星期六去左荃灣廣場睇d電腦野...
係荃灣廣場門口有人派d小冊子,
入面有呢間石燒飯既優惠卷免收加一,所以去左呢間野食
當時係下晝1點半度,我地3個人入到去環境都算可以...不過就好窄,好少枱
跟住就嗌野食喇.嗌左(蒜片牛肉飯,免治牛肉飯同韓式泡菜飯)點知等左勁耐勁耐...成半個鐘
個 蒜片牛肉飯 黎左先,跟住我地諗住3個飯都share食,就問左個白色3類似經理拎3個碗
點知佢個樣好奇怪咁,重有點不悅,我地係嗌左3個飯又唔係1個飯3個人食,唔駛咁呀
呢個飯都叫做還可以,
跟住又等多3個字,見到我地個 免治牛肉飯 出黎喇
點知佢送左去第張枱..個客話唔係佢既...個白色3既人就又好不悅咁拎番入廚房
咁我地咪諗住同果個白衫人講...點知我地揮左好耐手都冇人理我地
到叫到果個白衫人喇...佢拎番個飯出黎已經唔熱喇...飯上面既蛋都熟晒
不過算喇...因為等左咁耐...真係好肚餓..再整都唔知要幾耐
當然唔夠熱既石頭飯一d都唔好食啦
再等多2個字,再吹之後個 泡菜飯 終於黎左喇
唔知係等左太耐定點,覺得唔太好食,
我地發現其他枱都有一樣情況...經常送錯去其他枱
本人覺得十分之混亂...而同果個白色恤衫類似經理既人吹單
佢好似好懶洋洋咁...好hea咁...
但係個白衫人行路係隻腳係地下拖下拖下咁...好令人覺得佢好懶.
攪到食慾都不振...我以為出菜慢唧...原來埋單重慢= =
咁我地就拎左優惠卷出黎啦,,,不過我地未剪既
我地咪問個白衫人係咪有呢個優惠...佢就冇答我地...就掉低把較剪走左去喇
我地心諗唔駛咁呀...唔想人用優惠咪唔好出優惠卷囉...宜家咩態度呢?
剪完就...吹左白衫人一次都埋單冇反應...跟住再同另外d侍應講先去拎張單埋黎
其實佢地d單一早出左...我地見到放左係收銀機隔離...但就遲遲都唔拎埋黎
真係完全唔知佢地想點...叫再去食多一次真係唔好攪喇
如果我地唔係3個人share食...咁咪餓死左...
同埋環境真係窄...而且最人令人不快係白色衫既人態度問題
如果真係好忙...出得慢...我地冇咩所謂...但係見到都唔算多人...因間野好細
而且就算忙態度都唔應該係咁...相信去隔離同一集團既味千食會冇咁滾囉

朋友生日
試下呢間石燒
第一次食石燒飯
比想像中差...

1) 泡菜豚肉炒飯
由於痴底既關係...勁多飯焦
導致D飯啖啖都好硬
食落去個胃有D唔太舒服
同埋完全食唔到泡菜味

2)咖哩牛脷飯
個樣好似OK
但食落鹹到飛起
我咁大個人第一次食個咁鹹既飯
好似食左幾匙鹽咁...好恐怖

呢度個環境都OK既
但唔知點解好少人
坐左2,3個鐘都係得4檯人
服務都OK既

呢間石燒飯已經食過1次, 上次都麻麻, 今次直頭係hea呀!! 真係唔寫都對自己唔住。

知道佢d o野麻麻, 但今晚又想食飯, 所以就照食啦。為左避開佢d「因應師傅心情, 質素會大起大落o既小食」, 我唔叫餐, 只係散叫2個飯就算。

成間舖數埋先得o個3檯客, 得o個5-6個人, 呢2個飯都足足等左半個鐘先到..哇......使唔使咁耐呀?? 好啦, 等左一大輪先到, 到左都唔係好o野。

第一個係: 咖喱牛舌焗飯。咖哩汁ok, 幾好味, 不過牛舌就硬到咬都都咬唔開...攪一輪先吞到落肚。

第二個係: 牛肉飯。 哇....你唔好咁hea 我啦.....跟本就係將「吉x家牛肉飯」就咁放落個碗度就算。一d 味都無.....真係...乾到都唔知食乜。問個waitress攞豉油, 攪一輪就畀左一碟仔 (大約係半個湯匙o既份量) 辣椒醬畀我......... 我再問佢, 有無豉油..因為個飯無味, 我唔係要加辣。點知佢話: 「我地無豉油架。」哇...咁真係唔怪得之d飯無味喇..

淨係食左一碗飯, 仲要食完都唔知食左d乜...咁就$120...我去食吉x家好過喇~~~ 真係火都o黎!!!

之前只係打過一次食評~平時懶得打~但今次黎呢度食真係嬲嬲地~
今晚約左朋友去荃灣睇戲...於是就係荃灣廣場搵嘢食...
我地又想搵到個地方可以傾下計...朋友話想試下石燒飯...
咁望落去環境都幾好~但佢好唔起眼...入到去先發現原來係味千集團嘅..
望一望餐牌...一人前同二人前好似都無咩分別~仲好似貴左d添~
跟住我地分別叫左兩個一人前食...兩個套餐分係...

一人前A :
前菜
豚肉手打烏冬
醬油雞翼
咖哩薯餅

一人前C :
蟹子沙律
芝士海鮮焗飯
珍寶春卷
味噌湯

當豚肉手打烏冬黎到時...見到佢熱辣辣...仲滾下滾下咁...
好似好正...點知我朋友話好淡無咩味~
而我果個芝士海鮮焗飯~我第一啖食落去又係無味~淡到死...
於是我問侍應...我問佢係咪平時都會無味架??
佢既然答...我幫你拎返廚房加D鹽落去呀~
你宜家係咪玩嘢先?好明顯你應該要換俾我啦~
跟住我話唔駛喇~你俾支七味粉我啦~但最後我食左一半都放棄唔食...
但佢唯一叫OK嘅嘢係D小食...可能都係交貨黎唔係自己整...
味道不過不失...但呢間嘢我保證永無下次!!!!

個門面其實唔突出…
但入到去裝修真係唔錯
之後可能我地太早去到
冷氣唔多夠…
但服務生好快就開大左冷氣了
之後上菜…
D烏冬既湯係熱到飲唔到
D豬食落去好似食緊肥牛咁..
好香…好簿…
2個飯都唔錯
最後每人食左60蚊多D…
都幾抵食….

我見味千好多人排隊，望望左右先發現尼間店，我懷疑石燒同味千有關係，
蒜片牛肉蛋飯，都幾乾，飯蕉都多，所以咬到我牙軟。
自家制烏冬，都幾彈牙，煙un，可以一試。
咖哩薯餅都幾有份量，
醬汁雞翼，都幾咸下，
加茶服務就差些，加親都凍，要改改。

Went there with my wife for lunch at around 4pm today!! There are only 2 people in the restaurant... very quiet in there...

We ordered a pork udon (pork is extremely tasty and udon is pretty good!!), curry beef tongue rice (pretty good as well & with fried rice) and cheese 餃子 (better than expected as well)! Moreover, the pork udon is a set lunch and we ordered a milk tea, it was pretty good and special as well!!

Will definitely go again next time!

But pls remember to bring enough CASH!! since they don't accept credit cards!!!

叫得石燒...隻碗居然唔熱...只係暖...

泡菜豬肉飯都係唔熱...同賣相似豉油炒飯多d...飯又只係暖...

豬扒焗飯都只係面既汁熱...吉列豬扒好大陣油味...飯都係暖...

大加獲既七哥豬扒飯好食過佢十倍...

今日又兩個人去呢度食dinner..
叫左兩個鍋

1)泡菜豚肉飯
黎到"炸炸聲"...跟住自己撈撈撈
好enjoy撈呢個過程...個人覺得好好玩
D味道都唔錯...諗起美心果個...其實都差唔多~哈哈

2)牛肉烏冬
d烏冬好味呀.好彈牙..好熱辣辣TIM...
可惜無得玩撈撈

Overall..價錢幾好，又幾好味
唔錯！

1月17日, 睇完戲, 同呀比漫無目的係荃灣街頭行黎行去~ 本來想去沙樂美餐廳鋸個扒嘅, 但係找不到. 結果黎咗呢度, 一個好唔顯眼嘅門口, 又無乜人等位嘅石燒試下~

::: 二人餐 ::: $158

::: 軟殼蟹和風沙律 :::
surprise!! 幾好味wor!! 軟殼蟹比好多地方都做得好, 熱辣辣, 炸粉夠薄大隻, 脆身, 有肉又有膏!! D沙律菜都尚且新鮮~ 很不錯!

::: 燒汁雞翼+麵豉湯 :::
雞翼好細隻~ 不過脹卜卜, d燒汁同芝麻都灑得好均勻~ 味道唔錯, 有少少辣~ 不過二人餐一人得一隻未免孤寒咗少少囉…麵豉湯味道ok~ 不過唔係幾正宗…

::: 牛肉石燒飯 :::
好似韓式牛肉飯咁, 配料有牛肉碎,芽菜, 雜菌, 蘿蔔絲, 菜絲. 食時淋上醬汁撈勻. 整體其實味道不過, 不過d飯好濕, 甚至有d一patpat, 失去咗石頭飯應有嘅乾同脆. 以石燒做主打但呢個石燒飯都真係太普通…

::: 石燒泡菜豚肉炒飯 :::
呢個好味~ 飯粒好乾身! 泡菜惹味不過唔太辣~ 所謂豚肉亦只係得d唔係好睇得見既肉末, 面頭隻煎蛋又好似1pat野咁… 全靠個炒飯底做得好, 挽回唔少分數

睇個款間野係新開, 地方唔算大不過企理, 座位都寬敞. 不過唔知係咪刻意營造浪漫, d燈光暗到d侍應都好似睇極都睇你唔到咁… 呢d位絕對係要扣分. 如此食物如此服務亦都好難會再翻食~

上星期與家人前往此店食晚飯, Weekday 約7pm 只有 1-2 tables 客人. 賣點是不需要等.

牛肉烏冬 - 味道尚可, 但牛肉全無鮮味
石頭牛肉炒飯 - 一般貨色
海鮮炒烏冬 - 發現唔到有海鮮, 只有日式魚旦
南瓜豬肉焗飯 - 味道十分難食, 除了少量南瓜片之外找不到有豬肉的蹤影. 詢問waitress 為何無豬肉, 再查問廚房回覆是"用料為肉碎" 很難看得到!!

Menu 上無標明 10% service charge, 還要為是無10% 實情是有徵收的．
4人消息為 $240, 雖然價錢平但味道及用料都較差．可取之處是座位寬敞．

主要係用韓式石頭鍋, 上菜後都能保存飯餸的温度...

午市嚟食, 唔洗排隊,
試咗蒜片牛肉石燒炒飯定食&泡菜餃子烏冬

前者因為炒飯底, 無得食飯焦. 個飯都做得唔錯, 份量唔算太多, 味精可以啦!
後者的泡菜同餃子都無特別, 但個烏冬就有d失望, 口感麻麻, 又無烏冬味!

兩個都係餐嚟既, 都包餐飲, 四十幾蚊, 可以啦...

三人行泊左車起碼要吃300才有free parking, 因shopping無收獲....,
1.set $75.00Set基本白汁焗任何嘢都會okay. (1)
$58.00蟹棒焗反都okay (2)
$48.00豚肉炒反, 味道麻麻麻麻啦! 辢架>>>>>見唔到有豚肉喎!(3)
雞翼低食$28.00有5隻,大大隻的,味道唔錯、但D肉質鞋喎! (5)
芝士焗餃子普通( 好似是$35.00) (4)
蜜瓜乳酸沙冰$22.00(無蜜瓜味) (6)
罐裝七喜$9.00
共$299.2
最後他們亦給我另一張三佰幾的單free parking.thanks

I have a lunch on yesterday afternoon.
1st. They gave me a cup of tea which is very dirty. Then I ask to change a cup of cold water. As a result, after 2 times request, finally, I got a glass cup of hot water but it is more dirty than before. Then I raise a complain and mentioned again I need a cup of cold water. Then they return me a glass of hot water and explain the last glass is some water mark only that is not dirty.. (They thought I don't know what is water mark).

2nd. The food is just reach normal standard. The taste is not very good.

3rd. The most exicted part. When I order the dink (set included), I order 2 iced lemon tea. when i receive the Lomon tea, I got a shock, there is a lot of small tea leaf in the bottom of the glass cup. Well, even in HK style small cafe, I still never drink a lemon tea with tea leaf.

I have totally disappointed to this cafe. I didn't complain anymore as i will not visit again.

上次去荃灣廣場見到呢間新開既石燒飯,不過後悔冇試到~
所以今日去試下 =P 入到去人唔係太多~

我就叫左個 蒜片牛肉石燒炒飯定食 $42 ~本身想食泡菜豬肉個隻,不過賣晒...
我的套餐包埋餐飲同麵豉湯,不過個飯幾細下,
大食D都唔夠飽呀..!!!但味道幾唔錯,食到有飯焦~

媽叫左個九州牛肉石鍋燒..$58 ~原來有湯架..!首先要倒D湯落相中既野度..
之後再慢慢落料 ....
查實呢個鍋燒真係冇咩特別...最特別都係面層個幾塊類似飯焦既物體..
媽咪話唔好味....!!話食我個D仲好...慘~~

櫻蝦炸豆腐,$32~~面層有D蝦米既野一齊炸..食得出蝦米味~
入面就係豆腐,味道還可以~而且都幾大件..

呢間野我會再encore,不過只限石頭飯