終於都試到呢個期待已久既豆腐花啦～

食完南屏雅叙，行一陣就黎到呢度，
同朋友一人一豌熱豆腐花，加花奶，
真係好滑，好好味呀！

再去澳門既話，一定要再黎幫襯～

其實好多人話冇豆味, 我相信係來貨問題, 老實講 依家邊度仲好有豆味? 而且呢度豆味亦有 只係唔係極濃個隻, 最重要係 熱 凍 都好 豆腐花 宦好滑 真係要試下0架~

行左一段路個肚仔又有空位, 去訪下這間有名的豆腐花。新埗頭街位處橫街雜巷, 真的要有心去才會找到, 由陶陶居向新馬路方向行會見到一間金舖, 轉入去再轉左就見到。
成間舖得三樣東西買: 豆腐、豆腐花和豆漿。豆腐花有熱有凍, 可以選擇加/不加花奶。

要左碗熱豆花加花奶$5: 因為未試過咁食法, 想知道是否滑上加滑。豆花片得均勻, 畢落去又唔會整碎哂, 好滑溜,一入口會自然滑落喉嚨。唯豆味不算太濃。

呢度既豆腐花認真唔錯！我地既兩日一夜澳門之旅，兩日都有黎食返碗。

豆腐花：平時既豆腐花，熱食一般都滑，凍的話就未必。但呢度既凍同熱既豆腐花一樣甘滑！而且店主好知道自己豆腐花既缺點，就係唔夠豆味，所以呢度既豆腐花會比你揀落唔落花奶。落左花奶真係唔同d，因為再滑d香d(如果你唔鍾意奶當然另計)。另外，因為黃豆點整都會仲有d豆青味，所以呢度既豆腐花都係製作過程放左少少薑，但薑味唔重，ok。

總括而言：對奶唔抗拒既食家，一定要落花奶！食凍同食熱都無問題，因為都係甘滑！

後記1：一個平時d土多用黎賣汽水既大雪櫃，呢度用黎雪豆腐花。我地黎兩次，兩次都唔客滿，但相隔一日，一個大雪櫃既豆腐花就賣晒！無他既，又平又有質素，實好賣

後記2：鋪頭位置都幾難找，唔識路都幾難去到。如果你知邊到係佳記麵家的話，係佳記麵家條街之後轉右，向前行就係左手面。如果唔知佳記係邊，就可到同善堂學校，面向學校左邊，一直向前行，行到見到右手邊有間寫住"澳門豬扒飽"(直寫，黃底紅字)既餐廳後，轉入左邊條街，向前行無耐會見到呢間鋪頭係右手邊。

呢度都幾難搵，　好彩係福隆新街附近，第一次搵到，但賣晒，就去左福隆新街補數。

之後再去，一入去，老闆問熱定凍，我們２個人都話凍，就拎２碗過來，好似唔會俾人SHARE咁。
不過５元一碗，而且真係好滑好香，唔一人一碗就笨啦！

見到好幾本旅遊書都介紹過，食評又多笑口，所以去左試下...
因為係橫街，的士都無駛入去，就咁停係新馬路既一個街口，行左入去成個圈都搵唔到，原來個街牌拆左，所以搵左好耐先搵到....
一心諗住，終於行到，睇下有幾驚天地咁好食，坐低，個唔知係老闆娘定伙計就二話不說放左碗凍豆腐花係我前面，我都未話要豆花定豆漿，唔通你知我想食乜野?
再問有無熱既，佢答無，咁算啦，豆花仲加花奶...(有滑幫助嗎?)，一吃，無錯，係滑，但係唔覺有豆味，你話去到好好食咩，我唔覺得，南丫島既阿婆豆腐花都做到呢個效果，唔使去到澳門咁遠，阿婆都係賣六七蚊到姐
可能係介紹得多，我都覺得得唔多優做咁既款，臨走個陣仲唔小心俾佢踩左一腳，隻鞋黑晒，呢D經歷我諗，一次就夠...

離開了吃葡撻的地方，專程回到新馬路另一邊的新埗頭街，找蔡生激讚的豆腐花。

幾經辛苦，也是來到了，又是熱得成身汗，立即入內就座，被安排坐到最入的一張枱，見到老闆不是在舀豆腐，而是不斷在計阿計，計得非常集中。

此處的豆花除了有名的夠薄夠滑外，加花奶也是其獨門的偏方，既然來到，也當然一試，就與女友分吃兩碗熱豆腐花，一碗加花奶，一碗免加，另外再點多一支豆醬喝，因為真的是很口乾。

先吃最簡單的那一碗，沒有糖沒有花奶，所以下了一點糖水，一點就夠的了，因為想吃真豆味，也當然不放黃糖，一下黃糖，豆花的滑溜口感就給毀了，可惜事與願違，少甜不保証你可以吃得到豆味，滑也是挺滑的，但可以說在香港某幾間老豆腐舖，也可吃得到這滑溜程度的豆花，而且豆味會比這裡強，嚴格點說，此處的豆花的豆味真的很薄，不大對版。

再來的是一碗加了花奶的，既然淨吃也是吃不出豆味，何況是下了花奶呢，真大煲，至於滑溜程度也是毫無幫助，本人的見解是如此的，下花奶令食物滑，在固體的食物來說，通常是被用在布甸上的，但布甸本身理應是沒有被任何水包圍的，只是其內在有水份而已，絕不會是水汪汪的，所以花奶變成了每羹固體布甸的潤滑劑，以使布甸更滑，但現在的豆花已經是被液體所包圍，花奶的用處真的是成疑。

最後的豆漿又如何？點了無糖的，要上十元一支，若是好喝的也沒什麼關係，最慘的是原來是惡夢的開始，本人不愛浪費食物，但對着這支凍豆漿也是只好搖頭嘆息，除了沒甚豆味外，而且在無糖無掩飾的作用下，更有一種說不出的怪味，使我在其後帶着它走逛的兩小時，也可以喝不光它的，最後要放棄置了，有點可惜，但真的是受不了。

不知道是否明星效應吧！但今次我也真的吃不消，急走去買手信當溝貨吧。

好耐無黎李康記食豆腐花了. 今次特意安排到一到.

坐低後, 都未叫伙記埋黎, 伙記已經拎住一盆幾碗豆腐花埋黎問我地要三碗定四碗...咁岩我地要三碗, 佢就將佢手上既豆腐花放低俾我地喇...

暖暖地既豆腐花, 望落已經覺得好滑, 加上花奶直頭超滑啦. 不過對奶無興趣既我就無落奶啦. 就咁食都好好味!! 自助加糖水, 可以控制甜度, 仲好啦~ 不過搞笑在連豆奶都係自己加糖水呀!!

五蚊碗豆腐花, 去邊度搵? 香港都要DOUBLE價錢啦. 所以好抵呀!!!

食完粥，李康記不算遠，於是又去食豆花。

豆花加了花奶，口感更滑。總覺得豆花要熱吃，奈何天氣太熱，叫了凍豆花，也不差。豆味不算最濃，但也合格了，更何況豆花實在滑溜非常？

豆漿豆味較輕，香港有更好的。

好的豆腐花，香港也有不少；加奶而好吃的，只在澳門有？

上次來吃豆腐花是復活節假期。
那次「落狗屎」, 不知是否千辛萬苦才找到這間舖, 所以覺得這裡的豆腐花特別好吃。

今次來吃, 認得路。不用左轉右轉。
來到一坐下, 氣還未回,
店員A不耐煩地問我們﹕「四碗呀~」
本人優閒地﹕「等等先~」
店員A不耐煩AND帶點勞氣地回答﹕「等陣我唔得閒既時候, 你叫我都唔理架!」(實質說話真的忘了, 但大概義思是「我依家問你幾多碗, 你話等。等陣到你想叫既時候, 你叫我, 我唔理你, 你唔好後悔。」
本人優閒地﹕「得! 無問題~ 慢慢黎~ 等到你得閒先叫」

隔了陣子,

店員A像忘了剛才之對話, 不理我們要什麼。
繼續說﹕「要幾多碗？ 花奶要唔要？」
在她「熱情」下, 我們要了四碗豆腐花。後來多要了一杯豆漿。



---------------------------
我只可說，當天沒有高朋滿座。當時有幾位外賣客人，店員A很肉緊。我沒有吹她, 她反過來吹趕我。

而且, 原來豆腐花沒有熱食, 全部也放進雪櫃裡。

記得4月來的時候, 店員中有一個是新抱。(為何得知？因為每每客人要付錢時,她也會向辦公桌的男士叫﹕老爺，收$XX) 新抱今回不見了, 可能是要湊BB吧~ 店員新抱的服務態度非常好~ 很NICE!!

OKAY! 說回豆腐花, 很滑, 滑得像綿花一樣。本人吃豆腐花一向不愛加糖, 只吃原味, 因此更能感覺豆腐花的豆味欠奉。
而豆漿也沒有豆香, 好處是豆漿沒有預先加糖, 因此客人可因自己口味即時加添糖水。

總結來說, 我相信之前於復活節所吃到的好味豆腐花只是因為太千辛萬苦找路之故。

7-8-2009

落船 settle down 後仲未天黑, 先搵路到上次食唔成的呢間豆品店消消暑.

朋友食凍豆花 ($5): 試了一啖, 滑係好滑, 但食唔到豆味 -- 原來唔出聲的話, 係會好多花奶的! 講真, 難食就一定唔係, 但無豆味的豆花, 我就絕對唔喜歡. 豆花唔係滑就大晒的, 返香港食廖同合 (http://www.openrice.com/restaurant/commentdetail.htm?commentid=1988240) 好過啦

我杯凍豆漿 ($4) 就好 d, 甜度唔高, 豆味叫有, 但仍然離「濃郁」有一段距離, 加上有點嚡口, 麻麻哋. 不過朋友食完豆花再試一啖豆漿, 就話「好豆」...

每人放低幾蚊, 平係好平, 但實在失望, 後會真係未必有期了.

看地圖找了一段時間才找到．．．
好不容易找到了李康記～看見店舖真的如獲至寶一樣！

三人分別一人一碗冰凍豆花，另外還要了一杯豆漿！
大熱天時食真的透心涼！

豆腐花很滑可加花奶，但是沒加花奶本身都好好味！

豆腐花(MOP5) , 豆漿(MOP4)

吃完粥, 下一站就係吃豆腐花飲豆漿. 行過來頤德行都好近, 幾分鐘就到. 早晨來到, 只有斷斷續續的人客來外賣, 堂吃的就只有我們二人.

豆腐花: 9分, 店主還在畢緊豆腐花, 問我們要凍定熱, 那當然要最新鮮, 暖暖的豆腐花. 一路看表現一路吃, 一樂也. 豆腐花係真的極滑溜, 也好像沒有吃過更滑的豆腐花了. 至於豆味, 小弟覺得還足夠. 也下了花奶, 相當香甜, 花奶配上滑豆腐花, 一流, 很喜歡這個花奶加豆腐花的組合. 大熱天時, 除了喝汽水, 吃碗豆花, 更加消暑.

豆漿: 9分, 平日不太喝豆漿, 是日也把大部份的留給文迪, 只喝了兩口, 覺得相當濃郁, 不會太甜, 也應該要試的.

這裡的豆腐花真的出色. 來得新馬路, 沒有不試的理由. 至於其他人談及的衛生問題, 我們所見也不是有很大問題. 這些傳統的店子, 還是值得支持的.

豆腐花 $5 + 豆漿 $4 = $9

李康記的豆腐花早已在各大旅遊書出現, 年初農曆新年摸了門釘, 今次卻是第一站到來, 還了朋友心願.
星期六的早上, 新埗頭街仍是一片寧靜, 主理人李先生正在處理每日新鮮造的豆腐花.
要了兩碗豆腐花, 一凍一熱.

大慨是早上新鮮製造兩碗溫度相差不多, 這裡的豆腐花可以加上淡奶. 味道提昇了不少; 豆腐花是滑版, 少了豆香.
豆腐花就是有兩難之處, 一是滑得很少了豆香, 一是有豆香但不滑溜.
桌上還有一壺薑汁, 客人還可以隨意加添.

$5 一碗, 便宜得發笑, 向下一站進發.

因之前睇電視 "蔡生" 介紹, 所以一心要嚟試吓,到達店舖已經是下午時份, 我選了"涷"的豆腐花 (因"熱"豆腐花只在早上才有售), 我沒有加花奶, 不見得豆花特別滑 & 沒有豆味, 真係好失望呀!