尋晚約左d老友去帝后殿食飯，因為我地都係附近返工既， 因天氣轉冷所以著多左件厚褸，坐低無耐我就將件褸除左擺在椅背，有個女侍應見到立刻去攞個椅套幫我將件褸套好，服務真的不錯值得一讚。

食物方面價錢都唔貴$198任點任食真係好底!!! 加埋我print左張85折coupon….. 我們叫齊所有食品:
頭盤: 花雕醉雞，素鵝及燻蛋 (我的至愛)
湯羹: 酸辣湯，宋嫂魚羹 (魚肉真的很新鮮好味)
小菜: 勁掂既蜜汁火方 (叫左2次回曬本)
麻婆豆腐 (味道一流，豆腐很滑) 、獅子頭 (很鬆很正)
甜品: 蛋白杏仁茶，高力豆沙 (唔食就笨)

總括來說環境，食物及服務都限OK既餐廳

今次己經係第二次嚟帝后殿食飯,上一次係夜晚嚟,坐入面嘅卡位,覺得食物同環境都幾好,所以今次試下中午嚟食,可能因為無訂嘅關係,今次只係坐近門口位,今次点左東坡肉,肉絲配义子燒餅,小籠包,值得一讚嘅係落單時我只係話想食义子餅,伙計竟然會向我推介餐牌上無嘅菜色!柬坡肉半肥瘦剛好,肉絲配义子餅幾好!小籠包亦保持水準,汁多!重括嚟講都幾好只係上菜有ｄ慢,最意想不到係一路食飯時已經發現有一個厨師站近門口位,同我張枱只差幾部,我同男友都有留意他,他不停留意其他員工做嘢,有客到時亦會幫手招呼,但突然他與一應該是餐廳經理係門口大聲說話,仲有ｄ係粗口,今日嘅中午飯就被扣了一半分!穿著公司制服竟然可以客人付近大聲講粗口!就算知道甜品有半價都唔想食啦!應該會再嚟帝后殿食飯,但希望唔好坐近門口位啦!

帝后殿推出了一個$198任點任食晚餐, 憑coupon更享85折優惠. 提供的菜式亦對口胃, 即管來試試.
店的面積不算大, 但裝修新潮, 整潔亮麗, 予人舒適感.
先由宋嫂鮮魚羹及海鮮酸辣湯開始, 兩款湯羹用料都相當豐富. 酸辣湯越喝越辣, 非常惹味噢.
然後花雕醉雞, 鎮江肴肉, 茶葉煙燻蛋, 粉皮白切肉及脆皮素鵝. 四款頭盤可謂各有特色, 各有各美味. 最驚喜是首次嘗的煙燻蛋, 蛋黃部分像流沙有濃濃蛋香, 蛋白部分帶微微煙香, 令小妹這愛蛋之人愛極. 但這回似乎用了雞蛋, 也想試試用鴨蛋的味道呢!
小菜類選了西施河蝦仁, 銀芽炒鱔糊, 冬毛素雞及不可不吃的蜜汁火腿雙方. 小妹乃首次接觸此菜, 聽說此菜採用金華火腿的火瞳部份, 因而每件火腿都有小片油脂附著. 但油脂一點不肥膩, 配合脆脆的腐皮及蜜糖同吃, 那感覺非常豐富, 實在令小妹驚喜.
己感覺飽飽, 也擔心裙頭鈕鈕的支持力……
友人仍點了三絲兩麵黃, 上海菜肉錕飩. 這兩麵黃很正噢, 麵炸得鬆脆, 香口非常, 可見火喉拿捏之功力.
開始後悔今天的裙頭並沒有彈性……
還order了高力豆沙, 楊枝甘露及蛋白杏仁茶. 杏仁茶香得讓人心醉, 混入蛋白令層次更豐富. 小妹要給蛋白杏仁茶5個讚噢. 楊枝甘露則稍遜, 奶味過濃, 把芒果味及柚子味都蓋過了. 令層次變得單薄.
非常非常後悔今天的裙頭沒有彈性……
服務不錯, 上菜速度亦可. 難怪座無虛設.
我們總共嘗了2款湯羹, 5款頭盤, 4款小菜, 2款主食及3款甜品, 小妹是從來沒試過2個人吃中菜可如此過癮噢!
I will be back ~~~

Comments:
we have 6 persons in total having dinner
restaurant not too big but some customers are waiting
waiters pushing us to leave 3 times
food and environment are ok but unpolite customer service
very unhappy especially we paid $300 per person

Taste:
fried noodle is fine
chicken in wine is ok
fried pork is a bit too oily
seafood is slightly overcooked but acceptable
dessert is quite good

Environment:
new decoration
updated style
window seat will be better at night
location is ok
a bit too crowded as tables are near each other

係我既認知入面, 上海菜係主要等色就係 "醬厚味濃". 但係一連食左兩間味道清淡既上海菜館之後我就懷疑係唔係我既認知錯左? 尤其係食完呢間帝后殿之後, 覺得又貴又唔正宗本來已經諗住上黎俾個喊面佢. 點知上到黎見到佢個簡介後見到係標榜 "少油少鹽無味精既新派上海菜", 咁再諗深一層, 確實如此. 或者 "新派" 可以理解成 "非正宗", 但此乃大勢. 就好似D人食薯片要少鹽, 飲汽水要飲zero咁. 除左無左 "多醬油" 以外, 平心而論, 都ok既.

今晚我哋total 6個人, 但係因為佢呢到d野既份量都算細, 所以叫左好多碟~~~

脆皮素鵝 ($48), 手拍小黃瓜 ($38), 花鵰醉雞 ($68), 蜜汁烤雙方 ($35/件), 崧子桂魚球 ($128), 小籠包4pcs ($32), 鮮茄汁蝦仁鍋巴 ($98), 黃金明蝦球 ($148), 火腿津白 ($78), 香蕉高力豆沙 ($48)

其中我比較有印象既係蜜汁烤雙方同埋崧子桂魚球, 蜜汁烤雙方, 雖然見到佢個火腿好似好肥咁, 不過當佢配合嗰塊好脆既腐皮(??)同埋香甜既蜜糖, 用白餅夾住黎食, 咁就中和晒我原來以為會有既肥"利"口感. 不過$35一件我就覺得貴左d~~ 另外崧子桂魚球既魚球炸到好香口但係咬落去又唔會成口油. 再加埋佢嗰個酸甜得宜既汁, good!!

咁多餐入面, 唯一我覺得味道比正宗"濃"既係黃金明蝦球既咸蛋漿... 我覺得咸得濟, 食左一個已經覺得好漏.

職員服務態度ok, 我見佢哋會主動同d客提出幫佢哋換枱等佢哋可以坐得舒服d. 同埋係我哋點菜既時候都會主動提出d意見俾我哋. 上菜又係上得勁快. 不過我地食到後面, 有d野食唔晒, 諗住傾陣計再食, 佢哋就會成日過黎問我哋d野仲要唔要想幫我哋收左佢. 後來佢黎左幾次之後 (係幾次咁多), 佢先細細聲同我哋講話原來佢上面d經理見到我哋成枱都係野就要佢過黎清左佢. 雖然話係效率高, 但係黎得多就好騷擾囉, 呢樣要改善吓!

友人先到，見到有個 HSBC 卡 85 折 6 人套餐，轉頭唔見左個牌，問左幾個侍應都唔知我地講邊張....佢地個樣又唔似係 parttime 喎？

結果要問番一開始個位小姐先知我地講邊個餐。根住又話無成條魚唔知點轉乜...是但啦，食餐飯仔 jeh。

頭盤有晒我最中意食的：

粉皮 (好搶手)、鴨舌 (肥美)、煙燻蛋 (好似糖水蛋呢)、蒜頭青瓜、脆鱔、素鵝。

主餐有酸甜蝦球 (好大粒)、鴨 and a Shell Shape 饅頭 (鴨麻麻地)、松子魚、奶油津白，蛋白瑤柱抄飯、小龍飽。

仲有仲有，甜品係 red date 泥松子。

pit 除侍應唔熟 d 餐牌之外，我覺得呢度 d 野食係 ok 好食的。

After search from Openrice & know this restaurant never has any big comment, so just go try. New restaurant in the new building, very nice! But when I walked in the restaurant, the restaurant is very small & with TV on the wall, like "cantonese style fast food shop". We ordered couple dishes, one recommanded by the waitress - "don ball pork". She said it takes time to prepare - within 15 mins, shouuld be ok for us then we ordered. That "fat pork - don ball" took us almost an hour to wait & little bit cold inside. Also, i don't like their service, typically mainland waitress & waiter, i saw them use their fingers to wipe off the dirt from the spoon & bowl. So, very bad experience there.

姑姐生日請食晚飯, 佢訂左呢度呢.
今餐都好多野食; 其中印象深刻d的有以下幾款:

滬式冷盤: 有好多,
肴肉, 海蜇, 鴨胸, 素鵝, 香酒小豬蹄, 燻魚

肴肉, 海蜇, 鴨胸都係一般;
但d 素鵝真係好食, 剛炸起, 唔油, 又夠脆;
香酒小豬蹄好鬼香酒味; 食了一舊, 因怕肥....
燻魚略淋, d 大舊d 的骨唔食得, 因仍咬唔倒... 可燻勁d 再乾身d 我就最愛了.

黃金明蝦球 拼清炒河蝦仁- 呢味係必食, d 蝦都唔細隻, 加上d 蛋黃,
夠香口, d 蛋黃在口內慢慢溶化, 一流呀
一路打字, 心中都仲想食多次呢

蜜汁火腿烤雙方- 又係推介的菜色. 係味蕾的考驗, 又咸又甜.
喜歡的人會好喜歡, 不愛的人則不會食, 我肯定係前者

龍鬚桂魚- 炒得唔夠乾身, 但已很好. d 肉已切到好幼好纖細; 也要有咁上下新鮮及鑊氣才炒得倒呢.

烏參翡翠苗係個幾奇妙的配搭, 一個汁多味濃又淋; 另一個味清爽而脆又乾身.
真係可以話係相反的呢.
但一起食, 兩樣不同的走在一起, 又互保不足噃.
如d 參太咸, 食多注菜便行了

小籠包已很好, 但有其他咁多咁突出的菜色, 小籠包突圍失敗了~

服務很好,一讚.
好多味送都很好, 真的幾掂呢

那麼大雨也不敢到處跑了，帝后殿便成為我們的首選。
由以前沒什麼人到現在人山人海的景象，我們大概也沒選算錯吧。
我們3人吃了:
上海烤麩($38) 剛剛昨天才吃完，比較之下這個較好吃，我差不多吃了一半呢。我最喜歡這個菜就是因為咬下去的時候裡面的汁會流出來，看來以後又多一個選擇了。
春卷 春卷很新鮮，應該時即是炸的。它不太油，裡面是娃娃菜和冬菇絲，不錯的，所以我們幾乎每次都點這個。
生煎包 可能我的期望太高吧，味道好像不太好。生煎包太油，皮不合格，包底很厚很硬；裡面雖然有肉汁，但味道略淡，吃不到肉的鮮味。
鹹肉菜販($68) 看到的時候非常興奮! 放在鍋裡的飯拿來的時侯還有”沙沙”的聲音，我第一時間便是想到會有飯焦吃，真好! 這個其實有點像煲仔飯，十分新鮮，熱騰騰的，加上混在裡面的鹹肉，真是惹味，果然貴得有理。可惜這個飯偏油，不宜多吃。人多的話是一個很好的選擇。

吃得太飽了，所以沒叫最喜歡吃的八寶飯。是次忘記了看看價錢，大概$100一位吧。

喺internet睇咗個blog，再check埋openrice，好似幾吸引，於是試吓。

是夜叫咗：
無錫脆鱔 ($38)
油炆小竹筍 ($21)
蜜汁烤雙方 ($140)
小籠包 ($32)
荵油淋雞半隻 ($120)
帝后殿炒飯 ($68)

脆鱔：好熱，好脆，但汁帶酸，落咗太多醋
竹筍：ok，但無乜味
烤雙方：好味，小小貴咗啲，$140得四件
小籠包：皮真係好薄，肉汁亦好豐富，不過啲肉酒味好似多咗啲
雞：實在太咸，雞亦炸過籠，乾晒
炒飯：應該落咗咸蛋黃去炒，不過似乎蛋黃多而飯小，攪到粒粒飯都好似起沙咁，飯身亦太乾旱，唔油潤

總括嚟講，冇驚喜，亦唔會再幫襯

佢呢到地方雖然細，但食物真係唔差架
星期日，唔係好多人，三個人食左:
蘿蔔絲酥餅(半價後$12) 清清地，找不到丁點油，我幾鍾意，不過對某D人黎講可能會淡D
小籠包(半價後around$15) 皮&餡唔算太突出，反而D湯就幾濃下，熱辣辣都幾好味
菜肉餛飩(半價後$15) 真係稱得上是皮薄餡靚，餡非常juicy，不過湯就凍左D
黃瓜拌海蜇($38) 本身無乜味，最好加醋食。講真，呢D都好難話太差，不過可以唔叫
唔記得叫咩(上面有圖)($48) 非常清的一碟小菜，我覺得無乜特別，但同行o既兩位就幾鍾意
煎八寶飯(半價後S30) 每次黎都必食! 唔太甜，加埋豆沙、馬蹄一齊煎，好好味!極力推介

食物上得好快，夠熱，唔錯!又多個新地方啦
不過只限星期日(點心甜品半價)，食正價都幾貴

may 13, 09喺我嘅1週年,自己為自己攪番個局,hehe..........共10人嚟lunch,叫咗 :

1) 上海烤麩 (9折後hk$43.2)
- 我最鍾意嘅前菜,見到實會叫嚟試吓
-呢個喺暖熱嘅做法,我鍾意熱食多過凍食
-好夠味,不過味道濃到重手咗/鹹咗少少

2) 翡翠苗 (hk$68)
-唔知喺咪因為列在廚師推介之內,所以無折
-苗草很嫩,最喜歡喺嗰陣酒香
-不錯

3) 鎮江肴肉 (9折後hk$61.2)
-中規中矩

4) 無錫脆鱔 (9折後hk$61.2)
-sorry,1張相勁爆光,1張鬆咗,所以無相睇
-我自己覺得佢做得脆口,味甜濃,交到功課,但有d友人就唔多鍾意

5) 蜜汁烤雙方 (1/2價後hk$175)
-+到去10塊
-呢個好貴,正價喺hk$140/4塊,1/2價後就合理少少
-塊包夾住蜜汁火腿,脆腐皮嚟食,好甜蜜,好豐富嘅味道
-但有位友人就唔鍾意+埋脆口嘅腐皮嚟食

6) 雪菜蝦仁炒飯 (hk$68)
-唔知喺咪因為列在廚師推介之內,所以無折
-炒得好乾爽
-清清地也是不錯

7) 花雕醉雞 (9折後hk$61.2)
-我就無機會食到
-但聽到友人話唔夠酒味

8) 菜膽獅子頭 (1/2價後hk$39)
-肉鬆,味甜
-用嚟送飯最好

9) 北菇津白膽 (9折後hk$70.2)
-我只攻咗津白,夠清甜

10) 蜀都香酥鴨 (1/2價後hk$125)
-1隻
-友人上次嚟食過香酥雞,我就喺雞同鴨中間揀咗鴨嚟試吓
-個皮好薄,肉亦好嫩,不過友人就嫌佢唔夠酥香
-問過友人究竟酥雞好d定酥鴨,佢話雞好味d
-好.............下次你哋可以試吓

11) 即製小籠飽 (9折後hk$28.8)
-我比較後段先食,所以凍咗,不能試出皮嘅真味來
-但都好濃肉汁
-即時食過嘅友人話ok喎,咁本身即喺唔差啦

12) 榨菜肉末配叉子餅 x 2 (9折後hk$129.6)
-得8個燒餅
-我自己好少食呢度道菜,出到街都唔多會叫添
-最欣賞喺個燒餅,面多芝麻不在話下,而且仲又薄又脆添..........好有水準
-個肉亦鹹中帶小甜
-呢個好唔錯,令我以後對呢個菜改觀

13) 生煎鮮肉鍋貼 (9折後hk$28.8)
-無試到
-不過聽友人講話比較乾身,麻麻是也

14) 天津狗不理包 (9折後hk$24.3)
-無試到

* 呢度好細,要訂位

* 味道正如友人所講,都不錯,不過就唔喺有驚喜嗰隻。我自己就覺得佢都幾貴,已經有9折又有1/2價,但每人都要成$126...........如果咁折都無,嘜要成$200乎?????

* 佢有2個優惠............用任何信用咭結帳(citibank除外)............就有9折,每日都有唔同嘅discount,嗰日就喺肉類同甜品..........不過嗰日我哋叫得咁激,所以無叫到甜品...........另個原因喺佢上菜好慢..........已經遲晒到啦..............

老友英國回來渡假，應承帶他去吃特別一點的中菜。其實最近忙得要命，也沒有細心考慮哪個地方真的好，只隨便約他在灣仔地鐵站等，到時再想。

本想帶他去吃川菜，但又不太清楚他嗜辣的程度，萬一他吃不了辣咪大鑊。靈機一動，京川滬菜不是穩陣一黠嗎?而且英國的小鎭也沒有得吃，就咁決定。從未嚐過QRE Plaza的那間京川滬菜館，又去睇睇佢水準如何。

頗華麗的裝修，加上骨瓷餐具，感覺挺高檔的。這類的中菜館，唔打得都睇得，正合外國人的品味。掃勻個餐牌，睇來睇去都冇咩岩食，幾乎想把菜譜交俾佢叫佢揸旗，真的很不容易才揀了幾個菜。

先講涼菜，正如KC所言，薰蛋竟是用上雞蛋去做，蛋很咸，溏心不足，水準未佳；樟茶鴨仔，擺放得不好看，未食已大打折扣。好油的半隻鴨，不香口，又是過咸，感覺如像吃腊鴨一樣，要吃伴碟的花卷中和味道。

小籠包一籠四隻，肉味還可，卻嫌欠缺些肉汁和湯，且皮也是太厚，水準及不上上海老店的出品。

獅子頭是我全晚最欣賞的一味，又濃又甜的醬汁沾滿了整個獅子頭，豬肉肉質鬆化，配角的冬筍亦爽脆，菜吸收了濃醬的精華，十分入味。但賣$78，只得兩件獅子頭，似乎太小家了！

冬菇津白，清清地也不錯，起碼蔬菜甜美，冬菇不韌又入味，簡簡單單的中和了
獅子頭的濃味。

請客最怕客人食不飽，還是叫多碗擔擔麵俾佢，也了解一下他嗜辣的程度。當然，擔擔麵只是嬰兒級的辣度。這裡的拉麵算不上彈牙爽口，湯底比想像中更唔辣，好在麻醬夠香，挽回了些少分數，但其實也不是出色。朋友對辣似乎沒有抗拒，應可吃得更辣，下次可以放心帶他去嚐川菜。

坐了一整晚，沒有幾檯客，場面冷清得很。或許就是人客不多，服務幾到位，埋單時服務生也懂主動提出什麼卡有優惠，基本功夫做到了。

因這天是下雨天，大家都不想行得太遠找食，一致揀選了這裡。一到十一時我便即致電訂位，因我們一行七人都幾難找位，如有都要等起碼10分鐘。都好滿座架！尤其是下雨天。我們都幸好訂到。
我們今餐都幾豪！哈哈！點了以下：
鎮江肴肉：爽口沒有散開，正！
粉皮白切肉：加了秘製醬油的粉皮好滑口，白切肉略遜，因冧得制，唔夠爽！
花雕醉雞：好味，雞肉嫩滑，可加多少許紹興酒
崧子桂魚球：魚肉夠嫩，外表夠脆，甜酸汁好夠味，好多個正呀！
黃金明蝦球：好惹味呀！有醎蛋黃好香，蝦球彈口又有鮮味，這個都係好多個正呀！
回鍋肉：這個稍遜了，太多油了。
即製小籠包：好好味呀！皮薄肉汁夠。
鮮肉生煎包：個包底夠脆，包面又軟，舊肉好味呀！
高力豆沙：我的FAVOUR！我好喜歡吃這個！今次不例外！正呀！
蝦子XO醬炒年糕：好味！不過無乜驚喜！
可能我們太嘈！引到大廚嘅注意！因每樣食物一到，我們都起哄，互相討論那個好味！這真係叫（七咀八舌），他還請我們吃杞子桂花糕！都好好味！

九月廿四‧晴

不會去刻意強調在開飯結緣，但是晚就約了幾位在這裡結識的好吃之徒來試試。而實在，不是食友的介紹，也不知這裡有這一間中菜館，賣的是京川滬菜，環境很不錯的。

又遲到，來的時候飯局已近中段，一口氣吃了幾道前菜，最有印象的就是薰蛋。這裡用上的是雞蛋而不是鴨蛋，不算溏心，好像是三十元一只的，半邊也要15大元，不太值；剛好大家在吃的一味是蜜汁火肪，這裡的除了火肋及餅皮，還夾有一片炸腐皮，吃起來脆口鹹香，加上蜜汁，吃多幾件也可以；水煮魚的魚片厚得很，沒有去吃了，反而對墊底的粉皮及大豆芽菜更有興趣，吃起上來麻多辣少，平衡方面，可以更好；兩味重量級菜色先後上檯，分別是紅燒元蹄及東坡肉。前者夠色，元蹄大大隻，賣相很不俗。肥肉甘腴，但廋肉的部份就韌了一點，同樣的情況也出現在東坡肉上，似乎火侯控制可以更好；獅子頭也是我喜歡的滬菜，試了一點這裡的，吃起來也鬆化，不過份量就小了一點；糖醋魚吃了一點，沒有留下什麼特別的印象；

最後的三味澱粉質食物，是小籠包、素餃及狗不理。小籠包肉餡還可以，但皮太厚了。素餃也是餃皮的問題，而狗不理包子也是，吃起來太「立口」，尤幸肉餡是幾鬆軟的。甜品要了拔絲蘋果，皮脆又香甜，不錯的。

埋單每人二百二，如果想找一處好一點的地方吃京川滬菜，這裡也算是選擇之一。