一品螞蟻menu入面有成十幾樣素食選擇，而每日嘅set lunch亦有一兩款green choices, 送coffee or tea, 當日我就揀左什菜支竹湯麵。

當日週日午飯時間，要攞飛等位，等左10分鐘左右啦。

湯底有幾款，揀左酸辣，惹味但唔會過辣嘅，麵又有得揀，揀左髮絲麵，幾好食嘅。

飲埋杯奶茶後，加左個甜品：香蕉梳乎厘pancake加朱古力雪榚，好特別呀，pancake唔係一般pancake皮，而係梳乎厘質地，軟綿綿咁，為呢個green meal畫上完美句號！

正當我搵到散紙 想比毫子 待應大聲地叫我地唔收毫子. 攪到我當時非常火. 好想問佢點解唔收毫子唔係錢咩?
香港又冇法例寫唔收毫子. 毫子係香港法定貨幣之一. 服務態度非常差, 已經 唔想再去D 野好食都冇用. 以後唔去.

今日夜晚來到鑽石山廣場這間一品螞蟻食晚餐,坐座肚餓關系立即點左個"大蝦帶子天使麵",呢間野都算服務幾好,見天氣凍己經改晒用熱水比客人飲用,個麵我等左大約10分鐘己經有啦,上菜時己經覺得個賣相非常之吸引同埋非常之足料感覺好多時係其它餐廳點到的所謂大蝦,其實都係細細隻的,呢度都有成5-6吋,都係收80幾蚊,算係咁啦,個麵上面有好多汁係表面,同埋仲有1吋2粒的帶子,帶子整得好淋亦相當入味,而大蝦佢地用少量炸粉炸成的,因為炸粉少炸出來亦不會太硬和重炸粉味,炸完個蝦頭仲有羔,d羔相當之甜,天使麵煮得非常之合時完全不會太硬! 所以未試過的人可以試一試

假日都有lunch set,.抵!@一品螞蟻



鑽石山龍蟠街3號荷里活廣場311B號舖







三文魚焗飯,整體鹽了少少
飯是炒飯底, 有雞蛋,但炒得不平均
呢個勉強月合格...不作多評了




另一個order白汁煙肉意粉
個白汁幾香又多
每一條spaghetti都可以沾到白汁
另外面層有少少焗脆了的bacon
香口好味!!!!
白汁加了onion同mushroom片
只是預備材料那個學師仔
把onion切到每塊大少不一,好求奇
overall問題好味架~~

lunch set 包野飲, 叫了西瓜汁(不用另加錢)
但滲了水....沒西瓜味也沒甜味
建議去吃的人點返coffee/tea 好了

服務方面會主動問要唔要加水
不錯又主動

$120 兩人

一品螞蟻o係荷里活廣場都算係多人食o個幾間食店之一 , 食物種類多 ,
晚上黎光顧 , 有二人餐 , 有晚餐 , 都幾抵食 , 食物質素合格之上 ,
而講到甜品 , 更係意想不到咁精緻味美 , 而且價錢大眾化 , 所以蠻受歡迎的 ~

呢次黎其實係叫左個二人餐 , 其中一張合併照片不見了 , 只好分開簡評 , 請見諒 ~

1. 凱撒沙律
~ 味道不過不失 , 沒有過多o既芝士粉 , 面包粒香脆可口 , 羅馬生菜亦爽嫩清新

2. 墨西哥脆片配咖哩肉醬
~ 脆片烘得有點過火 , 食起黎有少少燶味 , 不過都挺香脆 , 芝士溶o係中心 ,
但無將脆片黏成一堆 , 咖哩肉醬味道香辣惹味 , 配搭起黎真係幾好食嫁

3. 醬燒豬肋骨併燒雞鎚
~ 醬燒汁酸香得宜 , 唔會過咸 , 豬肋骨燒得幾香 , 肉質嫩滑軟淋 ~
雞鎚有炸過 , 所以略為乾身左少少 , 不過味道唔錯 , 唔使醬汁都好夠味
配碟o既薯蓉係開粉o既 , 唔夠熱又無乜味道 , 即使伴上鮮茄醬亦不怎吸引

4. 三文魚濃湯泡飯
~ 呢個泡飯好夠熱好好味 , 濃湯真係好夠味 , 三文魚味濃亦帶點椰奶o既香滑
三文魚件無骨 , 炸過後放上泡飯 , 唔會太油膩 , 浸過濃湯可避免太熱氣 ,
而三文魚本身味道淡 , 濃湯同作調味之用 ~ 配料有青瓜 , 磨菇粒 , 跟濃湯亦很搭襯 5. 芒果慕司布甸
~ 整個甜品好冰凍 , 芒果幾乎要結冰喇 , 亦因為咁慕司唔夠軟溜 ,
味道香又甜 , 芒果片帶出微微o既酸 , 奶味不過重 , 有 d 似食雪糕

6. 抹茶焦糖燉蛋
~ 焦糖面好香脆但明顯糖粒比較粗粒 , 應該因為未夠時間溶掉就開始燶起來
我寧願咁樣總好過糖面過燶變成苦味 , 而家咁樣只係口感被影響 , 有 d 硬 ~
抹茶味甘香清雅 , 唔會過甜 , 溜滑無比 , 鍾意食抹茶味o既朋友定要一試

7. 士多啤梨拿破崙
~ 酥皮睇起黎好厚身 , 好似有好多層咁 , 但咬落去都鬆化 , 滲出淡淡牛油香
中間士多啤梨亦稱職地帶來香甜 , 假如連吉打忌廉都混入士多啤梨味
效果必定更佳 ~ 三款甜品同樣出色 , 成為今晚最令人滿意的句點 =)## 每次毫無頭緒之下隨意走入一間餐廳 , 結果係品嚐到一餐唔錯o既美食
呢種感覺真係好開心 , 由其是係 d 平時唔起眼o既小店 , 更想同大家分享
而呢個快樂都係我越黎越鍾意打食評o既原因之一 ~ 加油食加油打吧 ^v^

約左auntie teatime. 食麵太大份, 就叫了個甜品拼盆share.好似40幾蚊,連埋一杯飲品.
platter 有雪芭,芒果pancake 同綠茶布丁.

雪芭
雲尼拿味,質感比雪糕硬小小. 但又冇鉋冰咁入口即溶
加入左榛子粒,表面倒左小小朱古力醬. 吾會太甜又有小小 榛子可以咬,幾好食.

芒果pancake
pancake 入面cream:芒果既比例係差吾多 3:1. 非常之甜,食極都係cream.
反而個pancake 皮薄有蛋香.

綠茶布丁
表面有一層薄薄既creme brulee. 燒焦左令個布丁無咁悶,口感較多元化.
但布丁本身綠茶味吾夠重.

overall 黎講,40幾蚊都算經濟實惠.不過放假日子食teatime 就要預左等位,因為荷里活同類型既餐廳吾算多.

下午2:00 約朋友在荷里活食午餐, 朋友見意試吓食一品螞蟻, 去到唔需要等位, 但一座低就覺得有d熱, 應該係冷氣唔多夠, 我同朋友都叫咗個午餐, 佢要米線, 而我就叫咗香煎豬扒, 大約5分鐘朋友碗米線已到, 再過10分鐘我煎豬扒依然未到, 所以就搵侍應check吓, 最後要過多大約15分鐘先到, 嘩.....前後要40分鐘先上到台 , 朋友因要上班所以我就趕快食, 有d趕好彩係扒, 所以唔需要10分鐘好快食完 我相信係漏單, 因見附近d客order d 豬扒都到咗!

不過慢工出細貨, 一上台已聞到好香肉香, 外觀都十分正 , 然後食落都意想唔到比一般午餐豬扒正好多, 外層香煎到脆口油份適中, 肉質亦保持嫩滑, 伴碟薯菜都十分細緻, 油醬味道都十分好, 呢d質素晚餐起碼收$140-180, 加陣只係$58, 低食 ^.^

其實餐廳內d設計都好美式, 好光, 座位好闊落!

2.7.2011
舊公司的其中一個client生了BB了, 所以今日特登約食飯"玩"她的BB~BB 好可愛哩~

當我趕到去的時候, 已經三時了, 她們都已經食到七七八八. 於是我吃了這裡的下午茶餐.

我揀了鮮雜菌菠菜雞絲燴意粉. 鮮雜菌其實是秀珍菇, 雞絲切成條狀, 腍腍的, 但無味的. 菠菜份量多, 洋蔥粒的份量也不相伯仲. 意粉過份腍了, 所以沒有口感. 最後, 白汁雖然味道不錯, 但稀到好似水一樣, 賣相不討好.

雖然以這個價錢食這個質素的食物是有點不抵食, 不過在這個商場來說, 已經算是便宜的了.

PS: 這裡的枱與枱之間相距很近, 如果坐梳化位就會舒服一點.

下午茶時間同男友方先生黎到荷里活廣場,想搵間餐廳歇歇腳、醫醫肚的;結果黎到呢間,店員把我們安排到最裡面的半圓形梳發位,位子都幾大幾闊的,係座落會舒服到等食物期間都會令人想洽一洽^^"
望住個下午茶麵食ge餐牌,仲以為淨係個"正宗重慶麻辣湯底"先要加$3,我叫左個"枝竹鮮冬菇酸菜粉"想轉"酸辣湯",唔知係店員會錯我意,以為我要的係重慶嗰隻,話要加$3,雖然方生話整加啦,但最後我都係決定唔加了;而方生就要左個"咖哩牛筋腩麵"等左5-10分鐘到,野食到啦~~
咖哩牛筋腩麵:牛筋腩好多肥油位呀!!呢點要扣分了>.< 而且咖哩都好淡,可以話係食唔到的... ...但要讚讚的係個麵,名叫"髮絲麵",麵係粗幼不一的,十分的爽口;若有機會再去食,一定要指定要呢隻麵!!枝竹鮮冬菇酸菜粉:幸好最後冇要到酸辣湯,如果唔係?清清淡淡的"本性"就會被破壞了... ...所配的係米線,唔會話唔好食的,都係一般食開的大路野,好清的湯,酸菜不多所以不會突出其味道,反而枝竹同冬菇就好好食,枝竹係實身會食到濃濃的豆香;但此粉唔適合"食肉獸"的朋友們,因成碗粉係一丁點的肉碎都唔會有的~~ 但個枝竹真係值得試一試呀!另一提:下午茶時間店內有d清靜,再加上梳發位好好座ge關係,真係有d令人唔多想離開^^"

最近因為多了在荷里活廣場內的戲院看戲,
所以開始在廣場內覓食.
不過通常看戲前時間不多, 所以要排隊很久或要細嚼品嚐的餐廳還是留待其他日子吧.
這天周末中午時份, 剛好看到這家人不多, 又有下午茶套餐, 便試一下吧.

由於另一半早上吃得太飽, 所以沒有點套餐, 散點個三文魚沙律2個人吃算了~賣相相當的不錯, 菜也很新鮮, 又有不少水果伴著. 不過醬汁幾乎沒有, 感覺只像在吃生菜混水果而已.....

我沒吃午餐, 所以點了個三文魚丸米粉很少地方可以吃到三文魚丸, 好奇的我便試試看. 但味道偏淡, 雖有點點三文魚粒在內, 但不太感覺到是在吃三文魚味, 沒多大驚喜. 米粉份量有點少......

另一半再散點了個綠茶布丁吃了一口, 綠茶味不濃, 但不會太甜, 普普通通.

其實食物總結是OK的,
但周末繁忙時間, 坐滿了一整個餐廳, 但居然只有2-3個侍者在忙!
更甚的是那2-3個侍者永遠只忙著分派食物走來走去,
我們吃東西只花了20分鐘, 但招個侍者叫他埋單再等他拿單來足足等了30分鐘!!!
實在令我怕了, 就算食物再好, 這樣等的話叫我下次也未必會再去了.