沙田富豪「郵輪之旅」，以龍門客棧的中式午膳作結。作為「客棧」，裝修甚具中國色彩，環境舒服得很，奇怪是星期六的下午，店內竟空無一人，實在有點愕然。

指定的二人淮陽套餐，由頭盤至飯後甜品，菜單可算是十分豐富。頭盤分別有四喜烤夫及燻魚，前者的「四喜」分別是鮮冬筍、木耳、毛豆及金針，烤夫入口帶點煙韌，煮得相當入味，水準不俗；燻魚則向來不是我所好，肉質是軟滑的，只是內裡多骨而令人卻步。

接著是宋嫂桂魚羹，放了不少筍絲，再加入蛋白絲、魚肉等，不止賣相討好，味道濃濃的十分合我胃口。自選菜式二選一，在鱔糊及蔥爆牛肉之中，選擇了後者，可惜水準卻有待改善，當中牛肉尚算腍滑，卻略嫌醃得不夠盡，入口帶筋，是少少的瑕疵。

吃過健康清淡的雪菜毛豆百頁後，就是所謂的「嫩」雞煨麵，雞肉切粒煮得過火，入口極「鞋」，奶白湯底看似像樣，輕啜麵條，卻發現味道十足十「索晒湯」的公仔麵，為這頓午膳帶來反高潮。飯後甜點是桂花榚，甜味拿捏剛好，更散發出桂花的幽香，清新怡人。

在繁忙生活中爭取時間去享受人生，讓身心得到充分休息，藉機吃些美食，整個體驗相當不錯，比去澳門更方便呢。

呢間開左咁耐, 今日都係第一次嚟 咋...

叫了4人set, 揀左酸辣湯, 烤夫;
主菜有蔥爆牛肉, 小籠包等;

全都很有水準, 上海籍貫的朋友也說很像樣!

炒年糕幾出色, 一讚.

服務也ok.

每人百三蚊, 好像略貴呢~

同老婆仔兩個人一向都幾好上海菜，而自己住沙田，openrice又有80%off優惠，一於去試一試先。
七點鐘到達，唔駛等位，very good。
裝修好有中國feel，d座都坐得好舒服。`
醉轉灣:雞肉滑，但酒味唔太香囉。
雲片白肉:白肉及粉皮夠爽口，個汁點粉皮一流呀!
宋嫂桂魚羹:魚肉羹一道，足料，夠清冇魚聲味。
南翔小籠包:比一般小籠包優勝，有湯汁外，更有肉汁。
走油元蹄:肥肉夠稔，入口溶化，汁唔太甜，兩個人食晒成碟都唔覺溜。
整体裝修夠舒服，食物味道中上級，服務細心。
用左coupon，盛惠$376，價錢合理。

P.S. :晚市套餐，會計當日溫計比折，如當日28度，套餐就72折，我同老婆仔打趣話「下次一於三十幾度先再o黎食過，有六幾折仲抵食D。」

星期三,生日宴,選咗龍門客棧,試過了月光光和河夢,都有一定水準.
喜歡佢地友善嘅服務態度,我和我honey都係簡單嘅人,食得安心,放
心已好滿足,今日亦唔例外.
無論食物質素,服務,優惠,我們都比足101分.
涼冸小食三垪 - 挑選了無錫脆蟮,煙勳蛋都做得出色;雲片白肉也不過不失,如果醬汁濃多一點就好.
川椒蝦球和豆酥桂魚片 - 啖啖肉
竹笙干貝扒津白 - 足料配搭
小籠包 - 好味!湯汁好夠,好香嫩肉香.乘出來的工俱可避免湯汁流失,為外地人設想.
桂花凍糕及桂花子- 一定要講吓,好耐未食過咁香嘅桂花酒釀丸子,已經好飽,但都享受到嗰種香味..

p.s. 上Open Rice列印優惠重有七五折,去到先知,你地下次記得Check咗優惠先去食飯喇!

公眾假期很難找到好吃又有位的地方, 從openrice下載優惠券, 又見到啲食評鬼咁吸引, 便book咗食晚飯。 嘩！七點幾鐘去到, 成個場得三枱客, 如果唔係睇咗openrice有咗心理準備, 都未必會走入去食飯。
一行三人點了小籠包 : 好味, 皮薄肉多, 可以再多啲湯汁仲好
烤麩: 好味, 材料充足
葱爆牛肉: OK啦, 啲牛肉如果唔用梳打, 令願硬口小小有返多啲鮮牛味
雲白肉: 幾好味, 如果切得薄啲, 加埋啲汁仲完美
酸辣湯: 好味, 材料切得好仔細, 好久沒有喝過這麽平衡的酸辣湯, 出面食店
不是過酸, 便是過辣
担担麵: 好味, 味道好食過而家紅磡果間, 啲麵可以(綠)短啲時間可以彈牙啲仲好
仲好想試埋其他嘢, 但已經好飽, 準備下星期再去食過, 好咪!!!
用咗openrice優惠券後埋單HK$370.

很喜歡龍門客棧的冷盤，很有風味。鎮江排骨細細件，不太肥，酸甜味剛好，很開胃。還吃了侍應推介的燻蛋，果然好正，好濃煙燻香味，配上鹹鹹地既魚子，味道好夾。仲有我最鍾意既糖心蛋黃，俾幾十蚊食隻出奇好味既蛋，其實都極之值得。

仲點左沙鍋雲吞雞，乾燒大明蝦，雪菜炒年糕，鍋貼等等常見既上海菜式，款款都有水準，夠地道。沙鍋雲吞雞好足料。可惜鍋貼煎得不夠脆，但好在餡料夠多啦!

餐廳環境清靜，裝修富古典味，同爸爸媽媽去最啱!

返鄉探親之余﹐因為特別喜歡上海和揚州菜﹐便和父母特為到了這間龍門客棧來試試其標榜正宗的淮揚菜餚。

適逢週末12點30分﹐但卻沒有一個食客﹔我們一行人是第一桌。翻開餐牌﹐點了鍋貼﹐干絲﹐蝦仁鍋巴﹐松子黃魚共三菜一點心。買單一共600有找(匯豐信用卡有9。5折)。

平心而論﹐鍋貼做到不錯﹐干絲就根本不是正宗的(正宗的應該是從一塊豆腐細細一刀一刀切成比較有厚度和韌度的細絲)﹐龍門的只是用俗稱百葉(上海豆製品)切成的﹐非常得薄。蝦仁鍋巴不是茄汁的﹐蝦仁馬馬虎虎﹐鍋巴做到很脆﹐不過覺得味道沒有其它地方茄汁蝦仁鍋巴好吃。

值得推薦的是松子黃魚﹐份量足﹐做工精美﹐味道也很不錯(甜酸味道)。

呢排咁多節日,食自助餐同西餐都食到好悶,咪同女友試下麗豪龍門客棧,反正泊
車又唔駛錢.

餐廳以紅黑做主題,枱面同座位好寬闊乾淨.食得勁舒服

D野食小巧精緻,待應好睲目快捷,一貫四星酒店作風.

魚更,酸辣湯----味濃不咸
小寵包 ----好多湯,肉饀崧軟(正過台灣鼎泰豐)
鎮江骨 ----勁入味~正
油淋雞 ----肉質軟滑,塊皮都好食
龍井河虾 ----爽甜,茶味夠
瑤柱炒飯 ----炒到一粒粒,蘇Good

以性價比黎講,真係唔錯,唯獨是附近無乜商場好行.

今天剛剛到車公廟還神後,到河畔花園想揾東西吃,特然看見麗豪酒店有間龍門客棧,以前到新機場都有試過,唔想到沙田亦開左一間.

唔知係咪新開張,地方好企理,座位舒適但光線較暗.

我點了個2人餐,有頭盆,酸甜辣羹,但唔夠辣.清炒河蝦仁非常鮮甜爽口,百合小堂菜很入.但甜品酒釀丸子略為淡口.但共有八款菜亞式埋單用白金信用卡亦有78折.

服務非常殷勤快捷,唔洗自己沖茶,值得一間ENCORE之餐廳.

繼河夢、月光光之後，這次的目的地，是這間主打淮揚菜之龍門客棧....

店子名稱很有江湖意味，但裝修卻是十分的高貴典雅，古味盎然。當然價錢也是眾麗豪餐廳之最la...

偕同太座及友人一家，可以叫多幾味來吃吃，也是樂事一樁...

前菜來個烤麩及燻魚是例牌動作。這裏的烤麩弄得碎濕濕的，很有手掰的味道，而且味極甜極濃，頗對小弟口味。但很奇怪的是，吃上口是熱辣辣的，感覺很怪；燻魚吃不出甚麽"燻"味，卻只是一味死甜。跟烤麩相反，這個卻是凍冰冰的，奇怪

葱爆牛肉也是在水準以下，關鍵是那個被梳打蹂躪得體無完膚的牛肉....

火腿津白普普通通；粗炒不夠油也不夠甜，可幸麵條已上哂色，還吃得過.....

小籠包內的湯汁是足，但肉不算特別鮮。湯雖多，又有何用 ?

生煎包底不算煎得很脆，肉也是跟小籠包的一樣是不太夠鮮，是一個不太合格的製成品....

環境佳，服務也算貼身，但食物卻是平平無奇。七五折後還要每人百五大洋，就自己來說，是有點不太值了...

上兩個星期去沙田玩
本來打算之後去regal riverside 間意大利0野dinner
可惜門面裝修得勁唔吸引所以冇入去
之後去左龍門客棧
由於得2 個人食, 所以只係左叫左幾樣送
小籠包, 排骨麵, 走油元蹄同埋樟茶鴨

小籠包真係唔講得少, 小油多汁皮薄 ... 正!
但最重要ge係溫度因為小籠包最緊要熱食

元蹄個樣好似屎不過我最欣賞ge係個汗甜甜用來點伴菜岩哂
而且個元蹄炆到岩岩好淋唔駛點咬都可以食到,又唔係好肥.

樟茶鴨可能係煮法ge問題所以好乾爭爭不過好入味
仲有d 似西餐既煙鴨胸

而今餐最難食,係個排骨麵,原來簡單ge係最難整..
個麵好淋可能係太熟,又冇過冷河
而d湯清淡,仲要清到好清..........

不過建議大家多幾個朋友一齊去
因為太少人好多野都試唔到
下次一定會去試埋佢地ge 醉雞

今天跟朋友聚餐, 網上見呢間新開，試下先~

之前book 了枱, 但可能後午巿(1:30), 同地點比較偏僻(入口位幾怪下), 所以都有位的, walk-in 都應ok。

入到去, 個feel 幾雅置, 很舒服, 地方少少, 但都唔會有咩局促感，好有古典風味。但係可能因為地方少, 所以唔好諗住一大班人來食囉。

今天四人, 唔諗lu, 叫了個每位138的四人午餐
唔記得菜名, 都係一般京滬菜的名啦, 食過就知都係那些「准揚風味」

前菜三碟：
醉雞--嘩！比我想像中大碟, 兩隻雞脾做醉雞, 少有呢~幾香
鎮江肴肉--唔差, 肴肉正常咁既feel囉, 但係有三排, 所以都係幾多下
脆皮素鵝--幾脆, 唔係唔好食, 但唔夠有特色

湯：
招牌酸辣湯-- 唔辣, 帶酸, 分到約六碗

小菜：
蝦仁--幾好味, 少少鹹, 餸之後個炒年糕幾好
炒年糕--淡淡地, 唔會太滯, 但食完當然會好飽
桂花魚塊--很脆, 很入味, good!!
上海白菜--清甜^^

整個餐味道都不錯, 清清地, 唔油膩, 份量多, 所以真係幾飽下, 完全覺得自己好似在食晚飯。服務很好, 食個午餐個幾鐘都換了三次碟呢~環境古典幽雅, 靜靜地, 幾個朋友慢慢食傾下計很好。

不過佢營業時間係：中午12時至下午 3時; 下午6時至晚上11時
因此我兩點起菜, 三點佢地收了爐, 佢催得我地都算有禮貌的, 但係若諗住下午一路傾的人就唔係好適合。我地埋了單三點幾(阻人收工)先走, 開門的阿姐都笑住口bye bye，沒有黑臉，good。

星期日同朋友到此店試上海野，我地叫左

小籠包 ：皮薄多汁，唔肥， good
醉雞 ：花雕好香、 最正d 雞皮，好脆口
鎮江肴肉：足料唔咸
樟茶鴨半隻：呢隻野唔掂，好肉 "un" ，上枱唔似有半隻
奶油津白：一般
京醬肉絲配薄餅：ok

整体滿意，尤其是坐得舒服，環境清靜

仲用左openrice d coupon 有折，每人只需百幾元！如果冇折就貴 d 了

龍門客棧是麗豪酒店既新餐廳, 試過水準不錯, 而且有酒店服務。坐得舒適。

宋嫂魚羮好好味, 足料有魚肉, 好有鮮味, 我也吃過上樓既宋嫂魚羮, 是很咸很咸既生粉水。担担麵好辣, 好麻, 很有特式。蜜汁火方很獨特, 淡淡花香, 不覺得是人造香味, 不過得果幾塊, 嫌少得濟啦! 醉雞都好好味, 好滑!

麗豪酒店呢間新既上海菜館, 好寧靜舒適。

點了走油元蹄, 好夠醬油味, 唔覺肥膩。担担麵味道好獨特, 很麻辣, 同其他好多麻醬的担担麵不同, 愛辣的朋友值得一試。

還有酒釀丸子, 好清甜, d丸子軟綿綿, 煙煙韌韌, 口感極佳。

整體來說, 有上海風味。