完本想周老公開開心心慶祝賣樓成功, 訂了牛皇星8點打邊爐，可惜換來一肚火。食肆除了食物質素,服務態度都相當重要。我和老公準時8點抵達牛皇星，門口的服務員如常逐一登記並說等等，那時還有3枱已訂枱的客剛到。我們等了5分鐘, 只見一男一女服務員行來行去, 拿著對講機像在安排枱給我們, 聽到那女服務員跟一位熟客在交談, 問她為什麼不預早訂枱, 今晚幾多位, 四位等等......跟著那女服務員便引領那沒有訂枱的女熟客到店內。女服務員出來的時候我問她何時可以安排好, 她的答案竟是 : 「要等到有細枱埋單才可安排到。」我再問她大概要等幾耐, 她答15-20分鐘。我跟她說我訂枱的時候已問清楚訂了枱是否一定會有枱, 當時職員說無問題的, 為何我準時到達不但沒有枱, 還安排沒有訂枱的客優先入座? 她擰轉頭扮忙沒有回答。我明白「朝中有人好辦事」的道理, 但對於一些已訂枱的客人未免太不公平, 更甚的就是牛皇星的職員的態度, 連基本的禮貌都沒有。我和老公決定離開, 以後都不會光顧牛皇星。

好食到成日都想返轉頭的店！

牛皇星一定系我地最鐘意既餐廳之一。食左都有3，4次，但每一次都好滿意咁落樓。呢度既牛肉真系好好味。我地其實差不多每一次都叫相同既野，但次次都無失準，好開心。

我地多數會叫的菜式包括：

1.牛肉
呢個當然系主打。我忘記邊一部分，但只要問下伙計邊part最lum, 叫個度就arm la. 非常非常好吃，好有肉味，稍微滾一滾就ok la. 呢種牛肉比肥牛好食得多，雪花紋清晰可見，亦唔會太膩。。。必試！

2. 石班肉
我地系叫一份份的。但很新鮮，有好香既魚味。魚肉入口鬆化，卻有口感。百幾蚊一碟，我覺得值得。

3. 秘制炒蜆
非常出色的菜式。。。用秘制醬料炒得很有火候。。。好野味！！！

4. 其他配菜
一般的蔬菜都很新鮮，價錢也不貴。湯底是新鮮番茄加椰菜，不會太勁茄膏。。ok!

唯一批評系餐牌唔算多選擇，不過可能店主貴精不貴多吧！


如果唔系怕熱氣，我地可能個個禮拜都幫襯！

早餐好扺食, $16就有碗炸菜肉絲湯米, 一隻煎蛋,一片火腿,青瓜, 番茄及一個餐包 仲有杯熱飲, +$2改凍飲, 都有其他選擇, 都是$16 - $20左右, OK! 扺食推薦!!!

突然想打邊爐 , 男朋友就介紹我去依間牛皇星 , 佢一條街兩間舖 , 我地去左新裝修個間 , 入到去白雪雪既裝修感覺好乾淨 , 兩個人坐左個卡位 , 我一睇個餐牌覺得好騎呢 , 除十下十下既生野外仲有刺身又有熟食 , 結果男朋友發板之下咩都叫左D
牛牛 : 佢話好食 (因我唔食牛既no commet)
魚標 & 貴妃蚌 : 新鮮
墨魚滑 : 夠彈
刺身拼盤 : 正
皇帝菜 : 嫩
特別嘉賓...........鹽水煮蜆 , 大隻 x 新鮮 x 湯底正
整體都算幾好 , 不過價錢就貴左d , 不過一分錢一分貨~

Have been here at least 5 times and enjoyed it every time. As others point out, the soup base is good but not great. My fav is the satay!

But the real reason I come here is for their beef. So far, this is still the best for me in HK. 煲皇 also has good beef but I think this is a tad better. I like the beef cube the best and the other cuts are very good as well.

The other not to miss here is the fried tofu skin. Very crunchy and just right with some satay soup.

While the food is good, the service is poor to non-existent. The waiters are either not there or busy when you want to find them but I guess service isn't what I really look for in a hotpot restaurant.

The price here is not cheap. Normally runs 300-350 per head for lots of beef and beer.

有朋友話睇報紙介紹咪訂檯試吓囉,見佢門面都幾好,一入到去又要再上幾層.條路又迫,

嘩...一睇個餐牌就知道大件事喇....啲嘢都好貴吓....仲有大部份都寫住時價的,一問啲海鮮價錢

就認真超貴....咁咪就咗以下幾樣嘢食,但係啲侍應係咁Hard Sell你食海鮮同埋啲貴嘢

囉,見我冇聽佢點我,就面都黑埋...

湯底 $68...普通冇特別
細肥牛$108好一般囉,冇乜牛味(我覺得紅磡間老坑好好多)
鱔片 $38都ok切得幾好冇骨夠爽
細六寶$138好細碟
豬頸肉$38... 普普通通
什菜 $28啲菜冼幾乾淨
茶介每人@$20
加一服務費
總計呢餐都要成五佰幾銀......

半年多前第一次食, 當時真係好食!
尋日再去食多次, 點知質素嚴重下降!!

1. 炸魚皮, 無錯, 欣賞佢即炸呢俾我地... 但超超超鹹!! 鹹到個口係食到痛...
2. 牛肉粒, 肉質又"鞋"又韌! 豪無牛味!
3. 炸腐皮, 已經無以前咁脆, 無左食過翻尋味的感覺!

以上三樣係我第一次食的時候覺得超好味, 有左之前的比較, 而家的水準係入唔到口咁濟...

總括黎講... 將來我要食HOT POT... 呢度唔會列入我考慮範圍中....

上星期五與友人一行六人去打邊爐, 睇過食評唔錯, 於是約齊腳出發, 星期五晚天氣凍, 所以已提前一天預訂位子, 準時到達, 環境唔錯, 乾淨企理, 開始點菜時, 服務員態度已與別不同, 無反應之如, 問多兩句都已經唔多耐煩...算數....最多唔問, 叫返呢到出名既牛脊肉, 牛肉粒, 蝦併蟹滑, 雞子, 醉雞件...等等

牛脊肉相當出色

牛肉粒就唔係好值$148一客啦(不過都好食)

蝦併蟹滑彈牙

雞子好精緻

醉雞件好入味

我相信時次打邊爐係我人生中最快既一次 不論buffet式邊爐 or 逐碟計, buffet式邊爐都起碼有兩個鐘以上用餐, 為獨是呢間餐館出奇不異地, 個半鐘唔夠, 就開始做小動作, 本人覺得上星期五確實天氣較涼, 人客多唔出奇, 如果入埸前提早揚聲, 訂位太多, 限時離埸, 本人絕對接受(好多卡拉ok埸都係咁樣既做法). 好可惜...佢地沒有咁做

當晚我地六人還未完成台面食物, 而三反四次擺底果盆 及 收碗筷 及 熄爐 等等, 喂...大佬呀, d食物要比錢架, 唔係任食架????? 我都未食完...你就行黎熄爐唔比食, 錢就照收

再好食都無用, 一次過好啦! 比左錢無得食, 仲要比人看唔起, 我都唔知為乜要再去

十一月初一‧晴

一班朋友吃晚飯，想吃得熱鬧一點，火窩如何？一行十多人就來了這裡。坐了上一樓，角落的一張大圓檯，自成一國的，企理。但見樓下的大魚缸，又斑又帶子又象拔蚌的，似乎跟這裡的招牌不太對稱。以「牛」為名的，就試多一點牛肉吧。不過不是想吃就有，如是晚，牛舌訂了也沒有的，令人失望。

牛脊肉脂肪分佈得很好，先起來已對辦。淥一淥就吃，口感豐腴軟滑，是靚貨。不過如果吃火窩的牛肉，除了這一款的，其實我也喜歡有牛肉味多一點的，如新鮮的本地牛肉；牛柳粒很新奇，同檯食友紛紛說要淥一小時以上才可以吃。不太相信，淥這麼久，不會韌嗎？結果我們分別在半小時、45分鐘及一小時派出試食員試吃，果然是一小時的最軟腍好吃。其實不應該是一小時，因為在個半小時有朋友撈到來吃，說更好味，似乎是淥得越久越好~~當然亦要有一班守規距的同檯食友，不會時間未夠就將牛粒吃掉；

也要了不少的其他食物，說幾味吃得過的。墨魚滑彈牙爽口，味道也鮮甜，在沒有什麼其他菜色的情況下，似乎是必叫的；炸魚皮鬆脆可口，是下酒良品，浸一浸湯，更美味；炸腐皮熱辣炸起的，齋吃起來油了一點，過了湯就好吃了；豬潤切得薄薄的，新鮮爽甜，難怪身邊的朋友也拍定要追加；鵝腸朋友滿意，說肥美的，我就覺得其下了化學品去招呼過；菜很新鮮，也不錯；幾款餃及雲吞則有點平平無奇，填肚而已；最後還下了不少的粉絲在窩中，索了湯底的精華，美味。

兩個湯底分別是海底椰及麻辣，還有咳在身，只可吃前者，是滿意的，不過如果不下那裡多花奶會好一點。

餐後還有禮物及蛋糕環節，謝謝大家的安排。而亦要多謝娜姐帶給我們的手信，及北京小吃。

再一次謝謝。

睇到好多人都話到咁好，梗係要試吓啦！

一行四人(26/12) 6:30就到, 好彩有訂位，因為之後一陣就要等位了。

我地叫左：肥牛: (脊位)-- 好香牛味，大碟，抵食。

好多人讚既招牌手打墨魚滑拼蝦滑: 彈牙+爽口非常！屬必試item!!

桂花蚌: 好新鮮。但我冇乜食jar!!

牛肉刺身: 唔差，但真係同灣仔既肥肥果d冇得比，真係差過人地果d呀！主要係個味道同thickness 爭少少..... 唔，個汁都唔係話好好味。下次我會叫多碟肥牛就算。

炸魚皮-- 好好食wor!!!!!!!!! 即炸既，落落湯果陣仲會JAR一聲ga!!!!! 推介呀！

mixed meat balls -- ok la, 冇乜期望既, 但d貢丸都好好食。(包心果d就麻麻地炸....)

veggies -- 皇帝菜好好食, 係本人既new hotpot buddy!!!!!

veggies soup base -- 已有4-5 舊好甜既粟米, 可以唔洗叫一碟粟米呀。(湯內仲有carrots etc)

避風塘炒蜆-- ok! (油左少少jei 同埋有沙lor....下次都唔會叫lu...)

waiters既態度幾好, 唔兜得好有問題or特別趕客....可以係比較手快口快同收碟比較快jei. 但我明白plus唔想阻人做生意，所以都覺得ok 呀！

幾條麻lud佬，叫咗個碢一邊沙爹一邊皮蛋香西，湯底ok啦。

其本上我們只食牛，試咗三個不同部份，名字忘了，最好食的是最多雪花肥嗰種，牛味濃入口又易溶。其餘兩種都○Ｋ。

個炸魚皮都很正，比平常較硬身香口，啱火煱用。

大量特價金威啤當然唔少得。

抱住個肚high high 地回家，feel good

打去訂檯....佢話九點先有位....諗住早D去到搏下可唔可以早D坐低....去到見人山人海...結果九點二十分先入座....雖然門口好多人圍住果訂位亞姐...勁煩....但亞姐仍然保持冷靜...仍然好有禮貌.......EQ果然夠高!
4個人....食左:
海底椰湯底 - OK....唔夠輝哥果個正
肥牛 - 翼位 - 本人最愛.....真係唔知應該點形容...總之好味
- 瘠位 - 叫左兩碟....朋友們覺得呢個位好味D...因為比翼位肥少少...又重牛味D.....但其實兩個部份都好味.....只係因為翼位少肥...所以成為我最愛.....
XXX蝦刺身 - 上黎時見到人地果碟....好吸引.....侍應哥哥話爽過龍蝦.....$22 一兩....要左4隻...份量唔多....好似 $3XX....好貴...但真係好好味.....好爽....蝦頭同蝦尾都掉落個湯底淥一淥....蝦頭勁多膏...推介!
另外食左: 九菜餃....西洋菜 (份量好少)....冬瓜 (切成蝴蝶形...洗唔洗呀?)....蘿蔔 (有D苦)....墨魚滑 (OK)....烏冬拼一丁 (但係拼呢個湯底...好似怪怪的)....
另外叫左兩 jar 竹蔗水......埋單 $1225....每人三百鬆D....貴....但耐唔耐一次都值....尤其D牛肉.....真係好好味.....

(有圖) 打邊爐篇二: 佐敦牛皇星, 店如其名!

http://hk.myblog.yahoo.com/goodboy_philip/article?mid=31496

天氣涷繼續打邊爐, 呢次去佐敦牛皇星! 門口好多人等緊位, 之前打電話留位, 去到都要等半個鐘! 如果唔 book 有牌等! 可能太好生意, 吳松街有兩個鋪位, 食客企到成街都係, 門口既派位哥哥睇個樣兇神惡剎, 揸住個 walkie talkie 係咁話 d 同事, 不過對客就好有禮貌! 至於好唔好食? 又睇落去?

牛皇星地址: 佐敦吳松街149號

潤肺海底椰湯底: 入到店內椰香樸鼻, 所以坐低之後揀左呢個湯底!

肥牛: 有分邊位, 頸位, 脊位。無可否認, 牛皇星 d 牛肉真係得! 牛肉唔硬解凍 ok, 拉落個火鍋拖一拖變粉紅, 輕易變半熟, 唔算太肥, 真係得得地!

招牌手打墨魚滑拼蝦滑: 左邊墨魚右邊係蝦滑, 落鍋煮熟彈牙爽口, 墨魚略淡一點, 鍾意食蝦滑多 d! 純粹個人口味!

桂花蚌: 好新鮮, 灼熟後認真爽, 唔使 "趙" 咁滯!

醉雞: 無咩特別, 煮熟之後酒味無哂, 同普通雞件差唔多!

和牛刺身: 薄切 3 mm, 唔好睇佢薄薄地, d 肉味好濃! 唔好灼, 點小小酸汁加塊蔥, 簡簡單單已經夠了! 不過下次我會叫多碟肥牛好過牛刺身啊!

伊麵: 最後煮埋個伊麵食, 意圖整飽自己, 不過係失敗! 結果都係要去旺角掃街...

埋單三人七百幾, 下次試下牛姜, 牛翼..., 因為牛皇星 d 肥牛真係好食啊! 間鋪分兩層, 對面街都有一間。

環境: 2.5 (唔算新淨, 第二層入口仲有滴水...)
衛生: 2.5 (近廚房位附近地下好多水...)
服務: 3 (待應極之忙, 不過態度好好; 尤以門口兇神惡剎既哥哥為例, 比班食客問左好多次: "仲有幾多個先到?" 都好有禮貌應對!)
設計: 3 (menu 既 hot item 有相, 算清楚!)
味道: 4 (牛肉質素真係好, 其他野食未試真, 不過整體都唔錯!)
價錢: 2.5 (牛刺身同肥牛每碟百四五)

最終評分: (3.5) 牛皇星, 店如其名食牛好味! 如果食厭其他大路打邊爐, 又鍾意食牛既, 不妨一試!

今日阿爸生日，諗住打邊爐慶祝
之前睇過d飲食雜誌介紹佐敦區既打邊爐
我地就誤打誤撞入左間牛皇星

我地叫左幾樣野，包括
重點：牛肉，佢份menu有好多選擇，例如有分邊位、頸位、脊位、牛肉粒等
但可惜我地order既時候，佢話『所有』都無！！！
『所有』？佢地話d貨唔靚所以唔入，今晚只有雪花肥牛
無計，照order左一客先
諗住雪花牛無咩特別，結果係無期望之下
d牛肉好好食，肥瘦適中，食落去有肥膏既香味但唔"漏"，無渣

另外仲有
一客大刺身拼盤---很差，首先種類很少，得三文魚、八爪魚、希靈魚、北寄貝同"裸"肉，不太新鮮，始終唔係食日本野既地方，只不過阿爸想食先order，未試過既朋友不建議order
珊瑚蚌同貴花蚌---都很爽，好味
墨魚滑拼蝦滑---這個很好吃，很彈牙，好明確係有俾心機打到起膠
古法避風塘炒"顯"---不太入味、但"顯"肉很鮮
脆骨腩---呢個都好好味，細妹爭住食〝結果encore左兩次
另外一d基本野，菜呀同個烏冬個d啦

六個人食埋單$1280
但最唔好係d人見你停晒手就開始黎執野，跟住仲好快上生果
上完生果無幾耐又叫你埋埋張單先，呢點服務就弱左好多
破壞晒對呢間店既好感

但以味道黎計，都可以一試既

同朋友預祝生日, 朋友揀左黎呢度打邊爐
佢食過幾日, 但我同另一位友人都未食過
去之前打電話 book 位, 8時半, 之後朋友話想改早, 再打電話8時
當日朋友話可能會遲, 再打電話改8時半
之後友人8 時黎到, 所以去到又話提前可唔可以入座, 最後都可以
時間改完又改, 不過舖頭方面都無黑面, 可能閒日唔多人, 所以都無咩野
朋友話芫茜皮蛋湯底好, 不過友人唔鍾意芫茜, 最後揀左醉雞湯
雞同湯底係分開, 自己落, 有半隻雞左右, 十分足料
醬料除左豉油仲有蒜粒, 蒽絲, 辣椒粒, 自己落
牛姜, 好有咬勁, 有幾舊放左落去, 臨尾先撈上黎, 肉質幾乎一樣
牛肩, 好有牛味, 好多脂肪, 呢個較好味
牛翼, 呢個較淋, 但無咁肥, 牛味亦無咁重
蝦滑墨魚滑, 呢個十分彈牙, 墨魚味好鮮味
白鱔片, 薄薄一片, 拖一拖就食得, 鮮味, 爽, 不過有少少骨
炸腐皮卷, 拖一拖, 充滿湯汁
炸魚皮, 即叫即炸, 拖一拖, 熱辣辣又脆, 少食炸魚皮既我都覺得唔錯
醬爆鯊魚丸, 比較普通
蘿蔔, 浸左好耐, 不過都唔係好淋, 鍾意食蘿蔔既我, 覺得好似麻麻
粟米, 幾清甜下, 唔錯
皇帝菜，味道似唐HO菜, 朋友話唔錯, 不過唔係太合我口味
竹庶茅根水, ok, 幾清甜下
由於唔算好多人, 所以三個人坐六人座位, 比較舒服