出糧請食飯。因為我o地家族鍾意食自助餐，所以聽佢地話去左依間。

去「日航」食，唔多唔少都有d 「和食」ge expectation。老實講依餐ge野食就冇咩日本feel la，有d失望 ~ 不過話晒係尖東食buffet lunch，依度ge索價同食物素質都算合理。

之前ge食評都講過，食放題/任食最緊要係食得「有層次」。見到咩想食就攞盞食緊咩都唔知。以下之序係小弟ge小小心得:

湯品 ---------- 中西湯均有，但切記試飲一款(半碗)好啦。一舨西湯都離唔開忌廉湯ge變化體，比較穩陣。小弟都揀左西湯，唔錯ge

海鮮(冷)及冷盤 ---------- 簡簡單單，款式唔多但各類俱有。水準standard，只是其中「燒牛肉」比較出色。

刺身 ---------- 雖只有三款但選料新鮮、上乘。三文魚尤佳。如果唔係魚生fans，每款一兩片就夠了。Btw, 只有魚生飯冇壽司食令人失望

海鮮(熱) ---------- 做得最好ge一味係焗蠔。良庖「因材施製」，新鮮ge生蠔梗係「生食」啦，所以依度ge「焗蠔」選料較次亦在情理之中。焗得啱啱好，醬汁亦能帶出蠔味，必食之選

肉類熱葷 ---------- 好多buffet都有Sunday roast 式 ge 牛扒、豬柳、火雞等烤肉供應，但依度「冇扒切」 雖然「鐵板燒」由風趣印度廚師主理，加番唔少分，但係可以燒ge 野就比較「下價」啦 其他熱葷亦較同價buffet 遜式，無疑係最弱ge一環。

關東煮 ---------- 算係特色野啦 關東熟比較清淡，最好係食完濃味ge熱葷之後食佢兼飲少少湯清清口腔雜味。依度ge 「蝦餅」ok ge，夾多件白蘿蔔同兩片牛展就夠啦~

泡飯 ---------- 選料自由配搭，小弟揀左元具、蝦仁、雲吞等，不過不失啦~ 兩個人share一鍋就夠晒啦~

甜味 ---------- 款式及賣相均比較遜式。 小弟只試左半件cheese cake，味道還可以。

生果及餐茶 ---------- Standard 水準。


總括來講，依度唔係冇野食，烹調方法亦可以ge，但係食材方面就普通左d啦。 如果唔係位處尖東酒店區，唔值依個價(就算東亞卡有75折)law~ 相信有排都唔會去，建議Café Serena集中火力，搞好d有日本等特色ge菜系好過啦! 期待進步

因為有employee benefit，所以有一餐Free的Dinner buffet
不過奇怪D的係得自己一個人食
今次係我第一次食nikko的buffet，食得唔算多，但已經好飽。

Sashimi：新鮮！不妨食多D

海鮮方面：我揀左 白酌花蛤&瀨尿蝦，幾鮮味！

關東煮：我鍾意佢個湯，但D料可能浸得耐，有D淋。

好鍾意佢的甜品啊！好靚！ 蛋糕預先切好一件件係碟上&用雪櫃雪住佢地。
有4款Häagen-Dazs 雪糕，唔錯！

下次我都係留多D quota專攻甜品！！！

下午的時候，亞嫂打電話來話晚上去日航食自助餐，真係開心。晚上７點到達，就現場所見，都好多人，都有８成滿。睇到有好多野食，放低手袋，第一時間出去睇下有咩食，不過今日由於工作上有點兒不快，所以全晚都不是食好多，其實食物的味道應該不錯，只是心情有點被影響，呵呵

蝦天婦羅：一定要食，一點都不油膩，而且外脆內熱，加一點蒜蓉醬（橙橙地色），好好食
蒜香牛柳粒：細細粒，容易食。好鮮牛肉的味道，不會好硬，不過食多會滯
黑豚豬扒：又係一個好好食既豬扒，不會好肥，而且帶小小根，好好
海膽炒飯：不錯，不會油膩
印度油酥餅：可能放耐咗，有點硬，不脆，配咖哩，是一個很好的配對
清酒煮硯：所見到的，全都是硯殼
芝士焗蠔：凍咗，不太好食，不過都幾香，應該熱既時候，會好食ｄ，不過蠔身太瘦
有一個湯係自己選配料俾佢煮的，個湯太鹹了
甜品食咗：焦糖燉蛋、Tiramisu、芝士蛋糕、栗子蛋糕,

可能心情不太好，所以無咩mood試晒佢地啦．．唉，因為佢地話Ｄ甜品好好食！算啦，等下次去食先補償番啦．我最鍾意這裡的蛋糕切到細細份,，而且個別地放入雪櫃，一來可以保持溫度，而來又乾淨，唔會俾人亂咁切，很好的做法。餐茶來到既時候，我地出咗去攞Haagen Dazs雪糕食，今晚有４種口味，朱古力、士多啤梨、草莓、夏威夷果仁


我地都覺得比起洲際，實在抵好多，其實唔好話抵唔抵呀，最主要既係，我地都覺得日航既食物比起洲際的都還要好，洲際主要係有個海景睇、有竹生翅、生蠔、多ｄ種類的魚生。可能個人喜歡熱盤多過魚生，所以會喜歡日航多一點，不過最主要既係，洲際唔知幾時開始實行咗分兩個時間，食得兩個鐘，好似好趕咁，同埋又難book位，所以好來都無去洲際食....

用HSBC埋單有８折，８個人加埋tips合其港幣2,500，謝謝亞嫂

終於到我三字頭啦!!有心人話帶我去食日航Buffet佢地個度有生日優惠!一心去試下熱食!!一去到坐低.WAITRESS姐姐就送左柸金桔檸檬既歡迎飲品俾我地.勁開胃!之後再試下D食物!!
頭盤: 和風薯仔海膽沙津 沙津BAR; 甜煮南瓜 凍豆腐
凍盤:長腳蟹,青口,龍蝦仔, 好新鮮.Refill速度都好快!但無生蠔失色左D
熱盤:精彩啦!!清洒白蜆 西京燒銀雪魚,蝦天婦羅海膽炒飯仲有好多如:燒牛肉, 蒜香牛柳粒, ………
但本人極力極力推介:咖喱 x 薑味拉茶 x 即做熱騰騰既油酥餅!!
因本人唔係太愛甜品,所以只係食左生果!!有6款大路生果都好新鮮!!
最後有心人因為同我同月所以大家都有生日折扣!我30歲有30%0FF,7折………有心人32有32%OFF,68折 好抵呀!!我地仲問一百歲就唔駛錢??WAITRESS話最高好似86歲婆婆食過呀!!咁埋單都幾廿蚊!!最後沿住海旁行返去尖咀好浪漫,也為我呢個正日生日既晚上畫上完美句號!

生日月份同埋用匯窿信用卡有折扣, 所以挑選日航, 兩個人埋單都係 $580, 幾抵食. 每人餐前先送上一杯檸檬柚子汁, 好醒胃.

冷盤 - 刺身 / 長腳蟹 / 青口 等等, 都好新鮮.

熱盤 –
中西各一款湯
清酒煮硯, 很鮮甜
芝士焗蠔, 唔膩
蝦天婦羅, 唔油, 超好味
海膽炒飯, 海膽再多 d 會更好
燒栗米, 表面好似好乾, 唔係太差
蝦片, 好脆
咖哩 /印度薄餅 / 關東煮 / 燒牛肉 / 銀雪魚 / 燒金菇牛肉卷等等

甜品 – 焦糖燉蛋 / 豆腐花 / Tiramisu / 芝麻蛋糕 / 朱古力蛋糕 / 芒果蛋糕 / 芝士蛋糕等等, 所有蛋糕切到細細份, 放入雪櫃, 保持溫度又乾淨, 但係唔明個個都讚日航d 甜品好出色, 但本人真係唔覺, 好普通!
唯一食得最多就係 H雪糕, 有4種味道 (朱古力 / 士多啤梨 / 草莓芝士 / Cookie N Cream).

飲料 – 汽水 / 沙冰 (有2種味道, 好酸青檸 / 蕃石榴) / 薑味拉茶, 值得一試, 唔錯

食物選擇少, 但勝在新鮮, Re-fill速度好快, 收碟又快.

星期一仲有師傅即場表演切魚, 跟住可以即時攞去食, 好新鮮.

I almost forget this lovely breakfast during my 2 weeks HK trip. We came here becasuse of breakfast buffet and the Galleria for shopping luxuary goods.

We took West Rail line to TST East and didn't choose Shagri-la or Regal because it were crowded by tourists in their entrance of lobby. Intercontinential may not be a good choice for us. Thus, my wife picked Nippon. Oh, I love Japanese breakfast buffet. It is absolutely funny experience for having japanese style congee or rice as breakfast with many pickles and japanese styled grilled salmon on it.

When we arrived there, it was almost 9:45am, waitness reminded us that we have only 45 minutes before the buffet bar being closed. No problem!

Varity is the most importance for me. There were 6 cereals, 2 milks, 4 kinds of juice, at least 10 types of fresh fruit. The salad bar is so big and I found the japanese seaweed salad which can be found in hotel in Japan. There were a big omlete bar and noodle in soup bar. You can choose the combination you want. Other western style breakfast food, such as turkey, sausage, fried eggs, crispy bacon, hash brown.

My surprise was the cheese plate and olive bar. I wish I can have a glass of wine at that time.

Another surprise was the crorisant. There was little toast oven.

The coffee was "so-so" only but that was not important because the cheese plate was so attractive to me.

After the closure of the breakfast buffet bar, we stayed in the dinning area for coffee and left at 11:45am. The environment was so quiet and only a few visitors. I love the environment.

For those who want to meet your friend in the morning, this cafe is highly recommended.
After that, my wife and I went to the Galleria for shopping. That was another surprise to me. Absolutely another luxuary department store. Even the price was not a surprise, the comfortable environment is as good as those in the downtown.

平時多數去港島區, 例如金鐘 Marriot, Conrad等, 今次與家人去這裡吃自助餐, 估不到尖東有這樣的驚喜！

食物方面, 之前的post 已經不少, 不再詳述。總而言之, 就係未試過一間餐廳的自助餐咁有水準. 雖然冇生蠔, 龍蝦等, 但係你會發覺難得每一樣食品都係烹調得咁美味, 唔係求其比d 野你食. 令你每樣野都好想試, 自己幾欣賞的食品如下：
1. 蝦天婦羅 (你唔試就走寶！)
2. 海膽炒飯
3. 長腳蟹
4. 美式板燒牛柳粒
5. 美式板燒栗米
6. 咖哩(有兩種) 及薄餅 (即整的)

反而想提另一樣野, 就係這裡的服務:
1. 在拍家庭照時, 一位服務員站在我身邊, 仲以為佢係等執台tim, 原來佢係等候一個空檔, 然後主動地幫助我們拍照留念. 呢樣野雖然係好小事, 但就好睇到D 員工好細心. 使客人印象深刻。
2. 好多時食自助餐, 都要排隊排到死, 尤其係好食o既野, 真係好多人, refill 又慢, 唔知係唔係成本問題, 驚死你食咁多； 佢呢度有樣好好, 就係 食物的Re-fill 好快, 都唔須要點排隊. 食得好舒服, 呢樣要讚！

好搞笑的：呢度仲有爆谷, 同埋真正的綿花糖 (要用部機轉出黎o個D, 一絲絲的), 呢兩樣要出餐廳門口, 問佢, 佢會比你的. 自助餐係包左. 雖然唔係咩貴價野, 不過都整得幾好食.

之前食過日航既tea buffet，覺得唔錯，尤其係甜品好得。上星期適逢honey生日，於是揀左呢度同佢慶祝生日!

環境方面：

起初電話reserve 時，waiter 話得番門口加位，當堂有點失望! 不過，好彩黎到，唔係坐門口，二人枱又夠大，可以足以擺到2, 3隻大碟，幾隻細碟。環境幾舒適，就算隔離枱有一枱大約8-10人既講家鄉話既人士都唔覺嘈。

食物方面：

未攞野食前，先每人一杯檸檬汁，即刻胃口大開!

頭盤：
長腳蟹、青口、龍蝦仔、壽司、翅身
長腳蟹、青口很新鮮，長腳蟹同龍蝦仔亦很鮮甜，同honey 食左長腳蟹2大碟 壽司同翅身都ok，不過翅身款式不夠多。
芝士焗蠔：芝士汁唔膩，good!

主菜：
碗仔蛋：唔錯，碗仔蛋很滑。
清酒煮硯：很鮮甜! 第1 次去攞時，好快俾人掃晒! 不過，隔左一陣，已經refill 好!
燒牛肉：本身唔好食牛肉，不過一場黎度，試少少啦! 不過不失!
炸物：炸番薯，都ok。
咖哩雞、海膽炒飯、天婦羅、關東煮、車仔麪等... 由於要留肚食甜品，冇食!

甜品：日航出名甜品，當然好多我都有食啦!
豆腐花：很滑，配埋黃糖，正!
焦糖燉蛋：至愛，吃了2碗，滑得黎甜味剛剛好!
斑戟：好味!
雜果西米露：比較甜!
榴槤布甸：好香榴槤味，唔錯!
抹茶紅豆布甸：good!
蛋糕：最鍾意蛋糕切到細細件，放入食物櫃內，感覺上乾淨d， 又唔會俾人切到爛晒! 最好食係朱古力蛋糕，朱古力唔會甜到膩，Tiramisu都ok!
啫哩：夠彈牙!
雪糕：有4款- haagen dizs (士多啤梨、朱古力、Vanillla、Nuts)。隻隻味都好味! 配以脆糖、士多啤梨汁，good~
無梳乎梨就失色左d

飲品：
沙冰：任飲，有番石榴同青檸2款，個人覺得番石榴釨飲d~
汽水任飲，仲有餐飲乙杯。
拉茶：好少buffet 有拉茶，都真係幾辣，好薑味，試少少無妨。

價錢方面：

餐廳做緊優惠，只要係8, 9月生日，都會按年紀而享有折扣! 由於honey 係8月生日，所以有優惠，至於無折扣既我，因為用匯X 銀行簽帳，所以埋單都有8折優惠!

daddy suggest 去試下日航的 dinner buffet ....
我就去之前上OPENRICE 睇下...好似嘛嘛咁..
但後來俾我發現有個好可愛的得意飯糰波波 搞到我super exciting!
去到...ohh可能個日係saturaday..
非常的多人.但唔緊要.最緊要係D野食姐.
佢個埸都OK細..although 款式都OK多..但行唔夠幾步就會撞到人
要小心喔! especially 係小朋友!

頭盤: 我試左sushi, long leg crab, sum salad, 芝士焗蠔. cold meat
sushi 得幾款 嘛嘛啦..試左就算了.
long leg crab & 芝士焗蠔 唔好食ge, long leg crab super salty, 芝士焗蠔 涷ge 出水了...
cold meat: try 左beef...so so lah prefer 燒牛肉多D

主菜: 我試左燒牛肉, tempura, 海膽炒飯, 糖醋魚塊, 法包.
燒牛肉超好味!!!!又唔un, 正!!!!
tempura- 有蝦, 雜菜, carrots etc. 唔油, 夠脆, 又FRESHLY MADE! 正
海膽炒飯 - ok but 多D 海膽會仲好!
糖醋魚塊 - ma ma
法包- 唔硬.OK!

我仲試左: 得意飯糰波波 (原來係mini version ge sushi飯), ginger拉茶, 鐵板燒, 泠面, 魚生, curry with 薄餅, 日本crab 煲. 牛肉鍋.
鐵板燒一定要食!!!! 有牛柳粒, 豬肉, 雞肉, 燒餅.正..只係個燒餅入面太多紫薑啦...dominate 哂成舊野 only 係咁食到紫薑ge味道..
curry with 薄餅: 真係好味道!!!!!! 薄餅又FRESHLY MADE (係你面前弄TIM!!!)
本crab 煲. 牛肉鍋. ok lah, 你可以choose落咩餸, ok多款俾你choose.
泠面- OK 冇咩特別啦.

甜品 my fav part!!!! ♥♥♥♥♥♥♥♥
E PART我會OK推介..
佢不但一路係咁REFILL..D SIZE又細..顧及到食客未必食得到咁多..
GOOD!
但..我想食GE NEW YORK CHEESECAKE冇再出了 :'(
出了一個類似NEWYORK CHEESECAKE ge CHEESECAKE..有D梨ge 物體係上面.
ewwww 好難食牙!!!
tart類做得非常好!!! 唔稔, 又有butter 味! GOOD X 10000000!!!!
strawberry 唔sour, custard夠滑, 正!!!!!!!!!
涼粉係個juice glass 入面..哈哈搞野!!!

但有一樣野我唔明,,,buffet 應該包括埋ice cream ga ma..
佢就包..但得4種極之行ge味...vanilla, strawberry, chocolate, n nuts
如果想食green tea 味牙...其他好味D GE 就要俾錢..
有D怪怪的..

overall OK ge..
一入到了去就送了一杯juice 俾你.ok lahh..如果唔係concentrated 就好啦
service..not bad, very polite!!!
收碟又快, 笑容OK, 過左SUPPER BUFFET GE 時間都冇趕我地走..hehe
good!

得佑日航有生日月份優惠
9月壽星仔就聯同老爸呢位8月壽星公+母親大人一齊享用日航自助餐的優惠

Cafe Serena 不大, 位置不多
比起其他大酒店的 buffet 餐廳有些少距離
樓底較矮
放食物的地方亦較細
不過整體環境舒適, 光暗度適中(食物區就會較高猛)
窗外望香港演唱會館景, 沒有海景供觀賞

待應服務就夠快手, 通常出去拎食物回來後, 之前的"屍骸"及碟都已收走了
態度亦一流

食物例牌先講海鮮吧
望上去唔多
凍食只有本人至愛的長腳蟹, 龍蝦仔, 青口, 唔多覺眼的嘉菲蟹四種
勝在長腳蟹供應源源不絕, 本身夠鮮味, 夠咸, 唔錯
嘉菲蟹同蟹腳放埋同一碟, 差d走漏眼
只試了一些, 及不上蟹腳吸引
其餘非本人所口, 沒有嚐試

季節關係, 沒有生蠔, 但有焗蠔, 共食了三隻, 不俗!

最吸引都係海鮮湯, 自選海鮮畀師父, 三分鐘後可取
可選材料有蟹腳, 虾, 帶子, 龍蝦仔, 魚片, 金菇等幾類雜菜

魚生有四種, 例牌三文魚, 八爪魚等,
本人只試了三文魚, 夠新鮮, 入口有些即溶的感覺
另外遇有吸引力的飽肚壽司幾款, 吸引力低...

熱身有西班牙海鮮雜燴, 海膽炒飯, 鐵板牛肉(推介), 咖喱雞,牛, 印度薄餅, 銀雪魚, 龍利柳
關東煮, 燒金菇牛肉卷等等
都算是不錯

這餐最好非甜品莫屬
放在凍櫃內, 感覺較衛生
款式多
較特別的竟然榴槤連布甸都有, 大戰兩回(本想再戰多回, 可惜已太飽 )
其他各款吸道都不錯, 最重要賣相吸引

雪糕都是 Haagen Dazs
有四款口味, 士多啤梨, 雲呢拿, 比利時朱古力及忘了一種士多啤梨xxx味的
由於今次甜品太吸引, 只食了一球咁多
汽水可從汽水機任倒, 可惜杯較細
另有兩種沙冰任飲
仲有一去到 餐廳坐低時, 待應已每人端上一杯開胃果汁

由六點半激戰到八點十個字已胃量不繼, 唯有舉手投降, 埋單走人
由於我地兩人都有生日優惠(按年紀減相對的百分比), 加上獅子錢莊信用卡有八五折
連母親大人都有折扣
最後三人不超過八百滿載而歸 (更可順路試試在尖東站搭西鐵 )

我睇完之前個篇野, 真係嚇死我, 因為我同成班同事約左同老闆係度慶祝生日, 仲係我揀tim..如果唔好食.. 就死啦...

好彩, 今日我地一行7人lunch buffet, 食得好開心, 因為d野食雖然唔係勁多選擇, 但係味道好好, 環境cosy, 唔會好似d buffet 大場咁, 雖然好多野食, 但係樣樣都要排隊, 又嘈, 依度好舒服ah..

講番野食, 熱盤就唔只六款, 十幾款都有, 不過有d放埋一個heater, 又有粥檔, 又有雲吞, 又有超好食飛餅, 仲有刺身, 壽司, 沙律, buffet位置係好集中, 可能令人以為好少野食, 我就覺得係行來行去個個位的錯覺, 甜品非常好, 一個buffet的好壞, 好在乎甜品, 曾經去過好多酒店食自助餐, 甜品都係好差, 日航的水準就好穩定。

仲有, 唔係好多地方食到的關東煮, 依度都有, 湯底非常好味。仲有呀, 有麵檔, 滾熱辣, 又有海鮮檔。

200蚊有找, 好抵呀。

之前食YAMM貴夾唔飽

於是正日再去日航食　果然冇令人失望

魚生係冇YAMM咁多款同新鮮 但係蟹腳真係贏9條街都有...有海水味同鮮味的

芝士焗蠔好好食

佢地又有做牛肉..但日航係美國牛..金菇牛肉卷同即炒牛肉粒朋友大讚好味 又係好過YAMM好多(此人亦有去YAMM食過貴貴BUFFETT)

海膽炒飯真係有海膽 我食過好幾件完整海膽呢

天婦羅唔錯 都係即炸

埋單每人三百 真係抵食又好食....自己生日或有朋友生日一定要去

團友瘋狂掃貨後,是日晚餐為大老闆請食buffet, 一行數人坐著七人車向日航出發, 有點柴娃娃去旅行的感覺。

佔據食物桌附近的十人長桌,相當壯觀! 侍應有禮地送上一杯像柑桔檸檬的冰凍飲品,味道酸酸又夠清新的飲品,真能打開胃口,dinner buffet我來也!!

巡視一週後,食物款式也不少,除了如小龍蝦、蟹腳的海鮮吸引視線外,還有即煮湯麵、天婦羅、即煎扒類和印度烤餅counter,其中最最吸引視線的還是那滿滿的甜品雪櫃。

芝士焗生蠔雖然體積不大,焗香後蠔身依舊質感幼滑還算肥美,芝士味道不太濃, 焗得夠金黃香口,怕吃生蠔又想吃的我最合何車;

羊髀切成薄片,吃來仍有羊味但不過份,肉質帶少量肥肉,更為甘香,不俗;

天婦羅炸蕃薯極為甜美,炸漿弄得夠薄,蕃薯入口即溶又夠甜,好吃;雜菜蠔餅炸得脆口,蔬菜切得幼細但味道卻不及日前聯邦皇宮那炸芋絲吸引;

為了增加纖維就來碗燙青菜,幾款蔬菜翠綠地展示著, 選了韮菜花及皇帝菜,韮菜花幼嫩青綠,細心地切成一吋長的尺寸方便客人進食,菜花雖細嫩但沒太重甜味,有點兒失望; 皇帝菜味道特別,應該不是太多人懂欣賞吧?!自助蠔油味道夠咸, 用來蘸沒甚菜甜的菜花就很相配。用上很有農家氣息的大雞公碗盛載,要是外籍客人見到會很開心;老闆們點的雲吞麵似乎很像樣,湯味飄來也有點點舊式雲吞麵湯頭味道。

吃過中式蔬菜,再來個西式沙律,沙律菜新鮮無比,還有嫩綠菠菜! 澆上橄欖油和黑醋代替,黑醋味道很酸,難道知道我胃口不算好,幫我一把??還是喜歡甜味較重的黑醋哩!!加上香脆麵包粒和碎碎芝士粉, 自製一碟凱撒沙律,結果引來團友一問"就咁生食菜??唔駛煮??"

三文魚油潤鮮美,從外表看來也覺得很對眼,只是所配豉油很咸,wasabi又未夠攻鼻,稍為失色。

鮮菇炆鴨掌貪得意來一份, 用上鮮菇代替冬菇來煮,香味一定不能跟冬菇相比,鴨掌大大隻,老闆娘一看已說炆得不入味的,果然!! 鴨腳板淋淋但沒味道的,就算蠔油汁是頗濃味也幫不了忙;

日式蔬菜煎餅塗以日式燒汁,味道甜甜的很對味; 蔬菜切成幼絲混以麵粉之類煎成,味道是不賴但最好一起分甘同味,一個人ko掉真的好飽肚!!

走走玩玩之際見到有拉茶!! 貪得意向印籍廚師要杯走甜,誰知他笑笑的給我一小杯試飲,那道薑辣味直透胃部,好火辣的感覺!!最終還是要回正常加奶加糖版本。奶茶茶味頗重,就算以港式奶茶尺度去看也很重茶味,而且真的很薑,喝後全身發熱,暖胃非常! 二老闆說比吃大閘蟹的薑茶更薑 印度廚師除了泡製各式印度烤餅/酥餅外,間中還自製他的私房dinner烤餅給客人試試,餅皮煎得脆脆, 包上花生碎和砂糖,又熱又脆的甜餅真的不錯!

吃了印度廚師的甜餅後,即時開動第二個甜胃,向著甜品櫃出發:

芒果蛋糕外表極吸引,是手快有手慢無的款式!蛋糕最底層用上餅底,少有的吃到脆身餅底,大樂! 海棉蛋糕很鬆軟,甜度剛好.配上金黃甜美芒果片,讚讚讚!!

朱古力brownie以小pan盛載,brownie當中有些合桃粒, brownie質感實在,有著頗重朱古力味;誰知餅上那球朱古力 mousse更為利害,甜度比brownie更高,有點招架不來!

芒果pancake即叫即煎,pancake造得有如熱香餅,質感夠軟偏厚,芒果粒仍然超甜美,很好吃但很飽肚的甜點;

梳乎里堅挺如小山般任客取吃,這種梳乎里是有咬口而不是一陣風那種, 加有焦糖關係所以又是很甜,還是喜歡以小盅焗得高高的梳乎里多一些;

焦糖燉蛋的焦糖燒得不夠焦而且每杯的焦香程度不同,焦糖夠甜,但糖層稍厚不夠脆身,敲破糖層時沒有破玻璃快感,失望!燉蛋很甜但不夠幼滑, 不過真的用上香草籽來泡製,只是又沒有什麼香草味,有進步空間。

另一邊的甜品部份除了沒興趣的沙冰外,還有豆腐花。豆腐花有豆味但又不夠幼滑,加上黃糖味道尚可! 只是自己硬是片不到薄薄的豆腐花,還是要多加練習才成。

哈根大師雪糕三款任食,味道是大路的朱古力/ 草莓/ 香草, 這不就是牛奶公司三色雪糕味道??不知怎的這三款雪糕吃來總不及專門店的美味,但不吃又忍不住!最好的地方是雪得夠冰凍,努力狂掘才掘得三小球,訓練手力一流。

水果方面,新鮮菠蘿超甜, 非常正! 西瓜也是紅紅夠甜,不過還是菠蘿較好吃。

buffet還包餐飲一杯, 凍檸檬茶為必然之選!茶色通透很漂亮,加上新鮮夠酸檸檬片及不加糖漿,解膩一流!!

個人認為日航的甜品比咸食出色,流連甜品區的時間比其他為多,不過又很喜歡印度廚師的風趣和友善,令一眾輪候拉茶的食客也等得開懷

6 of us came here for lunch buffet yesterday. While the hotel's location is a bit far off from the rest of TST, it's definitely worth the walk to check the lunch buffet out. There was a good variety of hot dishes and dessert, to the point that all of us were stuffed at the end. We had enjoyed curry with rotti, satay sticks, sashimi (salmon, tuna, tilapia), soup (Chinese and western style), lamb, stir-fry mushroom, duck breast, roast pork, various kinds of noodles, as well as a lot of quality dessert (cakes, ice cream, sago).

Original price is $185 and HSBC cards offer a 20% discount. There's also a promotion with those whose birthday is in July / August. In addition, for every diners, you get a complimentary coupon for weekend tea buffet. What a value buffet that Cafe Serena is offering!