叫多一碗tim~
法國紅海湯酸酸~味精偏重~但我很喜歡

燒牛肉牙車快
份量很少~過過口癮很不錯~燒牛肉亦好味

蘋果豬頸肉
沙律的豬頸肉比佢單點的好味

雞扒凍檬粉
雞扒較少~但都ok~好味~

小食方面~幾乎食晒~

越南春卷很油~不特別
牛油雞翼~好香但太油了~
越式粉包不錯~但真係滴油...
越式魚餅很辣~
豬肉咖喱角很一般~不吃也罷
沙爹入味~肉ok~
蔗蝦很油~蝦味不夠
燒豬頸肉~沙律的豬頸肉比佢好味
牛肉濱海...份量很少~很一般
水晶蝦卷~不錯~醒神
肉鬆蝦片~香~但蝦片受到牛肉的影響~有點冧了~
法式燒羊扒~肥左d~但肉嫩
越南走地雞~不錯~但不突出
南乳雞~比走地雞香~
黑椒牛柳粒~牛柳很細粒~都ok
小炒皇...好腐乳味~唔太好味...
蒜茸炒時菜~~香~唔太油~ok~
燒秋刀魚~大條~香~唔錯~
芝士焗青口...有1,2隻有少少腥~但整體很ok~隻芝士好襯青口
香露燴牛脷~似茄汁多d~有一點漏...
柚子煙鴨胸~好難食!!!!!!!!!!!!!!!!!!!!!
金沙骨~都幾難食~d肉散的~
咖喱雞~辣左少少
香茅煎豬扒~香
甜品最失色~選擇少~份量少~亦沒什麼味道可言

整體而言~88蚊可以食得晒間舖全部的東西~
滿足亦抵食~水準亦算中上~
值得一試

很多時乘車會途經的一間法式越南料理, 很久前已想試的餐館,今午終於約同嘉和豪來品嚐。早到了,時間還有空隙,走入旁邊的大型商場閒逛; 不一會接到嘉的來電說已到達,我便掉頭走回餐館去 ,坐下來看見餐單價位亦算親民。
不久食物已端上桌來,不怕羞的我馬上又拿起相機拍一翻;害羞的嘉提示我勿用閃光燈就是了。這餐可真是解饞又飽肚吶

牛油雞翼~~熱騰騰的，香脆無比,賣相亦好看,唯一美中不足是欠缺牛油味。

越式豬頸肉炒飯~~吃罷春卷後豬頸肉炒飯便端上桌來,豬頸肉丁,細嚼起來柔中帶爽兼彈牙,讚!讚!讚!

香茅牛肉炒金邊粉~~這個很好吃，大塊而厚的牛肉片,香茅完全入味;愛它肉質鬆化,咀嚼無渣,牛味香濃,嗜牛者不容錯過;金邊粉又滑得很，直滑到我胃裏去。推薦！

菠蘿粒蝦糕炒飯~~菠蘿粒和蝦糕,實在是天造地設的絕配,要是蝦糕多一點點就更佳。

凍奶茶~~對於愛喝奶茶的我來說，這是一頓餐後的靈魂。這裡的尚可;當然不能與茶餐廳的那些香﹑濃﹑滑比美,若是不好喝，絕對是敗筆。

因為阿媽好越南野(但其實我係麻麻地....)所以去左食@@"
心諗，鴻星集團都唔會太難食卦......

因為仲有下午茶時間，所以寒媽揀左魚春卷米粉配牛油雞翼。

隻雞翼我食左一隻，個牛油味都唔算好顯@@"

呢個柚子胡椒豬頸肉佢既特別調味仲有返D水準，
貴就貴左少少，溫度都唔算好高，但都還可以@@"
(算係最好一味黎Ga La@@")

至於我叫既椰青焗飯x咖喱大蝦就.....(好削@@")
蝦同咖喱各走各路，連咖喱都唔對路，又唔甜又唔辣唔知想點，
至於個飯呢@@"

你放蛋落去提香好似有建設性過的咁多粟米既纖維囉@@"
一句：咁既時節，咁既價錢真係唔多得Wor@@"