其中一位朋友要食素, 諗起哩間有新式素食, 就決定訂位試下
打電話BOOK枱時梗係問定有咩要留定先有得食, 店員介紹椰青盅湯(個名唔太記得),
$38一個, 我諗住可能好細個, 洗唔洗一人一個, 但又怕唔好飲, 最後留左2個(我地4個人) 好采只係留2個, 4個人每人都可以飲2細碗, 不出黎已經好香椰子味, 味道好清香, 因為冇肉始終唔會話好甜, 但我地都好鍾意係門口見到張相好似好吸引, 係用菇整既, 但唔係太覺得有陳皮味哩個三色椒裡面有苦瓜, 我本身唔係太鍾意食, 但都食到, 佢冇出面XO醬炒果D咁野味, 可能始終食慣有D肉味個樣我以為係茄子, 一入口勁似食緊魚, 個汁酸甜適中可以叫碗白飯送都得味道似玉子豆腐, 加蔥煎香外層, 又香又滑最後講下哩杯茶, 應該係玄米茶, 襯熱飲好香架, 不過個茶壺設計真係差D, 好易倒到成枱都係, 就算好小心都會倒瀉

每款食物都感覺好用心, 唔係食素既人都可以一試

一個月總有2-3次到來午餐, 因為是一個價值 $34套餐, 有茶、湯及一個飯/粉/麵, 食完一定滿意及飽肚, 最緊要是健康。

茶: 總之是好味及有茶味的綠茶。

冬瓜紅蘿白湯: 好清不太咸, 每次都有料, 但還是喜歡飲他的猴頭菇湯, 可惜這天遇不到。

海鮮炒烏冬: 有仿蝦, 蟹柳, 仿真度極似, 烏冬入味, 色香味俱全。

近來連午餐都好多人, $34 真的抵食, 份量不少, 又不會趕客。

平時午餐的$34特價套餐連湯連茶已經覺得好抵食, 今次帶班對食有所要求的朋友試試, 起初聽話食齋加地點已經唔吸引, 最後都係來試試, 結果是:選口不絶 !! 當中有孕婦、小朋友, 個個都接受:

淮山粟米粥:平時粟米粥就食得多, 加淮山真係秘一次食, 一大窩來到陣陣飄香, 准山可見一塊塊, 但放入口有即溶感覺, 真係好奇妙, 第一道菜已經吸引住各朋友。

棒棒芝麻雞: 一條條滿是芝麻, 小朋友已急不及待,熱哄哄, 食落去有少許雞味, 口感好似, 但不及芝麻香蓋過, 雖然是炸的, 但不油膩, 朋友開始研究。

中華豆腐: 不是普通豆腐, 而是用雞蛋整的豆腐, 外觀是一個方塊, 面是豆腐層, 內是雞蛋香味, 第一個感覺反是有益健康, 附以一條條青菜, 食完炸嘢再食返蒸餸, 又是另一風味,這個餸不是易做的。

酸甜魚塊: 朋友問:係唔係真係魚呀 ?有魚的鯹味, 仲有魚的口感, 酸酸甜甜好合大家胃口, 去到這裡, 朋友話: 這裡的餸真係魚有魚味, 雞有雞味 "

炸春卷: 一般齋舖最普通, 但這裡應是即叫即炸, 論顏食不是千年油, 內裡材料豐富包括木耳絲, 配合簡單的生菜, 脆口。

馬來金不換炒飯: 少少酸甜, 菜粒多, 唔錯 !

壽包: 內是蓮蓉, 即叫即蒸, 軟滑, 小朋友一個可以食三個。

平時食齋都會食到好多油, 這裡就罕見, 真係每道菜都好好食, 近來連平日的午餐都多左好多人來光顧。

同事順利申請做公務員，自然要食餐飯去慶祝，也是為他送行，在選定了日子後發現正好是農曆十五，有同事需要吃齋，因此很難得地食齋菜，嚐一嚐新事物。

不過口裡說吃齋，身體很誠實，在選這間店時已經知道不是那種青菜白飯的齋菜，是新派可以"大魚大肉"那種，畢竟我們都是齋口不齋心的食肉獸。在門外等安排入座時看一下菜單，媽呀我是去了大排檔嗎?都是葷菜來的。結果我們點的幾乎都是"肉類"，但仍然自我感覺良好。

點潮式鵝片時店員說我們人多需要點兩份，所以是雙倍的。鵝片帶粉紅色，外皮是潮州滷水顏色，咬下去帶點煙韌倒是有點像鴨胸，不特別好吃但算是穩陣派。生炒芥末骨用了黃芥末來烹調，佛堂齋菜的話大概不會有這調味，芥辣也要歸納為辛類吧。雖說是生炒骨，但沒有把骨頭也像真出來，所以應該像咕嚕肉多一點。用了黃芥末味道自然帶點辛，不過是香多於辣的，齋肉的咬口跟豬肉真的一樣，有點像豬展肉，配以黃芥辣實在不錯。薑蓉翡翠苗是全晚最像齋菜的齋菜了，就算知道一路吃的都是齋，心理上不吃正式的蔬菜還是有種罪惡感。豆苗很多時在沙律吧吃到，所以對我來說炒不炒其實沒所謂，是晚幾道菜都有菜苗伴碟也都夾來吃，當然炒過的會更香更有鑊氣，未炒的始終帶一點草青味。陳皮菊花蛇羹看到有點驚訝，原來齋菜連蛇羹都做出來了嗎。再看其他羹類沒有比這更吸引就選它，假如同樣有蛇的功效，那過了十二點就要吃肉了呼呼呼(請自行理解)。但這蛇羹有點稀，味道有點苦，那種苦是苦澀那種味道，而且挺強烈，個人認為是菊花的緣故，然後加了醋下去就比較好一點。這個沙嗲羊肉串如果放在真貨的旁邊，其實也不可能分得出來，真的和真貨沒有分別，當然不會有羊羶味不然會很可怕。吃起來的質感亦像瘦肉，加上不濃烈的孜然粉味道，有如大陸串燒的風味。而沙嗲醬味道亦不算濃，如果有多花生碎則會更吸引。雲耳蒸雞煲仔飯沒有大排檔那種滾熱辣風味，也沒有飯焦，不過這裡是吃齋沒理由要求太過。這蒸雞肉質如冰鮮雞，一層層肉的，但味道卻比冰鮮雞更對辦，吃素雞反而食雞有雞味，這實在有點搞笑。米飯不軟不硬亦不過黏，自從家中換了新飯煲後也很久沒吃到這種剛剛好的白飯了。棒棒芝麻雞有點像小食脆麻花甚麼的感覺，咬口鬆軟不夠實，感覺有如炸海綿，外層脆而裡面鬆，當然我沒真的吃過炸海綿。雖然有芝麻香補救還是不怎吸引。如果要我改加的話，我會加麥芽糖快炒兜亂。東坡肉賣相十分古怪，是最不像真的一道，光是色澤已經不像了，外表又有如泥膠堆砌而成，完全不吸引。吃下去的口感很韌，是豆腐乾的質感，醬汁亦不是東坡肉那種帶甜的，濃厚的醬汁，味道亦怪怪的，是晚最差的一道。

鮑魚刺身也和鵝片一樣是雙份的，其外表不太討好，有點像罐頭鮑片的樣子，口感爽帶滑不怎麼好吃，反而是伴碟的菠蘿清甜多汁更吸引。鑊仔清宮炒糙米上菜時已聞到很香的鑊氣味，比起煲仔飯還更吸引。裡面有"蝦"有"蟹"，那蟹應該是扮晒蟹的蟹柳，味道上很像。而糙米大概是有其先天優勢，所以粒粒分明的情況很突出，格外好吃，很少吃到這麼好吃的炒飯。鎮江脆鱔自然是用鎮江醋煮成，色澤帶黑剛好顯得齋鱔更像樣。齋鱔的質感比起真鱔略欠爽口，但也算接近的了。鎮江醋的控制不錯，有其香和酸，而又未去到濃烈的程度，有時在外吃鎮江骨可是能酸得難以入口的。芝士魚米包像章魚丸的樣子，烤焗成微金黃色長相蠻不錯。麵包做得軟熟好吃，裡面的芝士軟心味道夠濃，且夠熱令軟心都融掉，媲美麵包店的出品。香酥鵝肝卷外層是一大塊紫菜，就像小老板那種炸紫菜，吃起來索索聲。裡面綿軟的口感是芋泥所形成，味道帶微甜很不錯。不過這種做法要小心餡料的溫度，就算放了一段時間，還是熱得差點被燙傷。最後附送綠豆沙糖水一碗，裡面沒有放臭草少了香味，味道沒有很甜，屬正常水準。

一般食肉獸聽到齋菜也覺得太齋不想吃，但今次吃過後又真的不覺得不受食肉獸歡迎，間中吃一次齋對身體好呢。

好耐好耐以前呢間大中華素食係叫大自然素食，
自從改左名之後都冇幫襯過啦！
見諗唔到食咩，就入去試下啦。本來想叫猴頭菇，
但比佢個咖哩南瓜牛肉煲吸引左，
咁就叫佢一個Set Lunch A 同咖哩南瓜牛肉煲。冬瓜紅蘿蔔湯，好淡冇咩味，
個茄子鮮竹粒飯有小小油，但味道都唔錯。
入面有茄子豆腐同麵筋，之後就係咖哩南瓜牛肉煲，
牛肉？牛肉？牛肉？唔係素食咩？
點解會有牛肉？！
食落去真係好似牛肉啊！
我係咁問媽仔，真係唔係牛肉咩？真係咩？
但真係好似啊！我真係以為自己食緊牛肉！
媽仔話可能係係菇類。
個咖哩汁都幾好味，D南瓜都OK！
呢個用黎送飯幾一流。其實佢個MEUN都仲有好多野幾吸引，
但係2個人得2個肚，哈哈哈。
就留返下一次啦！

禽日禮拜，去咗老尖佐敦行下，到一點幾鐘，想搵嘢吃，
周圍都冇位，一路响油麻地方向行，見到呢間嘢，
原來係食素嘅，又有位，走咗入去 ...

一般食肆格局，兩個人，叫咗三樣嘢 ~馬來金不換炒飯︰冇油淋淋，可能唔係好習慣隻葉嘅味道，但個飯炒得唔錯。 山珍豆腐煲︰煲上，食到尾都仲熱辣辣，豆腐夠滑。 生炒芥茉骨︰呢個幾特別，味道即係啲沙律醬多咗Wasabi味，但唔辣嘅，幾醒神。

啲菜夠碟頭，大約60蚊左右，可接受，食物夠熱，
但招呼就同屋邨啲餐廳仔咁上下 (咁都仲收加一) ...

雖然係素食，但又唔同一般傳統素食，
啲菜幾有新意，可以一試﹗

工作關係，又來到廟街附近，近期還要介口，要搵食都有D難度﹗

行吓行吓見到大中華素食，望都冇望就行入去，仲諗住叫我心水「香菜心炒飯」。

點知，行到入去一坐低，睇吓個餐牌，有少少捉蟲，原來佢地主打係小菜，仲要係個D扮肉嘅齋菜，最憎﹗好少炒粉飯麵類﹗冇左我心水，都唔知食乜好﹗最後選左了一個日本雜錦炒烏冬﹗炒一個烏冬原來要超過15分鐘，等得有點耐，不時還聽到廚房內各廚工的大聲對話﹗

雜錦原來是扮蟹柳，三色椒片、齋雞、椰菜等材料和烏冬一起炒，味道沒特別，只是沒味罷了；一個人的份量剛好，但就略嫌貴了少少，原因它是一個素食館子，不是茶餐廳，故加一茶芥全收，最後，一碟烏冬收了$66元﹗

話時話呢間素食店都試過N次, 今次又黎幫襯啦!

大家見到食物上枱都 “嘩!”了一聲, 好似呢! 似什麼? 咪就係 吉列豬扒, 像真度極高, 炸後鬆軟香口, 外表香脆不油膩, 肉質鬆軟, 似半肥瘦豬肉般.

還有很多菜式, 單憑肉眼又真係難以分得出係肉定係齋, 例如有Pizza (今次無叫), 刺身, 菠蘿咕嚕肉, 看得出店主花了很多心思迎合喜歡食肉的朋友.

刺身: 顏色逼真, 有魚紋, 魚脂, 做得非常細緻 … … (每次必叫)

菠蘿咕嚕肉: 完全難以用眼分得出是素還是肉, 即使用入口品嚐仍然難以分得出, 味道酸酸甜甜, 又是必試菜式.

已經唔係第一次去大中華素食啦 今次再去係因為食過翻尋味

呢間素食店菜式有別於一般素食店 出面多數較為中式同傳統
但佢ge菜式就混合多國ge烹調方法 食材亦有別!

今次4個人去 叫左一個2人餐
冬蔭公湯 脆塘豆腐 麻花鴨 (仲有一樣唔記得 ) 加散叫左個焗包 焗包
芝士白汁焗包內有炒飯 飽肚之選
正在係西式煮食方法 打破沈悶~
不過個飽un左少少 脆身會仲開心
同埋伴碟溫室豆苗略油 脆塘豆腐
食落似炸蠔餅 夠脆身
不過個汁有d唔太夾 淡同太杰身
就咁食/點麻花鴨個汁反而仲好味

冬蔭公湯 係細碗ge
呢個真係好好味!
魚丸食落比自己買ge急凍貨彈牙! 正!
(不過要有心理準備比起正宗泰式ge淡味同有d唔同)

麻花鴨
味濃且香 撈飯一流

多到食唔哂 打包! XD

整體黎講
鐘意大中華係因為佢創新 而環境同服務都不錯
而食素食感覺較健康 一試無妨
見到有人話佢素食唔似素食 同葷食無異<---唔明點解要比個框框 歧視素食 保守-.-
但我反而覺得素食都可以有突破 正如肉食都推陳出新啦!
破格素食又有何不可呢?

這天本來是想去探一探老友菜肉雲吞,但來到門口友人提議不如試試街角的素菜館,因為每次經過也好像人頭湧湧應該不錯吧!反正雲吞上星期才吃過.想來也是!就來試一試也好.打開餐牌一看感覺是怪怪的,全部菜式名字與葷菜無異!潮式鵝片、七味燒鱔也可見到.檯與檯之間十分狹窄,坐下後與隣座是背貼背.坐滿人後人聲嘈雜如街市.陳皮菊花蛇羮----材料是冬菇蛋花加豆潤切絲再加上陳皮及甚少食用的黄菊花辧.味道偏鹹了一點.如加些辣豆辦醬加醋下去的話說成是酸辣湯也可.配吃的薄脆既不薄亦不脆.中華豆腐----豆腐是加入了雞蛋面層再灑上蔥花來炸,乾身那邊吃下去外層帶脆內滑溜本應不錯,但加上了內有金菇埋的杰身芡汁後,被浸過的豆腐變得軟身又韌!鹹魚雞粒炒飯----素雞粒炸得又乾又硬,整碟飯油份真是太多!飯粒已黏成一團變得糊口.水晶石榴球----浸在杰杰的透明芡汁內已不甚吸引,薄薄的外皮是筷子一碰即穿,內裡的翠玉瓜粒及木耳像吸飽了油似的感覺非常油膩.

個人吃素菜目的與宗教信仰無關,對這些所謂新派素菜也並不反感.有時只是想吃得清淡一點,但如果一樣是多油濃味的話又何用去吃素菜呢?