第3次黎到長洲玩, 目的都係為左食!
所以次次都會上黎睇下邊d好食既野然後出發~~
今次我地就選擇左呢間作為本次長洲遊的第一間食店啦~

下午3點幾4點, 找尋了很久才找到這一間店舖,
地理位置確實很偏僻, 真的不知道入面是有食店呢!
經過門口, 窺看入內根本一位客人都沒有...
開始擔心應否入內, 看一看餐牌再考慮了一會兒, 還是硬著頭皮入去啦!

入到去我們坐在卡位, 環境不算裝修漂亮,
不過勝在服務搭夠! 有人立即幫我地"針"茶, 執好個位,~

我們點了8個小籠飽+4隻鍋貼:
小籠飽 : 第一個出場的食物~~~一打開個籠蒸氣立即冒出,
可想是即叫即蒸呢~用筷子一夾, d汁隨即沉底, 但個皮又唔會穿, 抵讚!
咬下去d汁支晒出黎, 個皮又唔厚, esp個頂頂位, 平時我最唔鍾意食果個位..
因為好厚, 但今次食左都唔多覺 , 飽飽size又唔細, d份量又足,
36蚊有8隻, 真係平靚正!必試之選呀!!!!

鮮肉鍋貼 : 肉汁很足夠, d肉很滑, 個皮很脆~鍾意食肉既人就揀佢啦~~
韮菜鍋貼: 我覺呢個最好味, 有菜有肉, 好match又唔漏~
三鮮鍋貼 : 呢個佢寫就係+埋海鮮既, 不過我覺得個味就同鮮肉鍋貼差唔多, d肉就冇咁滑~

佢d鍋貼20蚊4隻, 由於我想試晒3隻款, 個老闆好好人俾我地mix埋
不過由叫野到有野食就等得比較耐, 我諗係即叫即整啦~
但食到咁好味既野, 等耐d都唔會介意~~~
個老闆見到我地影相, 仲樂意地幫我地揸機呢~
仲有就係佢果到有電視同雜誌睇, 所以等既時候都唔覺得悶~

總括而言, 呢間店真係好好食, 唯一不好就係開得較偏僻,
大家只要唔好介意行得遠小小, 就可以試到呢d咁好味既上海小食~~
真係希望佢唔好執笠啦~~俾我下次去都有得食呀!!!

真的不是太多人會行到這間翁記, 因為都幾入吓, 未行到已經入咗其他食店食飽了, 也是看到OR有人推介先去

店員很好, 見我們入去即刻開冷氣, 因為佢地剛開鋪 (4:00pm先開鋪), 天氣太熱了, 先點了可樂"鋸"吓先

小籠飽 - 不油膩,可能是瘦肉較多吧, 很多汁, 小心燙出孖潤腸咀
窩貼 - 第一次食倒不會滿口油淋淋, 而且皮底是脆口的窩貼
木須肉 - 夠"獲"氣, 有蛋味
高力芒果奶黃 - 外皮有點油膩, 失敗之作, 但餡料特別

每次黎到長洲都好開心，因為都係同自已心愛既人一齊食好味既野食=]
係天下間最幸福既事=]

雖然鋪位並唔係係大街，但係真係點都要行入小小食呢到既小籠包~~
好好味 ~~ !!
好味過出面連銷店d小籠包 ~ !!!
皮簿，肉同湯都鮮味 !!!
我唔敢講係最好味，但小本經營既小店，
可以做到甘有質素既食物 ~ 真係好有心意 ~
價錢都好大眾，三十蚊到有六隻小籠包
另外擔擔面都唔錯 !!

店鋪人唔多，lunch時間都好多位，冷冷清清…
食完之後真係擔心會做唔落去…
因為位置唔係係旺街果邊，遊客都少到 ~

各位去長洲既朋友，不仿行多兩步去試下 ~~
唔想充滿美食既長洲少樣好野食

在長洲其實有一間美味的上海食店，位置很隱蔽，在中興街公廁附近，離碼頭其實很近，但是因為在橫街之中，不是太多人知道。這裏環樈是一般街坊格局，尚算干淨衛生，服務也很勤力禮貌。食物方面，出名的是小籠包(22)，除了傳統上海食物外，還會有很多創新的食物，如石頭飯等，小籠包造得很好，皮很薄但是包內有湯汁，坊間很多的小籠包都皮和肉完全沒有肉汁，不合格，可是這裏的小籠包完全造到了包內有湯汁的標準，唔錯，擔擔麵(25)的麵是拉麵，應該是自家拉，有質感，而且有麻香辣，很好，價錢是街坊，下次去長洲可以到這裏一試。
http://icuteee.mysinablog.com/index.php?op=ViewArticle&articleId=1584378

p.s 上菜時忘了即時拍照,除了小籠包
其他都係食左d先記得影,
食左d都仲有咁多,可見d野幾大碟

其實食過阿翁都4-5次
不過li度又冇開度阿翁ge資料
唯有做第1個人la

跟父母共3人,叫了:
小籠包(4件): 新鮮整好,入面有好多湯,不過望落個包度好似扁左

上海粗炒:失手了,"龍左d",不過都係幾好味,每次黎都會叫,但有個後遺症就係食完之後個碗會好多油,爸爸就話好似得好少餸

石鍋飯(唔記得左個名):勝在夠熱,"東"天食就好

服務一流:每次點菜個陣都會有d推介俾你,
又會主動加茶(紅茶)

地點: 比賽偏遠左d,可以話好難搵,
最初唔係朋友帶我去都唔知個度有間食店