本來朋友生日原本打算明天慶祝..點知返返下工生日朋友突然提前想當晚搞!
臨時臨急半夜11點又未收工..凌晨2點係屯門走都唔知可以去邊買蛋糕~
好彩靈機一觸俾我諗起【沛公甜品】
之前食過佢d千層pancake已經覺得好好味..印象中佢好似仲有蛋糕賣!
甜品鋪一定冇咁早收喇掛..於是即刻打電話去問~

點知真係有得買呀..謝天謝地!
跟住再問佢地幾點收? 下!?咁岩果日有食環check場..諗住收12點?
我即刻話俾老闆聽我好急要個蛋糕..但我收埋工去到荃灣最早都半夜2點幾!
求佢等埋我先山鋪~結果個老闆真係肯呀..超級好人
佢仲問我個蛋糕洗唔洗寫字..態度依然咁好! 如果俾係第二d鋪頭等你兩個中彩你都傻..

個蛋糕仍然保持水準..生日朋友明明唔"好"cream都讚好~仲足足食左2大舊!

另外之前仲食過其他口味.
香芋紅豆 --- 味道香濃~而且仲有粒粒紅豆..呢個係我至愛
榴槤 --- 好香榴槤味..呢個都好食~第3至愛
m&m --- 呢個其實都唔差..不過我麻麻地中意d m&m~首選其他味!

在1間港式迴轉壽司店吃過草根壽司後… 心情超差…
絕對要吃甜品來平復心情~!
既然來到荃灣, 就去找間出名的甜品店朝聖1下~

在or 記低了地址, 爸爸說沒聽過”登發街”, 原來是在”路德圍”裡的~ 加上這個地址就易找得多~~~ 這兒最有名的千層班戟, 款式都比別家多~ 基本的如巧克力、草莓外, 還有青莓, 碎曲奇, M&M, 榴槤等等 ~ 爸爸說找得這麼辛苦~ 1定要試~ 於是我們3個人, 就點3款share~ 爸爸要”特級芒果千層班戟”, 綿羊要”檸檬芝士千層班戟”, 而妹妹要”榛子千層班戟”~~ “特級芒果”的層數沒那麼多, 夾著是比較creamy的鮮忌廉, 爸爸和綿羊都說芒果很新鮮, 令整件班戟很出眾~~ “檸檬芝士” 和 “榛子” 就真的看得上去似是”千層”, 薄薄的1層又1層, 間著較為實感而幼滑的忌廉, “檸檬芝士” 則重於檸檬香, 吃著像是吃cheese cake, 味道太甜了。 “榛子千層班戟” 散發著獨特的榛子香味, 甜而不漏, 感覺最好~~~

今期的優惠推介是 +$3 換購1盒 $12的布甸/果凍~~ 雖然已給千層班戟的cream 攻佔了胃部, 妹妹和爸爸都本著”1場來到” 的心態, 抱它們回家就是了~~ 我們分別要了”胚芽好立克鮮奶布甸”和”炭燒咖啡鮮奶布甸”。 好立克味道跟鮮奶布甸很match~ 加上充滿麥香的胚芽碎粒1起吃, 實在又香又甜 >v< 至於炭燒咖啡呢, 咖啡味香濃, 還在甜中帶點苦, 將”咖啡”這角色演活喔 @0@! 不過妹妹還是喜歡甜美可口的好立克味多點~~~

收左工就黎呢度食個甜品，呢度都算幾出名千層pancake。咁我當然唔會錯
過啦，呢度都好多位俾你坐。不過只係傍晚之後先有得坐。

芒果千層pancake真係幾好食，芒果又唔算太酸。而忌廉既份量都算
適中，算唔錯既。pancake皮又好煙韌，真係好食架。
芒果布甸呢個都唔錯，都幾多芒果粒。雖然無得加花奶，不過我
好肯定佢地有落過奶整布甸既，都好食架。

呢間食甜品價錢唔太貴，味道又唔錯，點都有下次既。

哈哈...為左有肚食甜品~ 係食飯之前就去左試最出名的千層喇~
一行到埋去睇下有咩好食...店員就好NICE 咁推介了...
仲好型咁話開張台俾我地...哈哈~
結果...就係街邊睇住D人行黎行去了~

青檸芝士千層pancake
真係好多層呀...好有心思呀...層層都好RICH既CREAM...
好濃的CHEESE 呀...仲有少少酸...個RATIO 幾好喎~
啖啖都食到 / FEEL到層層的PANCAKE / CREAM...
其實個PANCAKE有D煙煙UN UN...個口感有D得意...
唔似得SPONGY CAKE咁軟...是一個新鮮的MATCH...

食飽飯又行過~ 就買左個PUDDING番HOME~

好立克鮮奶布甸
其實我期待的是好似好立克糖咁濃的味道...
但這是淡淡的...唔會好甜...多左牛奶味...幾滑...
反曬成個出黎...幾靚~

佢地一個個獨立的包裝...又幾衛生喎...拎俾客人又快喎!!!
佢地又好識做生意...有好多的PROMOTION...真係好抵咁呀...會買下買下~
佢地個LOGO好得意...好有MEANING 呀...

２１／ＯＣＴ

放學後多謝同學Ｃ車左我去荃灣落車，有順風車坐～

心想食甜品，附近又有幾間甜品店，但又得自己１條友

都係外賣算喇！行過沛公賣上次食唔到果個青莓千層先至得～

１）日本青莓千層班戟
．好多青莓粒
．有少少酸，咬落去索索聲，幾過癮
．蛋皮很薄而ＣＲＥＡＭ較多
．自己覺得原來青莓同班戟ＭＩＸ埋唔好食

２）杏仁蛋白鮮奶布甸＋＄３
．買任何甜品就可以＋錢多個＄１２布甸或果凍
．依個放到第２晚宵夜食
．聞到杏仁香，但食落就得淡淡杏仁味
．蛋白是指粒粒熟既蛋白粒

之前食過曲奇千層班戟，朱古力種類應該ＭＡＴＣＨ點

通常每日都有＄１０蚊優惠，當晚有蘆薈紫霞仙子

問店員小姐，佢話即係利賓納＋泰國黑珍珠＆西米而成既汁底

十月十八日(星期日)

晚上的甜品方面,我一早已經有計劃了!就是沛公!
上次的曲奇千層已經售罄!今晚時間尚早應該都有!
買了個上車吃!老公則要了個榴槤甜品(我忘記了名字)
曲奇千層,很creamy,我就覺得朱古力味道比較濃了,有點蓋過cookies味道,不過整體方面做得算不錯!
老公的榴槤甜品,味道算不錯,但是榴槤味道不太濃,反而榴槤千層會做得比較好呢!
買了個芒果布甸給媽媽吃,她都覺得好吃呢!

留意左呢間野好耐
佢D千層PANCAKE好多種味
一直都想試下
結果琴晚去食...
一試就知LAI野

本身想食芒果味
不過成$22有D貴
就叫左個$18既曲奇味
我expect係oreo個種曲奇
結果個隻係咩曲奇我真係UP唔出
一食落口剩係覺得係朱古力粉
一D曲奇味都冇
留意下張相...D"曲奇"只係集中O係中間部分
側邊同下面都係CREAM
食到一半就覺得好"漏"
唔想食落去之餘...仲有D甜到想嘔既感覺

失望
連本身想食既芒果味都唔諗住食了

吃過晚飯後, 跟男朋友到荃灣吃甜品, 荃灣區內大部分的糖水店也試過, 唯獨沛公! 在沛公看到多款$8的糖水和冷藏框裡的千層糕, 又好像很多客人, 便打算試一試!

為了它的優惠, 凡惠顧滿$40, 加$5, 便可以買原價$24的榴槤千層糕, 跟男朋友放棄了本來想吃的$8糖水! 雖然我和男朋友也喜歡吃榴槤, 但沒想到我們竟然選擇了三款榴槤甜品!

先來, 榴槤布丁 ($14) (*多外賣一客回家給媽媽試, 我媽媽很愛榴槤的!)
用一個透明布丁膠盒盛著, 看上去的顏色是淡榴槤黃, 聞上去好香, 味道的確充滿榴槤味, 有一絲絲的榴槤絲, 質地好像不是太滑, 帶少少少粉狀和少少少啫喱糕狀感覺, 但尚算ok!

次來, 榴在心中 ($22)
- 約2-3mm厚椰汁味的腸粉皮, 捲起來, 內裡包著白色忌廉和榴槤肉, 個人覺得, 相比起榴槤肉, 忌廉太多了, 榴槤肉太少, 加上椰汁味的腸粉皮相比起來也太搶味, 要很仔細才感受到榴槤味, 好像主角是椰汁和忌廉! 不知道是因為先吃了榴槤布丁, 它的榴槤味道比較濃一點, 所以覺得這個比較下就淡了! 如果榴槤太少, 這個價錢我覺得就不值!

最後來, 榴槤千層糕 (原價$24, 現在惠顧滿$40, 加$5就可以!)
一塊塊很薄約1mm的班戟皮, 約有10-15層左右, 每層塗上了約3mm的白色忌廉, 但看不到那些榴槤味道是怎樣弄出來的! 吃進口, 第一種感覺是忌廉太多, 滿口忌廉, 慢慢細味才感覺到最底處有榴槤味道, 但這種榴槤的味道跟剛才那些榴槤肉的味道是不同的, 愈吃下去, 你就會覺得榴槤味也頗濃, 曾經看過有食評說那些是榴槤膏的味道, 個人不知道, 因為從來不吃榴槤膏的! 但整體也不錯!

總結, "榴槤千層糕"比"榴槤布丁"更好, 比"榴在心中"更更好!
下次再來, 會試其他的甜品!

已經不是第一次在食評寫了：因為身型日益暴脹仲幾度俾人誤會係有咗身紀所以要減肥而且真係要戒戒戒戒戒....戒食甜品！

不過，嘿，正所謂命運呢家野，真係「命裏有時終須有，命裏無時莫強求」，當太公正在行「甜品運」時，就算個人唔主動去搵甜品，d甜品都會飛埋黎搵我！

事發於911...上班途中，突然接到同事來電，謂其開甜品店的友人剛好來做訪問，順道送了她甜品 - 她一個人不能消滅三客甜品，所以急call我速回公司共同消滅之 - 嘿嘿嘿！消滅甜品太公最耍家，同事有事相求，焉有不幫忙之理？(其實係有人見甜品，色心起...) 所以即以近乎光速的速度飛回公司 (可惜地鐵未能配合, 可惜也!!!)！

終於飛回公司，發現原來是家居附近的沛公甜品 - 由於沒有雅座又怕外賣回家就變成獨食甜品，太公也竟只吃過一次，今次倒也是大好機會讓我「認識社區」！二人就在一神秘角落裏開甜品餐...hurray!!

先吃好立克鮮奶布甸...甫放進口，好立克味即充滿口腔，加上胚芽，中和甜味之餘也為布甸添加麥香，味道和口感都層次豐富；布甸本身也相當滑溜 - 當然，挑剔的說法是，布甸可以再滑一點，但都算水準之作了。

第二道是朱古力西米露 - 可能因為未伴勻的關係，加上我平素偏好濃苦的黑朱古力，甫吃上面的部份，覺得太甜而不夠香濃；後來伴勻了就好了一點，西米也夠爽口；但終究不太喜歡如水般的朱古力，也不太慣其與西米的配搭，這道不是我杯茶。

第三道是 曲奇千層蛋糕 曲奇味薄，反而是忌廉味搶盡風頭，結果整件蛋糕曲奇味欠奉而太漏；但店家作千層蛋糕的手勢實在令人驚歎，每一層蛋皮薄薄的，帶點蛋香，餡料又均勻，其實這個層次感所帶出的口感是不錯，不過曲奇味餡料的recipe還有待改善，還是上次吃的粟子千層精彩得多！

飛來甜品，永遠都吃得人高興；今次無端遇上這個甜品盛宴已教人意外，想不到還陸續有來....

其實呢個食評好簡單, 就係
晚飯向鱻食湯飯, 經過呢間甜品, 又記得佢好似上過榜, 所以就試左 2 樣最普通又最平既糖水外賣 @$8.-
- 椰汁紫米露 ... 我老公食左一口之後話有怪味, 我再試又唔覺, 不過再試多幾口"嗒"真下, 又真係有 d 怪, 有 d 好似豬油味....
- 蛋花腐竹.... 嘩, 竟然係臭既, 可能係 d 蛋有問題, 因為我未試過食臭既糖水 我都勉強食左一口, 我老公直程即刻 "o累" 出黎
所以 2 樣最終全部都丟哂, 我最近豬流感岩岩好番, 所以食野都係小心d 好

上黎睇番 d 食評, 原來個個都係試佢既千層 cake or 雕花雕到好靚既芒果花....希望佢地能夠做好 d 拿手野之餘, 都可以將 d basic 野整好

光顧多次, 也應承上來寫寫食評, 終於動筆.
說實話, 如果要求環境, 舒適的話, 這裡就不太過合適了. 有的郤是街坊糖水的特色, 摺枱, 圓櫈. 老板/老板娘總會細心介紹是日推介, 很是親切. 甜品種類繁多, 每次光顧總會有幾樣新製作(約每月光顧一次吧), 新近嘗試新口味沙冰, 沙冰本身確平平無奇, 口味郤是一絶.
不過每次光顧, 總有一兩樣材料沽清. 值得推介千層蛋糕, 每次總會食一件再加其他.

附近荃灣區甜品店不少, 出名的, 小背心熱褲的, 經營多年的, 這家店都欠奉; 有就只有一份親切及用心製作的甜品. 當全部人都湧去製作綿花冰, 這裡還有多款口味的千層蛋糕.

遲左2個月先出呢篇食評, 哈哈
7月9日, 朋友話沛公朵芒果花好靚, 專登帶我黎試
青b綠既門面勁sharp, 店子小小, 雪櫃前企左一堆人左揀又揀
望一望個雪櫃, 芒果花得返一盒咋!! 黎遲一步就試唔到喇

心花怒放
賣相真係好靚, 睇見就開心; 而味道都唔錯!!
香甜芒果肉被砌成一朵靚靚花; 忌廉下面係一塊薄pancake包住芒果布甸
好有心思的甜品, 朋友話"手工錢"都值回$28

胚芽好立克鮮奶布甸
推介推介推介推介推介推介推介推介!!!
布甸香滑, 好濃好立克味!! 加埋胚芽更香!!食一兜點夠喉!!

曲奇千層pancake
Pancake好薄但唔香, 曲奇味唔濃, 忌廉太多, 感覺非常漏
食左一半已經食唔落. 不推介

青檸芝士千層pancake
比曲奇千層好些少, 因為酸酸地既青檸令感覺無咁漏,
但係青檸同芝士都唔香, 味道確實一般. 不推介

7月優惠係布甸果凍買一送一!!真係好抵呀!!
打包左幾款布甸果凍返屋企, (當然要翻啅好立克布甸啦hehe)
士多啤梨鮮奶布甸同荔枝鮮奶布甸幾香, 內有粒粒果肉, 但奶味唔濃;
菠蘿伏特加果凍同葡萄rum酒椰果果凍都好大陣藥水味, 好難食
都係好立克布甸最好味!! >V< 唔知而家9月有咩優惠呢??

我係榴槤迷來的

今次第一次食沛公...我來是為了那個''千層榴槤''

真係超級難食!!

一買完上車...己經嗅到陣陣榴槤味,香就香,,但係有d榴槤膏味,怪怪地

點知食左第一啖........唉!!!.真係超級爆難食!!

D 忌廉太多,成尺厚,超溜!!! 榴槤肉勁少 又唔新鮮

最大問題係佢居然眞係用榴槤膏去整

我食左第一啖食到榴槤膏味!!!再食眞係見到d啡色粒粒榴槤膏~What the hell!!!!

有冇攪錯呀 廿几蚊件同滿記價錢差多,你竟然cheap到為慳成本,增加榴槤味去吸引

人去買而用cheap cheap 榴槤膏!!!!我食左一半頂唔順,掉左

我最憎食榴槤糕架,D味超怪!!

榴槤千層用榴槤膏去整實在過份,重要唔係平!!!

冇下次~唔再幫襯佢!!!!真係超級爆難食!!重話招牌貨,咪玩啦~~去滿記食好過

呢間甜品店我同男友都幫襯多次, 最鍾意呢度的千層蛋糕,
最近係網上知道現在做緊週年誌慶, 呢三日的芒果千層蛋糕做緊特價, 即刻msn告知男友, 當晚, 男友九點幾去到想買來公司接我放工時一齊食, 但店舖表示, 特價要到十點半才開始, 但十點半我巳放工, 因為我好鍾意食榴槤, 所以, 男友決定正價買了件榴槤千層蛋糕.
男友買了之後即時坐mtr來到我公司, 剛剛趕得及接我放工, 跟住我們去到公園長櫈一齊品嚐, 雖然經過一段時間巳無即時食咁凍, 但都無損口感, 食一啖落口, 即時嚐到濃濃的榴槤味, 好似食緊一舊舊榴槤, 真的好正. 中間的一層層酥皮做到好簿, 新鮮榴槤加少少cream變得更加幼滑, 配合一齊食, 簡直天衣無縫.

Attention for the tusen wan branch!!!!!

I'm mad enough to bother typing this right after i came home after the awful experience, i mean dessert is meant to be makes people happy and not the total opposite around.

And the pomotions that they are doing is supps to attract more coustomers, not driving them not to come back again. I mean for a dinne in consumer, who will wait in the line for the food in the street after they placed an order? they should of have a more organized process for food purchase and not forcing their coustomer to line up to get a dinne in food... if it's to go it is acceptable but NOT FOR DINNE IN!!! Esp is not busy at all

And the white shirt waitress is SOOOOO FREAKING RUDE!!! I think she is the owner or the manager. if she is tired then go home and sleep, don't treat your coustomer like ur punching bags!!

I WILL NEVER RETURN TO THAT PLACE... and beware of the women in white and black shirt (photo below They're standing right next to each other.)