沉晚去渡船閣諗住食堂記, 點知東主出遊, 月尾至返, 搞到搵食摸門釘, 於是四維搵吓有咩食, 見到呢間潮州店, 睇吓有冇糖醋麵, 有噃, 入去試吓先!
入到去得一張兩人枱有位但擺咗留位牌, 等咗陣個阿姐就叫我哋坐咗先, 點咗 :
- 糖醋麵 (同平日食開嘅有啲唔同, 佢煎到有塊脆皮蓋面, 個樣好似塊大山楂餅切開咁, 食味真係唔錯, 推介)
- 韮菜豬紅 (豬紅完全冇味, 啲湯就有啲味, 可以不試)
- 煎蠔餅 (都煎得幾好食, 唔會油冧冧, 推介)

呢間鋪唔大, 裝修普通, 但我哋等緊嘢食時, 隔籬有三個客坐低, 個阿姐埋去招呼佢哋問"係咪飲番之前隻智利紅酒呀?" 吓, 原來呢度有幫客keep紅酒咁high架? 不過晚飯時間就嘈到街市咁, 唔係好配合噃!

到圓方看戲, 行了一圈,所見都是高級食肆,超級市場內的熟食都是西式三文治,$3x 幾片方飽+2片雪肉,飲品另計.
走出去, 走到佐敦渡船角, 這裡有不少食肆, 日本菜, 粥, 飯,....
走進這間, 地方頗雅致.
午市套餐包括飯或麵,例湯,綠茶,奶茶/啡 $28
叫了A餐鵝飯$30和E餐架喱牛腩飯. 其他可選的有西炒飯(看似楊州炒飯),炒E麵(看來不錯).
例湯青紅蘿蔔牛肉湯不錯, 不是湯渣+水, 也不是味精塩水, 水準比要付錢買的好.
茶包綠茶,喝完可以[請]服務員添水, 她們只會自動為熟客添水.
架喱 牛腩也不是行貨.
看到餐牌, 有板沙苧頭$38, 還有其他特色小食,都想試下, 但吃完午餐太飽,下次有機會才試.

朋友住佐敦帶去呢度食潮州野, 鹵水真係做得唔錯, 尤其是鵝片鵝肝, 鵝片好多地方都做得D肉好"鞋", 呢度一D都唔"鞋", 鵝肝又香又滑真係好好味, 燒雞皮係燶左少少但雞肉好滑, 食左好似黃金蝦咁上下名的, 好好味不過貴左少少, 有個好似上湯小棠菜既送, 有D菇, 都幾好食個湯味甜甜地, 另外食左筍殼魚, 好少食到蒸, 多數出面食都係炸, 但係蒸一樣好滑, 下次都要再食蒸, 還有食左糖醋麵, 呢度竟然有蛋散食, 不過個人覺得厚身左少少, 味道OK!

因為之前朋友話呢間潮州菜好味又抵, 所以今晚特登成家人黎呢度食. 我地叫咗八個菜, 最欣賞係沙茶牛肉炒河, 真材實料, 少少辣, 啱哂我口味! 蝦棗蟹棗亦係我地的至愛, 姪仔未食完碗度果粒又去攞, 驚死俾人食哂, 結果俾人鬧無禮貌! 我好鐘意個蝦棗漿, 同以前食的一樣, 好開心可以再食倒! 另外蠔餅都唔錯, 雖然唔係脆炸, 不過d蠔好新鮮, 大大粒, 都好好味. 最後叫咗個反沙芋, 之前阿蘇介紹過做法, 一直都想試, 見到呢度有, 即刻叫番個. 好脆好好食! (如果要叫反沙芋, 記得留肚!)

食咗咁多野, 最後埋單都只係三百蚊, 七個人分, 抵!!!

我係潮洲人，見到依度有潮洲嘢食，梗係要試吓啦！前兩日嚟到，四個人叫咗鵝肉套歺、潮洲炒米粉套歺、煎蠔餅三樣嘢。鵝肉冇味，Ｄ鹵水汁唔香又得過咸字。炒米粉又硬又咸。煎蠔餅仲死，又唔脆Ｄ蛋又老，好在的蠔夠多同新鮮。埋單都要一百Ｏ四蚊。冇下次！！！！！

尋日朋友介紹我黎呢間餐廳食飯,原本以為只係一間普通o既餐廳, 點知有意外驚喜.
佢地o既潮州菜式,做得相當出色,試過佢地啲沙茶牛肉炒河同鹵水鵝,好好味.最正o既係飯後嗰碗芋泥, 十幾年冇食過, 超好味, 好懷舊, 仲只係十二蚊咋.
其實仲想試下啲炸角仔甜品 (熱辣辣o既脆外皮包住o的花生椰絲嗰啲), 好少潮州檔有得食, 但太飽, 都係下次先.